பொருளடக்கத்திற்கு தாண்டவும் | Skip to navigation

Vikaspedia

பகிருங்கள்
கருத்துக்கள்
  • நிலை: திருத்தம் செய்யலாம்

கால்நடை இனங்கள்

பால் பண்ணை, பாரம் இழுப்பு மற்றும் இரட்டை நோக்கங்களுக்காக பயன்படுத்தப்படும் மாடுகள் மற்றும் எருமை மாடுகளின் சுதேச மற்றும் அயற்பண்புள்ள இனங்களை இங்கே விளக்கியுள்ளனர்.

கறவை இனங்கள்

சாஹிவால்

  • அதிகமாக பஞ்சாப், அரியானா, உத்திரபிரதேசம், டெல்லி, பீஹார் மற்றும் மத்திய பிரதேச மாநிலங்களில் காணப்படுகிறது.
  • பால் உற்பத்தி - கிராம சூழலில்1350 கிலோ
    - வணிக பால்பண்ணை சூழலில்: 2100 கிலோ
  • 32-36 மாதம் முதல் கன்று ஈனுகிறது
  • கறவை கால இடைவெளி - 15 மாதம்.

கிர்

  • தெற்கு கத்தியவாரில் உள்ள கிர் பகுதிகளில் அதிகமாகக் காணப்படுகிறது.
  • பால் உற்பத்தி - கிராம சூழல் : 900 கிலோ
    வணிக பால்பண்ணை சூழல் : 1600 கிலோ

தார்பர்கர்

  • ஜோத்பூர், கச் மற்றும் ஜெய்சால்மர் பகுதிகளில் அதிகம் காணப்படுகிறது.
  • பால் உற்பத்தி - கிராமசூழல் :1660 கிலோ
    – வணிக பால் பண்ணை: 2500 கிலோ

கரண் ஃபிரி

ஹோலஸ்டின் பிரிசின் காளையின் விந்தைக் கொண்டு, செயற்கை முறையில் இராஜஸ்தானின் தர்பார்கர் பசுவுக்கு செயற்கை முறையில் விந்தினை செலுத்தி உருவாக்கிய கலப்பின இரகம் கரண்ஃபிரியாகும். தா்பார்க்கர் பசுக்கள் சுமாரான அளவு பால் கறக்கும் பசுக்களாக இருந்தாலும், அவை வெப்பம் மற்றும் ஈரப்பதம் மிகுந்த காலநிலைனய தாங்கும் சிறந்த தன்மை வாய்ந்தவை.

இரகத்தின் சிறப்பியல்புகள்

  • பசுவின் உடல்பகுதி, நெற்றி மற்றும் வால்பகுதி கறுப்பு மற்றும் வெள்ளை நிற பற்றுகள் நிறைந்திருக்கும். மடியானது கறுத்தும், காம்புகளில் வெள்ளை நிறமும், தடித்த பால் நரம்புகளும் காணப்படும.
  • இந்த இரகமானது மிக சாந்தமாக காணப்படும். பெண் கன்று, ஆண் கன்றுகளை விட மிக விரைவாக வளர்ச்சியடையும். 32-34 மாத வயதில் கருவுற தொடங்கும்.
  • சினை காலமானது 280 நாட்கள் ஆகும். கன்று ஈன்று 3-4 மாதங்களுக்கள் மீண்டும் கருவுற தயாராகும். ஆனால் ஏனைய வட்டார இரகங்கள் கன்று ஈன்று மீண்டும் கருவுற 5-6 மாதம் ஆகும்.
  • பால் அளவு : கரண் ஃபிரி பசுக்கள் ஒரு வருடத்திற்கு 3000-3400 லிட்டர் பால் வரை கறக்க வல்லவை. நிறுவன பண்ணையில் இந்த பசு இரகத்தின் சராசரி பால் கறக்கும் அளவானது 3700 லிட்டர் ஆகும். பாலின் கொழுப்பு சத்து அளவு 4.2 சதவிகிதம் ஆகும். இதனுடைய கறனவ நாட்கள் 320 நாட்கள் ஆகும்.
  • இந்த இரகத்தினை நிறைய பசுந்தாள் தீவனம் கொண்டும் மற்றும் சரிவிகித செறிவான உணவு கவவைக் கொண்டும் ஊட்டச்சத்து அளித்து வந்தால், ஒரு நாளுக்கு 15-20 லிட்டர் வரை பாலினை அளிக்கும். பாலின் உற்பத்தியானது நாளுக்கு 25-35 லிட்டர் வரை (முக்கிய கறனவ நேரங்களில், அதாவது கன்று ஈந்த 3-4 மாதங்களில்) செல்லும்.
  • அதிக கறவை அளிப்பதனால், இந்த இரகமானது பால் மடி வீக்கம் மற்றும் கனிம பொருள் பற்றாக்குறை போன்ற நோய்களுக்கு எளிதில் ஆளாகும் வாய்ப்பு உள்ளது. ஆனால் அதனை முன்னரே கண்டறிந்தால் எளிதில் குணமாக்கலாம்.

கன்றின் விலை

மாட்டின் கறவையின் திறம் பொறுத்து, புதிதாக ஈன்ற கன்றானது பொதுவாக 20,000 - 25,000 ரூபாயில் கிடைக்கும்.

மேலும் தகவலுக்கு
தலைவர்,
கறவை மாடு இணவிருத்தி துறை,
தேசிய பால் ஆராய்ச்சி மையம், கர்ணால், ஹரியானா 132001
போன் 0184-2259092

சிவப்பு சிந்து

  • பஞ்சாப், அரியானா, கர்நாடகா, தமிழ்நாடு, கேரளா மற்றும் ஒரிசா பகுதிகளில் அதிகமாகக் காணப்படுகிறது.
  • பால் உற்பத்தி - கிராம சூழல் :1100 கிலோ
    – வணிக பால் பண்ணை : 1900 கிலோ

கறவை மற்றும் பண்ணை வேலைக்கான இனங்கள்

ஓங்கோல்

  • ஆந்திர மாநில நெல்லூர், கிருஷ்ணா, கோதாவரி மற்றும் குண்டூர் மாநிலங்களில் அதிகமாகக் காணப்படுகிறது.
  • பால் உற்பத்தி - 1500 கிலோ
  • வண்டி இழுப்பதற்கும், உழவிற்கும் காளை மாடுகள் ஏற்றதாகும்.
ongole2

ஹரியானா

  • கர்னால், ஹிசார் மற்றும் குர்கான் மாவட்டங்கள் (ஹரியானா), டெல்லி மற்றும் மத்திய பிரதேசம்
  • பால் உற்பத்தி : 1140 - 4500 கிலோ
  • வேகமான உழவிற்கும், சாலை போக்குவரத்திற்கும் காளை மாடுகள் ஏற்றதாகும்.

கங்ரெஜ்

  • குஜராத் மாநிலத்தில் அதிகம் காணப்படுகிறது.
  • பால் உற்பத்தி - கிராம சூழல் : 1300 கிலோ
    - வணிக பால் பண்ணை : 3600 கிலோ
  • 36 - 42 மாதம் முதல் ஈனுகிறது.
  • கறவை கால இடைவெளி : 15 - 16 மாதங்கள்
  • காளைகள் திடமாகவும், வேகமாகவும், சுறுசுறுப்பாகவும் வேலை செய்யக்கூடியவை.

டியோனி

  • ஆந்திர மாநில வடக்கு மற்றும் மேற்கு பகுதிகளில் அதிகம் காணப்படுகிறது.
  • பசுக்கள் கறவைக்கும், காளைகள் பண்ணை வேலைக்கும் ஏற்றதாகும்.
cow2

பண்ணை வேலைக்கான இனங்கள்

அம்ரித்மஹால்

  • கர்நாடகாவில் அதிகம் காணப்படுகிறது.
  • உழவிற்கும், போக்குவரத்திற்கும் நன்கு ஏற்றதாகும்.
amrit2

ஹல்லிகார்

  • கர்நாடகாவின் டும்கூர், ஹாசன், மைசூர் மாவட்டங்களில் அதிகம் காணப்படுகிறது.

ஹில்லர்


காங்கேயம்

  • தமிழ்நாட்டின் கோயமுத்தூர், ஈரோடு, நாமக்கல், கரூர் மற்றும் திண்டுக்கல் மாவட்டங்களில் அதிகம் காணப்படுகிறது.
  • உழவிற்கும், போக்குவரத்திற்கும் ஏற்றதாகும். நல்ல கடுமையான சூழ்நிலையை தாங்குகிறது.

அயல்நாட்டு கறவை இனங்கள்

ஜெர்சி

  • 26 - 30 மாதம் முதல் ஈனுகிறது.
  • கறவை கால இடைவெளி : 13 - 14 மாதங்கள்
  • பால் உற்பத்தி - 5000 - 8000 கிலோ
  • ஜெர்சி இனம் ஒரு நாளுக்கு 20 லிட்டர் பால் கொடுக்கிறது.
  • ஆனால் ஜெர்சி கலப்பினங்கள் ஒரு நாளுக்கு 8 - 10 லிட்டர் பால் கொடுக்கிறது.
  • இந்தியாவில், இவ்வினம், வெப்பம் மற்றும் ஈரப்பதம் நிறைந்த பகுதிகளில் நன்கு ஒத்து வாழ்கிறது.
jersey

Holstein ஹோல்ஸ்டீன் ப்ரிசியன்

  • இவ்வினம் ஹாலந்து நாட்டைச் சார்ந்தது.
  • பால் உற்பத்தி 7200 - 9000 கிலோ
  • பால் உற்பத்தியைப் பொருத்த வரை, அயல் நாட்டு இனங்களில் இது சிறந்ததாகும். சராசரியாக ஒரு நாளுக்கு 25 லிட்டர் பால் கொடுக்கிறது. ஆனால் கலப்பினங்கள் 10-15 லிட்டர் பால் கொடுக்கின்றன.
  • டெல்டா மற்றும் கடலோர பகுதிகளுக்கு ஏற்றதாகும்.

எருமை இனங்கள்

முர்ரா

  • ஹரியானா, டெல்லி மற்றும் பஞ்சாப்பில் அதிகம் காணப்படுகிறது.
  • பால் உற்பத்தி - 1560 கிலோ
  • சராசரியாக ஒரு நாளுக்கு 8 - 10 லிட்டர் பால் கொடுக்கிறது
  • ஆனால் முர்ரா கலப்பினங்கள் 6 - 8 லிட்டர் பால் கொடுக்கின்றன.
  • கடலோரம் மற்றும் குளிர் பிரதேசங்களுக்கும் ஏற்றதாகும்

சுர்த்தி

  • குஜராத் மாநிலத்தில் அதிகம் காணப்படுகிறது.
  • பால் உற்பத்தி : 1700 - 2500 கிலோ

ஜப்ராபதி:

  • குஜராத் மாநில கத்தியவார் பகுதிகளில் அதிகம் காணப்படுகிறது
  • பால் உற்பத்தி - 1800 - 2700 கிலோ
jap1

நாக்பூரி

  • நாக்பூர், வர்தா, அகோலா, அமராவதி மற்றும் யோட்மால் (மஹாராஸ்டிரா)
  • பால் உற்பத்தி : 1030 - 1500 கிலோ

கறவை இனங்களை தேர்வு செய்வதற்கான பொதுவான வழிமுறை

கறவை மாடுகளின் தேர்வு
கறவை மாடுகள் மற்றும் கன்றுகளை தேர்வு செய்வதென்பது ஒரு கலையாகும். கறவை மாடுகளை தேர்வு செய்ய கீழ்க்கண்ட குறிப்புகள் பயனுள்ளதாக இருக்கும்.

  • மாட்டு சந்தைகளில் மாடுகளை தேர்வு செய்யும் பொழுது அவற்றின் இன குணாதிசயங்களையும், பால் உற்பத்தி திறனையும் கவனிக்க வேண்டும்.
  • மாடுகளின் வரலாற்றை பிரதிபளிக்கக் கூடிய பராம்பரிய பதிவேட்டை காணவும்.
  • கறவை மாடுகள், அவை ஈனக்கூடிய முதல் 5 பருவத்திலேயே அதிகப்பால் கொடுக்கிறது.  எனவே கறவை மாடுகளை முதல் அல்லது இரண்டாவது முறை ஈனும் பொழுது, ஈன்ற 1 மாதம் கழித்து தேர்வு செய்யவும்.
  • தொடர்சியாக கறந்து, அவற்றின் சராசரியை கொண்டு மாட்டின் பால் உற்பத்தியை கணக்கிடலாம்.
  • யார் வேண்டுமானலும் கறப்பதற்கு ஏற்றாக இருக்க வேண்டும்.
  • அக்டோபர் - நவம்பர் மாதத்தில் மாடுகளை வாங்குவது நல்லது.
  • ஈன்ற 90 நாட்களில் அதிகபட்ச பால் உற்பத்தி கிடைக்கிறது.

அதிகம் பால் தரக்கூடிய இனங்களின் குணாதிசயங்கள்

  • கவர்ச்சியான  தோற்றத்துடன், திடமாகவும், அனைத்து பாகங்களும் ஒருங்கிணைந்து, அனைவரையம் கவரும் வகையில் இருக்க வேண்டும்.
  • உடல் அமைப்பு உளி வடிவில் இருக்க வேண்டும்.
  • கூர்மையான கண்கள், மெலிந்த கழுத்து பெற்றிருக்க வேண்டும்.
  • மடி அடிவயிற்றுடன் நன்கு இணைந்து இருக்க வேண்டும்.
  • மடியின் தோலின் இரத்தக் குழாய்கள் நன்றாக இருக்க வேண்டும்.
  • மடியின் நான்கு பகுதிகளும் நன்கு பிரிந்து நல்ல காம்புகளும் இருக்க வேண்டும்.

வணிக ரீதியான பால் பண்ணைக்கான இனங்களின் தேர்வு- ஆலோசனைகள்

  • இந்திய சூழ்நிலையில், ஒரு பால் பண்ணைக்கு குறைந்த அளவு 20 மாடுகள் (10 பசு, 10 எருமை) இருக்க வேண்டும்.  இதனை 100 என்ற எண்ணிக்கைக்கு நீட்டிப்பு செய்யலாம் (50 :  50 அல்லது 40  :  60 என்ற விகிதத்தில்).  எனினும் இதற்கு மேல் அதிகரிக்கும் பொழுது, உங்களது சக்தியையும் விற்பனை திறனையும் ஆய்வு செய்து கொள்ளுங்கள்.
  • சுகாதார அக்கரையுடைய நடுத்தர மக்களுக்கு, குறைந்த அளவு கொழுப்புடைய  பால் தேவை.  எனவே கலப்பின மாடுகள் மற்றும் எருமைகளை தனி வரிசைகளில் ஒரே கொட்டகையில் வைத்து கலப்பு பண்ணையை வைக்க வேண்டும்.
  • உடனடியாக பால் விற்பனை செய்ய, அதிக தேவை இருக்கும் விற்பனை இடங்களைப்பற்றி நன்கு தெரிந்து கொள்ள வேண்டும்.  இரண்டு வகைப் பாலையும் கலந்து தேவைக்கேற்ப விற்பனை செய்யவும்.  ஹோட்டல் மற்றும் சில பொதுவான வாடிக்கையாளர்களுக்கு (30%) எருமைப்பால் தேவைப்படும்.  மருத்துவமனைகள் பசும்பாலை விரும்புகின்றன.

வணிக ரீதியான பண்ணைக்கான மாடு . எருமைகளை தேர்வு செய்யும் முறை

பசுமாடுகள்

  • ஒரு லிட்டர் பாலிற்கு ரூ.1,200 - ரூ.1,500 என்ற விலையில் நல்ல தரமான மாடுகள் சந்தையில் கிடைக்கிறது.  (நாளுக்கு 10 லிட்டர் பால் கொடுக்கக்கூடிய மாட்டின் விலை ரூ.12,000 - 15,000)
  • நன்றாக பராமரிக்கும் பொழுது, ஒவ்வொரு 13-14 மாத இடைவெளியில், கன்று ஈனுகிறது.
  • கறவைக்கு ஏற்றதாக இருக்க வேண்டும். நன்றாக பால் தரக் கூடிய கலப்பினங்கள் (ஹால்ஸ்டீன் மற்றும் ஜெர்சி கலப்பினங்கள்) இந்திய சூழலுக்கு ஏற்றவை ஆகும்.
  • பசும்பாலில் 3-5.5% கொழுப்பு உள்ளது.  இது எருமைப்  பாலைவிட சற்று குறைவாக உள்ளது.

எருமைகள்

  • மாட்டுப் பண்ணைக்கு ஏற்ற முர்ரா மற்றும் மேசனா போன்ற எருமை இனங்கள் உள்ளன.
  • பசும்பாலைவிட எருமைப்பாலில் அதிக அளவில் கொழுப்பு சத்து இருப்பதால், இது வெண்ணை மற்றும் நெய்க்காக அதிகம் தேவைப்படுகிறது.  இந்திய வீடுகளில அதிகம் அருந்தப்படும் டீ தயாரிப்பதற்கும் எருமைப் பால் விரும்பப்படுகிறது.
  • எஞ்சிய பயிர் கழிவுகளைக் கொண்டு எருமையை வளர்க்கலாம்.  இதனால் செலவு குறைகிறது.
  • எருமைகள் ஈனுவதற்கு தாமதமாகிறது.  மேலும் கறவை கால இடைவெளி 16-18 மாதங்கள் ஆகிறது.  காளைக் கன்றுகளுக்கு அதிக மதிப்பு இல்லை.
  • எருமைக்கு குளிர்ச்சியான சூழல் தேவை.

கலப்பின கால்நடைக்கான இடத்தேவை

வயது

தீவன இடம் (மீட்டர்)

நிற்கும் இடம் (சதுர மீட்டர்)

திறத்த இடம் (சதுர மீட்டர்)

4-6 மாதம்

0.2-0.3

0.8-1.0

3.0-4.0

6-12 மாதம்

0.3-0.4

1.2-1.6

5.0-6.0

1-2 வயது

0.4-0.5

1.6-1.8

6.0-8.0

பசு

0.8-1.0

1.8-2.0

11.0-12.0

சினை பசு

1.0-1.2

8.5-10.0

15.0-20.0

எரு*

1.0-1.2

9.0-11.0

20.0-22.0

* தனியாக வளர்க்க வேண்டும்

கேள்வி பதில்

1. தமிழகத்தின் தட்பவெப்ப நிலைக்கு உகந்த அதிக பால் தரும் கறவைபசுக்கள் எவை?

பொதுவாக ஜெர்சி மற்றும் ஜெர்சி கலப்பினங்கள் தமிழகத்தின் தட்பவெப்ப நிலைக்கு உகந்த கறவை பசுக்களாகும். மேலும், ஹால்ஸ்டைன் - ப்ரிஸியன் மற்றும் ப்ரிஸியன் வகை கலப்பினங்கள் மலை பகுதிகள் மற்றும் அதிக மழை பகுதிகளுக்கு ஏற்ற இனங்களாகும்.

2. உழவு மற்றும் வேலை திறனுக்கு ஏற்ற மாட்டினங்கள் எவை?

அலிகார், காங்கேயம், அமிர்த்மகால் போன்ற மாட்டினங்கள் உழவு மற்றும் வேலை திறனுக்கு ஏற்ற இனங்களாகும்.

3. நம் நாட்டு கறவை மாட்டினங்களின் பாலில் உள்ள கொழுப்புசத்து எவ்வளவு?

4-5%

4. இந்திய எருமை பசுக்களின் பாலில் உள்ள கொழுப்பின் அளவு எவ்வளவு?

5-6%

5. பால் உற்பத்தி மற்றும் வேலைதிறனுக்கு ஏற்ற இந்திய மாட்டினங்கள் எவை?

தார்பார்க்கர், காங்ரேஜ், ஒங்கோல் மற்றும் கிருஷ்ணாபள்ளத்தாக்கு போன்ற இனங்கள்.


கறவை மாடுகள்

ஆதாரம்:

  • பெய்ஃப் டெவலப்மென்ட் ரிசர்ச் பெளன்டேசன், பூனா.
  • nabard
  • பசுமை விவசாயம்
3.16535433071
அப்துல்லாஹ் Feb 07, 2019 09:37 AM

அருமையான தகவல் மற்றும் கால்நடைகளை பற்றி முழுமையாக அறிந்து கொண்டோன் இப்போது எனக்கும் மாடுகள் வாங்கி பண்ணை ஆரம்பிக்கலாம் என்று இருக்கிறேன் இந்த தவகவலை பதிவுயிட்டு எங்களுக்கும் ஆர்வம் கொடுத்திருக்கு கோடான கோடி நன்றிகளும் பாராட்டு தோழனே 👏👍🙏🙏🙏

sathya Jul 20, 2017 11:53 AM

சூப்பர்

மகேஷ் Jul 19, 2017 01:23 PM

நான் காஞ்சிபுரம் மாவட்டம் திருமுக்கூடலில் வசித்து வருகிறேன் எந்த வகை பசுக்கள் சூழலுக்கு ஏற்றவை அதோடு அதிக பால் தரும் பசுக்களின் பெயர்களை கூறுங்கள்

ஜோதிலிங்கம் May 02, 2017 11:32 AM

நல்ல தகவல் நன்றி

Anonymous Mar 16, 2017 04:52 PM

ஐயா நான் பண்ணை வைக்க ஆலோசணை தேவை

கலப்பின பசு மற்றும் நாட்டு மாட்டினங்கள் வளர்க்களாம்
99*****46

கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top