பொருளடக்கத்திற்கு தாண்டவும் | Skip to navigation

Vikaspedia

பகிருங்கள்
கருத்துக்கள்
  • நிலை: திருத்தம் செய்யலாம்

உயிராற்றல் வேளாண்மை

உயிராற்றல் வேளாண்மை பற்றிய குறிப்புகள் இங்கு விளக்கப்பட்டுள்ளன.

உயிர் சக்தி

இயற்கையுடன் நமக்கிருக்கும் தொடர்பை அறிந்து கொண்டு எப்படி மனித இனம் இந்த காலத்தில் வாழ வேண்டும் என்பதை நாம் கண்டுபிடிக்க வேண்டும். ஆனால் இது  துல்லியமாக இருக்க வேண்டும்.

பூமியில் உள்ள பிரபஞ்சத்தின் உடைய விளைவுகளை புரிந்து கொண்டு பதிவு செய்தல் பற்றி மக்கள் இன்றைய காலத்தில் அதிக கவனம் செலுத்துகின்றனர். ஜெர்மனியில் உள்ள மரியா துன், தோட்ட விவசாயிகள் மற்றும் விவசாயிகளுக்கான பயிர் சாகுபடி பட்டியலையும் வெளியிட்டது. ரூடால்ட் ஸ்டெய்னர் இயற்கை வழி மருந்துகளைப் பயன்படுத்தி சில தயாரிப்பு முறைகளை அறிமுகப்படுத்தினார். இதனால் பயிர் மற்றும் மண்ணின் மீது நன்மைத் தரக்கூடிய விளைவுகளை அதிகப்படுத்துகிறது மற்றும் சோதனைக்கு மக்களை உற்சாகப்படுத்துவதையும், புதிதாக ஒன்றை கண்டு பிடிப்பது பற்றியும் இதில் உள்ளது. உயிர் சக்தி என்பது அதிக சக்தி பண்பட்ட சக்தி மற்றும் தாவரங்கள், விலங்குகள், மனித இனத்தை எப்படி பாதிக்கிறது பற்றியதாகும்.

இந்த உயிர் சக்தியினுடைய அறிவு மற்றும் பணி மண்ணிற்கு சமநிலையும், குணப்படுத்தலையும் தருகிறது. தாவரங்களை உண்ணக்கூடிய ஒவ்வொரு உயிரியும் மற்றும் மண்ணில் வளரும் அனைத்திற்கும் இந்த உயிர்சக்தி தேவைப்படுகிறது.

உயிரியக்க ஆற்றல் பண்ணையைப் பயன்படுத்துவதால் ஏற்படும் முக்கிய விளைவுகள்:

  • உணவினுடைய முக்கியத்துவம் அதிகரிக்கிறது.
  • இயற்கை மூலங்களான மண் (மண்ணிலுள்ள அங்ககப்பொருளை தக்க வைப்பதால்), விதைகள் மற்றும் நீரை சீர்ப்படுத்துகிறது.
  • இயற்கைக்கும், உலகுக்கும் இடையேயான தொடர்பை நமக்கு ஏற்படுத்தித் தருகிறது மற்றும் இயற்கையுடன் இயைந்து வாழவும் கற்றுக் கொடுக்கிறது.
  • எங்கெல்லாம் தொடர்ந்த உபயோகத்தினால் பலவீனமாக உள்ளதோ அங்கு இயற்கையினால் பூமியையும் மனித இனத்தையும் இணைக்கும் பாலமாக விளங்குகிறது.

வரலாறு

வேளாண்மை என்பது மனித வாழ்வின் அடிப்படை. நாம் தினமும் உண்ணுவதற்கும், நம்முடைய உடம்பு, மனம், ஆவி, ஆத்மாவை நிலை நிறுத்தவும் உணவுப் பயிர்களை வளர்க்கிறோம். மனித இன வரலாறு முழுவதும், இசை, ஓவியம், பாட்டு மற்றும் இதர கலைகளுடன் இணைந்த பணியாகவே இருக்கிறது. ஆனால் கடந்த நூறு வருடங்கள் அல்லது சில நூற்றாண்டுகளில் வாழ்விற்கான ஆதாரத்தை நாம் இழந்து வருகிறோம். உலகப் போர்களின் போது விட்டுப்போன போர்க்கருவிகளுக்கான வேதிப்பொருட்களை பயன்படுத்தி பூச்சிகளைக் கொல்லுவதும் உரங்களாகப் பயன்படுத்தியும் வேதிப்பொருள் வேளாண்மை செய்யப்பட்டது. வேளாண் வேதிப் பொருட்களுக்கான ஆதாரங்கள் - பூமியில் இருந்து வரும் படிவ எரி பொருள். இது நிலையற்றது மற்றும் எங்கும் எளிதில் கிடைக்கக்கூடியது அல்ல.

1960 மற்றும் 1970ம் ஆண்டில் வந்த பசுமைப் புரட்சியின் போது அறிடுகப்படுத்தப்பட்ட கலப்பின விதைகள், வளர்ச்சி பருவம் வந்தவுடன் விதைகளை உற்பத்தி செய்ய இயலாமல் போகிறது. இதனால் விவசாயிகள் கலப்பின விதை நிறுவனங்களை சார்ந்து இருக்க நேரிடகிறது. இந்த கலப்பின விதைகள் அதிகளவு பூச்சிக்கொல்லி மற்றும் உரங்களின் தேவைகளால் பலவீனமான செடிகளை உற்பத்தி செய்யும். புதிதாக அறிமுகப்படுத்தப்பட்டுள்ள மரபியல் மாற்றம் செய்யப்பட்ட விதைகள் (ஜி.எம்) (குறிப்பிட்ட பூச்சிக் கொல்லி, களைக்கொல்லி, மற்றும் உரங்களைப் பயன்படுத்துவது) மனித இனத்துக்கு மட்டுமல்லாமல், பூமியினுடைய ஆரோக்கியமான சரிநிகர் நிலைக்கும் ஊறு விளைவிக்குமாறு உள்ளது. மரபியல் மாற்றம் செய்யப்பட்ட விதைகள் நிறைய பொருளாதாரப் பிண்ணனியுடன் பிணைந்துள்ளது. வளரும் நாடுகளில் இந்த விதைகளை சட்ட ரீதியாக ஏற்றுக் கொள்ளுவதற்கு துரதிர்ஷ்டவசமாக விவாதங்கள் எழுந்துள்ளன.

இரசாயன உரங்களைப் பயன்படுத்தி வேளாண்மை செய்வதால் நம்முடைய ஆரோக்கியம், விவசாயிகளின் பொருளாதார நிலை, மண்ணின் முக்கியத்துவம் மற்றும் அனைத்து தாவர விலங்குகளின் ஆரோக்கியமான நிலை கெடுவதைப் பற்றிய விழிப்புணர்வு தற்போது ஏற்பட்டுள்ளது. பல இடங்களில் மண் கடினமாகி விதை முளைப்பதற்கு இயலாமல் போகிறது. மேலும் மேலும் இரசாயன உரங்களைப் பயன்படுத்தி பயிரிடுவதால், விவசாயிகளுக்கு பெரிய அளவில் கடன் ஏற்படும் நிலை உருவாகிறது. புதிதாகத் தோன்றும் பூச்சி மற்றும் நோய்கள், இரசாயன பூச்சிக் கொல்லிகளுக்கு எதிர்ப்புச் சக்தியுடையதாக மாறுகிறது. புதிதாக நோய்கள் தோன்றுவதால் விலங்குகள் மற்றும் மனித இனம் பாதிக்கப்படுகிறது.

உலகம் பேரழிவை நோக்கிக் கொண்டிருக்கும் வேளையில் மக்களிடையே விழிப்புணர்வும் வந்து கொண்டிருக்கிறது. கடந்த பல நூறு வருடங்களில், உயிர் சக்தி வேளாண்மை முறை மிக மெதுவாக மக்களிடையே உலகம் முழுவதும் பிரபலமாகி வருகிறது. விவசாயிகள் மற்றும் தோட்ட விவசாயிகளினுடைய உயர்சக்தி அமைப்புக்கள் மற்றும் சான்றளிப்பு குழுக்களால் வழங்கப்படும் டிமீட்டர் (Demeter) சான்றால் விளைந்த பொருட்களை விற்பனை செய்வது உத்திரவாதமாகிறது.

டிமீட்டர் = பூமியினுடைய கிரேக்கக் கடவுள்:

உயிர்சக்தி முறைகள் மண்ணிற்கு இயற்கைச் சக்தியுடன் கூடிய புது வாழ்வைத் தருகிறது. இந்தச் செயலால் மனித இனத்துடைய ஒருங்கிணைப்பு மற்றும் அறிவு மேம்படுகிறது. இந்த விழிப்புணர்வு நிலத்துக்கும் இயற்கைக்கும் உள்ள தொடர்பு மற்றும் கண்காணிப்பை பொறுத்து இருக்கிறது.

அடிப்படை முறை மற்றும் நன்மைகள்:

ஒரு முறையை உருவாக்குவதற்கு தேவையான எல்லாக் காரணிகளும் வாழ்வைப் பேணுவதாக இருக்க வேண்டும். இந்தப் பகுதிகள் பின்வருமாறு:

சாரம் மற்றும் சக்தி:

பொருளுக்கும், சக்திக்கும் இடையேயான தொடர்பைப் பொறுத்துள்ளது. உதாரணமாக தாவரங்களுக்கு ஒளி, வெப்பம், நீர் வளருவதற்கு தேவைப்படுகிறது. சாரம் மற்றும் சக்திக்கும் இடையேயான தொடர்பு சரிசம நிலையை உருவாக்குகிறது. சாரம் மட்டுமல்லாமல் சக்தியை பயன்படுத்தி நாம் உயிர் வாழ்கிறோம். ஆகவே சக்தியை தரக்கூடிய உணவை உண்ணுவதற்கு உயிர் சக்தி நமக்கு தேவைப்படுகிறது. சரிநிலையில் உள்ள மண்ணில் வளரும் செடிகள் சக்தி மற்றும் சாரத்தைத் தருகிறது. (கனிமங்கள், நொதிகள், வளர்ச்சி ஊக்கிகள்).

மண்:

ஆரோக்கியமான திறனுடைய செடிகளை உருவாக்குவதற்கு, மண்ணினுடைய அமைப்பு மற்றும் வளத்தை கவனத்தில் கொள்ள வேண்டும். ஊட்டச்சத்துக்கள், நுண்ஊட்டச்சத்து, நுண்ணுயிரிகள், புழுக்கள் மற்றும் மண்ணில் உள்ள மற்ற உயிரினங்கள். ஆனால் மண் என்பது வாழும் முறையுடன் தொடர்பு மற்றும் உறவு முறையைக் கொண்டது. வாழ்வியல் சக்திகளினால் மண் சமநிலையில் இருந்தால் இதில் வளரக்கூடிய செடிகள் ஆரோக்கியமாகவும், தரமானதாகவும் இருக்கும். இரசாயனப் பொருட்கள் தேவையில்லை. மண் அமைப்பை பொறுத்தவரை மண் பொடியாக, பொறைப்புடன், காற்றோட்டமாக வளமானதாக இருக்க வேண்டும்.

அங்ககப் பொருள்

சமநிலையில் உள்ள மண்ணை உருவாக்குவதற்கு அங்ககப் பொருளின் உடைய பயன்பாடு திறனுள்ளதாக இருக்க வேண்டும். மட்கிய உரக்குவியல் மூலமும் உயிர்சத்து மக்கிய உர தயாரிப்பு முறைகளின் மூலம் இதைச் செய்யலாம்.

தாவர மக்கு

தாவர மக்கு செடிகள் வளர்வதற்கு தேவையானவற்றை கடத்துவதற்கும் வாழ்வுக்கு ஆதாரமாகவும் விளங்குகிறது. மண் வளத்தை நிலையான வழியில் வைத்து, நீரைப் பிடித்து வைத்துக் கொள்வதற்கும் உதவுகிறது. கடினமான அங்ககப் பொருளை முழுவதுமாக மட்க செய்வது தாவரமக்கு ஆகும். இது அதிக ஊட்டச்சத்துடன் அடர் நிறத்தில் புதுவித வாசனையுடன் ஈரப்பதமாக இருக்கும். இது தான் மண் உருவாவதற்கான அடிப்படையாக உயிர் சக்தி வேளாண்மையாக மாறும்போது இருக்க வேண்டும்.

சாண எரு

மாடுகளின் சாணத்தால் வழங்கப்படும் உரம் மண்ணின் ஆரோக்கியத்திற்கு முக்கியமானது. மாட்டின் நீளமான செறித்தல் முறையினால் சேர்க்கப்படும் நுண்ணுயிரிகளால் இந்த மாட்டுச் சாணம் மிகவும் சிறந்தது ஆகும். உரக் குவியலை உருவாக்குவதற்கு கிளப்பியாக பயன்படுத்தப்படுகிறது. தழைச்சத்தின் அளவுக்காகவும் உயிர் சத்து தயாரிப்பு முறைகளிலும் இது பயன்படுத்தப்படுகிறது.

விண்வெளி சக்திகள்:

இந்த தயாரிப்பு முறையைப் பயன்படுத்துவதால் பயிர் வளர்ச்சியின் மீதான விண்வெளிக் கதிர்கள் விளைவுகள் ஏற்படுத்தும்.

உயிர்சத்து தயாரிப்பு முறைகள்

இந்த முறை எளிதாக, இயற்கையான, ஹோமியோபதி தயாரிப்பு முறைகளைப் பயன்படுத்துவதால் கிரகங்களுடைய விளைவை அதிகப்படுத்துகிறது. மண் மற்றும் பயிரில் உள்ள சிலிக்கா மற்றும் சுண்ணாம்பினால் ஏற்படும் விளைவை அதிகப்படுத்துகிறது. சிதைக்கும் முறை மற்றும் உரக்குவியலில் உள்ள உயிர்சக்தியை அதிகப்படுத்துவதாலும் இது பயன்படுத்தப்படுகிறது. முனைவர் ஸ்டெய்னர் 2 விதமான தயாரிப்பு முறைகளை மண்ணில் நேரிடையாகவும் அல்லது செடிகளில் (500 மற்றும் 501 எண்ணிட்ட) தெளிப்பதன் மூலமும் மட்கிய உரத்தை செய்யும் போது (502 மற்றும் 507 எண்ணிட்ட) பயன்படுத்தப்பட்ட ஆறு தயாரிப்பு முறைகளை வழங்கியுள்ளார்.

பயிர் சுழற்சி முறை

பயிர் சுழற்சி, முறையான மண்ணில் சாகுபடி மற்றும் இதர அங்கக வேளாண்மை முறைகள்:

பயிர்களுக்கு அதிகமான ஊட்டச்சத்து அளித்த பின்னர் (உருளைக்கிழங்கு, தக்காளி, முட்டைக்கோஸ்) மண்ணை எந்த விதத்திற்கும் பயன்படுத்தாமல் அப்படியே வைத்திருக்க முறையாக திட்டமிடல் வேண்டும். பசுந்தாள் உரம் பயிர்களை விதைப்பதால் (பருப்பு வகைகள், கிராம்பு) நிலப் போர்வை (புல், கிராம்பு செய்வதன் மூலம் தாவர மக்கு மற்றும் தழைச்சத்தின் அளவை அதிகப்படுத்தலாம். ஈரப்பாதுகாப்பு செய்வதால் மண் அமைப்பை மேம்படுத்தலாம். மண்ணில் நீர் மற்றும் வெப்ப நிலையை சமநிலைக்குக் கொண்டு வரலாம். களைகளைக் கட்டுப்படுத்தலாம். துணைப் பயிரிடுவதால் வளர்ச்சியை ஊக்குவிக்கலாம் மற்றும் பூச்சிகளைக் கட்டுப்படுத்தலாம். மூலிகை தேயிலையை தெளிப்பது, பழ மரங்களுக்கு சிறந்த மரப்பூச்சு, உயர்வான படுக்கையை உருவாக்குதல், மண்ணை மேலோட்டமாக தோண்டுதல் / உழுவது மற்றும் ஈரமாக இருக்கும் போது, குறிப்பாக களிமண் நிலத்தில் தேவையில்லாமல் வேலைசெய்வதோ அல்லது உள்ளே போவதைத் தவிர்த்தல்.

சாம்பல் அடித்தல்:

அளவற்ற பூச்சித் தொல்லை, விலங்கு பூச்சிகள், களைப் பிரச்சனைகளைக் கட்டுப்படுத்த, முதலில் பூச்சிகள், களை விதைகள், அல்லது இறந்த விலங்குகளின் தோலை சேகரித்து எரிக்க வேண்டும். பின் இந்த சாம்பலை நீரில் கரைத்து மூலிகை மருந்தாக நிலத்தின் மீது தெளிக்க வேண்டும். இது இரசாயன மருந்து தெளிப்புக்கு ஒரு மாற்றமாகும்.

பண்ணை உயிரி:

தன்னிறைவு உள்ள பண்ணையாக இருக்க வேண்டுமானால் ஆரோக்கியமானதாக இருக்க வேண்டும். உரம், பூச்சிக்கொல்லியை தெளிப்பதன் மூலம் மண்ணின் ஊட்டச்சத்தின் அளவை சமப்படுத்தலாம். மண் அரிப்பைத் தடுக்க மரங்கள் மற்றும் வேலிப் பயிர்களைப் பயிரிடுவதன் மூலம் காற்றிலிருந்து ஏற்படும் இழப்பைத் தவிர்க்கலாம். இந்த மாதிரி மண் அமைப்பை சரி செய்வதற்கு விவசாயிகளுக்கு விழிப்புணர்வு வேண்டும்.

களைகள், பூச்சிகள் மற்றும் நோய்கள்:

மண்ணில் குறைபாடு உள்ள போது களைகள் வளர்வதும், முறையான சாகுபடி முறையை கடைபிடிக்காததால் பூச்சித் தொல்லை மற்றும் நோய் தொல்லை ஏற்படும். இதற்காக முதலில் நிலத்தை சமநிலையில் அனைத்து ஊட்டச்சத்துடன் இருக்குமாறு வைத்துக் கொள்ள வேண்டும்.

செயல்முறை அளிப்பு:

தினமும் நிலத்தை சுற்றிப் பார்க்க வேண்டும். அப்பொழுது தான் நிலத்தில் உள்ள தாதுக்கள், பாறைகள், மண் வகைகள், களை வகைகள், பூச்சி வகைகள், பகலிலும் இரவிலும் நடமாடும் விலங்குகள், நிலத்தில் உள்ள மின் கம்பிகள், நிலத்தடியில் உள்ள நீரோடைகள், நீர் ஆதாரம், காலநிலை, மக்கள் வாழுமிடம் அல்லது நிலத்தைப் பயன்படுத்துதல் பற்றி அறிந்து கொள்ள முடியும்.

சுற்றுப்புறச்சூழல் கட்டுப்பாடு: வேலிப்பயிர்கள் மற்றும் மரங்களைப் பயிரிடுவதால் காற்றினால் ஏற்படும் பாதிப்பைக் கட்டுப்படுத்தலாம். நல்ல வடிகால் வசதி இருக்க வேண்டும். நீரின் தரத்தைப் பற்றி அறிந்திருக்க வேண்டும்.

  • மண் அரிப்பைக் கட்டுப்படுத்த பயிர் சுழற்சியும், மூடுப்பயிர்களை பயிரிட வேண்டும்.
  • சாகுபடி முறைகளை மேம்படுத்த வேண்டும்.
  • பசுந்தாள் உரத்தை அளிக்க வேண்டும்.
  • ஈரப்பதமாக்குதலை முறையாக செய்ய வேண்டும்.
  • மட்கிய உரக்குவியலை பயன்படுத்த வேண்டும்.
  • உயிர் சக்தி தயாரிப்புகளான 500, 501ஐ தேவையான போது பயன்படுத்த வேண்டும்.
  • மற்ற தயாரிப்புக்களான சாண எரு, பஞ்சகாவ்யா, இயற்கை நீர்மை உரங்களான (தேயிலை, நொதிக்க வைத்த பூனைக் காஞ்சொறி செடி வகையின் உரம்) அளிக்க வேண்டும்.

நன்மைகள்

  • நல்ல தரமான பழங்கள் மற்றும் காய்கறிகளை நல்ல சுவை அதிகளவிலான ஊட்டச் சத்துக்கள் (புரோட்டீன், விட்டமின்கள்) உடன் உற்பத்தி செய்ய முடியும்.
  • அங்கக வேளாண்மையில் விளைச்சல் எப்பொழுதும் சராசரி அளவை விட அதிகமாக இருக்கும். ஆனால் இரசாயன உரங்களைப் பயன்படுத்துவதால் மண் அமிலத் தன்மையுடையதாகவும் பூச்சிகளின் தொல்லையும் அதிகமாகி பிரச்சனையை ஏற்படுத்தும்.
  • கால்நடை மற்றும் பயிர் நோய்களால் குறைந்த அளவுத் தொல்லையே இருக்கும்.
  • உயிர் சக்தி வேளாண்மையால் பூச்சிகளால் சேதமிருக்காது மற்றும் பொருளாதார சேதமும் அதிகளவில் இருக்காது. பூச்சித் தொல்லையைக் கட்டுப்படுத்த மரங்கள் மற்றும் புதர்ச்செடிகளை நிலத்தைச் சுற்றி வளர்க்கலாம்.
  • பண்ணையை உயிர்ச்சக்தி நிலமாக மாற்றுதல்:
  • பண்ணையின் வளத்தை தொடர்ந்து பாதுகாப்பதே இதன் முக்கிய நோக்கமாகும். முக்கியமான வழிமுறைகள் பின்வருமாறு:
  • தண்ணீரில் கரையக்கூடிய உரங்களை வேகமான வளர்ச்சிக்காக பயன்படுத்தக்கூடாது. இதனால் மண் அமைப்பு பாதிக்காது. ஆனால் பயிர்களில் சமமற்ற ஊட்டச்சத்து இருக்கும்.
  • இரசாயனங்களைப் பயன்படுத்தி களைகளைக் கட்டுப்படுத்தும் முறைகளை நிறுத்த வேண்டும்.
  • பண்ணையில் வளர்க்கப்படும் தண்டு துண்டுகளை கவனமாக தேர்ந்தெடுக்க வேண்டும்.
  • பயிறு வகை வளர்ச்சி, மண்புழு மற்ற மண் நுண்ணுயிரிகளின் செயலை ஊக்குவிக்க வேண்டும். இதனால் தாதுப்பொருள்கள் தேவையான அளவு கிடைக்கும் மற்றும் தாவர மக்கு உற்பத்தி ஆவதற்கும் உதவுகிறது
  • போதுமான அளவு மரங்களை வளர்ப்பதால், மண்ணில் ஈரப்பதம், காற்றிலிருந்து பயிருக்கு பாதுகாப்பு, கொன்றுண்ணியாகவும் செயல்படும்.

உயிராற்றல் விவசாய பஞ்சாங்கம்

இந்த நாட்க்குறிப்பு உயிராற்றல் வேளாண்மை (BIO DYNAMIC FARMING) வழி முறைகளில் ஒரு குறிப்பிட்டு கூறக் கூடிய அளவு முக்கியத்துவம் பெற்றுள்ளது. இதில் குறிப்பிட்டுள்ள விபரங்கள் ஒவ்வொன்றிலும் அதாவது அந்த குறிப்பிடப்பட்டுள்ள நாட்களில் விவசாய வேலைகள் என்ன செய்தால் நமக்கு ஆரோக்கியமான தாவரங்கள் வளர்ந்து அதிக விளைச்சலையும், தரமான மற்றும் சுவை கூடிய விளைச்சலையும் பெறலாம் என அறிந்து கொள்ள உதவும். அவ்வாறு ஒவ்வொரு நாளும் நமது சூரிய மண்டலத்திலுள்ள கோள்கள் மற்றும் இராசிகள் அவற்றின் அடிப்படை சுற்றுப்பாதையில் குறிப்பாக சந்திரனின் சுற்றுப்பாதையில் ஏற்படும் நிகழ்வுகளை கணித்து அதனால் தாவரங்களிலும் மற்றும் மண்ணிலும் ஏற்படும் மாறுதல்களை கணக்கிட்டு அதற்க்கேற்றவாறு நாம் செய்ய வேண்டிய வேலைகளை பிரித்து கூறப்பட்டுள்ளது.

இந்த நாட்குறிப்பால் குறிப்பிடப்பட்டுள்ள குறிப்புகள்

  1. மேல் நோக்கு நாட்கள்
  2. கீழ் நோக்கு நாட்கள்
  3. தவிர்க்க வேண்டிய நாள்
  4. அபோஜி (தொலைவு நிலா)
  5. பெரிஜி (அண்மை நிலா)
  6. அமாவாசை
  7. பெளர்ணமி
  8. சந்திரன் எதிர் சனி
  9. இராசி மண்டலத்தில் சந்திரன் பயணம் செய்யும் நாட்கள்

மேல் நோக்கு நாட்கள்

இந்த நாட்களில் சந்திரனுக்கும் பூமிக்கும் இடையில் உள்ள தூரம் தொடர்ந்து 13.6 நாட்கள் (சுமாராக) அதிகரித்துக் கொண்டிருக்கும். இந்த நாட்களில் தாவரங்களில் மண்ணிற்கு மேலுள்ள பகுதிகள் வளர்ச்சி வேகம் அதிகரிக்கின்றது. ஆகவே இந்த நாட்களில் 1. விதைகளை நேரடியாக நடவு செய்தல் – மக்காச்சோளம், வெண்டை, பீட்ரூட், பூசணி, நெல் நேரடி விதைப்பு போன்ற விதை நடவு வேலைகள்.

நாற்றுகளுக்காக விதைத் தெளிப்பு – கத்தரி, தக்காளி, நெல் மற்றும் மரங்களின் விதைகள் தேங்காய் போன்றவை 3. இலை வழி ஊட்டமாக உரங்களை நீரில் கரைத்து தெளித்தல். 4. பஞ்ச காவ்யம் தெளிக்க 5. B.D.501 (கொம்பு சிலிக்கா) தெளித்தல் (காலை 10.00 மணிக்குள்)

கீழ் நோக்கு நாட்கள் (நாள்)

இவ்வாறு கருப்பு வண்ணமாக இட்டுள்ள நாட்கள் கீழ் நோக்கு நாட்கள்சந்திரனுக்கும் பூமிக்கும் இடையில் உள்ள தூரம் 13.6 நாட்கள் (சுமாராக) தொடர்ந்து குறைந்து கொண்டே வருகிறது. இந்த நாட்கள் கீழ்நோக்கு நாட்கள் எனப்படுகின்றது. இந்த நாட்களில் தாவரங்களில் மண்ணிற்குள் உள்ள பகுதிகள் வளர்ச்சி அதிகரிக்கின்றது. மண்ணில் நுண்ணுயிர் பெருக்கும் அதிகரிக்கின்றது.

ஆகவே இந்த நாட்களில்

  1. நாற்றுகள் மாற்றி நடவு செய்தல்
  2. மரவள்ளி குச்சிகள், கரும்பு கரணைகள் க்ளைரிசிடியோ போன்ற குச்சிகளை நடவு செய்தல், பதியன்கள் போடுதல் போன்ற வேலைகள்
  3. கம்போஸ்ட் தயாரிப்பு
  4. கம்போஸ்ட் மற்றும் திரவ உரங்களை நிலத்தில் இட
  5. B.D.500 (கொம்பு சாண உரம்) + CPP (சாண மூலிகை உரம்) நீரில் கரைத்து நிலத்தில் தெளிக்க (மாலை 3.00 மணிக்கு மேல்)
  6. உழவு செய்தல் போன்ற வேலைகள்

தவிர்க்க வேண்டிய நாட்கள்

(தவிர்க்கவும் நேரத்திலிருந்து 6 மணி நேரம் முன்னும் பின்னும் முக்கிய விவசாய வேலைக்களைத் தவிர்க்கவும்)
சந்திரம் பூமியைச் சுற்றி வரும் பாதையில் சுமார் 13.5 நாட்களில் ஒரு முறை சூரியனின் சுற்றுப் பாதையில் குறிப்பிட்ட இடத்தில் கடக்கிறது. இந்த நாள் தவிர்க்க வேண்டிய நாள் என் குறிப்பிடப்பட்டுள்ளது. அது கிட்டத்தட்ட கிரகணம் என்றே கூறலாம். இந்த நாட்காட்டியில் தவிர்க்கவும் என்று குறிப்பிட்ட நாளில் அந்த குறிப்பிட்டுள்ள நேரத்திற்கு முன்பு ஆறு மணி நேரமும் பின்பு ஆறு மணி நேரமும் விதைத்தல், நாற்று நடுதல், இலைவழி உரத்தெளிப்பு போன்ற முக்கியமான வேலைகளைத் தவிர்ப்பது நன்மை தரும்.

அபோஜி – தொலைவில் உள்ள சந்திரன்

இந்த நாளில் பூமியில் இருந்து சந்திரன் அதிகபட்ச தொலைவில் இருக்கும். இந்த நாட்காட்டியில் குறிப்பிடப்பட்டுள்ள இந்த நாளில் குறிப்பிட்டுள்ள மணியில் 6 நேரமும் பின்பு 6 மணிநேரமும் முக்கியமாக விதைப்பது மட்டும் தவிர்க்கவும். ஆனால் உருளைக்கிழங்கு மட்டும் நடவு செய்யலாம். அவ்வாறு உருளைக்கிழங்கு நடவு செய்தால் விளைச்சல் பெரிய அளவில் மாறுதல்கள் இல்லாவிட்டாலும் கிழங்கு சற்று பெரியதாகவும் சுவை கூடுதலாகவும் உள்ளது என்று நிரூபிக்கப்பட்டுள்ளது.

பெரிஜி – அண்மை சந்திரன்

இந்த நாளில் சந்திரன் தனது சுற்று வட்டப்பாதையில் பூமிக்கு மிக அருகில் நெருங்கி இருக்கும். இந்த நாளில் விதைத்தல், நாற்று நடுதல் போன்றவை தவிர்க்க வேண்டும். அண்மையில் இரண்டு மூன்று வருடங்களில் கிடைத்த தகவல்கள் இந்த நாளில் (நெல், தர்பூசணி, மஞ்சள், தட்டைப்பயறு போன்றவை) வெவ்வேறு பகுதிகளில் விதைத்த விவசாயிகள் அனுபவித்த உண்மை. ஓரளவிற்கு விளைந்த விளைப் பொருட்கள் கூட அவற்றின் சுவை மாறுபட்டு (சுமார் 75% வரை குறைந்து) காணப்பட்டது.

அமாவசை

இந்த நாள் அனைவரும் அறிந்த ஒன்று. இந்த நாளில் சூரியனுக்கு அருகில் சந்திரன் இருக்கும். இது 29.5 நாட்களுக்கு ஒரு முறை வருகிறது. இந்த நாளில் சேமித்து வைக்க வேண்டிய விதைகள், வைக்கோல் போன்ற கால்நடைகளுக்குத் தேவையான தீவனத்தட்டைகள் இவற்றை அறுவடை செய்து பக்குவப்படுத்தி வைக்கலாம். மர வேலைகளுக்கு தேவையான மரங்கள், மூங்கில் போன்றவற்றை அறுவடை செய்யலாம். கம்போஸ்ட் படுக்கையை புரட்டிவிடுதல் உழவு செய்த வயலில் கம்போஸ்ட் இடுதல் போன்றவையும் செய்யலாம்.

பெளர்ணமி

  • இந்த நாளில் சந்திரன், சூரியனிலிருந்து தொலைவில் இருக்கும் இந்த நாளில் குறிப்பிட்ட நேரத்திற்கு 48 மணி நேரம் முன்பு விதைகளை விதைத்தால் செடிகள் வேகமாக வளர்கிறது. ஆனால் இந்த வளர்ச்சியே அந்த செடிகள் தாங்கும் சக்தியை ஓரளவு இழக்க காரணமாகிறது. ஆதலால் ஓரளவு நோய் தாக்குதல் ஏற்பட வாய்ப்பு உள்ளது. விதைகள் விரைவில் முளைப்பதால், நாற்றுகள் ஓரளவு முதிர்ச்சி அடையும் வரை பாதுகாப்பு மிகவும் அவசியம்.
  • இந்த நாளில் காலை நேரத்தில் 10.00 மணிக்குள் B.D.501 (கொம்பு சிலிக்கா) தெளித்தால் பூஞ்சாண நோய்கள் தடுக்கப்படுகிறது.
  • பஞ்சகாவ்யம் தெளிக்க மிகவும் உகந்த நாள்

சந்திரன் எதிர் சனி

இந்த நாள் சந்திரன், பூமி, சனி கிரகம் மூன்றும் ஒரே நேர்க் கோட்டில் அமைகின்ற நாள்

  • இவ்வாறு அமையப்பெறும் நாளில் காலை நேரத்தில் B.D.501 தெளிப்பு மிகுந்த பலனை அளிக்கிறது.
  • இந்த நாளில் விதைத்த விதைகள் மிகமிக ஆரோகியமான நாற்றுகளாக வளர்கின்றன. இதன் மூலம் நோய் எதிர்ப்புத் திறனும் பூச்சிகள் தாக்குதல்களைக் கூட எதிர்த்து வளரும் திறனும் அதிகரிக்கிறது.
  • சந்திரன் எதிர் சனி அமையும் அந்த குறிப்பிட்ட நேரத்திற்கு முன்பு உள்ள 48 மணி நேரத்திற்குள் விதைத்தால் நலம்
  • இந்த நாளில் அனைத்து விவசாய வேலைகளையும் செய்யலாம்.

இராசிகளில் சந்திரன் பயணிக்கும் நாட்கள்

ஒவ்வொரு இராசியும் ஒவ்வொரு மூலக்கூறுகள் அடிப்படையில் சக்திகளை வெளிப்படுத்துகிறது
அவை

மேஷம், சிம்மம், தனுசு = நெருப்பு = விதைகள், பழங்கள்
ரிஷபம், கன்னி, மகரம் = மண் = கிழங்குகள், வேர்கள்
மிதுனம், துலாம், கும்பம் = காற்று = பூக்கள்
கடகம், விருச்சகம், மீனம் = நீர் = இலைகள், தண்டுகள்

இவ்வாறு வெளிப்படும் சக்திகள் சந்திரன் மூலம் பூமியில் உள்ள தாவரங்களில் அந்தந்த குறிப்பிட்ட பாகங்களில் ஏற்படும் மாறுதல்களிலும், வளர்ச்சியிலும் மிகுந்த ஈடுபாடுகளை ஏற்படுத்துகிறது. எனவே இந்த ராசிகளில் சந்திரன் பயணிக்கும் நாட்களுக்கு ஏற்றவாறு தாவரங்களை பிரித்து விதைப்பு, நாற்றுநடவு, அறுவடை போன்ற வேலைகள் செய்வது மிகுந்த பலனை அளிக்கிறது. இவ்வாறு அந்த மூலக்கூறுகளின் அடிப்படையில் தாவரங்களைப் பிரித்து அறிந்து கொள்ள வேண்டியது மிகவும் அவசியம்.

  • நெருப்பு – விதைகள், பழங்கள் – நெல், கோதுமை, பயறு வகைகள், தக்காளி, கத்தரி, பீன்ஸ், மா, பலா, நிலக்கடலை, பருத்தி போன்றவை
  • மண் – கிழங்குகள், வேர்கள் – நன்னாரி, வெட்டிவேர், மரவள்ளி, உருளைக்கிழங்கு, சேனை, மஞ்சள், இஞ்சி, காரட், பீட்ரூட் போன்றவை
  • காற்று பூக்கள் – காலிபிளவர், ரோஜா, மல்லி போன்றவை
  • நீர் – இலைகள், தண்டுகள் – கறிவேப்பிலை, முட்டைக்கோசு, வெங்காயம், கீரை வகைகள், இலைக்காக வாழை நடுதல், மர வேலைக்கான மரங்கள் போன்றவை

இவ்வாறு பிரித்து அந்தந்த மூலக்கூறுகளாக குறிப்பிடப்பட்டுள்ள நாட்களில் குறிப்பிட்ட தாவரங்களுக்குண்டான வேலைகளை செய்வது மிகவும் நன்மைத் தரும்.

தயாரிப்பு முறை

குறிப்பிட்ட உயிர்சக்தி தயாரிப்புகளை இப்பொழுதுப் பயன்படுத்துகிறார்கள். இதனுடைய விளைவுகளை விவசாயிகள் தங்களுடைய அனுபவத்தால் அறிந்து கொள்கின்றனர். இரண்டு வகையான நொதிக்கப்பட்ட பொருட்களின் அளவிடுதலே தயாரிப்பு முறைகள் ஆகும். முதல் வகையில், 6 வேறுபட்ட மூலிகைப் பொருட்கள் உள்ளன. 502 - 507 என்ற எண்ணிட்ட பொருட்களை சிறிய அளவில் இயற்கை உரம் மற்றும் மட்கிய உரத்தில் சேர்க்க வேண்டும். இரண்டாவது வகையில், 500 மற்றும் 501 எண்ணிட்ட பொருட்களைத் தெளிக்க வேண்டும். குதிரைவால் செடியை கொதிக்க வைத்து தயாரிக்கும் ஒன்பதாவது தயாரிப்பான 508ஐ ஈரமான காலங்களில் அளிப்பதால் பூஞ்சான் நோய் தாக்கத்தைத் தவிர்க்கலாம்.

மட்கிய உரத் தயாரிப்புகள்  505 – 507

பலதரப்பட்ட மூலிகைச் செடிகளிலிருந்து இது தயாரிக்கப்படுகிறது. இதனால் அதனுடைய உள்ளே இருக்கும் குணங்கள் அதிகப்படுத்தப்படுகிறது. இந்தியாவிலும் மற்ற கடல் கடந்த நாடுகுளிலும், தாவரமக்கு உருவாவது அதிகப்படுத்தப்படுகிறது மற்றும் மதிப்புள்ள ஊட்டச்சத்துக்கள் இழப்பும் குறைக்கப்படுகிறது.

தயாரிப்பு முறைகள்

உயிர்சக்தி 500 மாட்டுக் கொம்பு உரம்

இது சாணத்தை பயன்படுத்தி நொதிக்கப்படுகிறது. மண் வளத்தை மேம்படுத்துவதற்கும், தரமற்ற மண்ணைப் புதுப்பிப்பதற்கும் இந்த உரம் பயன்படுகிறது. மாட்டுக் கொம்புகள் செப்டம்பர் / நவம்பர் மாதத்தில் புதைக்கப்பட்டு, பிப்ரவரி / மார்ச் மாதத்தில் வெளியே எடுக்கப்படுகிறது. நிலம் நல்ல காற்றோட்டமாக இருக்கும் பொழுதும், குளிர் காலத்தில் மண்ணின் சக்திகள் அதிகளவில் இயங்கும் பொழுது இந்த முறையை பின்பற்றுதல் வேண்டும்.

தேவையான பொருட்கள்:

  • மாட்டுக் கொம்புகள்
  • பால் சுரக்கக் கூடிய பசுவின் சாணம். 50 - 150 கிராம் அளவு சாணம் / கொம்பு (கொம்பின் அளவைப் பொறுத்து)

தயாரிப்பு முறைகள்:

  • உயிர்சக்தி 500 தயாரிப்பதற்காக, சாணம் சேகரிக்கும் 2 நாட்களுக்கு முன்னர் மாடுகளுக்கு அதிகத் தரமுள்ள தீவனத்தை அளிக்க வேண்டும். (நல்ல பச்சைத் தீவனம், குறைவான புரோட்டீன் உள்ள செயற்கைத் தீவனம்)
  • புதைக் குழியை 18” ஆழத்துக்கு தோண்ட வேண்டும். நீர் வழிந்தோடாமல், ஆழமான வேர்ப்பகுதி அல்லது மண்புழுக்கள் இல்லாமல் இந்த குழி இருக்க வேண்டும். உயிர்சக்தி எந்த மண்ணில் தயாரிக்கிறோமோ அந்த மண்ணின் இயல்பு இந்த உயிர்சக்திக்கு வரும். இதனால் நல்ல தரமுடைய நிலத்தை குழிக்காக தேர்ந்தெடுக்க வேண்டும்.
  • எந்த விதமான பூச்சு இல்லாமல் மாட்டுக் கொம்புகளை சேகரிக்க வேண்டும்.
  • சாணத்தை சேகரிக்க வேண்டும்.
  • மாட்டுக் கொம்புகளை சாணத்துடன் அக்டோபர் / நவம்பர் மாதத்தில் சேர்க்க வேண்டும்.
  • கொம்புகளின் அடிப்பகுதி 1” அளவுக்கு கீழ்நோக்கி, 50 சதவீதம் மட்கிய உரம் மற்றும் மண் சுற்றியும் இருக்குமாறு புதைத்து வைக்க வேண்டும்.
  • மண்ணைக் கொண்டு குழியை மூடி, 4 - 6 மாதத்திற்கு வைக்க வேண்டும். மண் வளமாக இல்லையென்றால், 50 சதவீத மட்கிய உரத்தைச் சேர்ப்பதால் மண் வளத்தை அதிகப்படுத்தலாம்.
  • குழியை ஈரப்பதத்துடன், நிழலுடன், 200 செல்சியஸ் தட்பவெப்ப நிலையில் களை மற்றும் மண்புழுக்கள் இல்லாமல் வைத்திருக்க வேண்டும்.
  • 4 மாதத்திற்கு பிறகு சாணம் நொதித்து இருக்கிறதா என்று பார்க்க வேண்டும். மாட்டு கொம்பு ஒன்றைத் தோண்ட வேண்டும். பச்சை சாணம் மண் வாசனையுடன் கூடிய, அடர்ந்த நிறத்தில் உள்ள தாவரமக்காக (உயிர்சக்தி 500) மாறியிருந்தால், அது பயன்படுத்துவதற்கு தகுதியாகிறது. உயிர்சக்தி 500ஐ எடுத்து பயன்படுத்த வேண்டும். இல்லையென்றால், அப்படியே விட்டுவிட வேண்டும்.

அளிக்கும் முறை:
பனிப் பொழியும் போது (அதாவது, மாலை நேரங்களில்) அளிக்க வேண்டும்.

  • 15 லிட்டர் மழை நீர் / சுடுநீரில் (தோராயமாக 15 - 200 செல்சியஸ்) ஒரு ஏக்கருக்கு 25 கிராம் உயிர்சக்தி 500ஐ கலந்து அளிக்க வேண்டும்.
  • தண்ணீரில் கால்சியம், இரும்பு, மற்றத் தாதுக்களின் அளவை சரிபார்க்க வேண்டும்.
  • ஒரு மணி நேரத்திற்கு இடதுப்பக்கம் மற்றும் வலதுபக்கமும் மாற்றி மாற்றி சூழல் போன்று கலக்க வேண்டும்.
  • மாலையில் சூரியன் மறைவதற்கு முன் தெளிக்க வேண்டும்.
  • ஒரு வருடத்திற்கு 4 முறை தெளிக்க வேண்டும். அதாவது பிப்ரவரி, மே, நவம்பர், டிசம்பர் மாதங்களில் .

சேமிப்பு:

  • மண் பானைகளில் வைத்து தளர்வாக மூட வேண்டும்.
  • பானையைச் சுற்றி தென்னை நார் தக்கையை வைப்பதால், ஈரப்பதமாக எப்பொழுதும் வைக்கலாம்.
  • 250 செல்சியஸ் வெப்ப நிலைக்கு மேல் போகாமல், இருட்டறையில் வைக்க வேண்டும்.
  • ஒரு வருடத்திற்குள் பயன்படுத்தி விட வேண்டும்

விளைவுகள்:

  • வேரின் செயல்களை மேம்படுத்துகிறது.
  • மண்ணில் உள்ள நுண்ணுயிரிகளின் வாழ்வை அதிகப்படுத்துகிறது.
  • அமிலத் தன்மை மற்றும் தழைச்சத்தின் அளவை ஒழுங்குப்படுத்துகிறது.
  • நுண் ஊட்டச்சத்துக்கள் வெளி வருவதற்கு உதவுகிறது.
  • முளைப்புத் திறனை அதிகப்படுத்துகிறது.

உயிர்சக்தி மாட்டுக் கொம்பு சிலிக்கா:


நன்றாக பொடி செய்த குவார்ட்ஸ் துகள்களைக் கொண்டு தயார் செய்யப்படுகிறது. இந்தத் துகள்கள் நல்ல தரம், வடிவம் மற்றும் சுத்தமாக இருக்க வேண்டும். உயிர்சக்தி 500 ஐ தயாரிப்பு முறை மாதிரியே இதையும் புதைக்க வேண்டும். ஆனால் இந்த முறையை வெயில் காலத்தில் செய்ய வேண்டும். (ஏப்ரல் / மே மாதத்தில் புதைத்து, செப்டம்பரில் வெளியே எடுக்க வேண்டும்). இந்த சமயத்தில் நிலம் நல்ல காற்றோட்டமாகவும், விண்வெளி ஒளிச் சக்தி அதிகச் செயலாக்கத்தில் இருக்கும்

தேவையான பொருட்கள்:

  • மாட்டுக் கொம்புகள்
  • சிலிக்கா குவார்ட்ஸ் துகள்கள், 200 - 300 கிராம் அளவு குவார்ட்ஸ் துகள்கள் / கொம்புகள்

தயாரிக்கும் முறை:

  • சிலிக்கா குவார்ட்ஸை உடைத்துத் தூளாக்க வேண்டும்
  • இரண்டு கண்ணாடித் தட்டுக்களின் இடையே வைத்து அரைத்து நன்றாக பொடி செய்ய வேண்டும்

முதல் கண்ணாடித் தட்டு – 12” சதுரமாக, 9 மி. மீட்டர் தடிமன்னான மரப்பலகையால் ஆனது. இரண்டாவது கண்ணாடித் தட்டு  - 4” சதுர கண்ணாடித்தட்டு கைப்பிடியுடன் கூடிய மரப்பலகையின் மீது வைக்கப்படும்.

  • தயாரிக்கும் போது முகமூடிகள் அணிந்து கொள்ளவேண்டும். இல்லையென்றால் குவார்ட்ஸ் புகையை சுவாசித்து, சிலிக்காஸிஸ் வியாதி ஏற்படும்.
  • தண்ணீருடன் சேர்த்து திட்டமான புகையை உருவாக்க வேண்டும்.
  • கொம்புகளை சிலிக்கா பூச்சு கொண்டு நிரப்ப வேண்டும்.
  • கொம்புகளை குழிகளில் 1” அளவுக்கு அடிப்பகுதி கீழ்நோக்கி இருக்குமாறு புதைக்க வேண்டும். 50 சதவீத மட்கிய உரம் மற்றும் மண் சுற்றியும் இருக்க வேண்டும். மார்ச் / ஏப்ரல் மாதம் முதல் செப்டம்பர் மாதம் வரை இதை வைத்திருக்க வேண்டும்.

அளிப்பு முறைகள்:

BD 500 ஒன்று அல்லது இரண்டு அளிப்புகளுக்குப் பிறகு 501 ஐ அளிக்க வேண்டும். பனிப் பொழியும் வேளையில், அதாவது அதிகாலை 6 – 8 மணிக்கு சூரியன் உதிக்கும் வேளையில் தெளிக்க வேண்டும்.

  • 15 லிட்டர் வெது வெதுப்பான நீரில் 1 கிராம் சிலிக்காவை கரைக்க வேண்டும்.
  • சூரிய உதயத்திற்கு முன், சிலிக்காவை தண்ணீரில் கரைத்து  வலதுப் பக்கம் மற்றும் இடதுப் பக்கம் மாற்றி மாற்றி சுழல் போன்று கலக்க வேண்டும்.
  • பயிர்கள் குறை அழுத்தம் உடைய தெளிப்பான் உதவியுடன் தெளிக்க வேண்டும்.
  • பயிரிடும் காலத்தில் 2 முறை தெளிக்க வேண்டும். அதாவது, பயிரின் ஆரம்ப நிலையிலும், அறுவடைக்கு சற்று முன்னரும் தெளிக்க வேண்டும்.

சேமித்தல்:

திறந்த வெளியில் சூரிய வெளிச்சம் படுமாறு 3 வருடங்களுக்கு தளர்வாக மூடிய கண்ணாடிக் குடுவையில் சேமிக்க வேண்டும்.

பயன்கள்:

  • ஒளி வளர்சிதை மாற்றம், ஒளிச்சேர்க்கை, பச்சையத்தை அதிகரிக்கிறது.
  • நிறம், மணம், சுவை மற்றும் செடிகளுக்கிடையே வைத்திருக்கும் தரத்தை மேம்படுத்துகிறது.

பிடி 502 யேரோ (அக்கிலியா மில்லிஃபோலியம்)

தயாரிப்பு

:

502

செடி அல்லது பொருட்கள்

:

யோரோ பூ (அக்கிலியா மில்லிஃபோலியம்)

தயாரிப்புடன் தொடர்புடையவை

:

கந்தகம் (S), சாம்பல் (P), நுண்ஊட்டச்சத்து

கிரகம்

:

வெள்ளி

உறுப்பு

:

சிறுநீரகம்

விளைவு

:

நுண் ஊட்டச் சத்துக்களை திரவ வடிவில் உறிஞ்சிக் கொள்ளுவதற்கு பயிர்களுக்கு உதவுகிறது

இது யேரோ பூக்கள் மற்றும் ஆண் விலங்குடைய சிறுநீர் பை தயாரிக்கப்படுகிறது.

தயாரிப்பு முறை:

  • ஆண் மானுடைய சிறுநீர்ப் பை அதனுடைய கொம்புடன் இணைந்து பயன்படுத்தப்படுகிறது. இதனால் பயிர்களின் ஹார்மோன் விளைவை அதிகப்படுத்துகிறது
  • ஆண் மானுடைய சிறுநீர்ப்பையும், யேரோ பூக்களின் மணமும் ஒரே மாதிரி இருக்கும்.
  • பூக்களுடைய ஹார்மோன் செயலாக்கம் சிறுநீர்ப்பையின் செயலாக்கத்தால் அதிகப்படுத்தப்படுகிறது.
  • ஆண் விலங்குடைய சிறுநீர்ப்பையை சுற்றியுள்ள கிளைகளின் மூலம் ஹார்மோன் அமைப்பிலிருந்து சக்தி பெறப்படுகிறது.
  • சிறுநீர்ப்பையை ஊத வேண்டும்.
  • காற்றில் உலர வைக்க வேண்டும். பின் சிதைந்துவிடும். இந்த சமயத்தில் ஈரமாக வைத்திருப்பதால் மென்மையாக மாற்றப்படும்.
  • சிறுநீர்ப் பையின் மேல்பகுதியை வெட்டி ஒரு புனல் வழியாக யேரோ பூக்களை நிரப்ப வேண்டும்.
  • செடியின் சாறினைக் கொண்டு இந்த பூக்களை ஈரப்பதமாக்க வேண்டும். பின் பஞ்சைக் கொண்டு இந்த திறப்பை அடைக்க வேண்டும்.
  • மூடப்பட்ட கூடைகளில் சேமிக்க வேண்டும். இதனால் எலி மற்றும் இதரப் பூச்சிகளின் தொல்லையிலிருந்து பாதுகாக்கலாம்.

புதைக்கும் மற்றும் வெளியே எடுக்கும் காலம்:

  • மார்ச் மாதத்தில் செய்தால் ஹார்மோன் தாக்கத்தைப் பெறலாம்.
  • செப்டம்பரிலிருந்து மார்ச் வரை மண் பானையில் வைத்து நிலத்தில் புதைக்க வேண்டும்.

பி. டி. 503 சாமேமில்லி (மெட்டிகுரியா சாமோமில்லா)

தயாரிப்பு

:

503

செடி அல்லது பொருட்கள்

:

சாமேமில்லி (மெட்டிகுரியா சாமோமில்லா)

தயாரிப்புடன் தொடர்புடையவை

:

கால்சியம் (Ca), கந்தகம் (P)

கிரகம்

:

புதன்

உறுப்பு

:

நுரையீரல் சுரப்பிகள்

விளைவு

:

தழைச்சத்தை மட்கிய உரத்தில் நிலைநிறுத்துகிற மண்ணின் வாழ்வை உயர்த்துகிறது

சாமேமில்லி பூக்களை மாட்டின் குடலுடன் இணைந்து தயாரிக்கப்படுகிறது.

தயாரிப்பு முறைகள்:

அறுவடை:

  • இதழ்கள் மட்டமாக இருக்கும்போது (காலை 10 மணி அளவில்) பூக்களைப் பறிக்க வேண்டும்.
  • 2 வரிசை இதழ்களுடன் உள்ள பூக்கள் தான் இந்த தயாரிப்புக்கு ஏற்றது.
  • அறுவடை செய்த பின் உலர வைக்க வேண்டும்.

சேமித்தல்:

காற்றுப் புகாத கொள்கலன்களில் சேமிக்க வேண்டும்.

தயாரிப்பு முறை:

  • மாடு அல்லது எருதுடைய குடலைப் பயன்படுத்தலாம்.
  • குடலை கழுவக் கூடாது.
  • 15 செ.மீ துண்டுகளாக வெட்ட வேண்டும்.
  • பால் கறப்பது போல் கையை வைத்து, குடலின் உள்ளே உள்ள செறிக்காத பொருட்களை அழுத்தி எடுக்க வேண்டும்.
  • துண்டுப் பகுதிகளின் ஓர் ஓரத்தை நூல் கொண்டு கட்டிவிட வேண்டும்.
  • புனலை பயன்படுத்தி பூக்களை இதில் நிரப்ப வேண்டும்.
  • மிகவும் இறுக்கமாக அல்லது மிகவும் தளர்வாகவோ கட்டக்கூடாது.
  • பூக்களால் நிரப்பிய துண்டுகளை கட்டாக கட்டி, மண்பானையில் வைத்து நல்ல வளமான மண் சுற்றியும் இருக்குமாறு வைக்க வேண்டும்.

புதைக்கும் மற்றும் வெளியே எடுக்கும் காலம்:

  • அக்டோபரில் புதைத்து, பிப்ரவரி / மார்ச் மாதம் வரை மண்ணில் வைத்திருக்க வேண்டும்.

பி. டீ. 504 இமாலாயன் ஸ்டிங்கிங் நெட்டில் (அர்டிக்கா பர்விஃப்ளோரா)

தயாரிப்பு

:

504

செடி அல்லது பொருட்கள்

:

ஸ்டிங்கிங் நெட்டில் (அர்டிக்கா பர்விஃப்ளோரா)

தயாரிப்புடன் தொடர்புடையவை

:

கந்தகம் (S), சாம்பல்சத்து (K), கால்சியம் (Ca), இரும்பு (Fe)

கிரகம்

:

செவ்வாய்

உறுப்பு

:

பித்தப்பை

விளைவு

:

மண் நலத்தை அதிகப்படுத்துகிறது. மண்ணுக்கு தேவையான தனித்தனியான ஊட்டச்சத்துக்களை அளிக்கிறது

தயாரிப்பு முறை:

  • மண்பானைகளில் உலர்ந்த இலைகளைப் போட்டு நிரப்ப வேண்டும்.
  • நன்றாக அழுத்தி நிரப்ப வேண்டும்.
  • பானையின் மூடி திறந்து இருக்க வேண்டும்.
  • பானை நன்றாக வெயில் படும்படி வைக்க வேண்டும்.

(நிரப்புவதற்கு முன் உலர்ந்த இலைகளை இலைகளின் சாறைக் கொண்டு ஈரப்படுத்த வேண்டும்)

புதைக்கும் மற்றும் வெளியே எடுக்கும் காலம்:

  • மே, செப்டம்பர் மாதங்களில் அறுவடை செய்ய வேண்டும்.
  • ஒரு வருடம் கழித்து செப்டம்பர் மாதத்தில் இந்த தயாரிப்பை வெளியே எடுக்க வேண்டும்.

பி. டி. 506 டான்டிலன் (டாராசிக்கம் அஃபிசினாலிஸ்)

தயாரிப்பு

:

506

செடி அல்லது பொருட்கள்

:

டான்டிலன் (டாராசிக்கம் அஃபிசினாலிஸ்)

தயாரிப்புடன் தொடர்புடையவை

:

சிலிக்கான் (Si), அல்லது சிலிசக் அமிலம்

கிரகம்

:

வியாழன்

உறுப்பு

:

கல்லீரல்

விளைவு

:

சிலிக்கான் மற்றும் பொட்டாசியம் இடையேயுள்ள உறவை அதிகப்படுத்துகிறது. இதனால் சிலிக்கான் காஸ்மிக் சக்திகளை மண்ணிற்கு அளிக்கிறது

மாடுகளின் வயிற்றைச் சுற்றியுள்ள தோலுடன் டான்டிலன் செடியை சுற்றி வைத்து தயாரிக்கப்படுகிறது.

தயாரிப்பு முறை:

  • மாட்டினுடைய வயிற்றை சுற்றிய தோலை பயன்படுத்த வேண்டும்.
  • டான்டிலன் பூக்கள் ஒளியை எளிதில் கிரகித்துக் கொள்ளும். ஆகவே, இதை மாட்டினுடைய வயிற்றைச் சுற்றிய தோலில் வைக்க வேண்டும்.
  • மாட்டினுடைய வயிற்றுத் தோலை கழுவக் கூடாது.
  • இதில் டான்டிலன் பூக்களை வைத்து நூல் கொண்டு கட்டிவிட வேண்டும்.
  • மண் மற்றும் மக்கிய உரம் கலந்த கலவை உள்ள பானையில் இந்த பையை வைக்க வேண்டும்.
  • இந்த தயாரிப்பை வெளியே எடுக்கும் போது மாட்டினுடைய வயிற்றைச் சுற்றியுள்ள தோல் தெரியும் அல்லது சில சமயங்களில் தெரியாது.

புதைக்கும் மற்றும் எடுக்கும் காலம்:

  • செப்டம்பர் மாதத்தில் புதைத்து, மார்ச் மாதத்தில் வெளியே எடுக்க வேண்டும்

பி. டி. 507 வேலிரியன் (அஃபிசினாலிஸ்)

தயாரிப்பு

:

507

செடி அல்லது பொருட்கள்

:

சாம்பல்சத்து (P)

தயாரிப்புடன் தொடர்புடையவை

:

சிலிக்கான் (Si), அல்லது சிலிசக் அமிலம்

கிரகம்

:

சனி

உறுப்பு

:

மண்ணீரல்

விளைவு

:

மட்கிய உரம் தயார் ஆவதை அதிகப்படுத்துகிறது. இதனால் பாஸ்பரஸ் மண்ணால் முறையாக பயன்படுத்தப்படுகிறது

வேலிரியன் பூக்களின் சாறு இந்த தயாரிப்புக்கும் பயன்படுத்தப்படுகிறது.

தயாரிப்பு முறை:

  • பறித்த பூக்களை உரல்கல்லில் போட்டு பசைக்குழம்பு போல் செய்ய வேண்டும்.
  • 1 : 4 என்ற விகிதத்தில் தண்ணீருடன் கலந்து பாட்டிலில் வைக்க வேண்டும்.
  • குளிர்ந்த அறையில் சேமிக்க வேண்டும்.
  • ஒவ்வொரு 5 கன மீட்டர் மட்கிய உரத்துக்கு 1 கிராம் (502 – 506) அளவு மற்றும் 10 மி. லிட்டர் 507ஐ 2.5 லிட்டர் தண்ணீரில் 5 சதவீதத்தில் கலந்து பயன்படுத்த வேண்டும். இது திரவ நிலையில் உள்ள உரங்கள் மற்றும் மாட்டு உரக்குழிகளில் சேர்க்க வேண்டும்

புதைக்கும் குழிகள் தயாரிப்பு முறைகள்:

  • அளவு: ஆழம் = 12 – 18” : நீளும் = 2 அடி; அகலம் – 2 அடி
  • இடம் : நல்ல வடிகால் வசதியுடன் கூடிய மரங்கள் இல்லாத வளமான மண்
  • பராமரிப்பு: களை இல்லாமல் இருக்க வேண்டும். குழியைச் சுற்றி தோண்ட வேண்டும். தென்னை நார்க் கழிவுகளைக் கொண்டு மூட வேண்டும்.
  • குழியைச் சுற்றி செங்கல் வைத்து கட்ட வேண்டும்
  • புதைத்த தேதி, எடுக்கும் தேதி, வரைபட திட்டம், தயாரிப்பு முறை பற்றிய விவரம் குறிப்பிட வேண்டும்
  • குழியின் வெப்பநிலை 25 - 300 செல்சியஸ் வரை இருக்குமாறு பராமரிக்க வேண்டும்.
  • தண்ணீர் தேங்காமல் பார்த்துக் கொள்ள வேண்டும்.

சேமிப்பு முறைகள்:

  • குளிர்ந்த, ஈரப்பதம், இருட்டான நல்ல காற்றோட்டத்துடன் இருக்குமாறு தேர்ந்தெடுக்க வேண்டும்.
  • தயாரிப்புக்கான விவரங்கள் அடங்கிய சீட்டுடன் கண்ணாடி குடுவைகளில் வைக்க வேண்டும்.
  • சேமிப்பு கலங்களில் குறிப்பாக தென்னை நார் தக்கையில் வைத்து சேமிக்க வேண்டும்.
  • 500 மற்ற சி. பி. பி தயாரிப்புக்களை கலங்களில் மட்டமாக சிறிய துவாரத்துடன் வைக்க வேண்டும்.
  • இந்த தயாரிப்புக்களை அடிக்கடி திருப்பி ஈரப்பதம் இருக்குமாறு பராமரிக்க வேண்டும்.

பி. டி. 508 (ஈக்விசிட்டம் அர்வென்ஸ்)

  • சிலிக்கா அதிக அளவு இருக்கும். தேயிலைப் பயிரின் ஆரம்ப பருவத்தில் பூஞ்சானைக் கட்டுப்படுத்துவதற்கு பயன்படுகிறது.
  • முழு நிலவின் மேலும் (2 – 4 நாட்களுக்கு முன்பு), நிலவு சனிக் கிரகத்திற்கு எதிராக வரும் போதும், B0 50ஐ போன்றே தெளிக்க வேண்டும்.

தேவையான பொருட்கள்:

  • 1 கிலோ ஈக்கிசிட்டம் அர்வென்ஸ் (குதிரைவால் செடி) அல்லது சவுக்கு
  • 10 லிட்டர் தண்ணீர்

தயாரிப்பு முறை:

  • ஈக்கிசிட்டம் அர்வென்ஸ் அல்லது சவுக்கை சுடுநீரில் 2 மணி நேரத்துக்கு கொதிக்க வைப்பதால் அடர்த்தியான தேயிலை நிறமாக மாறும். இதே மாதிரி 2 நாட்களுக்கு செய்ய வேண்டும்.

தெளிக்கும் முறை:

  • 50 கிராம் தயாரிப்பை 10 லிட்டர் நீரில் கரைக்க வேண்டும்.
  • வளர்ச்சிப் பருவத்தின் ஆரம்பத்தில் செடிகளின் மீதோ அல்லது மண்ணின் மீதோ தெளிக்க வேண்டும்.
  • பி. டி. 508 மீதமான பூஞ்சான் பிரச்சனைக்கும் பி. டி. 501 அதிகத் தாக்குதலின் போது நல்ல விளைவைத் தரும்.

உயிராற்றல் முறையில் நெல் சாகுபடி

உயிராற்றல் வேளாண் வழிமுறைகளைக் கடைப்பிடித்த நெல் பயிரிடும் முறை

விவசாயிகள் அவரவர் வசதிக்கு ஏற்ற வகையில் பருவம், நீரின் அளவு இவற்றை அனுசரித்து பாரம்பரிய இரகங்கள் மற்றும் உயர் விளைச்சல் இரகங்களைத் தேர்வு செய்து கொள்ளவும்.

ஏனெனில் அருகில் உள்ள வயல்களில் ஒரு இரகம், நாம் ஒரு இரகம் தேர்வு செய்யும் போது குறிப்பிட்ட இரகம் 10 நாட்கள் கால அளவில் முன்னும் பின்னுமாக விளைந்து அறுவடைக்கு தயாரானால் பரவாயில்லை.

ஒரு இரகம் 110 நாட்களிலும் அடுத்த இரகம் 150 நாட்கள் கால அவகாசத்தில் விளைந்தால் எலிகள், பூச்சிகள், பறவைகள் தொல்லை தாமதமாக விளைச்சல் தரும் நெல்லை பாதிக்கும்.

கால்வாய் பாசனமாக இருப்பின் நீர் அதிகமாகவோ அல்லது பற்றாக் குறையோ ஏற்படக் காரணமாகக் கூடும். அனைத்து வயல்களும் ஒரே சமயத்தில் அறுவடைக்கு தயாராக உள்ள போது இயந்திர அறுவடை சாத்தியமாகும். விதைநெல் தேர்வு செய்தவுடன் ஒரு ஏக்கருக்கு செம்மை நெல்  சாகுபடி முறைகள் கடைப்பிடிப்பதாக இருப்பின் 3 கி.கி. வரையும் அடர் நடவு முறையாக இருப்பின் 15 கி.கி. வரையும் ஏற்பாடு செய்து கொள்ளவும்

நாற்றங்கால் தயாரிப்பு: நாற்றங்கால் வயலை-1 புழுதி நாற்றங்கால் 2-சேறு கலக்கிய நாற்றங்கால் என இரண்டு வகைகளாகவும் நாற்று உற்பத்தி செய்ய ஏற்பாடுகளை செய்யவும்.

புழுதி நாற்றங்கால்: ஒரு ஏக்கருக்கு நாற்று உற்பத்தி செய்ய சுமார் 1 சென்ட் முதல் 11/2 சென்ட் பரப்பு நிலத்தை உழவு செய்த பின்பு அதில் சுமார் 3 டன்கள் அளவு நன்றாக மட்கிய தொழுஉரத்தை இட்டு மீண்டும் உழவு செய்யவும்.

நன்றாக உழவு செய்து கட்டிகள் சறுகுகள் போன்றவை இல்லாமல் பார்த்துக் கொள்ளவும்.

அந்த வயலைச் சுற்றிலும் உள்பக்கம் ஒரு கால்வாய் அமைக்கவும். கால் வாயின் அகலம் 1 அடியாகவும் ஆழம் 6 முதல் 9 அங்குலம் இருக்குமாறும் மண்ணை எடுத்து உள்பக்கமாக இடவும்.

பின்பு இடையில் நான்கு அடி அகலம் மேடையாக விட்டு மீண்டும் 1 அடி அகல கால்வாய்களை அமைக்கவும். இவ்வாறு கால்வாய் அமைப்பை ஏற்படுத்தும் போது எடுக்கும் மண்ணை கால்வாயின் இரு பக்கங்களிலும் இடும்போது மேடையின் உயரம் சுமார் 1 அடி இருக்குமாறு அமையும்.

இந்த மேடைப்பாத்திகளை நன்றாக சமன் செய்து நீள வாக்கில் மேடையின் நடுப்பகுதி உயரமாகவும் பக்கவாட்டில் இறக்கமாக (தாழ்வாக) இருக்குமாறும் அமைக்கவும். இவ்வாறு அமைக்கும் போது நீர் பாய்ச்சும் போது. நீர் கால்வாய்களில் முதலில் சென்று பின்பு மேடைகளின் மீது மெதுவாக பரவும். இதன் மூலம் நெல் மணிகள் அடித்துச் செல்லப்படுவது தவிர்க்கப்படும். நாற்றங்கால் வயல் தயாரான உடன் விதை நெல்லை நீரில் மாலைநேரத்தில் ஊறவைக்கவும். மாலையில் விதைநெல் முழுவதும் மூழ்கி இருக்கும் அளவு நீரில் CPP-1கி.கி. உடன் கொம்பு சாண உரம் 50 கிராம் அளவு எடுத்து நன்றாகக் கரைக்கவும். பின்பு நெல்லை அந்த நீரில் ஊறவைக்கவும், இரவு முழுதும் ஊறிய நெல்லை தனியாக வடித்து எடுக்கவும். எடுத்த நெல்லை சணல் சாக்குப்பையில் கட்டி இருட்டான இடத்தில் வைத்து மேலும் ஒரு சணல் சாக்குப்பை கொண்டு போர்த்தி வைக்கவும்.

வடித்த நீரை நாற்றங்கால் வயலில் தெளித்து விடவும். நெல் மூட்டையை மறு நாள் காலை நாற்றங்கால் மேடைகளின் மீது ஒரு அங்குல இடைவெளியில் நெல் மணிகள் விழுமாறு தூவி விடவும். அதன் பிறகு மேடைகளின் மீது விரல்களால் அல்லது கிளைகளுடன் கூடிய குச்சிகளைக் கொண்டு கிளறி விடவும். அதிகமாக நெல்மணிகள் வெளியில் தெரியும் இடத்தில் கால்வாய் பகுதியில் இருந்து கட்டிகள் இல்லாத மண்ணை கைகளால் தூவி மூடவும். பின்பு நீர் பாய்ச்சவும்.

முதல் முறை நீர் பாய்ச்சும் போது நீர் மிக வேகமாக பாய்ந்து செல்லாமல் குறைவான அளவில் மிதமான வேகத்தில் நீர் பாய்ச்சவும். இந்த நாற்றங்கால் வயல் சேறு கலந்த பின்பு நெல் விதைப்பதாக இருப்பின் முதலிலேயே தொழுஉரம் இட்டு பின்பு நீர் பாய்ச்சி உழவு செய்யவும். நன்றாக உழவு செய்து சமன் செய்த பின்பு நீர் அதிகமாக இல்லாமல் அளவான நீரை வயலில் நிறுத்தவும். மறுநாள் சிறிதளவு நீர் கறைந்த பின்பு புழுதி நாற்றங்கால் தயாரித்ததைப் போன்றே கால்வாய்களை அமைத்து மேடைப்பாத்திகளை அமைக்கவும்.

மேடைகளை சமன் செய்யும்  போது நீள வாக்கில் மேடைகளின் மையப்பகுதிகளைச்  சற்றே உயரமாக  வரும்படி மண்ணை சிறு பலகை கொண்டு தள்ளி சமன் செய்து கால்வாய்களையும் பலகையால் ஒதுக்கி விடவும். இந்த மேடைகளின் மீது முன்பு போலவே ஊறவைக்கப்பட்ட நெல் மணிகளை தூவிவிடவும், நெல் மணிகளை தூவுவதற்கு முன்பாக நீர் மேடைகளின் மீதும் இருக்குமாறு பார்த்துக்கொள்ளவும். நெல்லைத் தூவிய பின்பு நீரை மெதுவாக வெளியேறு மாறு செய்து வடித்து விடவும்.

மீண்டும் மாலை நீர் பாய்ச்சவும். மறு நாள் காலை 10 மணி அளவில் வெயில் உஷ்ணம் அதிகரிக்கும் போது நீரை வடிக்கவும். மீண்டும் மாலை நீர் பாய்ச்சவும் 5 நாட்கள் முதல் 7 நாட்கள் இவ்வாறு செய்தால் நெல் மணிகள் முளைத்து இரண்டு இலைகளுடன் சுமார் 1 முதல் 11/2 அங்குலம் உயரம் வரை வளர்ந்திருக்கும். பின்பு நீரை வடிக்க வேண்டிய அவசியம் இல்லை. புழுதி நாற்றங்காலில் ஒரு நாள் விட்டு ஒரு நாள் லேசாக நீர் பாய்ச்சுவதன் மூலம் இதே அளவில் நாற்றுகளை உற்பத்தி செய்ய முடியும். பின்பு விதைத்த ஏழு நாட்களில் B.D.501 எனப்படும் கொம்பு சிலிக்கா உரத்தை தெளிக்கவும். இவ்வாறு உற்பத்தி செய்யப்பட்ட நாற்றுகளை SRI (செம்மை நெல் சாகுபடி) முறையில் நடவு செய்வதாக  இருந்தால் 10வது நாள் முதல் 15 நாட்களுக்குள் நடவு செய்வது மிகவும் நல்லது.

பழைய முறையில் நடவு செய்வதாக இருப்பின் இரகத்தை பொறுத்து நாட்களை அதிகரித்துக் கொள்ளலாம். SRI முறையில் நடவு செய்வதாக இருப்பின் நெல் விதைத்த உடனேயே நடவு வயலையும் தயார் செய்தல் மிகவும் நல்லது. ஏனெனில் முன்னர் கூறியுள்ளபடி உற்பத்தி செய்த நாற்றுகள் குறைந்தது நான்கு இலைகளுடன் 4 முதல் 6 அங்குல உயரம் கூட இருக்கும். நடவு வயல்: நீரின் வசதிகளைப் பொறுத்து (மழை, கால்வாய், இறைப்பு நீர் பாசனம்) பசுந்தழை உரப்பயிர்கள் அல்லது அனைத்து வகையான விதைகளையும் கலந்து விதைத்து மடக்கி உழுது உரத்தேவையை குறைக்கலாம். இதற்கு 30 முதல் 40 கி.கி. விதைகள் விதைத்தால் மிகவும் பயனுள்ளதாக இருக்கும்.

இந்த விதைகளையும் உயிராற்றல் வேளாண் முறை தயாரிப்புகளான CP-BD 500 எனப்படும் கொம்பு சாண உரம் இவற்றுடன் விதை நேர்த்தி செய்து விதைக்கும் போது மண் விதையில் நுண்ணுயிர் பெருக்கம் ஏற்பட்டு வளர்க்கப்படுகிறது. அல்லது அதற்குண்டான நீர் வசதிகள் அமையாவிட்டால் மட்கிய தொழு உரம் குறைந்தது 20 டன்கள் வரை இட்டு உழவு செய்யவும். இரண்டு மூன்று முறை உழவு செய்தவுடன் சமன் செய்யவும்/அல்லது நீரை ஓரளவு வயலில் நிற்குமாறு செய்து  பின்பு நீர் வற்றும் போது மேடான பகுதிகளை கண்டறியலாம்.

மேடாகத் தோன்றும் பகுதிகளை தாழ்வான பகுதிகளில் தள்ளி விட்டு 4 முதல் 5 நாட்களில் மீண்டும் உழவு செய்து சமன் செய்யவும். மீண்டும் இரண்டு நாட்களில் சிறு சிறு மேடுகள் தெரிந்தால் அவற்றையும் நீர் தேங்கி உள்ள பகுதிக்கு முழுவதுமாக வெளியேற்றிட வேண்டும். இவ்வாறு முறையாக தயாரிக்கப்பட்ட நடவு வயலில் நடவுக்கு முதல் நாள் CPP 1 கி.கி. கொம்பு சாணம் உரம் (B.D .500)-100 கிராம், 15 லிட்டர் நீரில் நன்றாக கரைத்து தெளிக்கவும்.
பின்பு நாற்றுகளை மறு நாள் காலை நடவு செய்யவும்.

SRI (செம்மை நெல் சாகுபடி) முறையில் நடவு செய்வதாக இருந்தால் கயிறு உபயோகித்து சரியான இடைவெளியில் நடவு செய்யலாம் அல்லது மார்க்கர் எனப்படும் சிறு உபகரணத்தை உபயோகித்து அடையாளம் செய்து அதன் மூலம் நடவு செய்யலாம். நடவின் போது வயலில் நீர் முழுவதுமாக வெளியேற்றி கூழ் போன்ற சேறு இருக்குமாறு வைத்துக் கொள்ளவும். நாற்றுகளை நாற்றங்காலில் இருந்து எடுக்கும் போது ஒவ்வொரு செடியாக அதனுடன் சேர்ந்து வரும் மண்ணுடன் எடுத்து வேர்கள் அறுபடாமல் தட்டுகளில் வைத்து எடுத்து நடவு வயலுக்கு கொண்டு செல்லவும்.  (பழைய முறையாக இருப்பின் வளர்ந்த நாற்றுகளை கட்டுகளாக எடுத்துச் செல்வது வழக்கம்.)

இவ்வாறு எடுத்து வந்த நாற்றுகளை சரியான இடைவெளியில் ஒவ்வொரு நாற்றாக எடுத்து அடையாளம் உள்ள இடத்தில் நடவு செய்யவும். நாற்றுகளை நடும் போது நாற்றின் தண்டு முடிந்து வேர்கள் துவங்கும் இடத்தில் இருந்து ஐந்து விரல்களாலும் கீழ் நோக்கியப்படி வேர் பகுதியை பிடித்து மண்ணுக்குள் விரல்களை அழுத்தி வேர்கள் மடங்காமல் நடவு செய்யவும்/அல்லது நாற்றை அடையாளம் உள்ள இடத்தில் கிடையாக வைத்து வேர்ப் பகுதியை மட்டும் நான்கு விரல்களைக் கொண்டு அகலமாக வேர்ப்பகுதி முழுதும் நீள வாக்கில் கிடையாக மண்ணுக்குள் செல்லுமாறு அழுத்தி விடவும். இவ்வாறு நடவு செய்யும்  போது நாற்றின் மேல் பகுதி சாய்ந்தாற் போல் தெரியும் அதனால் தவறில்லை. இதில் முக்கியமாக அறிந்து கொள்ள வேண்டியது வேர்கள் மண்ணுக்குள்  வடிவத்தில் மடங்கி வேர்கள் நுனிப்பகுதி மேல் நோக்கி வராமல் விரிந்து மண்ணுக்குள் இருக்குமாறு பார்த்துக் கொள்வது மட்டுமே. நடவு செய்த முதல் மூன்று தினங்கள் நீர் தேவை ஏற்படுவதில்லை. மண்ணில் மயிரிழை போன்ற வெடிப்புகள் தோன்றும் போது மட்டும் நீர் பாய்ச்சினால் போதுமானது. இவ்வாறு ஒவ்வொரு முறையும் நீர் பாய்ச்சும் போது கவனித்து நீர் பாய்சினால் நீர்த் தேவை மிகவும் குறையும்.

மேலும் வெயில் உஷ்ணம் அதிகரிக்கும் போது நீரின் உஷ்ணம் அதிகரித்து நடவு செய்த நாற்றுகள் வெளுப்பாகி அழுகிப் போகாமல் இருக்கும். நடவு முடிந்து 7 முதல் 10 நாட்களுக்கு அடுத்து வரும் முதல் நோக்கு நாள் அல்லது பெளர்ணமி அல்லது சந்திரன் எதிர்சனி நாளில் B.D.501 எனப்படும் கொம்பு சிலிக்கா ஒரு ஏக்கருக்கு 4 கிராம் அளவில் ஸ்பிரே செய்யவும். நாற்றுகள் நடவு முடிந்த உடனேயே பஞ்சகவ்யம் தேவையான அளவு தயாரித்து தினமும் கலந்து வைத்துக் கொள்ளவும்.

பூச்சி விரட்டி தயாரிக்கும் முறைகளை அறிந்திருப்பின் அதனையும் தயார் நிலையில்  வைத்துக் கொள்ளவும். நடவு முடிந்த 12 முதல் 15 நாட்களில் முதல் முறையாக கோனா வீடர் எனும் கருவியை உபயோகப்படுத்தி  நடவு செய்வதன் மூலம் களைகளை கட்டுப்படுத்தவும். சாதாரண நடவு முறைகளை பின்பற்றி இருந்தால் கூட பெண்களைக் கொண்டு கொத்துகள் மூலம் கொத்தி சேறுபோல கலக்கி விட்டு நெல் பயிர்களின் வேர்களுக்கு சுற்றிலும் சேறு கலப்பது போல செய்து விடவும்.

பயிர்களின் வேர்ப்பகுதியில் இந்த அளவு கலக்கி விடும் போது புதுவேர்கள் வேகமாக வந்து பயிர்களில் கிளைப் பயிர்கள் அதிகரிக்கும். இவ்வாறு கோனா வீடர் உபயோகிப்பது அடுத்து வரும் 10 முதல் 5 நாட்களுக்கு ஒரு முறை தொடர்ந்து 5 முறைகள் உபயோகிக்கவும். இரண்டாம்முறை உபயோகிக்கும் போது ஜீவாம்ருதம், அமுதக் கரைசல் போன்ற தயாரிப்புகளை உபயோகித்து பயிரின் வளர்ச்சியை ஊக்கப்படுத்தவும். இந்த அளவுகள் மண்ணின் தன்மை, மற்றும் பசுந்தழை உப்பயிர்களை நெற்பயிர் நடவுக்கு முன் மடக்கி உழுதல், நடவுக்கு முன்னால் தொழுஉரம் இட்டு உழவு செய்தல் போன்றவற்றின் மூலம் மாறுபடும். வளர்ச்சி அதிகம் தேவைப்படுமானால் சாணம், மூத்திரம், பழைய சாம்பல், புண்ணாக்கு வகைகள், கோழி உரக் கழிவுகள், மண்புழு உரம் போன்றவற்றை தேவைக்கு எற்றுவாறு நீரில் ஊறவைத்து இதனுடன் வயலில் பாய்ச்சுவதற்கு முதல் நாள் CPP  மற்றும்  B.D.500 சேர்த்து கலந்து பாய்ச்சலாம். அல்லது இந்த கரைசலை வடிகட்டி நீரில் கலந்து பயிர்களின் மேல் ஸ்பிரே செய்யலாம். நோய் தடுப்புக்கு நொச்சி, சவுக்கு, பப்பாளி, காட்டு மருக்கொழுந்து, மஞ்சள்தூள் சோற்றுக் கற்றாழை, வசம்பு, போன்வற்றை இடித்து நீரில் ஊறவைத்து வடிகட்டி ஸ்பிரே செய்யலாம். பஞ்சகவ்யம் தெளிப்பது நோய் வராமலே தடுக்கும். பூச்சிகளை கட்டுப்படுத்த ஆடாதொடா, ஆடுதீண்டாப்பாளை, ஊமத்தை, பான்னரளி, சுண்ணடக்காய், எருக்கு, சீமை அகத்தி, சங்கங்குப்பி, சிறயாநங்கை (நிலலேம்பு), குமட்டிக்காய் போன்றவற்றை உபயோகிக்கவும். அல்லது பவேரியா பேசியானா, பவேரிய ப்ராங்னியாரிடி போன்ற உயிரியல் கட்டுப்பாட்டு முறைகளையும் பயன்படுத்தலாம். நீர் பராமரிப்பில் முக்கிய கவனம் நல்லது. வயலில் லேசான வெடிப்புகள் தோன்றும் அளவுக்கு விட்டு மறுபடி நீர் பாய்ச்சவும். அறுவடை பக்குவத்தில் 20 நாட்களுக்கு முன்பாக B.D.501 (கொம்பு சிலிக்கா) தெளிப்பதன் மூலம் மணிகள் முழுமையாகவும், சுவை அதிகரிக்கவும், எடை அதிகரிக்கவும் உபகோமாக இருக்கும். செம்மை  நெல் சாகுபடி முறையில் கவனிக்க வேண்டியவை

  • நாற்றுகளை இடை வெளிவிட்டு முளைக்குமாறு  நெல்லை 1 அங்குல இடைவெளியில் விதைத்தல்.
  • நெல் விதைத்த 10 முதல் 15 நாட்களுக்கு முன்பாக நடவு செய்தல்.
  • நடவு செய்யும் போது வேர்கள் நேராக கீழ் நோக்கியோ அல்லது பக்கவாட்டில் விரிந்து இருக்குமாறு நடவு செய்தல். அதாவது வேர்களின் நுனிகள் வளைந்து சேற்றில் மேல் நோக்கி இல்லாமல் நடவு செய்தல்.
  • நடவு வயல் முழுதும் நீரை வெளியேற்றும் போது வயலின் எந்தப்பகுதியிலும் நீர் தேங்கி நிற்காமல் முழுதும் வெளியேறும் அளவுக்கு சமன் செய்தல்.
  • பத்து நாட்களுக்கு ஒரு முறை பயிர்களைச் சுற்றிலும் கோனா வீடர் மூலம் கலக்கிவிட்டு மண்ணில் காற்றோட்டம் நன்றாக இருக்குமாறு செய்தல்.
  • இனி இந்த செயல் பாடுகளை வரிசைப்படுத்தி கொடுக்கப்படுகிறது
    1. விதை நெல் தேர்வு
    2. நாற்றங்கால் தயாரிப்பு
    3. விதை நேர்த்தி செய்தல்
    4. விதை நெல் விதைப்பு
    5. கொம்பு சிலிக்கா தெளிப்பு (விதைத்த 7 முதல் 10 நாட்களில்) 4 கிராம் ஒரு   
      ஏக்கருக்கு
    6. இதனுடன் தொடர்ந்து நடவு வயல் தயாரிப்பு
    7. நாற்றுகளை நடவு செய்யும் முன்பாக உடன் கொம்பு சாண உரம் கலந்து தெளித்தல்
    8. நாற்றுகள் நடவு
    9. நடவு செய்த 7 முதல் 10 நாட்களில் கொம்பு சிலிக்கா தெளிப்பு
    10. 12 முதல் 15 நாட்களில் கோணா வீடர் உழவு
    11. மீண்டும் CPP+B.D.500 தெளிப்பு
    12. தேவைப்பட்டால் மேலுரமாக ஜீவாம்ருதம் அல்லது அமுதக்கரைசலும் CPP+B.D.500 சேர்த்து கலந்து நீர் பாய்ச்சுதல்.
    13. மறுபடியும் நடவு செய்த 25 நாட்களில் கோனா வீடர் உழவு
    14. குருத்துப் புழு, தண்டுப்புழு, புகையான பூச்சிகளுக்கான பூச்சி  விரட்டி தெளிப்பு
    15. 35 முதல் 40 நாளில் மீண்டும் கோனா வீடர் உழவு
    16. மீண்டும் தேவையெனில் பஞ்சகவ்யம் தெளிப்பு
    17. 50 முதல் 55 நாளில் மீண்டும் கோனா வீடர் உழவு
    18. தேவையெனில் ஜீவாம்ருதம் அல்லது அமுதக்கரைசலுடன் CPP கொம்பு  சாண உரம் சேர்த்து வடி கட்டி ஸ்பிரே செய்தல்
    19. முதல் 65 நாட்களில் மீண்டும் கோனா வீடர் உழவு இறுதியாக போதுமானது.
    20. தேவையெனில் தண்டுப்புழு, குறுத்துப்புழு, இலை சுருட்டுப்புழு கட்டுப்பாட்டிற்கு பூச்சி கொல்லி தெளித்தல்.
    21. 80 நாட்களில் மீண்டும் (கொம்பு சிலிக்கா) தெளிப்பு முன்னர் கூறியுள்ளபடி நெல் பயிரிட தேவையான உயிராற்றல் முறைகளை கடைபிடிக்க ஏதுவாக
  • நவதான்ய விதைப்பு மற்றும் மடக்கி உழுதல்
  • பஞ்சகவ்யம் தயாரிப்பு
  • CPP+BD-500 (கொம்பு சாணம்) உரம் கரைசல் மண்ணில் தெளிக்க
  • CPP+BD-500 உடன் திரவ உரங்கள் சேர்த்து பயிர்களின் மேல் தெளிக்க
  • BD-501கொம்பு சிலிக்கா தெளிக்க

உயிராற்றல் முறையில் வாழை சாகுபடி

உயிராற்றல் வழிமுறைகளை கடைபிடித்து வாழை பயிரிடும் முறை

  • நடவு வயல்-உழவு, தொழுஉரம் உழவுக்கு முன்பு பலதான்ய விதைப்பு பல தான்ய பயிர்களை மடக்கி உழும்போது CPP+BD 500 தெளிப்பு
  • கன்றுகள் தேர்வு, இரகங்கள், நோய்கள் இல்லாத வயல்களில் கன்றுகள் சேகரித்தல் (சமவயதுடையவையாக)
  • நடவு -நட வேண்டியநாள்
  • பலதான்ய விதைப்பு - விதைகள் சேகரிப்பு மற்றும் அளவு, விதை நேர்த்தி
  • B.D.501 (கொம்பு சிலிக்கா உரம் தெளிப்பு)
  • C.P.P. (சாணமூலிகை உரம் B.D.500 (கொம்புசாண உரம்) தெளிப்பு
  • B.D.501 தெளிப்பு
  • பல தான்ய பயிர்களை அறுவடை செய்து பரப்பிவிடுதல்
  • C.P.P+ B.D.500  தெளிப்பு
  • மீண்டும் பலதான்ய விதைப்பு
  • B.D.501 தெளிப்பு
  • C.P.P+ B.D.500  தெளிப்பு
  • பலதான்ய பயிர்கள் அறுவடை
  • C.P.P+ B.D.500  தெளிப்பு
  • திரவ உரங்கள் மண்ணில் விடுதல்
  • மீண்டும் பலதான்ய விதைப்பு அல்லது மொச்சை, தட்டைப்பயறு நடவு
  • B.D.501 தெளிப்பு
  • சுமார் 7 மாத வயதில் பலதான்ய பயிர்கள் அறுவடை மற்றும் பரப்பிவிடுதல்
  • களை எடுத்து கன்றுகளுக்கு மண் கட்டுதல்
  • திரவ உரங்களுடன் CPP கலந்து மண்ணில் விடுதல்
  • 9 மாதவயதில் B.D.501 தெளித்தல்
  • 11 மாதத்திற்குள் மீண்டும் தேவையெனில் திரவ உரங்களுடன் CPP சேர்த்து தெளித்தல்
  • அறுவடைக்கு 20 முதல் 30 நாட்களுக்குள் B.D.501 தெளிப்பு மேலே குறிப்பிட்டுள்ளவாறு நமது பண்ணை வேலைகளை பிரித்துக் கொண்டு பயோ டைனமிக் காலண்டரில் உள்ளவாறு குறிப்பிட்ட தினங்களில் அந்தந்த வேலைகளை திட்டமிட்டு செய்தால் நல்ல பலன்களைப் பெறமுடியும்.

மீன் திரவ உரம்

மீன் கழிவுகள் 10 கி.கி. முழு மீன்கள் 5 கி.கி. வெல்லம் 15 கி.கி. இவற்றை 50 கி.கி. டிரம்மில் அல்லது மண் பானையில் இட்டு கலந்து ( நீர் சேர்க்கக் கூடாது) நன்றாக மூடி காற்று புகாமல் செய்து பின்பு மண்ணில் அல்லது எருக்குழியின் ஓரத்தில் புதைக்கவும். இருபத்தைந்து முதல் 30 நாட்களில் இந்த கலவை தேன் போன்ற திரவமாக மாறி இருக்கும். இதனை எடுத்து ஒரு லிட்டர் நீருக்கு 2 மில்லி முதல் 5 மில்லி வரை கலந்து 100 லிட்டர் நீருக்கு 1 கி.கி. CPP சேர்த்து கலந்து வடிகட்டி பின்பு ஸ்பிரே செய்யலாம். இந்த மீன் திரவ உரத்தை சாண மூத்திரைக்கரைசலுடன் ஏக்கருக்கு 20 லிட்டர் வரை கலந்து மண்ணிலும் ஊற்றலாம். மீன் திரவ B.D. 501 கரைசல் தயாரிக்க ஒரு ஏக்கருக்கு B.D. 501-4 கிராம் மட்டும் நீர் -15 லிட்டர் (கிடைத்தால் மழை நீர்) இவற்றை ஒரு டிரம்மில் எடுத்துக்கொண்டு CPP+B.D. 500 கரைசல் தயாரித்தது போலவே ஒரு மணி நேரம் சுற்றி கலக்கவும். கலந்தவுடன் பவர்ஸ்பிரேயர் அல்லது கைகளால் இயக்கும் ஸ்பிரேயர் மூலம் பயிர்கள் எதுவாக இருப்பினும் அவற்றின் உயரத்திற்கு 5 முதல் 10 அடி உயரம் அதிகமான உயரத்தில் காற்றின் வேகத்தை பொருத்து உயரத்தூக்கி புகைபோல காற்றில் கலந்து பயிர்களின் மேல் இறங்கி படும்படி ஸ்பிரே செய்யவும்.

ஒரு ஏக்கர் பரப்பிற்கு 15 லிட்டர் கரைசல் போதுமானது தானா? என்ற சந்தேகம் வரும் கரைசல் வெளியேறும் அளவு குறைக்கப்பட்டு வேகத்தை அதிகரித்து நடந்தால் சரியாக இருக்கும். வயல்களின் பெரிய வரப்புகளின் ஓரமாகச் சென்று ஸ்பிரே செய்தால் காற்று வாக்கில் புகைபோல வயல் முழுவதும் விழும் அனுபவத்தில் இது தெரியவரும் இதனை ஸ்பிரே செய்ய தவிர்க்கவும், அபோஜி, பெரிஜி, நாட்களை தவிர்த்து மேல் நோக்கு நாட்கள் மற்றும் பெளர்ணமி நாள், சந்திரன் எதிர்சனி அமையும் நாள் இவற்றில் ஏதாவது ஒருநாள் காலை 10.00 மணிக்குள் ஸ்பிரே செய்து முடித்தல் நல்லது வெயில் குறைவாக இருப்பின் காலை 11.00 மணி வரை ஸ்பிரே செய்யலாம். 1 ஏக்கருக்கு ஸ்பிரே செய்ய அதிகபட்சம் 25 நிமிடங்கள் மட்டுமே ஆகும்.

ஆதாரம் : தமிழ்நாடு வேளாண்மை பல்கலைக்கழகம்

3.01234567901
கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top