பொருளடக்கத்திற்கு தாண்டவும் | Skip to navigation

Vikaspedia

பகிருங்கள்
கருத்துக்கள்
  • நிலை: திருத்தம் செய்யலாம்

சுவைப் மெஷின் எப்படி பெறுவது?

சுவைப் மெஷின் பற்றிய தகவல்கள் இங்கு கொடுக்கப்பட்டுள்ளன.

சுவைப் மெஷின் பயன்பாடு

முறைகேடாக நடைபெறும் பண பதுக்கலை தடுக்கும் நடவடிக்கையாக ‘கிரெடிட்’, ‘டெபிட் கார்டு மூலம் நடைபெறும் பண பரிமாற்றத்தை மத்திய அரசு ஊக்குவித்து வருகிறது. எனவே வரும் நாட்களில் சுவைப் மெஷின் பெறுவதற்கான நடைமுறைகள் மிகவும் எளிதாக்கப்பட்டு, எந்த வித கட்டணமும் இன்றி வழங்கப்படும்.

ஓட்டல்கள், பெரிய வணிக நிறுவனங்கள், மளிகை கடைகள், திரையரங்குகள் உள்பட பல இடங்களில் ‘சுவைப் மெஷின்’ மூலம் ‘கிரெடிட்’, ‘டெபிட்’ கார்டு பயன்பாடு அதிகரித்து வருகிறது.

பெரிய வணிக நிறுவனங்கள் கிரெடிட், டெபிட் கார்டு பயன்பாட்டை ஊக்குவிக்கும் வகையில் பல்வேறு கவர்ச்சிகரமான விளம்பர யுக்திகளை கையாண்டு வருகின்றன.

மேலும் சிறிய அளவில் காய்கறி-மளிகை கடை, பெட்டி கடை வைத்திருக்கும் வியாபாரிகள் பார்வையும் தற்போது ‘சுவைப் மெஷின்’ பக்கம் திரும்பி உள்ளது.

சுவைப் மெஷின் வகைகள்

  1. டயல் அப் (தொலைபேசி இணைப்பு மூலம்),
  2. டெஸ்க்டாப் (ஜி.பி.ஆர்.எஸ்.),
  3. ஹாண்டு ஹெல்டு (ஜி.பி.ஆர்.எஸ்.),
  4. டிஜிட்டல் (ஜி.பி.ஆர்.எஸ்)

இதில் ‘டயல் அப்’, ‘டெஸ்க்டாப்’, ‘ஹாண்டு ஹெல்டு’ ஆகிய மெஷின்களில் பண பரிமாற்றம் குறித்த ரசீது வரும். ‘டிஜிட்டல்’ மெஷினில் ரசீது வராது. அதற்கு பதிலாக பண பரிவர்த்தனை விவரம் சம்பந்தப்பட்ட நபரின் செல்போன் எண்ணிற்கு எஸ்.எம்.எஸ். ஆக (குறுந்தகவல்) வந்துவிடும்.

‘டெஸ்க்டாப்’, ‘டயல் அப்’ மெஷின்கள் மின்சாரம் மூலம் இயங்குகிறது. மற்றவைகள் பேட்டரி மூலம் இயங்குகிறது.

விண்ணப்பிக்கும் முறை

சுவைப் மெஷினுக்காக விண்ணப்பிக்கும் வியாபாரிக்கு, அவர் எந்த வங்கியில் விண்ணப்பிக்கிறாரோ,  அந்த வங்கியில் அவருக்கு கண்டிப்பாக கணக்கு இருக்க வேண்டும். பின்னர் வங்கியில் வழங்கப்படும் விண்ணப்ப படிவத்தில் தொழில் விவரம், வியாபாரியின் பெயர், புகைப்படம், வீடு-கடை முகவரி, தொலைபேசி, செல்போன் எண் மற்றும் கடந்த 3 ஆண்டுகள் கடையின் விற்பனை, லாபம் போன்ற விவரங்களை பூர்த்தி செய்ய வேண்டும். கடை சொந்தமானதா, வாடகையா, ஒத்திகையா என்பதையும் தெரிவிக்க வேண்டும்.

அடிக்கடி கேட்கப்படும் கேள்விகள்

ஒரு கடையை ஒன்றுக்கும் மேற்பட்டோர் இணைந்து நடத்தினால், அவர்கள் எப்படி விண்ணப்பிப்பது? ஒரு கடைக்கு எத்தனை சுவைப் மெஷின்கள் வாங்குவதற்கு விண்ணப்பிக்கலாம்?

யாராவது ஒருவருடைய புகைப்படத்துடன் விண்ணப்பிக்கலாம். ஆனால் மற்றவர்களின் பெயர், முகவரி போன்ற விவரங்களையும் விண்ணப்பத்தில் தெரிவிக்க வேண்டும். விற்பனையை பொறுத்து எத்தனை சுவைப் மெஷின்கள் வேண்டும் என்றாலும் பெறலாம். அதே நேரம் போதிய அளவு விற்பனை இல்லாத கடைகளில் சுவைப் மெஷின்கள் திரும்ப பெறப்பட்டு வருகிறது.

விண்ணப்பித்தவுடன் எத்தனை நாட்களில் ‘சுவைப் மெஷின்’ வியாபாரிகள் கையில் கிடைக்கும்?

விண்ணப்பித்த படிவம் வங்கியின் தலைமை அலுவலகத்துக்கு அனுப்பிவைக்கப்படும். அங்கிருந்து சுவைப் மெஷின் தயாரிப்பு நிறுவனத்துக்கு தகவல் கொடுக்கப்படும். குறைந்தபட்சம் 20 நாட்களில் இருந்து அதிகபட்சம் ஒரு மாதத்துக்குள் கிடைப்பதற்கான வாய்ப்புகள் உள்ளது.

சுவைப் மெஷின்’ பெறுவதற்கு கட்டணம் எவ்வளவு செலுத்த வேண்டும்?

சுவை மெஷின் பெறுவதற்கு கட்டணம் எதுவும் கிடையாது. ‘சிம்கார்டு’ இணைப்புக்கு மட்டும் 400 ரூபாய் கட்டணமாக செலுத்த வேண்டும். மாத வாடகை கட்டணமாக குறைந்தபட்சம் ரூ.1,000 நிர்ணயிக்கப்பட்டுள்ளது. ஆனால் கிரெடிட், டெபிட் கார்டு பயன்பாட்டுக்கு ஏற்ப கட்டணம் மாறுபடும்.

ஒரு முறை சுவைப் மெஷினில் கிரெடிட், டெபிட் கார்டு மூலம் நடக்கும் பரிமாற்றத்துக்கு வரி எவ்வளவு விதிக்கப்படும்?

எத்தனை முறை பயன்படுத்தினாலும் பயன்படுத்துவோருக்கு வரி எதுவும் கிடையாது. வியாபாரிகளுக்கு விற்பனைக்கு ஏற்ப சேவை வரி வசூலிக்கப்படும்.

ஒரு வங்கி வழங்கி உள்ள சுவைப் மெஷினில் மற்ற வங்கிகளின் கிரெட், டெபிட் கார்டுகளை பயன்படுத்த முடியுமா?

அனைத்து வங்கி கார்டுகளையும் ஒரு வங்கியின் சுவைப் மெஷினில் பயன்படுத்தலாம்.

தற்போது பெரிய வியாபாரிகள் முதல் சிறிய வியாபாரிகள் வரை சுவைப் மெஷினுக்காக விண்ணப்பித்து வருகிறார்கள். யாருக்கு முதலில் வழங்க முன்னூரிமை அளிக்கப்படும்?

  • அனைவருக்கும் ‘சுவைப் மெஷின்’ கிடைக்கும். ஆனால் விற்பனை அதிகம் நடைபெறும் கடைகளுக்கு முதலில் வழங்குவதற்கு முன்னூரிமை அளிக்கப்படும்.

ஆதாரம் : தினத்தந்தி

3.12903225806
கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top