பொருளடக்கத்திற்கு தாண்டவும் | Skip to navigation

Vikaspedia

முகப்பு பக்கம் / மின்னாட்சி / குடிமக்களுக்கான சேவைகள் / ஆன்லைன் சேவைகள் / நிரந்தர கணக்கு எண் அட்டை பெற இணைய வழியில் விண்ணப்பித்தல்
பகிருங்கள்
கருத்துக்கள்
  • நிலை: திருத்தம் செய்யலாம்

நிரந்தர கணக்கு எண் அட்டை பெற இணைய வழியில் விண்ணப்பித்தல்

இத்தலைப்பின் கீழ் நிரந்தர கணக்கு எண் அட்டைக்கான கட்டணம் மற்றும் அதை செலுத்துவதற்கான முறைகள் கொடுக்கப்பட்டுள்ளன.

நிரந்தர கணக்கு எண் பற்றி

நிரந்தர கணக்கு எண் அட்டை [Permanent Account Number (PAN) Card] என்பது, ஒவ்வொரு அட்டைதாரருக்கும் வழங்கப்படும், எண்கள் மற்றும் எழுத்தாலான 10 இலக்கங்கள் கொண்ட புகைப்பட அடையாள அட்டையாகும். இது இந்திய அரசின் நிதி அமைச்சகத்தினால் வழங்கப்படுகிறது. மின்-டிக்கெட் பெற்று ரயிலில் பயணம் செய்வதற்கு, வங்கியில் கணக்கு துவக்குவதற்கு மற்றும் பாஸ்போர்ட் பெறுவதற்கு இதை புகைப்பட அடையாள அட்டையாக பயன்படுத்தமுடியும்.

நிரந்தர கணக்கு எண் அட்டையின் பயன்கள்

கீழ்கண்டவற்றுக்கு நிரந்தர கணக்கு எண் அட்டை கட்டாயமாக்கப்பட்டுள்ளது:

  • வருமான வரியின் கணக்கு தாக்கலுக்கு
  • பங்குகளை வாங்க மற்றும் விற்பனை செய்ய டீமாட் கணக்கை துவக்குவதற்கு
  • வங்கியின் ஒரு கணக்கிலிருந்து மற்றொன்றுக்கு ரூ. 50,000 வரையான அல்லது அதற்கு மேற்பட்ட தொகையை மாற்றுவதற்கு அல்லது கணக்கிலிருந்து எடுக்க அல்லது டெபாசிட் செய்வதற்கு.
  • மூலத்திலிருந்து வரி கழித்த தொகையினை திரும்ப பெறுவதற்கு.
தகுதிகள்
  • தனிநபர், நிறுவனம், கூட்டுநிறுவனம் யார் வேண்டுமானாலும் நிரந்தர கணக்கு எண் அட்டைக்காக விண்ணப்பிக்க முடியும். இதற்காக குறைந்தபட்ச மற்றும் அதிகபட்ச வயது வரம்பு கிடையாது.
நிரந்தர கணக்கு எண் பெற தேவைப்படும் ஆவணங்கள்
  • பாஸ்போர்ட் அளவைக்கொண்ட நல்ல தரமான வண்ண புகைப்படம்.
  • ரூ. 94 கட்டணத்திற்கான கேட்பு வரைவோலை / காசோலை.
  • அடையாளச் சான்றின் நகல்
  • முகவரிச் சான்றின் நகல்

கீழ்கண்ட பட்டியலிலிருந்து ஏதாவது ஒன்றை இணைக்கவும்

அடையாளச் சான்று ஆவணங்கள்:
  1. பள்ளியிலிருந்து விலகல் சான்றிதழ்
  2. மெட்ரிகுலேசன் சான்றிதழ்
  3. அங்கீகரிக்கப்பட்ட கல்வி நிலையத்தின் பட்டம்
  4. வைப்பு கணக்கின் கணக்கு அறிக்கை
  5. கடன் அட்டை கணக்கு அறிக்கை
  6. வங்கிக் கணக்கு அறிக்கை / வங்கிக் கணக்கு புத்தகம்
  7. குடிநீர் கட்டண இரசீது
  8. குடும்ப அட்டை
  9. சொத்து வரி மதிப்பீட்டு ஆணை
  10. பாஸ்போர்ட்
  11. வாக்காளர் அடையாள அட்டை
  12. ஓட்டுனர் உரிமம்
  13. பாராளுமன்ற உறுப்பினர் அல்லது சட்டசபை உறுப்பினர் அல்லது நகராட்சி உறுப்பினர் அல்லது அதிகாரபூர்வ அலுவலரால் கையெழுத்திடப்பட்ட அடையாள சான்றிதழ்
முகவரி சான்று ஆவணங்கள்
  1. மின்கட்டண ரசீது
  2. தொலைபேசி கட்டண ரசீது
  3. வைப்பு கணக்கின் கணக்கு அறிக்கை
  4. கடன் அட்டை கணக்கு அறிக்கை
  5. வங்கிக் கணக்கு அறிக்கை / வங்கிக் கணக்கு புத்தகம்
  6. வாடகை இரசீது
  7. நிறுவனத் தலைவரின் சான்றிதழ்
  8. பாஸ்போர்ட்
  9. வாக்களார் அடையாள அட்டை
  10. சொத்து வரி மதிப்பீட்டு ஆணை
  11. ஓட்டுனர் உரிமம்
  12. குடும்ப அட்டை
  13. பாராளுமன்ற உறுப்பினர் அல்லது சட்டசபை உறுப்பினர் அல்லது நகராட்சி உறுப்பினர் அல்லது அதிகாரபூர்வ அலுவலரால் கையெழுத்திடப்பட்ட அடையாள சான்றிதழ்

குறிப்பு:முகவரி சான்றாக சமர்ப்பிக்கப்படும் வரிசை எண் 1 முதல் 7 வரை உள்ள ஆவணங்கள், விண்ணப்பித்த தேதியிலிருந்து ஆறு மாதங்களுக்கு மிகாமல் இருக்கவேண்டும்.

நிரந்தர கணக்கு எண் அட்டைக்கான கட்டணம் மற்றும் அதை செலுத்துவதற்கான முறைகள்

  • நிரந்தர கணக்கு எண் விண்ணப்பம் செயலாக்குவதற்கான கட்டணமாக ரூ.94/- ( ரூ.85.00 + 10.3 % சேவை வரி)
  • கேட்பு வரைவோலை, காசோலை அல்லது கடன் அட்டை மூலமாக கட்டணம் செலுத்த முடியும்.
  • கேட்பு வரைவோலை / காசோலையை NSDL-PAN என்ற பெயருக்கு பெற வேண்டும்.
  • கேட்பு வரைவோலை மும்பையில் செலுத்தக்கூடியதாக இருக்க வேண்டும் மற்றும் கேட்பு வரைவோலையின் பின்புறம் பெயர் மற்றும் விண்ணப்பம் சம்ர்ப்பித்த ஒப்புதல் எண் கண்டிப்பாக எழுதியிருக்க வேண்டும்.
  • காசோலையாக செலுத்தும் விண்ணப்பதாரர்கள், இந்தியாவில் இருக்கும் (டாஹெஜ் தவிர) எந்த எச்டீஎப்சி வங்கி கிளையிலும், எந்த வங்கியின் உள்ளூர் காசோலையும் டெபாஸிட் செய்யலாம். செலுத்து படிவத்தில் NSDL PAN என விண்ணப்பதாரர் குறிப்பிடவேண்டும்.

இணையம் மூலமாக நிரந்தர கணக்கு எண் பெற விண்ணப்பிக்கும் முறை

  • இணையம் மூலமாக நிரந்தர கணக்கு எண் பெற விண்ணப்பிக்கும் முன், ரூ.94-க்கான கேட்பு வரைவோலை / காசோலை அல்லது இணையம் மூலமாக விண்ணப்ப கட்டணம் செலுத்துவதற்கான கடன் அட்டை வைத்திருக்க வேன்டும்.
  • இணையம் மூலமாக நிரந்தர கணக்கு எண் பெற http://www.utitsl.co.in அல்லது https://tin.tin.nsdl.com/pan/form49A.html மீது கிளிக் செய்யவும்.
  • முதலில் வார்டு / சர்க்கிள், ரேஞ்ஜ், கமிஷனர், ஏரியா குறியீடு, ஏ.ஓ குறியீடு, ரேஞ்ஜ் குறியீடு மற்றும் ஏஓ எண் விபரங்களை பூர்த்தி செய்யவேண்டும்.
  • மேற்கூறப்பட்ட தகவல்களை பெறுவதற்கு இங்கே கிளிக் செய்யவும் https://tin.tin.nsdl.com
  • மேலும் வருமான வரி அலுவகத்திலிருந்தும் இந்த தகவல்களை பெறமுடியும்.
  • அதற்குப் பிறகு படிவத்தை பூர்த்தி செய்யவேண்டும்.
  • உங்களுடைய அலுவலக முகவரியையும் படிவத்தில் குறிப்பிட வேண்டும். அலுவலக முகவரி உங்களிடம் இல்லையென்றால் உங்களுடைய மற்ற முகவரியை பயன்படுத்தலாம்.
  • அதற்குப் பிறகு படிவத்தை சமர்ப்பிக்கவேண்டும்.
  • பூர்த்திச் செய்யப்பட்டவைகள் அனைத்தும் சரியானவையா என்று சோதிக்கவேண்டும். பூர்த்தி செய்யப்பட்ட தகவல்கள் அனைத்தும் சரியானவையாக இருந்தால், அந்த பக்கத்தின் கீழே காட்டப்பட்டிருக்கும் குறியீட்டை அளிக்க வேன்டும் மற்றும் “உறுதி செய்” பொத்தான் மீது கிளிக் செய்யவேண்டும்.
  • அதற்குப் பிறகு ஒப்புதல் எண்ணுடன் ஒரு படிவம் தோன்றும்.
  • ஒப்புதல் எண் என்பது, நிரந்தர கணக்கு எண் பெற விண்ணப்பம் அளித்ததற்கான தனிப்பட்ட விசாரணை எண்ணாகும்.
  • உங்களுடைய நிரந்தர கணக்கு எண் விண்ணப்பத்திற்கான நிலையை அறிவதற்கு இந்த எண்ணை குறித்துக் கொள்ளவும்.
  • இந்த ஒப்புதலை சேமித்து அச்சு எடுத்துக் கொள்ளவும்.
  • ஒப்புதல் படிவத்தை அச்சு எடுத்தவுடன், சமீபத்தில் எடுத்த உங்களுடைய வண்ணப் புகைப்படத்தை ஒட்டி, ஒப்புதலுக்கான கையெழுத்தை இட வேன்டும் (அளித்திருக்கும் கட்டத்தில் பக்கவாட்டை தொடாமல் கையெழுத்து இட்டிருக்க வேண்டும்).
  • ஒப்புதல் கையெழுத்திற்கு கருப்பு மையை மட்டும் பயன்படுத்த வேண்டும்.
  • அடையாள சான்று, முகவரிச் சான்று மற்றும் கட்டணமாக ரூ. 94/- க்கிற்கான கேட்பு வரைவோலை அல்லது காசோலையை விண்ணப்பத்துடன் இணைக்க வேண்டும்.
  • காசோலை / கேட்பு வரைவோலையின் பின்பக்கம் உங்களுடைய பெயர் மற்றும் ஒப்புதல் எண்ணை எழுதவேண்டும்.
  • நிரந்தர கணக்கு எண் விண்ணப்பக் கட்டணம் காசோலையின் மூலமாக நீங்கள் செலுத்தினால், உங்கள் நகரத்தில் இருக்கும் எச்டீஎப்சி வங்கியில் டெபாசிட் செய்யவேண்டும்.
  • உங்களுக்கு அருகிலிருக்கும் எச்டீஎப்சி வங்கியின் கிளையை தேடுவதற்கு இங்கே கிளிக் செய்யவும். http://www.hdfcbank.com
  • ஒப்புதல் படிவத்தை என்எஸ்டீஎல் (NSDL) அலுவலகத்திற்கு அனுப்புவதற்கு முன் சரிப்பார்க்க வேண்டியவை:
    • கையெழுத்திட்ட மற்றும் வண்ணப் புகைப்படம் ஒட்டிய ஒப்புதல் படிவம்
    • அடையாளச் சான்றின் நகல்
    • முகவரிச் சான்றின் நகல்
    • ரூ.94/- தொகைக்கான கேட்பு வரைவோலை
  • ‘நிரந்தர கணக்கு எண் விண்ணப்பம் – ஒப்புதல் எண்’ என உறையின் மீது எழுத வேண்டும்.
  • ( எ.கா. 'APPLICATION FOR PAN - 881010100000097')
  • NSDL, 'Income Tax PAN Services Unit, National Securities Depository Limited, 3rd Floor, Sapphire Chambers, Near Baner Telephone Exchange, Baner, Pune- 411045 (Maharashtra) என்ற முகவரிக்கு விண்ணப்ப படிவத்தை அனுப்ப வேண்டும்.
  • உங்களுடைய ஒப்புதல், கேட்பு வரைவோலை மற்றும் சான்றுகள், இணையம் மூலமாக விண்ணப்பித்த தேதியிலிருந்து 15 நாட்களுக்குள் என்எஸ்டீஎல் அலுவலகத்தை சென்று சேர வேண்டும்.
  • கேட்பு வரைவோலை அல்லது காசோலையுடன் பெறப்பட்ட விண்ணப்பங்கள், பணமாக்கப்பட்ட பிறகே மேற்கொண்டு நடவடிக்கைகள் எடுக்கப்படும்.
  • மேலும் தகவல்கள் பெற, டின் அழைப்பு மையத்தை (TIN Call Centre) 020 – 27218080 என்ற எண்ணில் தொடர்பு கொள்ளவும் அல்லது tininfo@nsdl.co.in, mailto:tininfo@nsdl.co.in என்ற முகவரிக்கு மின்னஞ்சல் அனுப்பவும்.
  • விண்ணப்பத்தின் நிலையை PAN <இடைவெளி> ஒப்புதல் எண்-ஐ 53030 என்ற எண்ணிற்கு குறுஞ்செய்தியாக அனுப்பி, அறிந்து கொள்ளலாம்.

நிரந்தர கணக்கு எண் அட்டைக்கு விண்ணப்பிக்கும் முறை

  • நிரந்தர கணக்கு எண் விண்ணப்ப படிவம் எண் – 49A- ஐ பதிவிறக்கம் செய்வதற்கு இங்கே கிளிக் செய்யவும்nsdl.com
  • கட்டணமாக கேட்பு வரைவோலை / காசோலை மற்றும் தேவையான ஆவணங்களை இணைக்க வேண்டும்.
  • உங்கள் அருகாமையிலிருக்கும் நிரந்தர கணக்கு எண் மையத்தில் விண்ணப்ப படிவத்தை சமர்பிக்க வேண்டும்.
  • உங்கள் அருகாமையில் இருக்கும் நிரந்தர கணக்கு எண் விண்ணப்ப சேகரிப்பு மையங்களை அறிய இங்கே கிளிக் செய்யவும். www.myutitsl.co.in

நிரந்தர கணக்கு எண் தொடர்பான இணைய வழி சேவைகள்

  • படிவம் – 49A பூர்த்தி செய்வதற்கான வழிமுறை குறித்து அறிந்துக் கொள்வதற்கு இங்கே கிளிக் செய்யவும். nsdl.com
  • நிரந்தர கணக்கு எண் விண்ணப்ப படிவம் எண் – 49A- ஐ பதிவிறக்கம் செய்வதற்கு இங்கே கிளிக் செய்யவும். law.incometaxindia.gov.in
  • உங்கள் அருகாமையில் இருக்கும் நிரந்தர கணக்கு எண் விண்ணப்ப சேகரிப்பு மையங்களை அறிய இங்கே கிளிக் செய்யவும். www.myutitsl.co.in

நிரந்தர கணக்கு எண் அட்டை பெற இணையம் மூலம் விண்ணப்பித்தல்

என்எஸ்டீஎல் (NSDL) அல்லது

யுடிஐடிஎஸ்எல் (UTITSL)

உங்களுடைய நிரந்தர கணக்கு எண் விண்ணப்பத்தின் (என்எஸ்டீஎல்) நிலையை அறிய, இங்கே கிளிக் செய்யவும்.

உங்களுடைய நிரந்தர கணக்கு எண் விண்ணப்பத்தின் (யுடிடிஎஸ்எல்) நிலையை அறிய, இங்கே கிளிக் செய்யவும்.

உங்களுடைய நிரந்தர கணக்கு எண் விவரங்களை அறிந்துக் கொள்வதற்கு இங்கே கிளிக் செய்யவும்.

நிரந்தர கணக்கு எண் தொடர்பான மனக்குறைகள் ஏதாவது இருப்பின், நிவர்த்தி செய்வதற்காக உங்களுடைய விண்ணப்பங்களை சமர்ப்பிக்க இங்கே கிளிக் செய்யவும்.

உங்களுடைய மனக்குறைக்கான விண்ணப்பத்தின் நிலையை அறிய இங்கே கிளிக் செய்யவும்.


நிரந்தர கணக்கு எண் அட்டை பெற இணையம் மூலம் விண்ணப்பித்தல்
2.975
Anonymous Feb 28, 2018 02:01 PM

இருப்பு தொகை அறிவது எப்படி?

vinoth Apr 30, 2016 09:35 AM

பான் கார்டு அட்ரஸ் சென்ட்

கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top