பொருளடக்கத்திற்கு தாண்டவும் | Skip to navigation

Vikaspedia

முகப்பு பக்கம் / கல்வி / பயனுள்ள செய்திகள் மற்றும் தொடர்புகள் / இணையத் தமிழ் இதழ்கள் / இணையத் தமிழ் இதழ்களின் அமைப்பும் தொழில்நுட்பமும்
பகிருங்கள்
கருத்துக்கள்
  • நிலை: திருத்தம் செய்யலாம்

இணையத் தமிழ் இதழ்களின் அமைப்பும் தொழில்நுட்பமும்

இணையத் தமிழ் இதழ்களின் அமைப்பும் தொழில்நுட்பமும் பற்றி இங்கு விவரிக்கப்பட்டுள்ளன.

அறிமுகம்

இணைய இதழ்களுக்கான அடிப்படைக் கட்டமைப்பு அச்சிதழ்களே. ஆயினும் பல்வேறு மின்னூடக வசதிகளால் அச்சிதழ்களில் இருந்து இணைய இதழ்கள் முற்றிலும் மாறுபட்ட வளர்ச்சி நிலைகளைக் கொண்டுள்ளன. இதற்கு இணைய இதழ்களின் தொழில்நுட்ப வசதியே காரணமாகின்றன.

இதழ்கள் கவா்ச்சியாகவும், அழகாகவும் இருக்க வேண்டும். அப்பொழுதுதான் வாசகா்கள் இதழ்களை விரும்பிப் பார்த்துப் படிப்பார்கள். இதழ்களின் சிறப்பு எவ்வளவு செய்திகளை வெளியிடுகிறது என்பதைப் பொறுத்து அமைவது அல்ல, எப்படி எந்த அடிப்படையில் செய்தியை வெளியிடுகிறது என்பதைப் பொறுத்தே அமைகிறது. இதழ்களின் அமைப்பு முறையே அதன் மதிப்பைக் கூட்டுகிறது.

அச்சு இதழ்களை அதன் நிர்வாக ஆசிரியர்தான் பக்க அமைப்பு எப்படி இருக்க வேண்டுமென்பதை தீா்மானிக்கிறார். ஆனால், வழிகாட்டும் வகையில் செய்தி ஆசிரியா் முதலில் ‘மாதிரிப் பக்கங்களை’ உருவாக்குகின்றார். அவற்றின் அடிப்படையில் இதழ்களின் பக்கத்தை உருவாக்கவும் வடிவத்தை அமைக்கவும் செய்கின்றனர்.

பொதுவாக அச்சிதழ்களில் பக்க அமைப்பு எப்படி இருக்க வேண்டுமென்பதைக் காட்டும் வகையில் செய்தியாசிரியர் ஒரு மாதிரியைத் தயாரிப்பார். மாதிரிப்படியில் ஒவ்வொரு பக்கத்தையும் எப்படி நிரப்புகிறார்கள் என்ற திட்டம் இருக்கும். நடைமுறையில் மாதிரிப் பக்க அமைப்பிற்கும், செய்தித்தாளின் இறுதி வடிவத்திற்கம் இடையில் மிகுந்த வேறுபாடுகள்கூட இருக்கலாம். இறுதி நேரத்தில் திடீரென்று வருகின்ற அவசரக் செய்திகள் பக்க அமைப்பில் மாற்றங்களை ஏற்படுத்துகின்றன. மாதிரிப்படியை உருவாக்குபவா் செய்தியாசிரியா் ஆவார். அவரே ஒவ்வொரு நாளும் இதழின் வடிவமைப்பு எவ்வாறு இருக்க வேண்டுமென்பதைத் திட்டமிடுகிறார்.

மாதிரிப்படியின் நோக்கம்

மாதிரிப்படியை அமைத்துக்கொண்டால் மட்டுமே எந்தச் செய்தி எங்கே இடம் பெற வேண்டும் என்று திட்டமிட முடியும். ஒரே செய்தி இரண்டு இடங்களில் இடம் பெறாமல் தவிர்ப்பதற்கம் இந்த மாதிரிப்படி உதவும். செய்தியின் மதிப்பிற்கேற்ப அளவைக் கூட்டவும் குறைக்கவும் மாதிரிப்படி துணை செய்கிறது. கடைசிச் செய்திக்காகச் சில இதழ்களில் இடம் ஒதுக்கப்பட்டிருக்கும். அந்த இடத்தின் அளவிற்கேற்ப கடைசிச் செய்தி எதுவும் இல்லை என்றால் வேறு செய்தியை இட்டு நிரப்ப வேண்டியிருக்கும். அவ்வாறு நிரப்புவதற்குத் தேவையான செய்தியின் அளவை மாதிரிப்படி தெரிவிக்கிறது.

அச்சிதழ்களில் ஒவ்வொரு பக்கமும் அழகாக அமைய வேண்டுமென்றால் சில கொள்கைகளைப் பின்பற்ற வேண்டும். அதாவது அச்சிடுகின்ற முறையில் ஒரே பக்கத்தில் செய்திகளின் குவிப்போ, நெருக்கமான தலைப்புகளோடு குழப்பமான தோற்றமோ இல்லாமல் பார்த்துக் கொள்ள வேண்டும்.

அச்சிதழ்களை நடுவில் மடிக்கின்றனர். இம்மடிப்பிற்கு மேலுள்ள பக்கமும் கீழுள்ள பக்கமும் வாசகா்களைக் கவா்வதில் வேறுபடுகின்றன. சில செய்திகளை முதல் பக்கத்தில் தொடங்கி அவற்றின் தொடர்ச்சியை அல்லது விரிவினை வேறு பக்கத்தில் அச்சிட வேண்டியிருக்கும். பொதுவாக அன்றைய முக்கியமான செய்தியை செய்தித்தாளின் மடிப்புக்கு மேல் வலப்பக்கத்தில் அச்சிடுவார்கள். ஆனால் சில ஆசிரியா்கள் வாசகரின் கண் பார்வை இயல்பாகவே இடமிருந்து வலமாகத்தான் செல்லும் என்ற எண்ணத்தில் முக்கியச் செய்திகளைச் இதழின் மேற்பகுதியின் இடப் பக்கத்தில் வெளியிடுகின்றனா்.

தலையங்கம், சிறப்புக் கட்டுரைகள், கருத்துப்படங்கள், விளம்பரங்கள், கட்டம் கட்டிய செய்திகள் போன்றவற்றை ஓா் ஒழுங்குமுறைப்படி வழக்கமாக ஒரு குறிப்பிட்ட பக்கத்தில் அச்சிடுவது நல்லது. அப்பொழுதுதான் வாசகருக்கு எந்தெந்த செய்திகளுக்கு, விளம்பரங்களுக்குச் செய்தித்தாளின் எந்தெந்தப் பக்கத்தைப் புரட்ட வேண்டுமென்பது தெரியும்.

இணைய இதழ்களின் மாறுபட்ட அமைப்பு முறை

அச்சிதழ்களின் வடிவமைப்பை அனைவரும் அறிவர். அச்சிதழைப் பொறுத்தவரை செய்திகள், சில படங்களை பல வண்ணங்களிலோ கறுப்பு வெள்ளை தாள்களிலோ பார்க்க வேண்டியிருக்கும். தோற்றத்திலும் அச்சிதழ்கள் அனைத்தும் ஒன்றுபோல இருப்பதில்லை. ஆனால் இணைய இதழ்களை பொறுத்தவரை மேசைக்கணினி, மடிக்கணினி, செல்பேசி, டேப்லட்கள் என ஒரே இடத்தில் அமர்ந்தும் பயணங்களின் போதும் சட்டைப் பைகளிலும் என தொழில்நுட்ப வளா்ச்சிக்கு பல்வேறு வடிவங்களில் பார்வையிடும் முறையில் மாறுபடுகின்றன.

அச்சிதழ்களைப் பொறுத்தவரை அச்சுக் கோர்த்தல், கணினி மூலம் பக்கம் வடிவமைத்தல், இயந்திரங்களின் வழி காகிதத்தில் அச்சிடுதல், கட்டுதல் பின்பு விற்பனையாளா்கள் அல்லது வாகனங்கள் மூலம் பல்வேறு இடங்களுக்கு அனுப்புதல் என அதிகமான பொருள் செலவும் கால செலவும் ஏற்படுகின்றன. ஆனால் இணைய இதழ்களுக்கு இவ்வளவு தொடா் பணிகளோ, செலவுகளோ தேவையில்லை.

இணையப் பக்கங்களை வடிவமைக்கும் வசதியுடைய மென்பொருள் நிறுவப்பட்ட ஒரு கணினியும், அதில் இணைய இணைப்பும் உள்ள நிலையில், தமிழில் தட்டச்சு செய்யத் தெரிந்து கணினியை இயக்கும் அளவுக்கு கணினி சார்ந்த அறிவுப்பெற்ற அனைவரும் தமிழில் இணைய இதழ்களை நடத்த முடியும். சிறிய அறை ஒன்றே போதுமானது.

“இணைய இதழ்களைப் பொறுத்தவரை, இவை அனைத்துக்கும் ஒரே திரைதான் உண்டு. தேவையெனில், எல்லாப் பக்கங்களுக்கம் விதவிதமான வண்ணங்கள் கொடுக்கலாம். அசைவூட்டம், கேளிக்கைத் தன்மைகள், ஒலி-ஒளி அமைப்பு, பல்வேறு சேவைகள், உடனடிச் செய்திகள், புதிய உள்ளடக்கம், தொழில்நுட்பச் சிறப்பு அகியவற்றால்தான் இணைய இதழ்கள் ஒன்றிலிருந்து ஒன்று வேறுபட முடியும்.

இணைய இதழ்களுக்கான இணையப் பக்கம் வாசகர்களின் தேர்வுத் தன்மையை மனதில் கொண்டே தேவையான வடிவங்களில் உருவாக்கப்படுகின்றன. வாசகா்கள் இதழ்களின் மதிப்பினைப் பலவற்றின் அடிப்படையில் தீா்மானிக்கின்றனா். அவ்வாறு மதிப்பினைத் தீா்மானிக்கும் காரணிகளில் ஒன்று பக்க அமைப்பாகும். எனவே இணைய இதழ்கள் வாசகா்களின் பயன் மதிப்பீட்டினைக் கருத்தில் கொண்டு வடிவமைக்கப்படுகிறது.

முகப்புப் பக்கம்

இதழின் பெயா் மற்றும் அதற்கான இலட்சினை ஆகியவை மேல்பகுதியில் தலைப்பாக அமைக்கப்படுகிறது. இது இணையப் பக்கத்தின் தலைப்பகுதி எனப்படுகிறது. இதன் கீழ்ப்பகுதியில் பக்கவாட்டில் அல்லது கீழ்ப்பகுதியின் இடது புறத்தில் நீளவாக்கில் அல்லது கீழ்ப்பகுதியின் நடுப்பகுதியில் முக்கியச் செய்தியும் அதன் இருபுறத்திலும் நீளவாக்கில் இதழின் உள்ளடக்கத் தலைப்புகள் அதற்கான இணைப்புகளுடன் இடம்பெற்றிருக்கிறது. இவை இணையப் பக்கத்தின் உடல் பகுதியாக இருக்கிறது. இந்தப் பகுதி முகப்புப் பக்கம் என்று அழைக்கப்படுகிறது. இந்த அமைப்பு ஒவ்வொரு இதழுக்கும் மாறுபடுகிறது.

செய்திப்பக்கம்

உட்தலைப்பிலான ஒவ்வொரு பக்கத்திலும் உள்ளடக்கத் தலைப்புப் பக்கங்களின் தலைப்புப் பகுதியாகவும், அந்தப் பக்கத்திலிருக்கும் செய்திகள் உடல் பகுதியாகவும் இருக்கிறது. இது செய்திப்பக்கம் என்று அழைக்கப்படுகிறது.

இணையப்பக்க உருவாக்கம்

இணையப் பக்கங்கள் வடிவமைப்பில் இதழின் பெயா், இலட்சினை, தலைப்புகள் போன்றவை படங்களாக இணைக்கப்படுகிறது. அதற்கடுத்து உடல் பகுதியில் வரும் எழுத்துக்களுக்கு தோ்வு செய்யப்பட்ட தமிழ் எழுத்துருவைக் கொண்டு தட்டச்சு செய்யப்பட்டு உள்ளீடு செய்யப்படுகின்றன. தலைப்பகுதியும், உடல்பகுதியும் சோ்ந்த ஒவ்வொன்றும் இணையப் பக்கங்களாக உருவாக்கப்படுகின்றன.

இந்த இணையப் பக்கங்கள் ஒவ்வொன்றிலும் பக்கத் தலைப்புகளாக வரவேண்டிய பெயர்கள் தகவல்கள் மேல்பகுதியில் உள்ளீடு செய்து சோ்க்கப்படுகிறது. அதற்கடுத்து அந்தப் பக்கங்களில் உள்ளடக்கங்களாக உள்ள செய்திகளின் குறிப்புகள் விசைச் சொற்களாக உள்ளீடு செய்து சோ்க்கப்படுகிறது. இந்த விசைச் சொற்கள் தேடுபொறி எந்திரத்தில் குறிப்பிட்ட சொல்லைக் கொண்டு தேடும் பொழுது அதில் அந்த இணையப் பக்கமும் தெரிய உதவுகிறது.

இணையப் பக்கங்கள் உருவாக்கப்பட்ட பின்பு அந்த இணைய பக்கங்களைக் கொண்டு வலையேற்றம் செய்வதற்குத் தேவையான இணையதளம் அமைக்கப்படும் பணி முக்கியமான இரண்டாவது பணியாகும். இதை இணையதளங்கள் அமைப்பதற்கான சேவை அளிக்கும் நிறுவனங்களே அளித்துவிடுகின்றன.

இணையதளச் சேவை அளிக்கும் நிறுவனங்கள் வாடிக்கையாளா் கோரும் பெயா்களிலேயே அதிகார எல்லைப் பெயா்களில் (domine name) இணைய தளங்களுக்கான முகவரியை வழங்குகின்றனா்.

“இந்த இணையதள முகவரி அதிக அளவாக ஆங்கில மொழியிலேயே வழங்கப்படுகிறது. உதாரணமாக, முத்துக்கமலம் இணைய இதழின் இணைய முகவரி www.muthukamalam.com இதில் வையக விரிவலை (world wide web) என்பதன் சுருக்குக் குறியீடாக www என்று குறிப்பிடப்படுகிறது. அடுத்து இணையதளத்தின் பெயா் இடம் பெறுகிறது. மூன்றாவதாக இடம் பெறுவது அது சார்ந்த துறை அல்லது நாட்டைக் குறிப்படுவதாக இருக்கிறது.”

வணிகம் – Commerce என்பதன் சுருக்கமாக com என்றும், அமைப்புகள் – Organization என்பதன் சுருக்கமாக org என்றும், வலை - net என்றும், கல்வி - education என்பதன் சுருக்கமாக edu என்றும், அரசாங்கம் - government என்பதன் சுருக்கமாக gov என்றும், தொலைக்காட்சி - television என்பதன் சுருக்கமாக tv என்றும், குறிப்பிட்ட துறைகளின் சுருக்கக் குறியீடுகளாக பின்பகுதி முகவரிகள் குறிப்பிடப்படுகிறது.

இந்தியா India என்பதன் சுருக்கமாக in என்றும், அமெரிக்க ஐக்கிய நாடுகள் - United States என்பதன் சுருக்கமாக us என்றும், சிங்கப்புா் Singapore என்பதன் சுருக்கமாக sg என்றும், குறிப்பிட்ட நாடுகளின் சுருக்கக் குறியீடுகளாகவும் பின்பகுதி முகவரிகள் குறிப்பிடப்படுகிறது. இந்த முகவரிகளில் வணிகம் என்பதன் சுருக்கக் குறிப்பீடான com என்ற பிரிவின் கீழ்தான் அதிகமான இணைய முகவரிகள் இடம் பெற்றிருக்கிறது.

சில இணைய தளங்கள் அவா்களுடைய அதிகார எல்லைப் பெயா்களின் இணையதள முகவரியிலிருந்து துணை முகவரிகளை வழங்குகின்றன. உதாரணமாக sitesled என்ற நிறுவனம், அந்த இணையதளத்தின் முகவரியான www.sitesled.com எனும் இணைய முகவரியின் கீழ் தேனிடைம்ஸ் எனும் இணைய இதழுக்கு www.thenitimes.sitesled.com என்ற துணை இணையதள முகவரியை வழங்குகிறது. இதைப் போன்று கீற்று, விகடன், நக்கீரன், குமுதம் போன்ற இதழ்களும் துணை இணைய தள முகவரியை வழங்குகிறது.

வலையேற்றம்

இணைய இதழ்களுக்காக உருவாக்கப்பட்ட இணையப் பக்கங்கள் அனைத்தும் இணைய தளத்துக்கான கோப்பு மாற்றி நடைமுறை முகவரியில் (FTP- File Transfer Protocol) இருக்கும். மிகை வாக்கிய மாற்று நடைமுறைக்கான (HTTP – Hyper text transfer protocol) மடிப்பான்களில் உள்ளீடு செய்வதற்காக பயனா் பெயா் (user name) மற்றும் அவற்றிற்கான கடவுச் சொல் (password) போன்றவைகளைப் பயன்படுத்தி வலையேற்றம் செய்யப்படுகிறது. இதில் முகப்புப் பக்கம் காட்டி (index) ஆக இடம் பெறுகிறது. சில இதழ்களில் காட்டிப் பக்கத்தில் வரவேற்புப் பக்கமாக அமைத்து அதிலிருந்து முகப்புப் பக்கத்திற்கு தாவி செல்லும் இணைப்பு வசதி செய்யப்படுகிறது. துணை இணைய முகவரி பெறப்பட்ட இதழ்களில் பயனா் பெயா் (user name) மற்றும் அவற்றிற்கான கடவுச் சொல் (password) போன்றவைகளைப் பயன்படுத்தி அந்த இதழுக்காக ஒதுக்கப்பட்ட கோப்பு மேலாளருக்குள் (file manager) உருவாக்கிய இணைய பக்கங்களை உள்ளீடு செய்கின்றனா். அதிலும் முகப்புப் பக்கம் காட்டி (index) ஆக இடம் பெறுகிறது.

வலையேற்றம் செய்யப்பட்ட அனைத்தும் சரியான முறையில் இயங்குகிறதா என்பதை ஒரு முறை சோதித்து பார்த்துக் கொள்ள வேண்டும். தவறாக இருக்கும் நிலையில் மீண்டும் ஒருமுறை இணைய பக்கத்தைச் சரியாக வடிவமைத்து மீண்டும் வலையேற்றம் செய்யப்படுகின்றது. அதே பெயரிலான கோப்புகளில், அதே இடத்தில் சரி செய்யப்பட்ட கோப்புகள் மீண்டும் வலையேற்றம் ஆகிவிடுகிறது. உலகம் முழுவதும் இருக்கும் வாசகப் பரப்பில் இணைய இதழ்கள் வலையேற்றம் செய்யப்பட்டவுடன் பார்வைக்கு வந்து விடுகிறது. அச்சு இதழ்களில் பணிக்கு பலா் தேவைப்படும் நிலையில் கணிப்பொறி இயக்கத் தெரிந்த ஒருவராலேயே இணைய இதழ்களை உருவாக்கி உலகம் முழுவதும் கொண்டு செல்லப்படுகிறது.

இதழ் வடிவமைப்பு

இதழ்களைப் படிக்கின்ற வாசகா் சிரமமின்றி படிப்பதற்கான சூழ்நிலையை ஓா் இதழின் வடிவமைப்பு ஏற்படுத்தி தரவேண்டும். செய்திகள் அச்சிடப்பட்டிருக்கும் முறை எளிமையாக படிக்கும் வகையில் அமைந்திருக்க வேண்டும். ஒரு பத்திக்கும் அடுத்த பத்திக்கும் இடையில் இருக்கும் இடைவெளியும் வாசகரது படித்தலுக்குத் துணை புரியும். பத்திகள் சிறியதாக இருந்தால் படிப்பதற்கு வசதியாக இருக்கும்.

இணைய இதழ் உருவாக்கத்தில் இணையத்திற்கான பக்கங்கள் வடிவமைப்பும், வடிவமைக்கப்பட்ட இந்த பக்கங்களை இணைய தளத்தின் முகவரிக்கான இடத்தில் கொண்டு சோ்க்கும் பணிவரை மிக முக்கியமான மூன்று பணிகள் இருக்கின்றன. இதனடிப்படையில் இந்த பணிகளைக் கீழ்கண்டவாறு பிரிக்கலாம்.

  • இணையப் பக்க வடிவமைப்பு
  • இணையத் தள அமைப்பு
  • வலையேற்றம்

இதழ்களைப் படிக்கிற ஒரு வாசகர் ஒரு பக்கத்தை மேம்போக்காகப் பார்த்தவுடன் எது முக்கிமான செய்தி என்பதை இனம் காண, பக்க அமைப்புதான் பெரிதும் துணையாக இருக்கின்றது. தலைப்புகளின் அளவு, செய்தி இடம் பெற்றிருக்கும் இடம், எழுத்துகளின் வடிவம், துணைத்தலைப்புகள், படங்கள் ஆகியவற்றின் மூலம் எது முக்கியமான செய்தி என்பதை இனம் காட்டுவதும் பக்க வடிவமைப்பே ஆகும்.

“ஒரு செய்தித்தாளின் சிறப்பு, அது எவ்வளவு செய்திகளை வெளியிடுகின்றது மட்டுமல்ல எப்படி வெளியிடுகின்ற தென்பதையும் சார்ந்து அமைகிறது. ஒரு பெண்ணுக்கு ஆடையும், அணியும், ஒப்பனையும் அழகுக்கு அழக சோ்ப்பது போல செய்தித்தாளுக்கு பக்க வடிவமைப்பு அதன் கவா்ச்சியைக் கூட்டுகின்றது. செய்தித்தாளை முதலில் பார்க்கவும் பின் படிக்கவும் வைப்பது அதனுடைய வடிவமைப்புதான்.

அச்சில் வெளிவரும் இதழ்களுக்கு மட்டுமல்ல இணையத்தில் வெளிவரும் இணைய இதழ்களுக்கும் இந்த கருத்து பொருத்தமாக இருக்கும். இணையத்தில் வருகிற இதழ்களுக்கும், கண்களுக்கு எரிச்சல் தராத வண்ணங்கள் மற்றும் அழகிய புகைப்படங்கள் அமைந்த சிறப்பான பக்க வடிவமைப்பு தேவையாக இருக்கிறது. இதற்கு கணினியின் சில தொழில்நுட்பங்கள் உதவுகின்றன.

இணைய பக்கங்களுக்கான படிம அச்சு (template) குறிப்பிட்ட அளவு மற்றும் வண்ணங்களில் எளிமையான வடிவமைப்புகளில் தனி நபா் (personal), நிறுவனம் அல்லது அமைப்புகள் (company), குடும்பம் (family), வேடிக்கை (funny), போன்ற தலைப்புகளின் கீழ் இணையத்தில் இலவசப் படிம அச்சுகளாகக் (free templates) கிடைக்கிறது. இந்த படிம அச்சுகளை சில இணையத்தளங்கள் இலவசமாக வழங்கி கொண்டிருக்கின்றன. இவற்றிலிருந்து படிம அச்சுகளுக்கான உரைநடையை (script) எடுத்து அதில் தேவையான சில மாற்றங்கள் செய்து இணையத்தள பக்கங்களை வடிவமைத்துக் கொள்ள முடிகிறது. ஆனால் கணினி வடிவமைப்புத் தொழில்நுட்பம் தெரிந்தவா்கள் அழகிய வண்ணங்களுடன் சிறந்த வடிவமைப்புடன் கூடிய இணையப் பக்கங்களை தனியாக உருவாக்குகின்றனா்.

தலைப்புத்தோ்வு

அச்சிதழ்களைப் போன்றே இணைய இதழ்களும் ஒவ்வொன்றும் தனித்தனியாக பெயா்களைக் கொண்டுள்ளன. தமிழ்த்திணை, கீற்று, திண்ணை, தமிழம், உயிரோசை, தடாகம், தமிழ்க்குறிஞ்சி, அந்திமழை, பதிவுகள், முழக்கம், அலைகள், நெருடல், தமிழோவியம், வரலாறு, தமிழரங்கம், முத்துக்கமலம், சங்கதி, புலா்வு, தாய்நிலம், எதிரி போன்ற பெயா்களை கொண்டுள்ளன. இணையம் தகவல் தொழில்நுட்பம் சார்ந்து இயங்கினாலும் தமிழுக்கும் தமிழா்களுக்கும் அகண்டதொரு வெளியினை அமைத்துத் தந்துள்ளது. கீற்று, திண்ணை போன்ற பெயா்கள் நகரமாயமாக்கலில் இன்றைக்கு அழிந்து வரும் பண்பாட்டு அடையாளங்களாக இருக்கின்றன. ஆனால் இணைய இதழ்களுக்கு இப்பெயா்களைச் சூட்டியுள்ளதன் மூலம் இப்பெயா்கள் அழிந்துபோகாமல் மீட்டுருவாக்கம் செய்யப்பட்டு வருகின்றன. பெரும்பாலான இணைய இதழ்களின் பெயா்கள் தமிழா்களின் மொழி, பண்பாடு, வரலாறு, வீரம் போன்றவற்றை அடையாளப்படுத்துவதாக அமைகின்றன.

உள்ளடக்கத் தலைப்பு

இணைய இதழ்களில் உடனுக்குடன் செய்திகள் தரவேற்றம் (upload) செய்யப்படுவதால் வாசகா்கள் அச்செய்தியினைக் கவனிக்க தலைப்பு அவசியமாகிறது. செய்திக்குத் தலைப்பிடுதல், செய்தி முகப்பு எழுதுதல், செய்தி இடம்பெறும் இடம் முதலியவற்றைப் பொறுத்தே ஒரு செய்தி கவனத்தைப் பெறுகிறது.

பெரும்பாலான இணைய இதழ்களில் செய்திகளின் தலைப்பினை முகப்பு பக்கத்தில் ஒரு வரியில் நீல நிறத்தில் கொடுத்து, அவற்றை சொடுக்கியவுடன் விரிவான செய்திகளுக்குச் செல்லும் வகையில் அமைக்கப்பட்டுள்ளது. அங்கு செய்திகளின் தன்மையைப் பொறுத்து புகைப்படங்கள், வீடியோ இணைப்புகள் கொடுத்து விரிவான செய்திகளைத் தருகிறது. ஒரு சில இதழ்கள் செய்திகளை தற்பொழுது ஒலி வடிவிலும் (பி.பி.சி.காம்., தினமலா்.காம்) தருகிறது.

“நல்ல தலைப்பு ஆற்றல் மிக்கதாக, கவா்ச்சியானதாக, கண்ணில் பட்டவுடன் சுண்டி இழுப்பதாக இருக்கும். இது இதழின் செல்வாக்கினைக் கூட்டும். ‘நல்ல தலைப்பு’ செய்தியின் திறவுகோலாக அமைகிறது. அது செய்தியை விளம்பரப்படுத்துகிறது; செய்திச் சுருக்கத்தை மாத்திரை வடிவில் வாசகர்கட்கு அளிக்கிறது; பத்திரிகையை அழகுபடுத்துகிறது.”

அவ்வகையில் செய்தியின் தலைப்பானது சாரத்தைக் கூற வேண்டும். சுருக்கமாகப் பார்த்தவுடன் செய்தியின் உயிர்நாடி வாசகரின் கவனத்தைத் தொட வேண்டும். செய்தியில் உள்ள முக்கியச் சொற்களைக் கொண்டே தலைப்பினை அமைக்கலாம்.

தலைப்பு இடம் பெறும் இடம்

தலைப்பு இதழ்களின் விளம்பரப் பலகணி (show window of the newspaper) என்பா். ஒரு நல்ல தலைப்பு செய்தியின் சாரத்தை கூறுவதாகவும், செய்தியை விளம்பரப்படுத்துவதாகவும், இதழ்களை அழுகு படுத்துவதாகவும் அமைகிறது. அது தலைப்பை மட்டும் படிக்கும் வாசகா்குச் செய்தியைச் சுருக்கித் தருகிறது. மேலும் படிக்கக் கூடியவா்களைச் செய்தியை நோக்கிக் கவா்ந்திழுக்கிறது. அத்துடன் தலைப்புகள் செய்திகளுக்கு ஒரு ஆளுமையை தருகின்றன.

அச்சிதழ்களைப் பொறுத்தவரை இரண்டாக மடிக்கும் வகையில் அமைந்திருக்கும். அதற்கேற்றாற்போல் இதழின் முகப்பில் அன்றைய தலைப்புச் செய்தியை மடிப்பின் மேல் பக்கம் செய்தியின் தலைப்பினை தடித்த எழுத்தில் அச்சிட்டு இருப்பா். அடுத்தடுத்த பக்கங்களில் செய்தியின் விரிவைத் தருவா். மற்றும் மாநிலச் செய்திகள், தேசியச் செய்திகள், மாவட்டச் செய்திகள், விளையாட்டுச் செய்திகள், வணிகச் செய்திகள், விளம்பரங்கள் என அதற்காப் பக்கங்களில் இடம்பெற செய்வா்.

திருவிழாக்காலங்களில் அந்தந்த ஊா்ப் பதிப்பில் இணைப்புப் பக்கங்களை இணைத்து வெளியிடுவா். உதாரணமாக, பெரம்பலுாரில் தோ்த்திருவிழா நடைபெற்றால் அந்த ஊரில் மட்டும் அத்திருவிழா பற்றிய இணைப்பிதழ் இணைக்கப்படும். அந்தச் செய்தி திருச்சிராப்பள்ளி மற்றும் பிற பகுதிகளில் செய்தியாகக் கூட வராமல் போகலாம். ஆனால் இணைய இதழ்களில் அப்படி செய்திகளை வெளியிட முடியாது. இணையத்தில் ஒரே பதிப்பாக மட்டுமே செய்திகளை உலகம் முழுவதும் வெளியிடப்படுகிறது.

இணையத்தில் வெளியாகும் இதழ்கள் அனைத்தும் பெரும்பாலும் அதன் பெயரினை திரையின் மேல்பகுதியில் இடது ஓரத்தில் பல்வேறு வண்ணங்களில் பெரிய எழுத்துக்களில் பதிவு செய்கின்றனா். அதற்கு கீழே சிறிது இடைவெளி விட்டு ஒற்றை வரியில் செய்திகளின் தலைப்புகள் பட்டியலிட்டு அமைந்திருக்கும். ‘நக்கீரன்’ இதழில் முகப்பு பக்கத்தை இரண்டாக பிரித்து முக்கியச் செய்திகள், அண்மைச் செய்திகள் என இரண்டு தலைப்பிட்டு செய்திகள் இடம் பெறுகின்றன. தினத்தந்தி, தினமனி, தினமலா் போன்ற இணைய இதழ்கள் ஒற்றை வரிச் செய்தியாகவும், சில செய்திகளின் தன்மை கருதி தலைப்பினையும், கீழே மூன்று வரிச் செய்திகளையும் தருகின்றன. கீற்று, திண்ணை, தடாகம், முழக்கம், புதினப்பலகை, பி.பி.சி.தமிழ், வார்ப்பு, வரலாறு, முத்துக்கமலம், உயிரோசை போன்ற இதழ்கள் செய்திகளை முகப்புப் பக்கத்தில் பிற இதழ்களை விட சற்று தடித்த எழுத்தில் தலைப்பினை இடம்பெற செய்கின்றன.

அனைத்து இணைய இதழ்களிலும் முகப்பில் தலைப்பினைக் கொடுத்து நாம் தோ்வு செய்து படிக்கும் வகையிலேயே வடிவமைத்துள்ளனா். இது வாசகா்களின் தோ்வுத்தன்மைக்காகவும், கால விரயத்தை தவிர்க்கும் பொருட்டும் அமைகின்றன.

அளவுகள்

இதழ்களின் பக்கத்தில் அமைகின்ற ஒவ்வொன்றும் சரியான அளவில் அமைய வேண்டும். படம், தலைப்பு, பக்கப் பகுப்பு, செய்தியின் அமைப்பு ஆகிய ஒவ்வொன்றும் தக்க நீள அகலத்தில் இருக்கவேண்டும். மொத்தப் பக்கத்தின் அளவோடு ஒப்பிடுகையில் ஒவ்வொன்றும் அமைந்திருக்கும் அளவு சரியானதாக இருந்து பக்க அழகைக் கூட்டுவதாக இருக்க வேண்டும்.

இணைய இதழ்கள் தலைப்பினை தனித்து காட்டுவதற்காக விசைச் சொற்களாக ஒர் அளவிலும் பத்திகளை தலைப்பினைவிட சற்று சிறிய அளவுகளிலும் வடிவமைத்துள்ளன. தினமலா், நக்கீரன், கீற்று ஆகிய இணைய இதழ்கள் முகப்பில் உள்ள தலைப்பினை 11 இன்ச் அளவுகளிலும், பத்திகளை 10 இன்ச் அளவுகளிலும் அமைத்துள்ளன. தினத்தந்தி இதழ் தலைப்பினை 13.5 இன்ச் அளவுகளிலும், செய்திகளை 8.5 இன்ச் அளவுகளிலும், தினகரன் தலைப்பினை 16 இன்ச் அளவிலும், பத்திகளை 13.5 இன்ச் அளவுகளிலும் அமைத்துள்ளன.

திண்ணை, லங்காஸ்ரீ, விறுவிறுப்பு ஆகிய இதழ்கள் தலைப்பினை 9 இன்ச் அளவிலும், பத்திகளை 8.5 இன்ச் அளவிலும் வெளியிடுகின்றன. தட்ஸ்தமிழ், பி.பி.சி.தமிழ் ஆகிய இதழ்கள் முகப்பில் உள்ள தலைப்பினை 16 இன்ச் அளவிலும், பத்திகளை 10 இன்ச் அளவிலும் வைத்துள்ளன. ஒரு சில இதழ்கள் முகப்பு பக்கத்தில் அண்மைச் செய்திகள், முக்கியமான செய்திகளின் தலைப்பினை 20 இன்ச் அளவில் பெரிதாய் காட்டுகின்றன. இது வாசகா்களின் கவனத்தை ஈா்க்கும் பொருட்டு இவ்வாறு அமைகிறது.

பெரும்பாலான இதழ்கள் தலைப்பினை 10 இன்ச் எழுத்துரு அளவிலும், பத்தி செய்திகளை 9 இன்ச் எழுத்துரு அளவிலும் அமைத்துள்ளன. இவை பார்ப்பதற்கு சீராக அமைகின்றன.

வண்ணத்தோ்வு

பல்வேறு வண்ணங்களில் இதழ் பக்கங்களை வடிவமைத்து தருவது இணைய இதழ்களின் சிறப்புகளில் ஒன்றாகும். வண்ணப் படங்கள், வீடியோக்கள், வண்ண எழுத்துருக்கள், பக்க வடிவமைப்பு என இதழின் அனைத்து அம்சங்களிலும் பல்வேறு வண்ணங்களில் இதழ்களை வடிவமைக்கின்றனா். அதனால் இணைய இதழ்கள் பார்ப்பதற்கு கவா்ச்சிகரமானதாக அமைகின்றன. அதே நேரம் சில வண்ணங்கள் தொடா்ந்து திரையை கூா்ந்து கவனிக்க முடியாமல் கண்களுக்கு அயற்சியைத் தருகின்றன. சில வண்ணங்கள் கண்களுக்கு இதமாகவும் அமைகின்றன. ஒவ்வொரு வண்ணங்களும் தனித்தனி தன்மைகளைக் கொண்டுள்ளன.

“சிவப்பு நிறம் – வலிமை, எச்சரிக்கை, காதல் போன்ற குணங்களையும், ஆரஞ்சு நிறம் – தெளிவான காட்சி அமைப்பினையும், கவனத்தைக் கவரும் தன்மையினையும் கொண்டுள்ளன. மஞ்சள் நிறம் – மகிழ்ச்சி, அறிவு, உற்சாகம் போன்றவற்றிற்கும், பச்சை நிறம் – வளா்ச்சி, புத்துணர்ச்சி, செழுமை, ஒருங்கமைவு, பாதுகாப்புத் தன்மைகளையும், நீலநிறம் – நம்பிக்கை, விசுவாசம், அறிவு, சொர்க்கம், உண்மை போன்ற பண்புகளையும், வெண்மை – சமாதானம், நல்லெண்ணம், களங்கமற்ற, முழுமை, பாதுகாப்பு போன்ற குணங்களையும், கறுப்பு நிறம் – ஆற்றல், நேர்த்தி, கெடுதல், சூழ்ச்சி போன்ற குணங்களுக்கும் அடையாளப்படுத்தப்படுகின்றன.

வண்ணங்கள் வெறும் பார்வையோடு தொடா்புடையது மட்டுமல்ல. பார்வையை நமக்கு உணர வைப்பதே மூளையோடு தொடர்புடைய நரம்புகளே. அதனால்தான் ஒவ்வொரு நிறமும் தனித்தனி பண்புகளைக் கொண்டமைகின்றன.

இணைய இதழ்களில் உள்ள வண்ணங்கள் சரிவர அமைந்தால் தான் அவ்விதழை நாம் கூா்ந்து படிக்க முடிகிறது. பெரும்பாலான இதழ்களின் முகப்பில் உள்ள செய்திகள் தலைப்புகள் நீலநிறத்தில் அமைக்கப்பட்டுள்ளன. இவற்றை சொடுக்கி செய்தியை விரிவாக படிக்கும்போது வெள்ளை நிற பின்புறத்தில் கருப்பு நிற எழுத்துகளை கொண்டமைகின்றன. முக்கியமான செய்திகளை மின்னுவது போல் அமைக்கப்பட்டுள்ளன. இது வாசகா்களை கவனிக்க வைக்கிறது. ஒவ்வொறு இதழ்களும் அவற்றின் பெயா்களை திரையின் மேல்பகுதியில் இடது ஓரத்தில் பல்வேறு வண்ணத்தில் அமைத்துள்ளன. பெரும்பாலான இதழ்களின் பெயா்கள் சிவப்பு, நீலம், மஞ்சள் நிறங்களில் பெரிய எழுத்துக்களில் அமைக்கப்பட்டுள்ளன. இந்த நிறங்கள் எளிதில் கவனத்தைப் பெறுகின்றன.

“மூளை தான் நிறங்களை கண்டறிந்து சொல்லும், கண்களில் கூம்பு மற்றும் குச்சி வடிவில் ஒளியை உணரும் இரண்டு செல்கள் உண்டு. இந்த செல்கள் நரம்பு இழைகளோடு தொடா்பு கொண்டிருக்கும். இந்த நரம்பிழைகள் இணைந்து பார்வை நரம்பாக மாறி மூளையின் பார்வை கட்டுப்பாட்டு மையத்திற்குச் செல்லும். குச்சி செல்கள் மங்கிய வெளிச்சத்தில் துல்லியமான பார்வைக்கு உதவும், கூம்பு செல்கள் பிரகாசமான வெளிச்சத்தில் பார்வைக்கும், நிறப்பார்வைக்கும் பயன்படும். கூம்பு வடிவ செல்களின் மூலம் சிவப்பு, பச்சை, நீலம் என மூன்று அடிப்படை நிறங்களை உணர முடியும். இந்த நிறங்களுடைய விகிதாச்சார கலவையால்தான் மற்ற வண்ணங்களை உணர முடிகிறது.

சிவப்பு, பச்சை, நீலம் என அடிப்படையான மூன்று நிறங்களைக் கொண்டே பல்வேறு வண்ணங்களை நம்மால் உணர முடிகிறது. சிவப்பு நிறம் ஊடுருவும் தன்மை அதிகமாகவும், நீலநிறம் ஊடுருவும் தன்மை குறைவாகவும் கொண்டது. மஞ்சள் நிறம் தனியாகத் தெரிவதில்லை. அது தனித்து தெரிய அடா் நிறம் தேவைப்படுகிறது. பச்சை நிறம் கண்களுக்கு ஓய்வைத் தந்து, கூா்ந்து கவனிக்க வைக்கிறது. நீலநிறம் மனதிற்கும் உடலிற்கும் அமைதியைத் தருகிறது. பி.பி.சி.தமிழ் இதழானது சிவப்பு நிறத்தில் பெயரினைத் தடித்த எழுத்திலும், நீல நிறத்தில் தலைப்புகளைக் கொண்டும், கீற்று – கறுப்பு நிற எழுத்துருக்களையும், வெள்ளை நிற பின்புறமும், திண்ணை – சிவப்புநிற பின்புறமும், வெள்ளைநிற எழுத்துருக்களையும், தமிழ்வின் – மஞ்சள் நிறத்தில் பெயரினைக் கொண்டும் அமைந்திருக்கின்றன.

இவ்வாறு இணைய இதழ்கள் பெயரினை பெரிய வடிவத்தில் குறிப்பிட்ட வண்ணத்திலும், தலைப்பினை நீலநிறத்திலும், பத்திகளை கறுப்புநிற எழுத்துருக்களாகவும் கொண்டமைகின்றன. இவை கூா்ந்து படிப்பதற்கு வசதியாய் அமைகிறது.

உள்ளடக்கம்

தமிழ் இணைய இதழ்கள் அச்சிதழ்களை விட உள்ளடக்கங்களை சிறப்புற அமைத்துள்ளன. அவை ஆன்மிகம் – இந்து – கிறித்துவம் – இஸ்லாம், சமூகம், அரசியல், ஈழம், இலக்கியம், கலைகள், வரலாறு, ஆய்வு, பகுத்தறிவு, பெண்கள், சமையல், நகைச்சுவை, திரைப்படங்கள், அறிவியல் மற்றும் தொழில்நுட்பம், வணிகம், சோதிடம், சிறுவர், கவிதை, கட்டுரை, மருத்துவம், நூலகம், திருமணம், பல்சுவை, பாலியல் உறவுகள், சங்க அமைப்புகள், புகைப்பட கேலரி, வீடியோ, தனி மனிதக் கருத்துக்கள், திரட்டிகள், இணைப்பிதழ்கள், தேசியச் செய்திகள், மாநிலச் செய்திகள், உலகச் செய்திகள், விந்தை செய்திகள், மாவட்டச் செய்திகள், விளையாட்டு, நோ்காணல்கள், சிறப்புப் பகுதிகள் என்ற வகைப்பட்டினைக் கொண்டமைகின்றன.

இடவசதி

கணினித்திரையின் அளவுகளைக் கொண்டே இணைய இதழ்கள் வடிவமைக்கப்படுகின்றன. நீளவாக்கில் (Vertical side) 12 இன்ச் அளவும், பக்கவாட்டில் (Horizontal Side) 8 இன்ச் அளவும் கொண்டு பக்கங்கள் அமைக்கப்படுவது வழக்கமாக இருக்கின்றன. ஆனால் இதிலிருந்து மாறுபட்டு நீளவாக்கில் குறிப்பிட்ட அளவுகள் ஏதும் இல்லாமல் தொடா்ந்து செல்லும் படியும், பக்கவாட்டில் திரை முழுவதும் பக்க அளவாகக் கொண்டும் சில இதழ்களில் பக்கங்கள் அமைக்கப்படுகின்றன. நீளவாக்கில் நகா்த்துவதில் நகா்த்தி உதவுவதால் சிரமங்கள் இருப்பதில்லை. ஆனால் பக்கவாட்டில் நகா்த்துவதில் சிரமங்கள் சில இதழ்களில் ஏற்படுகின்றன.

ஒவ்வொரு இணைய இதழும் முகப்புப் பக்கத்தில் மேலே 1 இன்ச் அளவிற்கு இதழின் பெயா், இலச்சினை மற்றும் விளம்பரங்களை வைத்துக்கொள்ள இடத்தினை எடுத்துக் கொள்கின்றன. அதற்கு கீழே 1 செ. மீ. அளவிற்கு திரை உருளல் செய்திகளுக்கும் (scrolling news), அடுத்ததாக 2 செ.மீ. அளவிற்கு இதழின் உள்ளடக்க பட்டியலை நீள வாக்கில் அமைத்துள்ளன.

திரையின் இடது, வலது ஓரங்களில் சிறிது இடைவெளிகளையும், சில இதழ்களில் ஒளி-ஒலி வடிவச் செய்திகளையும் கொண்டுள்ளன. முகப்பின் நடுவில் செய்திகளின் தலைப்பினை வரிசையாக அண்மைச் செய்திகள், முக்கியச் செய்திகள், உலகச் செய்திகள் என செய்திகளின் பட்டியலை அமைத்துள்ளன.

கீற்று இதழில் ‘வேண்டாம் அணு உலை’ என்ற தலைப்பில் அது குறித்த கட்டுரைகளை முகப்பிலேயே ஒதுக்கி செய்திகளைத் தருகின்றன. பொதுவாக இணைய இதழ்கள் முகப்பிலேயே படங்கள், வீடியோ, கார்ட்டூன், இணைப்பிதழ்கள் என அனைத்தினையும் தந்து தோ்வு செய்து படிக்கும் வசதியைத் தருகின்றன. படங்கள், கார்ட்டூன் மற்றும் வீடியோக்களை சிறிய அளவில் தந்து தேவைப்பட்டால் நாம் பெரிதாக பார்க்கும் வகையில் அமைத்துள்ளனா்.

இலச்சினை

இலச்சினை என்பது கருத்துக்கள், செயல்கள், அடையாளங்களை குறிப்பிடுவதாக அமைகிறது. உதாரணமாக சிவப்பு நிற எண்கோணம் ‘நில்’ எனும் போக்குவரத்து விதிகளைக் குறிக்கிறது. சிவப்பு நிற ரோஜா காதலையும், வெள்ளை நிறப் புறா சமாதானத்தையும் குறிக்கும் குறியீடாகவே உலகம் முழுக்க அறியப்படுகிறது.

வில் அம்பு சேரா்களின் கொடியினையும், புலி சின்னம் சோழா்களின் கொடியினையும், மீன் சின்னம் பாண்டியா்களின் கொடியினையும் அடையாளப்படுத்துகின்றன. இன்றைக்கு அரசியல் கட்சிகள் தனித்தனியே ஒரு சின்னத்தைக் கொண்டு மக்களிடையே அடையாளம் பெறுகின்றன. தொழிற்புரட்சியின் விளைவாய் இன்றைக்கு தனியார் நிறுவனங்கள் தங்களுடைய பொருட்களை மக்களிடையே விளம்பரப்படுத்த ஏதேனும் ஒரு சின்னங்களைக் கொண்டு விளம்பரம் செய்கின்றனா். மொழிகளைத் தாண்டி இச்சின்னங்கள் கவனத்தைப் பெறுகின்னறன.

அதுபோன்று நாள்தோறும் மக்களிடையே உறவாடும் இதழ்களும் தங்களுக்கெனத் தனித்தனியே இலச்சினைகளைக் கொண்டு வெளிவருகின்றன. அச்சிலும் இணையத்திலும் வெளிவருகிற இதழ்கள் ஏற்கனவே அச்சிதழ்களில் உள்ள இலச்சினைகளையே கொண்டுள்ளன. இது போன்று இணைய இதழ்களும் பல்வேற இலச்சினைகளைக் கொண்டுள்ளன.

கீற்று – தென்னை மரக்கீற்றின் நடுவில் சூரியன் உதிப்பதுப் போன்றும், புதினப்பலகை – உலக உருண்டையை இரண்டு முனையிலும் பேனா முள் வளைத்துள்ளது போலவும், முழுக்கம் – முளவு இசைக்கருவியையும், வரலாறு – வட்டத்தின் உள்ளே கோவில் கோபுரமும், முத்துக்கமலம் – மலா்ந்த தாமரையின் மேலே ஒரு வண்டு மொய்ப்பது போலவும், மீனகம் – ஒருவா் முரசு அடிக்க மற்றொருவா் சங்கு ஊத, நடுவில் மேலே மஞ்சள் கீழே சிவப்பு நிற கொடி பறப்பு போலவும், விறுவிறுப்பு – குதிரையின் மேல் வீரன் பயணிப்பது போலவும், உயிரோசை – கை பெருவிரலின் ரேகை போன்றும் இலச்சினைகளைக் கொண்டுள்ளன. தமிழ் இணைய இதழ்கள் தங்களது இதழின் பெயரினை அடையாப்படுத்துவது போல், தமிழா்களின் பண்பாட்டு அடையாங்களைப் பிரதிபலிக்கும் இலச்சினைகளைக் கொண்டுள்ளன.

தலையங்கம்

இதழ்களில் இடம்பெறும் கருத்துரைப் பகுதிகளில் மிகவும் முக்கியமானது தலையங்கம் ஆகும். நாளிதழ்களானாலும், பருவ இதழ்களானாலும் அவ்விதழ்கள் தலையங்களில் சிறப்புக் கவனம் செலுத்துகின்றன. இதழாசிரியா்கள் வாசகா்களுடன் கருத்து பரிமாற்றம் செய்துக் கொள்ளும் இடமாகத் தலையங்கம் விளங்குகின்றது.

சிற்றிதழ்களில் தலையங்கம்

காலச்சுவடு இதழில் தலையங்கம் என்ற பெயரிலேயே இடம்பெறுகிறது. புதிய பார்வை, தளித்முரசு போன்ற இதழ்களில் எந்த பெயரும் இல்லாமல் முதல் பக்கத்திலேயே தலையங்கம் அமைந்து விடுகிறது. உயிர்மை இதழில் எந்த பெயரும் இல்லாமல் தலையங்கம் அமைந்தாலும் இறுதியில் ஆசிரியரின் பெயா் கொடுக்கப்பட்டுள்ளது. இவ்வாறு சிற்றிதழ்களில் தலையங்கம் இடம் பெறுகிறது. சில இதழ்களில் கடந்த இதழ் குறித்த விமா்சனமாகவும், இலக்கியம் சார்ந்த நடப்பு இதழ் குறித்த விமா்சனமாகவும், முக்கிய நிகழ்வுகள் பற்றியதாகவும் அமையலாம். மேலும் தொடர்ந்து இதழ் நடத்த முடியாத பொருளாதாரச் சூழலில் உள்ள சில சிற்றதழ்களில் தலையங்கம், ஆசிரியா் படிப்பவரிடம் சந்தாக் கேட்டு முறையிடும் தலையங்கமாகவும் அமையும்.

இணைய இதழும் தலையங்கமும்

இதழ் இணைய இதழ்கள் பலவற்றில் தலையங்கம் இடம் பெறுவதில்லை. திண்ணை, கீற்று, தட்ஸ்தமிழ், சென்னை ஆன்லைன், கவிமலா், வியப்பு, வெப்துனியா, உயிரோசை, பதிவுகள், புதினப்பலகை, அதிர்வு, வார்ப்பு, தமிழ்வின், மீனகம், வினவு, தமிழ்சினிமா ஆகிய இதழ்களில் தலையங்கம் இல்லை. கீற்று, உயிரோசை ஆகிய இதழ்களில் எப்பொழுதாவது ஆசிரியர் கடிதம் போன்ற அமைப்பில் தலையங்கம் வருகிறது. ஆனால் தொடர்ந்து வருவதில்லை.

வரலாறு இணைய இதழில் முதல் இதழின் தலையங்கம் முதல் தற்போதைய இதழ் வரை தலையங்கங்களை வரிசையாக தலைப்பிட்டு வைத்துள்ளனா். ‘செயத்தக்க செய்யாமையானும் கெடும்’, ‘எதுதான் தமிழ்ப்புத்தாண்டு’, ‘நினைவுச் சின்னத்தை பாதுகாக்க சமஸ்கிருத அறிவு தேவையா?’, ’வாழ முடியாத ஊரும் தொல்லியல் துறையும்’ எனப் பல்வேறு தலைப்புகளில் தலையங்கம் அமைந்துள்ளன.

பல்சுவை இதழும் தலையங்கமும்

இதழ்கள் தத்தம் கொள்கைகளுக்கும் நோக்கத்திற்கும் ஏற்ப தலையங்கங்களை அமைத்துக் கொள்கின்றன. பல்சுவை இதழ்களில் தலையங்கச் செய்தியும் சரி அதன் நடையும் சரி படிப்பவா் அனைவருக்கும் புரியும் நிலையிலே அமைகின்றன. தலையங்கச் செய்தி தலையங்கம் என்ற பெயருடன் வருவதோடு இன்னும் வேறு பெயா்களிலும் வருகிறது. சில இதழ்களில் ஏதேனும் ஒரு குறிப்பீடு தலையங்கத்தை அடையாளப் படுத்தும். சான்றாக ஆனந்த விகடன் இதழில் தலையங்கம் பகுதி அவ்விதழின் சின்னமாகிய தலை உருவத்தை கொண்டதாக அமையும். மேலும் ஆனந்த விகடன் இதழில் இடம்பெறும் தலையங்கத்தின் இன்னொரு சிறப்பு, தலையங்கத்தில் இடம்பெறும் செய்தியை விளக்கும் நிலையில் கருத்துப் படங்களுடன் அருகில் இடம்பெறும்.

ஒரு சில இணைய இதழ்கள் ‘எம்மைப்பற்றி’ (about us) என்ற பகுதியில் இதழின் தொடக்கம் பற்றிய தகவல்களை மட்டுமே பதிவு செய்துள்ளனா். ஒரு சில இதழ்களில் மட்டுமே எடிட்டா் என்ற தகவலை வைத்துள்ளனா். உதாரணமாக, வினவு இதழின் ஆசிரியா் கண்ணையா ராமதாஸ், வல்லபேசன் என்றும் விறுவிறுப்பு இதழின் எடிட்டா் ரிஷி என்ற தகவலும் உள்ளன முத்துக்கமலம் இதழில் ஆசிரியா் தேனி மு.சுப்பிரமணி என்று முகப்பிலேயே உள்ளது. ஆசிரியா் குழுவில் வெளியீட்டாளா் தாமரை செல்வி சுப்பரமணி, ஆசிரியர் குழு – எஸ்.ஏ.சுகுமாரன், கவிஞா் வி.எஸ்.வெற்றிவேல், வி.பி.மணிகண்டன், எஸ்.செந்தில்குமார், சட்ட ஆலோசகா் எஸ்.இளங்கோவன் M.A., B.L என்ற விவரம் உள்ளது. மேலும் வரலாறு இதழின் ஆசிரியா் குழுவில் டாக்டா் கலைக்கோவன், டாக்டா். இராஜமாணிக்கனார், எஸ். கமலக்கண்ணன், ராமச்சந்திரன், லாவண்யா, கோகுல், கிருபாசங்கா் என்ற விவரங்களை ஆங்கிலத்தில் தந்துள்ளனர். விருந்தினா் பக்கம் என்ற இடத்தில் ‘குடவாயில் பாலசுப்ரமணியன்’ கட்டுரைகள் இடம்பெற்றுள்ளன.

இவ்வாறு ஒரு சில இணைய இதழில் ஆசிரியா் பெயா், ஆசிரியா் குழுவின் பெயா், விருந்தினா் என இருந்தாலும் பெரும்பாலான இணைய இதழ்களில் இத்தகைய தகவல்களை அறிய முடியவில்லை. சில இதழ்களில் ‘இங்கு பிரசுரமாகும் கட்டுரைகளுக்கு இதழ் நிருவாகம் பொறுப்பல்ல’ என்ற தகவல் உள்ளது. இத்தகவல் இணைய இதழில் வெளியாகும் கட்டுரைகளின் மேல் உறுதிதன்மையைக் கேள்விக்குள்ளாக்குகிறது.

தமிழ் எழுத்துருக்கள்

வெளிநாட்டு தமிழா்கள் 1986 முதல் தாங்கள் உருவாக்கிய தமிழ் எழுத்துக்களைக் கொண்டு மின்னஞ்சல், தரவுத்தளம், இதழ்கள் எனப் பல்வேறு வழிகளில் பயன்படுத்தி வந்தனா். ஒவ்வொரு தமிழ் தளங்களும், தமிழ் இணைய இதழ்களும் தனித்தனி எழுத்துருக்களைக் கொண்டு அமைந்ததால் இவற்றை படிப்பது சிரமங்கள் ஏற்பட்டன. பின்னர் பல்வேறு இணையக் கருத்தரங்கு, மாநாடுகள் நடத்தப்பட்டு ஒருங்குறி முறை பயன்பாட்டிற்கு கொண்டுவரப்பட்டன.

ஒருங்குறி எழுத்துரு

உலகம் முழுவதும் அனைத்து மொழிகளையும் ஒன்றிணைக்க ஒழுங்குறி கூட்டமைப்பு (Unicode consortium) என்ற அமைப்பு இயங்கி வருகிறது. இந்த அமைப்பில் பல நாடுகளும், கணினி நிறுவனங்களும் உறுப்பினர்களாக இருக்கின்றனா். இந்த அமைப்பின் தரப்படுத்தப்பட்ட எழுத்துருவாக ஒருங்குறி எழுத்துருக்கள் இருக்கின்றன. தமிழ் மொழிக்கும் இந்த ஒருங்குறி எழுத்துருக்கள் உருவாக்கப்பட்டிருக்கிறது.

“கம்ப்யூட்டா் என்றாலே ஆங்கிலத்தால் மட்டுமே முடியும் என்ற மாயையை யுனிகோட் திட்டம் முறியடித்து அனைத்து மொழிகளுக்கும் கணிப்பொறி பயன்படும்படி வடிவமைக்கப்பட்டுள்ளது.

ஒருங்குறி மூலமாக தட்டச்சு செய்யப்பட்ட, பதிவு செய்யப்பட்ட கோப்புகள் அனைத்து கணினிகளிலும் பயன்படுத்தலாம். மேலும் அச்சுப் பணிகளுக்குத் தகுந்ததாக திறந்த உண்மை வடிவ எழுத்துரு (open true type font) மற்றும் திரையில் துல்லியமாகப் பார்க்கத் தகுந்ததாக தெளிவு வடிவ எழுத்துரு (clear type font) போன்றவைகளும் பயன்பாட்டில் உள்ளன.

பிற எழுத்துருக்கள்

கணினியில் பயன்படுத்தப்பட்டு வரும் தமிழ் எழுத்துருக்களில் அவை உருவாக்கப்பட்ட அடிப்படையைக் கொண்டு அதன் வகைகள் பிரிக்கப்படுகின்றன.

உண்மை வடிவ எழுத்துரு (TTF – True Type Font)

கணினியில் பயன்படுத்தும் தமிழ் எழுத்துருக்கள் உண்மை வடிவ எழுத்துருக்கள் (TTF – True Type Font) எனும் வகையிலும், அடோப் வடிவ மேலாளா் (Adobe Type Manager) எனும் வகையில் உள்ளன.

திறந்த வடிவ எழுத்துரு (Open Type Font)

அடோப் மற்றும் மைக்ரோ சாஃப்ட் கணினி நிறுவனங்கள் இணைந்து திறந்த வடிவ எழுத்துரு (Open Type Font) முறையை உருவாக்கியிருக்கின்றன. இந்த எழுத்துருக்கள் பல இயக்கச் சூழல்களிலும் இயங்குவதால் அனைத்திற்கும் ஏற்றதாக இருக்கிறது. ஆங்கிலம் அல்லாத கூட்டெழுத்து, வரிவடிவ எழுத்துக்களை உடைய மொழிக்களுக்கு இந்த எழுத்துருக்கள் சிறந்ததாக இருக்கிறது.

பிற மொழிகளை அடிப்படையாகக் கொண்டு சில தமிழ் எழுத்துருக்கள் உருவாக்கப்பட்டிருக்கின்றன. இவற்றில் குறிப்பாக நான்கு வகைகள் அதிக பயன்பாட்டில் இருக்கின்றன.

தமிழ்தனி மற்றும் இருமொழி வடிவம் (Tamil Monolingual & Bi–Lingual)

1999-ல் அறிமுகம் செய்யப்பட்ட தமிழ் 99 விசைப்பலகையின் தட்டச்சு முறையில் தமிழ் தனிமொழி வடிவம் (TAM - Tamil Monolingual) மற்றும் தமிழ் இருமொழி வடிவம் (TAB - Bi–Lingual) என்ற இரண்டு வழியிலான எழுத்துருக்கள் இருக்கின்றன. தமிழ் தனிமொழி வடிவ எழுத்துருக்களை தமிழ்மொழி மட்டும் தட்டச்சு செய்வதற்கும், தமிழ் இருமொழி வடிவம் இடையிடையே ஆங்கில மொழியிலும் சோ்த்து தட்டச்சு செய்வதற்கும் பயன்படுகிறது.

அமெரிக்கத் தரக் குறியீட்டின் தகவல் உள்மாற்றம் (American Standard Code for Information Interchange)

ஆங்கில எழுத்துக்களை அடிப்படையாகக் கொண்டு உருவாக்கப்பட்ட தமிழ் எழுத்துருக்கள் (ASCII – American Standard Code for Information Interchange) இவ்வகையைச் சோ்ந்தது.

தமிழ் தரக் குறியீட்டின் தகவல் உள்மாற்றம் (Tamil Standard Code for Information Interchange)

தமிழ் எழுத்துக்களை அடிப்படையாகக் கொண்டு உருவாக்கப்பட்ட தமிழ் எழுத்துருக்கள் (TSCII – Tamil Standard Code for Information Interchange) இவ்வகையைச் சோ்ந்தது.

இந்தியத் தரக் குறியீட்டின் தகவல் உள்மாற்றம் (Indian Standard Code for Information Interchange)

இந்தி எழுத்துக்களை அடிப்படையாகக் கொண்டு உருவாக்கப்பட்ட தமிழ் எழுத்துருக்கள் (ISCII – Indian Standard Code for Information Interchange) இவ்வகையைச் சோ்ந்தது.

இந்த தமிழ் எழுத்துருக்களில் மாற்றுமொழி விசைப்பலகை மூலம் அம்மா (amma) என்று தட்டச்சு செய்வது எளிதாக இருப்பதால் இந்த விசைப்பலகையை பயன்படுத்தியுள்ள எழுத்துருக்களைத் தட்டச்சு செய்ய அதிகமாகப் பயன்படுத்துகின்றனா். ஒருங்குறி அமைப்பு எழுத்துருக்கள் இணையத்தைப் பயன்படுத்திக் கொண்டிருப்பவா்கள் கணினியில் புதிய இயக்கச் செயலிகளை நிறுவியிருந்தால் குறிப்பிட்ட எழுத்துருவை நிறுவாவிட்டாலும் எழுத்துக்கள் தெளிவாகத் தெரிகின்றன. எனவே ஒருங்குறி எழுத்துருவை பயன்படுத்தும் வழக்கம் இப்பொழுது தமிழ் இணைய இதழ்களில் அதிகரிக்கிறது.

இது தவிர இ-கலப்பை மென்பொருள் எழுதி மூலம் தமிழ் தரக் குறியீட்டின் தகவல் உள்மாற்றம் அஞ்சல் எழுத்துருக்கள், ஒருங்குறி தமிழ் எழுத்துருக்கள் போன்றவையும், புதிய தொடுவானம் தொடா்பு ஊடகம் (NHM – New Horizon Media) வழங்கியிருக்கும் மென்பொருள் என்.எச்.எம். எழுதி மூலம் ஒருங்குறி தமிழ் எழுத்துருக்களையும், தமிழ் 99 எழுத்துருக்களையும் எளிதாக தட்டச்சு செய்து பயன்படுத்திக் கொள்ள முடிகிறது.

எழுத்துருக்களைத் தரவிறக்கம் செய்யும் முறை

இன்றைக்கு பெரும்பாலான தமிழ் இணைய இதழ்கள் ஒருங்குறிக்கு மாறிவிட்டதால் படிப்பதற்கு எந்தச் சிரமமும் ஏற்படுவதில்லை. ஆனால் ஒருசில இதழ்கள் தனித்தனி எழுத்துருக்களை பயன்படுத்துவதால் அவற்றை தரவிறக்கம் செய்து கணினியில் பொருத்திப் படிப்பதில் சிரமமும் காலவிரயமும் உருவாகிறது. அத்தகைய இதழ்களின் முகப்பில் எழுத்துருவினை கொடுத்திருப்பார்கள். அந்த எழுத்துருவை நகல் (Copy) செய்ய வேண்டும். அதன் பின்னா் Control Panel சென்றால் அங்கே எழுத்துரு (Font) எனும் கோப்புறையினைத் (Folder) திறந்து ஒட்ட (Paste) வேண்டும். பின்னா் நமக்குத் தேவையான பயன்பாட்டினைத் (Application) திறந்து திரையில் உள்ள எழுத்துரு (Font) பகுதியில் குறிப்பிட்ட எழுத்துருவின் பெயரினைத் தோ்வு செய்து தட்டச்சு (Type) செய்து கொள்ளலாம்.

எழுத்துரு சிக்கல் உள்ள இதழ்கள் தாம் பயன்படுத்துகிற எழுத்துருவினை இலவசமாகவே நமக்கு வழங்குகின்றன. இத்தகைய பிரச்சினையுள்ள இதழ்களை யாரும் விரும்புவதில்லை.

பி.டி.எஃப். கோப்புகள் (PDF)

எழுத்துரு பிரச்சினைகள் இல்லாத கோப்புகளையே பி.டி.எஃப். (PDF – Portable Document Format) என்கிறோம். தமிழில் தொடக்க கால எழுத்து பிரச்சினைகள் அதிகளவில் இருந்தபோது இதன் வடிவம் தேவைப்பட்டது. தற்பொழுது அனைத்து தமிழ் இணைய இதழ்களும் ஒருங்குறிக்கு மாறிவிட்டதால் சிரமங்கள் இல்லை. ஆயினும் பதிவுகள், திண்ணை, கீற்று போன்ற இணைய இதழ்கள் தம் இதழில் வெளியிடும் கட்டுரைகளை பி.டி.எஃப். வடிவில் வழங்குகின்றன. சில நேரங்களில் அரசின் அறிவிப்புகள், விண்ணப்பங்கள் சிலவற்றையும் இவ்வாறு வழங்குகின்றனா்.

இலங்கை மீதான போர்க்குற்றம் தொடர்பாக ஐ.நா. மனித உரிமை நடுவன் மன்றம் நடத்திய வாக்கெடுப்பு, குற்றச்சாட்டுகள் குறித்த ஆவணங்களை பி.பி.சி.தமிழ், லங்காஸ்ரீ, ஈழமுரசு, விறுவிறுப்பு, கனடாமுரசு, அலைகள், நெருடல், தமிழ்வின், எரிமலை, தமிழ் ஆஸ்திரேலியா, தாயகப்பறவை, ஈழம் பிரஸ், தாய்த்தமிழ், நிலவரம், தினசரி, செய்தி, புலா்வு, நாதம் ஆகிய இதழ்கள் பி.டி.எஃப். வடிவில் வழங்கின.

படங்கள்

ஆயிரம் சொற்கள் சொல்ல முடியாதவற்றை ஒரு அருமையான புகைப்படம் கூறிவிடுகின்றது. கற்றோரையும் கல்லாதோரையும், சிறுவா்களையும் வயதில் பெரியோர்களையும் பார்க்கவும், ரசிக்கவும், புரிந்துக்கொள்ளவும் தூண்டுகின்ற ஆற்றல் புகைப்படங்களுக்கு உண்டு. அதனால்தான் செய்திகளின் வெளியீட்டில் புகைப்படங்கள் பெரும்பங்கு பெருகின்றன.

இணையப் பக்கங்களை வடிவமைக்கம்போது இலச்சினை (Logo), படங்கள் (Pictures), கேலிச்சித்திரங்கள் (Cartoon Pictures), விளம்பரங்கள் (Advertisement), அசைவூட்டுப் படங்கள் (Animated Pictures) போன்றவையும் தேவைப்படுகின்றன. இவை கணினியில் அதற்கென்று உள்ள சில மென்பொருள்களின் உதவியுடன் உருவாக்கப்படுகின்றன. சில படங்கள் ஓவியா்களால் வரையப்பட்டு வருடியின் (Scanner) மூலம் கணினிக்கு கொண்டு வரப்பட்டு அந்தக் கணினியில் நிறுவப்பட்டுள்ள அதற்கான மென்பொருட்களின் மூலம் தேவையான மாற்றங்கள் செய்யப்பட்டு பயன்படுத்தப்படுகின்றன. இதுபோல் தேவையான புகைப்படங்கள் (Photograph) ஒளிப்பிரதி செய்து மாற்றம் செய்யப்படுகின்றன.

இவ்வாறு இணைய இதழ்களில் படங்கள் வலையேற்றம் செய்யப்படுகின்றன.

வண்ணப்படங்கள்

இதழ்களின் அழகையும், செய்தியின் மதிப்பையும் கூட்டுவனவாகப் படங்கள் உள்ளன. வண்ணப்படங்கள் இல்லாத இதழ்கள் வாசகா்களைக் கவா்வதில்லை. கணினி வரைகலை தொழில்நுட்பமும், புகைப்படத் தொழில்நுட்ப மேம்பாடும், ஓவியா்களின் பெருக்கமும் இன்றைக்கு இணைய இதழ்களில் வண்ணப்படங்களுக்குச் சிறப்பான இடத்தைத் தேடித் தந்துள்ளன. “செய்தித்தாட்களையும் பருவ இதழ்களையும் புரட்டினால் கண்ணையும் கருத்தையும் கவருகின்ற புகைப்படங்கள், ஓவியங்கள், நகைச்சுவைப் படங்கள், சிந்னைக்குரிய கருத்துப்படங்கள், வரைபடங்கள் ஆகியவை பல வண்ணங்களில் இடம்பெற்றிருப்பதைக் காண்கிறோம். இன்றைய இதழ்களின் வெற்றிக்குப் படங்கள் பெருந்துணைப் புரிகின்றன. ‘படங்கள் இல்லாப் பத்திரிகை பாழ்’ என்று கூறுமளவிற்கு படங்களின் முக்கியத்துவம் கூடியுள்ளது.

இணைய இதழ்களில் அனைத்து பக்கங்களையும் வண்ணங்களில் வடிவமைக்கப்படுவதால் அதிக அளவில் வாசகா்களை ஈா்க்க முடிகிறது. அனைத்து இணைய இதழ்களும் ஒவ்வொரு செய்திகளுக்கும் அழகிய வண்ணப்படங்களை இணைத்து தருகின்றனா். பக்க வரையறை இல்லாததால் சில செய்திகளுக்கு அதிகளவில் வண்ணப்படங்களையும் இணைக்கின்றனா். பெரும்பாலான இதழ்களில் ‘புகைப்பட கேலரி’ என்ற தலைப்பில் பல்வேறு தலைப்பின் கீழ் வண்ணப்படங்களை கொடுத்துள்ளன. ‘ஊடறு’ இணைய இதழ் பெண் புகைப்படக்கலைஞர்களின் புகைப்படங்கள், ஓவியங்களைவெளியிட்டு சிறப்பிக்கின்றன.

சில இணைய தளங்கள் பல்வேறு தலைப்புகளில் இயற்கை, அறிவியல், தொழில்நுட்பம், வாழ்த்துக்கள் என்று நிறைய படங்களை பொது உரிமத்தின் கீழாக இலவசமாக இழங்கி வருகின்றன. இந்த தளங்களிலிருந்தும் தேவையான படங்களைத் தரவிறக்கம் செய்தோ அல்லது புதிய படங்களை உருவாக்கியோ இணைய இதழ்கள் பயன்படுத்துகின்றன.

சொற்களால் உணா்த்த முடியாவற்றை பார்க்கக் கூடிய படங்கள் வெளிக்கொணா்ந்து விடுகின்றன. செய்திகளின் முழுமையை விளக்க அவை பெரிதும் உதவுகின்றன. விரைந்து படிக்கின்ற வாசகா் செய்தயின் ஏதாவது ஒரு பகுதியை மனங்கொள்ளாமல் போகலாம். ஆனால் படத்தை யாரும் பார்க்காமலோ அவற்றின் உட்பொருளை உணராமலோ இருப்பதில்லை. இணைய இதழ்களில் வெளியாகும் செய்திகள், கட்டுரைகளை வண்ணப்படங்கள் உயிரோட்டம் நிறைந்ததாய் ஆக்குகிறது.

அசைவூட்டுப்படங்கள்

அசைவூட்டுப் (Animation) படங்கள் இணைய இதழ்களின் மற்றுமொரு சிறப்பம்சமாகும். கணினி வரைகலை மூலம் உருவாக்கப்படும் அசைவூட்டுப்படங்கள் நம் கவனத்தை எளிதில் ஈர்க்கின்றன. அனைத்து இணைய இதழ்களும் விளம்பரங்களை அசைவுட்டுப் படங்களாகத்தான் இணைக்கின்றன. திரையில் நாம் செய்திகளை வாசித்துக் கொண்டிருக்கும் போது இத்தகைய அசைவுட்டுப்படங்கள் நம் கவனத்தை ஈா்க்கின்றன. பெரும்பாலான இதழ்கள் திரையின் மேல்பகுதி அல்லது இடது, வலது ஓரங்களில் இத்தகைய அசைவுட்டுப்படங்களை அமைத்துள்ளன. இத்தகைய படங்களின் அசைவுத்தன்மை சில நேரங்களில் கவனச் சிதறலையும் உண்டாக்குகின்றன.

இணைய இதழ்களில் செய்திகளை வாசிக்கத் தருவதுடன் ஒலி வடிவிலும் கேட்கிற வசதிகளையும் செய்து தருகிறது. உலகலாவிய நிலையில் வானொலிச் செய்திகளை வழங்கும் புகழ்பெற்ற இலண்டன் பி.பி.சி (B.B.C) நிறுவனம், இணைய இதழில் (bbc.co.uk/tamil) செய்திகளை எழுத்துருவில் வழங்குவதோடு, எழுத்துருவில் உள்ள செய்திகளை வானொலியில் வழங்குவது போல் ஒலியின் வாயிலாகவும் தருகிறது. எனவே இவ்விதழில் செய்திகளைப் படிக்கவும், கேட்கவும் முடிகிறது.

“மின்-இதழ்களில், கணினியின் முன் அமா்ந்துள்ளவா்கள், செய்திகளைப் படித்துத் தெரிந்துக் கொள்ளலாம். ஆனால் பி.பி.சி. வழங்கும் இணைய தளத்தில் கணினியை இயக்குபவா் தன் விருப்பத்திற்கேற்ப, ‘ஒலி’ என்ற குறியீட்டைக் ‘கிளிக்’ செய்து படிப்பதோடு கேட்டும் மகிழலாம். செய்திகளைக் கேட்டுக் கொண்டே கணினியில் வேறு அலுவல்களையும் கவனிக்கலாம்.”

வீடியோ செய்திகள்

ஒலி வடிவில் செய்தி வடிவம் அமைந்திருப்பது போல் சில இணைய இதழ்கள் ‘வீடியோ’ வடிவிலும் செய்திகளைத் தருகிறது. வீடியோ வடிவ செய்தி, ஒலி வடிவ செய்தி அறிக்கையிலிருந்து மாறுபட்டது. காட்சியும் குரலுமாக உள்ள ஊடகமாக இருக்கிறது. செய்திக்கு ஆதாரமான நிகழ்ச்சி நடந்ததைக் காட்டும் வீடியோ படத்துணுக்குடன் இணைந்து வழங்கும் தன்மையது வீடியோ செய்தியாகும். எனவே, செய்தி வரிகள் மிகச் சுருக்கமாக இருந்தாலே போதுமானது. ‘ஒரு படம் ஆயிரம் செய்திகளுக்கு இணையானது’ (A picture is equal to thousand words) என்று இதழியல் கூறுவது உண்டு. அசையாத புகைப்படத்தை விட அசையும் படமான வீடியோ படம் தகவல் வெளியீட்டில் அதிக ஆற்றல் வாய்ந்தது. சொல்லால் சொல்ல வேண்டியதை படமே உணர்த்திவிடும். இது வீடியோ செய்திலுள்ள முக்கியமான அம்சமாகும். தினமலா்.காம் – ‘தினமலா் டாட்காம் 4 மணி செய்திகள்,’ ’இரவு 8 மணி செய்திகள்’ என்று வீடியோ வடிவ செய்தியை தருகிறது. தட்ஸ் தமிழ்.காம் – ஒவ்வொரு செய்திகளுக்கும் தொடா்படைய வீடியோவினையும் இணைத்துள்ளது. இதுபோன்று தினகரன் இதழ் ‘சன் தொலைக்காட்சி’ செய்திகளை தன் முகப்பில் இணைத்துள்ளது. மற்றும் வியப்பு, புதினப்பலகை, அதிர்வு, முழக்கம், அலைகள், தமிழ்வின், ஊடறு ஆகிய இதழ்களும் செய்திகளை எழுத்துகளாக தருவதோடு தொடா்புடைய வீடியோவினையும் இணைத்துள்ளது.

வீடியோ செய்தியானது நம்பகத்தன்மை மிகுந்தது. குறிப்பிட்ட தலைவா் இவ்வாறு கூறினார் என்பதை அச்சிதழ்கள் சொல்வதில் நம்பகத்தன்மை குறைவானதாகத் தோன்றலாம். ஆனால் இணைய இதழ்கள் வீடியோக் காட்சியாக அவா் பேசுவதை அப்படியே குரலும் உருவமுமாகக் காட்டும்போது நூறு விழுக்காடு நம்பகத்தன்மை கொண்டதாக அமைகிறது.

மரபு வழி, எழுத்து வழி, மின்னணு வழி என்று மூவகை ஊடகங்களின் பண்புகளை ஒரு சேரக் கொண்டு விளங்குவதை இணைய இதழ்களில் ’வீடியோ’ செய்தி வடிவத்தில் மட்டுமே காண முடிகிறது.

ஆதாரம் : தமிழ் இணையக் கல்விக்கழகம்

2.92857142857
கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top