பொருளடக்கத்திற்கு தாண்டவும் | Skip to navigation

Vikaspedia

முகப்பு பக்கம் / எரிசக்தி / அரசு திட்டங்கள் / சுற்றுச்சூழல் - சட்டம் மற்றும் கொள்கை
பகிருங்கள்
கருத்துக்கள்
  • நிலை: திருத்தம் செய்யலாம்

சுற்றுச்சூழல் - சட்டம் மற்றும் கொள்கை

சுற்றுச்சூழல் தொடர்பான அரசாங்க கொள்கைகள் இங்கு வழங்கப்பட்டுள்ளன.

தேசிய பசுமைத் தீர்ப்பாய சட்டம், 2010

ஜூன் 2, 2010 ஆம் தேதியன்று இந்தியப் பிரதமரால் தேசிய பசுமைத் தீர்ப்பாய சட்டம் அங்கீகரிக்கப்பட்டது. சுற்றுபுறத் தொடர்புக்கான குடியுரிமை வழக்குகளை விரைவாக தீர்ப்பதற்காக ஒரு சிறப்பு விரைவு நீதிமன்றமான தேசிய பசுமைத் தீர்ப்பாயத்தை நிறுவுவதற்காக இது வாய்ப்பு அளிக்கிறது.

தீர்ப்பாயத்தின் முக்கிய அமர்வு போபாலில் அமைக்கப்படும். நான்கு சுழலும் அமர்வுகளை தீர்ப்பாயம் கொண்டிருக்கும். இவை அனைத்து காற்று மற்றும் நீர் மாசுக்கட்டுப்பாடு, சுற்றுசூழல் சட்டங்கள், சுற்றுசூழல் பாதுகாப்பு சட்டம், காடுகள் பாதுகாப்பு சட்டம், மற்றும் உயிரினப் பல்வகைமை சட்டங்களோடு இது தொடர்பு கொண்டிருக்கிறது. கமிட்டியால் தீர்ப்பாயத்தின் உறுப்பினர்கள் தேர்ந்தெடுக்கப்படுவார்கள். சுற்றுச்சூழல் சட்டங்களை செயல்படுத்துவதை கண்காணிப்பதற்கு விரைவில் தேசிய சுற்றுச்சூழல் பாதுகாப்பு அதிகார அமைப்பு ஒன்று மேலும் நிறுவப்படும்.

இந்த முயற்சியால், இம்மாதிரியான சிறப்புமிக்க சுற்றுச் சூழல் தீர்ப்பாயங்களை கொண்டிருக்கும் ஆஸ்திரேலியா மற்றும் நியூசிலாந்துடன் இந்தியா இணையும்.

மூலம் : http://moef.nic.in/index.php

தேசிய நீர் கொள்கை 2002

தேசிய நீர்வள ஆதாரங்கள் கழகமானது, நீர்வள ஆதாரங்களின் மேலாண்மை குறித்த விவகாரங்களை கையாளும் தேசிய நீர்கொள்கையை ஏப்ரல் 2002ல் ஏற்றுக்கொண்டது. இந்த கொள்கையானது, நீர் ஆதாரங்களை நிலையான மற்றும் திறனான முறையில் மேலாண்மை செய்வதற்க்கான அவசியத்தை முக்கியபடுத்துகிறது.

தேசிய நீர் கொள்கையின் சிறப்பு அம்சங்கள்

  • இயற்கையின் முதன்மையான ஆதாரமான நீரானது, மனிதனின் அடிப்படை தேவை மற்றும் நாட்டின் பிரசித்தி பெற்ற சொத்தாகும். இதனால், நீர் ஆதாரத்தின் திட்டம், மேம்பாடு மற்றும் மேலாண்மையை, தேசிய கண்ணோட்டத்தோடு செயல்படுத்த வேண்டும்.
  • மாநில/தேசிய அளவில் ஆன நீர்வள ஆதாரத்தின் குறிப்புகள் பற்றிய தகவலை, திறம்பட்ட சேகரிக்க வேண்டும். மேலும் மத்திய மற்றும் மாநில தகவல் வங்கிகள் மற்றும் தகவல் அடிப்படை ஆதாரங்கள் ஆகியவற்றை வலுபடுத்தி, ஒருங்கிணைத்து மாநில மற்றும் தேசிய அளவில் நீர் சம்பந்தப்பட்ட தகவல்கள் அணைத்தையும் தெரிந்து கொள்வதற்கான ஒரு வங்கியை உருவாக்க வேண்டும்.
  • நாட்டில் உள்ள நீர் ஆதாரங்களை, கூடிய மட்டும் அதிகம் பயன்படுத்தும் ஆதாரமாக கொண்டு வர வேண்டும்.
  • மரபு வழி அல்லாத ஆற்றுப்படுக்கைக்களுக்கிடையே ஆன மாற்றம், செயற்கை நிலத்தடி நீர் அதிகரித்தல் மற்றும் கடல் மற்றும் உவர்நீர் உப்பகற்றுதல் ஆகியவற்றாலும், மரபுவழி நீர் சேமித்தல் (மழைநீர் சேகரிப்பு, வீட்டுகூரை மூலம் மழைநீர் சேமிப்பு) ஆகியவற்றாலும் பயன்படக்கூடிய நீர் ஆதாரங்களை அதிகரிக்க வேண்டும். இவ்வகையான தொழில்நுட்பங்களுக்கு முன்னோடி ஆராய்ச்சி மற்றும் மேம்பாடு மேற்கொள்வது அவசியம்.
  • நீர்வள் ஆதாரங்களுக்கேற்ப குறிப்பிட்ட மேம்பாடு மற்றும் மேலாண்மை திட்டங்கள் அவசியம். இதற்கு தேவையான நிறுவனங்கள் அமைக்கப்பட வேண்டும்
  • அந்த அந்த ஆற்றுப்படுகைக்கு தேவையான நீரை ஊர்ஜிதம் செய்த பின்னர் நீர் குறைவாக கிடைக்கும் பகுதிகளுக்கு ஒரு ஆற்று படுகையிலிருந்து இன்னொரு ஆற்றுப்படுக்கைக்கு, நீரை மாற்றி விட வேண்டும்
  • நீர்வள ஆதார மேம்பாட்டு திட்டங்கள் முடிந்தவரை பல துறைகளை ஒருங்கிணைத்த முறையில் பல்நோக்கு கொண்டதாக அமைய வேண்டும். இவை மனிதன் மற்றும் அவனது சூழ்நிலை விதிகளை கருத்தில் கொள்ள வேண்டும்.
  • நீர் பகிர்வதில், முக்கியதுவம் முதலில் குடிநீருக்கும், பின்பு பாசனம், நீர் ஆற்றல், சுற்றுச்சூழல், வேளாண் சார்ந்த ஆலைகள் பின்னர் பிற தொழிற்சாலைகள் என்னும் முறையை பின்பற்ற வேண்டும்.
  • நிலத்தடி நீர் ஆதாரத்தை உபயோகிக்கும் போது எவ்வாறெல்லாம் இதனை மீன்டும் நீர்வூட்ட முடியும் என்பதனையும் சமுதாய ஒற்றுமையையும் கருத்தில் கொள்ள வேண்டும். அதிகமாக நிலத்தடி நீர் எடுப்பதனால் ஏற்படும் சுற்றுப்புறச் சூழல் பாதிப்புகளை கருத்தில் கொண்து இதனை கூடுமானவரை தவிர்க்க வேண்டும்.
  • கட்டுமான பணி மற்றும் குடிபெயர்ப்பு திட்டங்கள் சரியாக வகுக்கப்பட வேண்டும். இவற்றிர்க்கான தேசிய அளவிலான கொள்கை வகுக்கப்ப வேண்டும். இடம்பெயர்ந்த மக்கள் இம்முயற்சிகளால் நன்மை அடைவதை உறுதி செய்தல் அவசியம்.
  • இப்பொழுது இருக்கும் நீர் ஆதாரங்களின் இயற்பியல் மற்றும் பொருளியல் நிலைக்கு முக்கியதுவம் கொடுக்க வேண்டும். நீர்க்கான கட்டணத்தை நிர்ணயம் செய்யும் போது, அந்த கட்டணத்தினால் முதலீட்டு செலவில் பகுதியையும் மற்றும் பராமரிப்பு செலவையும் அளிக்கும் வண்ணம் கட்டணத்தை நிர்ணயம் செய்ய வேண்டும்.
  • பலவிதமான உபயோகத்திற்கு நீரை பயன்படுத்தும் போது அதன் மேலண்மையை பலதரப்பட்ட உபயோகிப்பவரின் பங்களிப்புடன் மற்றும் அரசு நிறுவனத்துடனும் செயல்படுத்த வேண்டும்.
  • எங்கெல்லாம் முடிகிறதோ அங்கெல்லாம் தனியார் நிறுவனங்களை, நீர்வள திட்டமிடுதல், மேம்பாடு மற்றும் மேலாண்மை ஆகியவற்றில் பங்கு பெற ஊக்குவிக்க வேண்டும்
  • பரப்பு நீர் மற்றும் நிலத்தடி நீர் ஆகிய இரண்டின் தரத்தையும் அடிக்கடி தரப்பரிசோதனை செய்ய வேண்டும். கழிவுகளை வேதியல் நேர்த்தி செய்து பின்னர் இயற்கை நீர் ஓட்டத்துடன் கலக்கச் செய்ய வேண்டும்.
  • கல்வி, ஒழுங்கு முறை, ஊக்க தொகை மற்றும் அபராதம் ஆகியவற்றினால் பலவகை பயன்பாட்டிலும் நீரை திறம்பட உபயோகிப்பதை மேம்படுத்த வேண்டும்.
  • வெள்ள கட்டுபாட்டுக்கான முதன்மைதிட்டம் இருக்க வேண்டும். வெள்ளம் எளிதில் பாதிக்கக்கூடிய ஆற்றுபடுகைகான மேலாண்மை திட்டமும் இருக்க வேண்டும்.
  • கடல் மற்றும் ஆற்றினால் ஏற்படும் நில அரிப்பை தகுந்த திட்டம் கொண்டு தடுக்க வேண்டும். கடற்கரை ஓரங்களில் நடைபெறும் செயல்பாடுகளை ஒருங்கிணைக்க வேண்டும்.
  • வறட்சி ஏறபடக்கூடிய பகுதிகளின் நீர்வள மேம்பாட்டு திட்டங்களுக்கு முன்னுரிமை அளிக்க வேண்டும். இவைகளை வறட்சியின் பாதிப்பை தடுக்க முயற்சிகள் மேற்கொள்ள வேண்டும்.
  • மாநிலங்களுக்கு இடையேயான நீர் பகிர்வு, தேசிய கண்ணோட்டத்தோடும் நீர் தேவைகளை கணக்கில் கொண்டும் வகுக்கப்பட வேண்டும்.
  • நீர்வள மேம்பாட்டு திட்டத்தின் கூறாக பயிற்சி மற்றும் ஆராய்சிகள் அளிக்கப்பட வேண்டும்.

தேசிய நீர் கொள்கையின் வெற்றி அடைய, தேசிய அளவில் ஒருமித்த கருத்து ஏற்பட்டு, தகுந்த மாநில நீர் கொள்கைகள் வகுத்தல் அவசியம் என்பதை இக்கொள்கை வெளிப்படுத்துகிறது. இது வரை 13 மாநிலம்/யூனியன் பிரதேசங்கள் மாநில நீர் கொள்கையை வகுத்துள்ளது. தேசிய அரசானது தொழில்நுட்ப மற்றும் நிதி உதவியை மாநிலங்களுக்கு அளித்து வருகிறது. இதன் நோக்கம் மாநிலங்களை ஊக்குவித்து, தேசிய நீர் கொள்கையின் நோக்கங்களை அடைவதாகும்.

தட்பவெப்ப நிலை மாற்றம் குறித்த தேசிய செயல்திட்டம்

தட்ப வெப்பநிலை மாற்றம் குறித்த தேசிய செயல் திட்டமானது 2008 ஜீன் 30ம் தேதியன்று அதிகாரப்பூர்வமாக துவங்கப்பட்டது. இத்திட்டம் வளர்ச்சியை முன்னிறுத்தும் நோக்கத்தையும், அதே சமயத்தில் தட்ப வெப்பநிலை மாற்றங்களை எதிர்நோக்கும் வகையில் வடிவமைக்கப்பட்டுள்ளது. இந்த தேசிய செயல் திட்டத்தில் எட்டு தேசிய இயக்கங்கள் உள்ளன. இதன் முக்கியமான பணிகளாவன, தட்பவெப்பநிலை மாற்றம் குறித்த விழிப்புணர்வு ஏற்படுத்துதல், தட்பவெப்பநிலை மாற்றங்கள் ஏற்படுவதை குறைத்தல் மற்றும் அதற்கு ஏற்ற வகையில் வாழ்க்கை முறைகளை கடைபிடித்தல், சக்தியை அதிக திறன்பட முறையாக பயன்படுத்துதல் மற்றும் இயற்கை வளங்களை பாதுகாத்தல் ஆகியன.

தட்பவெப்ப நிலை மாற்றம் குறித்த தேசிய செயல்திட்டத்தில் காணப்படும் எட்டு தேசிய இயக்கங்கள்

  1. தேசிய சூரிய ஒளிசக்தி இயக்கம்
  2. தேதிய திறன்பட சக்தி பயன்பாட்டு இயக்கம்
  3. தேசிய நிலையான வசிப்பிட இயக்கம்
  4. தேசிய தண்ணீர் இயக்கம்
  5. தேசிய நிலையான ஹிமாலய மாலைவாழ் பாதுகாப்பு இயக்கம்
  6. தேசிய பசுமை இந்திய இயக்கம்
  7. தேசிய நிலையான வேளாண்மை இயக்கம்
  8. தேசிய, தட்பவெப்பநிலை மாற்றம் குறித்த நுண்ணறிவு இயக்கம்.

i. தேசிய சூரியஒளி சக்தி இயக்கம்

இந்த இயக்கத்திற்கு, தேசிய அளவில் அதிக முக்கியத்துவம் கொடுக்கப்படுகிறது. இவ்வியக்கத்தின் நோக்கம் நாட்டின் மொத்த சக்தியில் சூரியஒளி சக்தியின் பங்களிப்பை அதிகப்படுத்துவதாகும். மேலும் இதனுடன் மற்ற புத்தாக்க சக்திமூலங்களையும் விரிவுபடுத்துவதும் ஆகும். இந்த தேசிய இயக்கம் இதற்காக ஒரு ஆராய்ச்சி அபிவிருத்தி பிரிவைத் துவக்க உள்ளது. இதற்கு உலக கூட்டுறவு நிதிநிறுவனங்களின் உதவி பெறப்பட உள்ளது. இதன் மூலம் செலவு குறைவான, நீடித்த, வசதியான சூரியஒளி சக்தியை ஈர்க்கும் முறை கண்டுபிடிப்பப்படும்.

தட்பவெப்ப நிலை மாற்றம் குறித்த தேசிய செயல்திட்டத்தின் கீழ், தேசிய சூரியஒளி சக்தி இயக்கம் மூலம், 150 டிகிரி செல்சியஸ் வெப்பநிலைக்கு குறைவாக பயன்படுத்தப்படும் நகர்புற தொழிற்சாலைகள் மற்றும் வியாபார ஸ்தலங்களின் செயல்பாடுகளில் சூரிய சக்தியை 80சதம் அளவிற்கு பயன்படுத்த திட்டமிடப்பட்டுள்ளது. மிதமான தட்ப வெப்பநிலை (அதாவது 150 - 250 டிகிரி செல்சியஸ்) பயன்படுத்தும் இடங்களில் 60சதம் அளவிற்கு சூரிய சக்தியை பயன்படுத்த செய்ய வேண்டும். இந்த இலக்கானது 11வது மற்றும் 12வது ஐந்து ஆண்டு திட்ட காலத்திற்குள் அதாவது 2017க்குள் முடிக்கப்பட வேண்டும். மேலும் இத்திட்டத்தின் மூலம் சூரிய ஒளிப்பயன்பாடானது கிராமப்புறங்களுக்கு, அரசு மற்றும் தனியார் பங்களிப்போடு எடுத்துச்செல்லப்படும்.

ii. தேதிய திறன்பட சக்தி பயன்பாட்டு இயக்கம்

மத்திய அரசு ஏற்கனவே சக்தி பயன்பாட்டுத்திறனை அதிகப்படுத்த முயற்சிகளை எடுத்து வருகிறது. இதனுடன் தட்பவெப்ப நிலை மாற்றம் குறித்த தேசிய செயல்திட்டம் எதிர்பார்ப்பது என்னவென்றால்,

  • அதிகளவு சக்தி / மின்சாரம் பயன்படுத்தும் தொழிலகங்களில் சக்தி/மின்சாரம் சேமிப்பு செய்து, சேமிக்கப்பட்ட சக்தியை மற்ற உபயோகங்களுக்கு விற்பனை செய்யக்கூடிய வியாபார முறைகளை ஏற்படுத்துதல்
  • சக்தி / மின்சாரம் மிச்சப்படுத்தும் கருவிகளை/ பொருட்களை பயன்படுத்தக்கூடிய வகையில் அதன் விலையைக் குறைத்தல்
  • இம்மாதிரியான திட்டங்களுக்கு நிதித்தட்டுப்பாடு இல்லாத வகையில் அரசு, தனியார் கூட்டு முயற்சி ஏற்பட, எதிர்கால சக்தி / மின்சாரம் சேமிப்பின் மூலம் பயனடைய உள்ள திட்டங்களுக்கான வழிமுறை செய்தல்.
  • சக்தி சேமிப்பை அதிகப்படுத்தும் வகையில், வரி விலக்குகள், சக்தியை மிச்சப்படுத்தும் கருவிகள்/ உபகரணங்களை உபயோகிப்போருக்கு வரி விதிப்பில் சில சலுகைகள் போன்றவை ஏற்படுத்துதல்.

iii. தேசிய நிலையான வசிப்பிட இயக்கம்

இந்த இயக்கத்தின் நோக்கமே, நிலையான வசிப்பிட வசதியை மூன்று முறைகளில் வழங்குவதே. அவையாவன,

  • வசிப்பிடங்களில், வியாபார ஸ்தலங்களில், கட்டிடங்களில் சக்தி/ மின்சாரப் பயன்பாட்டுத் திறனை அதிகப்படுத்தும்  மாற்றங்களைக் கொண்டு வருதல்.
  • நகராட்சி திடக் கழிவுகளை மேலாண்மை செய்தல்
  • நகர்புறமக்கள் பொது போக்குவரத்து முறைகளை பயன்படுத்த ஊக்கப்படுத்துதல்

v. தேசிய நிலையான ஹிமாலய மலைவாழ் பாதுகாப்பு இயக்கம் <

கிராமப்புற மக்களுக்கு குறிப்பாக பஞ்சாயத்துக்கு, வாழும் சூழலை பாதுகாப்பதிலும், நிர்வகிப்பதிலும் அதிக பங்கு உண்டு என்பதை இந்த இயக்கம் வலியுறுத்துகிறது. மேலும் தேசிய சுற்றுச்சூழல் கொள்கை -2006ல் குறிப்பிடப்பட்டிருக்கும் ஒரு சில கருத்துக்களை இவ்வியக்கம் நினைவூட்டுகிறது. அவையாவன.

  • மலை வாழ் பகுதிகளை வளம்பெற வைக்க, நீடித்து இருக்க செய்ய, நில உபயோகத்திட்டம், நீர்வழிப்பகுதி மேலாண்மை போன்ற முறைகளை கடைபிடித்தல்.
  • மலை பிரதேசங்களில், மலை வாழ் பகுதிகளை பாதுகாக்கும் வகையில் கட்டுமான அமைப்புகளை உருவாக்குதல் மற்றும் இதன் மூலம் மலைச்சூழலுக்கு எவ்வித பாதிப்பும் ஏற்பட்டுவிடாமல் பாதுகாத்தல்.
  • பாரம்பரிய விதைகள் மற்றும் பயிர்களை சாகுபடி செய்தல், இயற்கை வேளாண்மையை கடைபிடிக்க ஊக்குவித்தல், அதன் மூலம் விவசாயிகளுக்கு கூடுதல் லாபம் கிடைக்கச் செய்தல்
  • வருடம் முழுவதும் உள்ளூர் மக்களுக்கு பாதிப்பு ஏற்படுத்தாமல், அவர்கள் வாழ்வு ஆதாரம் பெருகும் வகையில், மலைப்பகுதிகளுக்கு சுற்றலாப்பயணிகளை ஈர்த்தல்
  • சுற்றுலாப் பயணிகளின் வருகையால், மலைவாழ்ச்சூழல் பாதிக்காத வண்ணம், அந்த சூழல் தாங்கும் வகையில் பயணிகளின் போக்குவரத்தை திட்டமிடுதல்
  • ஒப்பிட்டு பார்க்க இயலாத மதிப்புமிகு மலைப்பிரதேசங்களின் இயற்கை அழகையும், சூழலையும் பாதுகாக்கும் வண்ணம், சில ஒழுங்கு நடவடிக்கைகளை செயல்படுத்துதல்

vi. தேசிய பசுமை இந்திய இயக்கம்

இந்த இயக்கத்தின் நோக்கமே சுற்றுச்சூழல் பாதுகாப்பு பணிகளை ஊக்குவித்தல் ஆகும். பாரத பிரதமரின் பசுமை இந்திய இயக்கத்தில் 6 மில்லியன் ஹெக்டேரில் மரக்கன்றுகளை நட்டு காடுகளை உருவாக்குதல் மற்றும் 23 சதத்திலிருந்து 33 சதப் பரப்பிற்கு வனங்களைக் கொண்டு வருதல் ஆகியன இந்த இயக்கத்தின் முக்கிய பணிகளாக உள்ளன. இப்பணியானது அழிந்த காடுகளில், மாநில வனத்துறை உருவாக்கியுள்ள வனக்குழுக்களின் ஒத்துழைப்புடன் செய்யப்படும். இந்த வனக்குழுக்கள் நேரடி செயல்பாட்டிற்கு முக்கியத்துவம் அளிக்கப்படும்.

vii. தேசிய நிலையான வேளாண் இயக்கம்

இந்திய வேளாண்மையினை தட்பவெட்பநிலை மாற்றத்தினால் பாதிப்படையா வண்ணம், புதிய பயிர் ரகங்கள், குறிப்பாக வறட்சியைப் தாங்கும் ரகங்கள், மாற்றுப்பயிர் சாகுபடித்திட்டம் ஆகியவற்றை செயல்படுத்துதல், இந்த இயக்கத்தின் முக்கிய பணியாகும். பாரம்பரிய முறைகளைக் கொண்டும் கிராமப்புற மூத்த விவசாயிகளின் ஆலோசனைப் பெற்றும், தகவல் தொழில் நுட்பம், உயிரியல் தொழில் நுட்பம், கடன் உதவி, காப்பீட்டு வசதி, போன்ற செயல்பாடுகள் நீடித்த நிலையான வேளாண்மைக்கு உதவும் வகையில் மேற்கொள்ளப்படும்.

viii. தேசிய தட்பவெப்பநிலை மாற்றம் குறித்த நுண்ணறிவு இயக்கம்

உலகளவிலான ஆராய்ச்சி மற்றும் தொழில் நுட்ப வளர்ச்சியின் பல்வேறு செயல்பாடுகளுடன் இந்த இயக்கம் சேர்ந்து பணியாற்றும். அத்துடன் தனக்கே உரிய ஆராய்ச்சி பணிகளை இந்த இயக்கமானது தட்பவெட்பநிலை மாற்றம் குறித்த ஆராய்ச்சி நிறுவனங்களுடனும், பல்கலைக்கழகங்களுடனும், தட்பவெப்பநிலை ஆராய்ச்சி நிதி கொண்டு செய்து வரும். மேலும் தனியார் நிறுவனங்களின் புதிய கண்டு பிடிப்புகளை அதாவது பயன்படுத்துவதற்கேற்ற புதிய கண்டுபிடிப்புகளையும் இந்த இயக்கம் ஊக்கப்படுத்தும்.

இயக்கங்களின் செயல்பாடு

இந்த 8 தேசிய இயங்கங்களும், அந்தந்த அமைச்சரவையின் கீழ் செயல்படும். மேலும் இந்த செயல்பாடுகளை கண்காணிக்க, சம்பந்தப்பட்ட அமைச்சரவை, நிதி அமைச்சகம், திட்டக்குழு, தொழிலக நிபுணர்கள், கல்வி, மற்றும் தொண்டு நிறுவன பிரதிநிதிகள் அடங்கிய குழுவும் அமைக்கப்படும்.

மூலம்: http://pmindia.nic.in

தேசிய சுற்றுச்சூழல் கொள்கை -2006

  • தேசிய வனக்கொள்கை 1988, தேசிய சுற்றுச்சூழல் மற்றும் வளர்ச்சி பாதுகாப்பு கொள்கை 1992, மாசுக்கட்டுப்பாடு கொள்கை வரைவு 1992, தேசிய வேளாண் கொள்கை 2000, தேசிய மக்கள் தொகை கொள்கை 2000, தேசிய தண்ணீர் கொள்கை 2002 ஆகியவற்றினைக் கணக்கில் கொண்டு தேசிய சுற்றுச்சூழல் கொள்கை உருவாக்கப்பட்டுள்ளது.
  • இந்தக் கொள்கை, சுற்றுச் சூழல் பாதுகாப்பை மேற்கொள்வோருக்கு ஒரு வழிகாட்டியாக இருக்கும். அதாவது, திட்டங்களை  செயல்படுத்துவதில், சூழல் பாதுகாப்புக்கான திட்டங்கள் மற்றும் நிகழ்ச்சிகள், மத்திய மாநில அரசுகள் மற்றும் பஞ்சாயத்துகளில் செயல்படுத்தப்படும் அல்லது கொண்டு வரப்படும் சட்டதிட்டங்களுக்கு  இந்தக் கொள்கை வழிகாட்டியாக அமையும்.
  • சுற்றுச்சூழல் வளங்களை பாதுகாக்கும்போது, மனித வளங்களையும், வாழ்வையும் கவனத்தில் கொள்ள வேண்டும்.  பொது மக்கள் வளங்களை அழித்து பெறும் லாபத்தை விட அவற்றை பாதுகாப்பதன் மூலம் பெறும் லாபம் அதிகமாக காணக்கூடிய வகையில், சுற்றுச்சூழல் பாதுகாக்கப்பட வேண்டும் என்பது இத்தேசிய சுற்றுச்சூழல் கொள்கையின் முக்கிய கருத்து.
  • இந்தக்  கொள்கை பலரும் இணைந்து செயல்படுவதை ஊக்குவித்து வருகிறது. அதாவது பொது நல நிறுவனங்கள், உள்ளுர் மக்கள், கல்வி ஆர்வலர்கள், விஞ்ஞான நிறுவனங்கள், மூலதனம் உடையோர், உலகளவிலான வளர்ச்சி நிறுவனங்கள் - தங்களிடமுள்ள வளங்களையும், பலங்களையும் பயன்படுத்தி சுற்றுச்சூழலை நிர்வகிக்க உதவுகின்றன.
3.13157894737
MARION SHERYL THAMARAI Jun 27, 2015 10:31 AM

NANDRAGA இருக்கிறது

கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top