க்ளமிடியா என்பது க்ளமிடியா ட்ராகோமடிஸ் என்னும் பாக்டீரியாவினால் ஏற்படக்கூடிய ஒரு பால்வினை நோய் ஆகும். இந்நோய் பெண்களின் இனப்பெருக்க உறுப்புகளை பாதிக்கும்.
பெண் உறுப்பு, குதம் அல்லது வாயின் வழியாக பாலுறவு கொள்ளும் போது க்ளமிடியா நோய் பரவுகிறது. க்ளமிடியா நோய் தொற்று கொண்ட பெண்ணிடமிருந்து, அப்பெண்ணிற்கு பெண் உறுப்பு வழியாக பிறக்கும் குழந்தைக்கு பரவக்கூடும். பாலுறவில் ஈடுபடும் எந்த ஒரு நபருக்கும் க்ளமிடியா நோய் தொற்று ஏற்படலாம்.
க்ளமிடியா நோய் தொற்று, பெண்களில், கருப்பையின் கழுத்து மற்றும் மூத்திரக்குழாய் போன்ற பகுதிகளில் முதலில் ஏற்படுகிறது. இந்நோய் உள்ள பெண்களில், மூத்திரம் கழிக்கும் போது பெண்குறியிலிருந்து இயல்புக்கு மாறாக கசிவும், எரிச்சல் உணர்வும் ஏற்படும். இந்நோய் தொற்று, கருப்பையின் கழுத்துப்பகுதியிலிருந்து பெல்லோபியன் டியூப்களுக்கு (பெல்லோபியன் டியூப்-முட்டையை கருவகத்திலிருந்து கருப்பைக்கு கடத்தும் குழாய் வடிவிலான அமைப்பு) பரவும்போதும் கூட சில பெண்களுக்கு இந்நோய்க்கான அறிகுறிகள் தோன்றுவதில்லை. மற்ற பெண்களில் அடிவயிற்றில் வலி, கீழ்முதுகுப்பகுதியில் வலி, குமட்டல், காய்ச்சல், பாலுறவு கொள்ளும் போது வலி ஏற்படுதல் அல்லது மாதவிடாய் காலங்களுக்கு இடையில் இரத்தப்போக்கு போன்றவை இருக்கும்.
இந்நோயின் அறிகுறிகள் உள்ள ஆண்களில் மூத்திரம் கழிக்கும் போது ஆண்குறியிலிருந்து இரத்தம், சீழ் வெளியேறுதல் மற்றும் எரிச்சல் உணர்வு இருக்கும். ஆண்களில் ஆண்குறியைச் சுற்றிலும் எரிச்சல் மற்றும் அறிப்பு இருக்கும்.
சிகிச்சை அளிக்காவிட்டால், க்ளமிடியா நோய் தொற்றானது இனப்பெருக்க மற்றும் பிற சுகாதார கேடுகளை குறுகிய காலங்களுக்கு மற்றும் நீண்ட காலங்களுக்கு விளைவிக்கும். பெண்களில் சிகிச்சை அளிக்காத நிலையில், இந்நோய் கருப்பை அல்லது பெல்லோபியன் டியூபிற்கு பரவும் மற்றும் வேறு பல நோய்களை ஏற்படுத்தும். க்ளமிடியா நோய் தொற்று கண்ட பெண்களுக்கு எச்.ஐ.வி நோய் தொற்றக்கூடிய சாத்தியம் 5 மடங்கு அதிகமாகும். ஆண்களில் இது போன்ற சிக்கல்கள் என்பது அரிதானது.
தகாத பாலுறவுகளுக்கு விலகியிருப்பது பால்வினை நோய் வராமல் தவிர்க்கும் நம்பகத்தகுந்த வழியாகும்.
கடைசியாக மாற்றப்பட்டது : 7/20/2020
பாட்டி வைத்தியக் குறிப்புகள் இங்கு கொடுக்கப்பட்டுள...
24 மணிநேரத்தில் உயிரை பறிக்கக் கூடிய கொடிய நோய்கள்...
இத்தலைப்பில் மருத்துவம், காவல்துறை மற்றும் தீயணைப்...
3 வகை உடல் 6 வகை பருமன் பற்றி இங்கு கொடுக்கப்பட்டு...