பொருளடக்கத்திற்கு தாண்டவும் | Skip to navigation

Vikaspedia

பகிருங்கள்
கருத்துக்கள்
  • நிலை: திருத்தம் செய்யலாம்

சால்மோனெல்லா

சால்மோனெல்லா பற்றிய தகவல்கள் இங்கு கொடுக்கப்பட்டுள்ளன.

அறிமுகம்

தோலில் மாறும் தன்மையுடைய சிறு கட்டிகள், மண்ணீரல் வீக்கம், வெள்ளை அணு குறைதல் முதலிய அடையாளங்களை உண்டு பண்ணும். குடலில் இரத்தக் கசிவு, துளைகள் உண்டாதல் ஆகியவை இதில் காணப்படும் முக்கிய கோளாறுகளாகும். முக்கியமாக இது சா.டைஃபியினால் உண்டாக்கப்படும். ஆனால் சா. பாராடைஃபி ஏ, பி. மற்றும் சி ஆகியவையும் இந்த காய்ச்சலை உண்டாக்கும். அது பாரா டைஃபாயிட் காய்ச்சல் என்று அழைக்கப்படும்.

பரவும் விதம்

இக்கிருமிகள் வாய்வழியே, அசுத்தமான உணவு, நீர், அல்லது பால் மூலம் பரவும். மனிதர்கள் சா.டைஃபியின் இயற்கையான கடத்திகள் ஆவர். சாதாரண மனிதர்களிடமிருந்தும், நோய் கடத்தும் நிலையிலுள்ள மனிதர்களிடமிருந்தும், நோய்க்கான அடையாள மில்லாதவர்களிடமிருந்தும் இவை பரவுகின்றன. இக்கிருமிகள் உறையவைத்தாலும், உலர்ந்தாலும் உயிருடன் இருக்கும். பனிக்கட்டி, தூசு, உணவு, மற்றும் கழிவு மூலம் பரவும். சுகாதார குறைவான இடங்களிலேயே இவை அதிகம் காணப்படுகின்றன. கோடை காலங்களில் காய்ச்சல் அதிகம் காணப்படும். நல்ல குடிநீர் வழங்கப்படும் இடங்களிலும் சரியான கழிவு நீக்கப்படும் இடங்களிலும் டைபாய்டு குறைவாக காணப்படும்.

சால்மோனெல்லா என்டிரோபேக்டீரியேசி குடும்பத்தைச் சார்ந்தது. சால்மோனெல்லாவில் 2000க்கும் மேற்பட்ட ஆன்டிஜெனிக் வகைகள் உள்ளன. அவைகள் தனி சிற்றினங்களாக முன்னர் வகைப் படுத்தப்பட்டிருந்தாலும் தற்போது சா.என்டரிகா என்ற ஒரே சிற்றினத்தின் கீழ் வைக்கப்பட்டுள்ளன. மேலும் அவற்றில் பல துணை சிற்றினங்களும் கண்டறியப்பட்டுள்ளன. பாலூட்டிகளை பாதிக்கும். வகைகள் துணை சிற்றினம் என்டரிகாவில் காணப்படும். சரியான விரிவாக்கம் உதாரணமாக சா.என்டரிகா துணை சிற்றினம் என்டரிகா சீரோடைப் டைஃபி ஆகும். ஆனால் இது சா.சீரோடைஃபி அல்லது எஸ்.டைஃபி என சுருக்கப்பட்டுள்ளது. நிறைய இனங்கள், குறிப்பிட்ட ஓம்புனரைச் சேர்ந்தவை. மனிதனில் தொற்று ஏற்படுத்தும் கிருமிகள் விலங்குகளுக்கும், விலங்கிலிருந்து மனிதனுக்கும் நோயை ஏற்படுத்துவது இல்லை .

விளக்கம்

சால்மோனெல்லா கிராம் நெகடிவ், நகரும் தன்மையுள்ள ஸ்போர் உருவாக்காத கட்டாய காற்றில்லா சுவாசிகள். சாதாரண வளர்தளங்களில் வளரக்கூடியவை. அவை அக்குடும்பத்தைச் சார்ந்த மற்ற உயிரினங்களிலிருந்து அவற்றின் உயிர் வேதியல் பண்புகள் மற்றும் ஆன்டிஜெனிக் அமைப்பு மூலம் மாறுபடுகின்றன. அவற்றின் சாதாரண வளரிடம் விலங்குகளின் குடல்பகுதியாகும்.

சால்மோனெல்லாவால் ஏற்படும் தொற்று

  1. என்டரிக் காய்ச்சல் (டைபாய்டு, பாரா டைபாய்டு காய்ச்சல்
  2. கடுமையான இரைப்பை ஜுரம்
  3. பேக்டீரிமியா மற்றும் குறிப்பிட்ட இடங்களில் தொற்று. மேலும் அது அறிகுறி இல்லாத குடல் தொற்று மற்றும் நோய் நீங்கியபின் நோய் கடத்தும் நிலையை உண்டாக்கும்.

டைஃபாயிட் காய்ச்சல்

சாலமோனெல்லா டைஃபியினால் உண்டாகும் இந்த காய்ச்சல் கடுமையான உடல்மண்டலம் சார்ந்த (systemic) மனிதரில் மட்டும் உண்டாகும் நோயாகும்.

நோய் நுண்மப் பெருக்க காலம் (Incubation period)

இக்காலம் டைஃபாயிட் காய்ச்சலில் 3 முதல் 15 நாட்கள் வரை நீடிக்கும். பல மாற்றங்களுடன் 40 நாட்கள் வரை நீடிக்கும் என குறிப்புகள் தெரிவிக்கின்றன, மிகக் குறைந்த அளவு கிருமிகள் இருந்தால் இந்த காலம் அதிக நாட்கள் நீடிக்கும்.

நோய்த் தோற்றம் : சுமார் 10 சதவீதம் நோயாளிகளில், நோய்த் தோற்றம் திடீரென்று ஏற்பட்டு, மற்ற நோய்களில் இரத்தம் நச்சாக மாறுவது போல் மாறும். வழக்கமாக குறிப்பிடமுடியாது உடல் நலக்குறைபாடும், அமைதியின்மையும், எதுவுமே தெளிவில்லாமல் பல நாட்களுக்குக் காணப்படும். இத்தன்மையினாலேயே, இந்நோய் காணப்படும் இடங்களில், அனுபவமிக்க மருத்துவர்களால் கூட நோய் கண்டறியப்படாமல் போவதுண்டு.

காய்ச்சலில் ஏற்படும் கோளாறுகள்

  1. நோய் நிலை திரும்புதல் : 10-20 % நோயாளிகளில் இது சாதாரணமாக ஏற்படும். முதல் நோய்த்தாக்குதலின் முடிவில், மீண்டும் நோய்க்குறிகள் தோன்றும். சாதாரணமாக இது குறைவான காலமும், அதிக வீரியம் இல்லாமலும் இருக்கும். சில நேரங்களில் நீண்ட காலத்திற்கும் மோசமான விளைவுகளுடனும் காணப்படலாம்.
  2. துளை ஏற்படுதல் : 0.5-5 % பேரிடம் குடல் பகுதியில் துளைகள் ஏற்படும். டைஃபாயிட் காய்ச்சலில் இது மிக மோசமான நிலையாகும்.
  3. இரத்தக் கசிவு : வயிற்றில் இரத்தக் கசிவு ஆரம்பகட்டத்தில் ஏற்பட்டாலும் நோய் முன்னேற்றமடையும்போது பெரிய இரத்த குழாய்களிலும் ஏற்படும். நோய் எதிர்ப்பொருட்கள் கண்டுபிடிப்பதற்கு முந்தைய காலத்தில் 10 முதல் 20 சதவீதம் நோயாளிகளில் கடுமையான இரத்தக் கசிவு ஏற்பட்டதுண்டு. தனிப்பட்ட நிலையில் காய்ச்சலானது டைபாய்டு அல்லது பாராடைபாய்டு என்று பரிசோதனை செய்யாமல் வெறும் வைத்திய அறிவு மூலம் அறிய முடியாது.

நோய் ஏற்படுத்தும் முறை

நோய் உண்டாக்கும் பாக்டீரியா வயிறு மற்றும் பைலோரஸ் மூலம் செல்கிறது. சிறு குடலில் எபிதீலிய செல்கள் உள்ளே செல்கின்றன. இந்த பாக்டீரியாக்கள் செல்களை பாதிக்காமல் உள்ளே நுழைந்து லாமினா புரோப்ரியாவை அடைகின்றன. இவை மிசென்ட்ரிக் லிம்ப்நோடுகளில் பரவும். அவை நிணநீர் பாதை மற்றும் தோராசிக் குழாய் மூலம் இரத்த ஓட்டத்தை அடைந்து மாறக்கூடிய அறிகுறிகள் இல்லாத, ஆரம்ப பாக்டீரியாவை உண்டாக்குகின்றன.

சோதனைச் சாலையில் கண்டறிதல்

டைஃபாயிட் உண்டாக்கும் பாக்டீரியாக்களை (1) முதலில் தனியாகப் பிரித்து, இனம் அறிதல் (2) அந்த பாக்டீரியாக்களுக்கே உரிய சிறப்பு எதிர்ப்புத் தன்மையைக் கண்டறிதல் (3) நேரடியாக பாக்டீரியாக்களையோ, அதன் உற்பத்திப் பொருள்களையோ அதாவது ஆன்டிஜன் அல்லது ஜீன் சம்பந்தப்பட்ட பொருட்களைக் கண்டறிதல்.

வேறுபாடு கண்டறியும் மற்றும் சுட்டிக்காட்டும் வளர் ஊடகம் - Selective and Indicator Media

நோயால் பாதிக்கப்பட்ட இடத்திலிருந்து நோய்க்கிருமிகளை தனிமைப் படுத்துவதற்கு, தேர்ந்தெடுக்கப்பட்ட மற்றும் இன்டிகேட்டர் வளர் ஊடகம் தேவை. இதற்கு தகுந்த சாயத்தினை பயன்படுத்துகின்றனர். நொதிக்காத லேக்டோஸ் கலவை ஒரு சிறந்த இன்டிகேட்டர் ஆக பயன்படுகிறது. லீப்சன் பீஆக்சிகோலேட் சிட்ரேட் அகார் கலவை டெய்லரின் சைலோஸ் லைசின் டீ அக்சிகோலேட் மற்றும் வில்சன் பிளேர் பிஸ்மத் சல்பைட் ஊடகம் போன்றவையும் நல்ல சுட்டிக்காட்டியாக பயன்படுத்தப்படுகின்றன.

என்ரிச்மென்ட் ஊடகம் : மலம் மற்றும் தொற்று கிருமிகள் அதிகம் உள்ள இடங்களிலிருந்து எடுக்கப்படும் மாதிரிப் பொருட்களிலிருந்து நோய்க்கிருமிகள் அதிகம் வளர்வதற்கு திரவ நிலையில் ஊடகங்கள் பயன்படுத்தப்படுகின்றன. முல்லரின் டெட்ராதையோனேட் சாறு மற்றும் லீப்சன் செலினைட் கரைசல் ஆகியவை பெரும்பாலும் பயன்படுத்தப்படுகின்றன. சால்மோனெலாலா போன்ற பாக்டீரியங்கள் வளர்வதற்கு இந்த கலவைகள் போதுமானது.

மாதிரிகளை தேர்ந்தெடுத்தல்

சாம்மொனல்லா டைஃபி என்ற பாக்டீரியத்தை இரத்தத்திலிருந்து நோய் தோன்றிய முதல் வாரத்திலும், மலத்திலிருந்து இரண்டாவது, மற்றும் பல வாரங்களிலும் சிறு நீரிலிருந்து மூன்றாவது மற்றும் நான்காவது வாரங்களிலும் தனியே பிரித்தெடுக்கலாம்.

சிறுநீரிலும் பாக்டீரியாக்கள் வெளியேற்றப்படும். ஆகவே 5 முதல் 20 மிலி வரை சிறுநீர் சேகரிக்கப்பட்டு, சம அளவுள்ள செலினைட் (Selenite) என்ரிச்மென்ட் சாறுடன் சேர்த்து இன்குபேட்டரில் வைத்து பின்னர் திட ஊடகத்தில் சேர்த்து பாக்டீரியாக்கள் வளர்வதைக் காணலாம். இது நோயாளியையும், நோய்க்கடத்திகளையும் கண்டறிய பயன்படும்.

பித்த நீர்

முன் சிறு குடலில் இருந்து எடுக்கப்பட்ட நீரில் பித்த நீர் கலந்திருப்பதால், அதை ஊடகத்தில் வளர்க்கும் போது, நல்ல பலன் இருப்பதாகக் கண்டறிந்துள்ளனர். நோயாளி மற்றும் நோய்க்கடத்திகளைக் கண்டறிய மற்ற சோதனைகள் தோல்வியுறும் போது இந்த முறை பயன்படும்.

கல்ச்சர் இனம் கண்டறிதல்

ஊடகத்தில் வளர்க்கப்பட்ட பாக்டீரியாக்கள் உயிர் வேதியியல் சோதனைகள் மூலம் உத்தேசமாக இனம் கண்டறியப்படுகின்றன. பின்னர் அந்த பாக்டீரியாவுக்கு உரிய எதிர் ஊநீருடன் (antiserum) பாக்டீரியா சேர்க்கப்பட்டு, அவை திரண்டால் (agglutination) அதை வைத்து உறுதி செய்யப்படுகிறது.

சிராலஜி

19ம் நூற்றாண்டு இறுதியில், டைபாய்டு நோயாளிகள் உடலில் இருந்து பிரித்தெடுக்கப்பட்ட இரத்தத்தில் சால்மோனெல்லா டைஃபி பாக்டீரியாவின் ஆன்டிபாடிகள் இருக்கின்றன என்றும் அவை பாக்டீரியாவை திரள் உறையச் செய்ததை வைடல் என்ற அறிவியலார் கண்டுபிடித்தார். இந்த பாக்டீரியாவின் திரட்சியை கொண்டு டைஃபாயிட் காய்ச்சலை கண்டுபிடிக்கலாம். டைஃபாய்டு மற்றும் பாராடைபாய்டு காய்ச்சல், என்டரிக் காய்ச்சலை உண்டுபண்ணும் பாக்டீரியங்கள் சால்மோனெல்லாடைஃபி, சா. பாராடைபி ஏ. சா. பாராடைஃபி பி, மற்றும் சா, பாராடைபி சி ஆகும். சால்மொனெல்லா டைஃபி, சா.பாராடைஃபி 'ஏ' மற்றும் சாய்பாராடைஃபி 'பி' போன்றவை இந்தியாவில் அதிகமாக காணப்படுகின்றன.

  • இக்கிருமிகளில் இருந்து பெறப்படும் ஆன்டிஜென் உதவியுடன் நோயாளிகளின் சீரத்திலிருந்து நோய் காரணமாக உருவாகும் நோய் எதிர்ப்பொருளை (aintibody) கண்டறியலாம். இந்த நுண்ணுயிரிகள் "சொமாட்டிக் 0" மற்றும் "பிளாஜெல்லா H" என்ற இரண்டு விதமான ஆன்ட்டிஜென்களைக் கொண்டுள்ளன.
  • வைடால் சோதனையைக் இரத்தம் காய்ச்சலை அறிந்து கொள்வதற்கு இரத்தக் கல்ச்சர் (blood culture) முறையை பயன்படுத்திக் கொள்ளலாம்.
  • நோய் தோன்றிய ஆரம்ப நிலையிலே இந்த முறையில் நோயை கண்டறியலாம். சிகிச்சை அளிக்காவிட்டால் இது அதே நிலையில் தொடர்ந்து இருக்கும்.
  • மீண்டும் மீண்டும் தாக்கும் போதும் இரத்தத்தில் நோய்க்கிருமிகள் காணப்படும்.
  • 10 மிலி. இரத்தம் எடுத்தும் 50 மிலி திரவ ஊடகத்தில் ஊற்ற வேண்டும். நோயில் வெவ்வேறு நிலைகளிலும் எடுக்கப்படலாம். இரத்தம் உறைந்த பிறகு கிடைக்கும் நீரை (Serum) நீக்கிவிட்டு கிடைக்கும் இரத்தக் கட்டியும் (Blood clot) இதற்கு பயன்படும்.

மலம்

மலத்திலிருந்தும் பாக்டீரியாக்கள் வளர்க்கப்படலாம் மலத்தின் மூலம் வெளியேறும் பாக்டீரியாவின் அளவில் மாற்றம் இருப்பதால் தொடர்ந்து 2 அல்லது 3 நாட்கள் பரிசோதனை செய்யப்படலாம். இதுவும் முக்கியமாக செய்யப்படும் பரிசோதனை ஆகும். சிறுநீர் டைஃபாயிட் அல்லது குடல் காய்ச்சல் ஏற்பட்டுள்ள நேரத்தில் பயன்படுத்தலாம். ப்ளோரோகுயினோலோன் வாய் வழியாக சென்று திசுக்களில் ஊடுருவி பேகோசைட்டுகள் மற்றும் பித்த நீரில் அதிகமாகி இந்த காய்ச்சலை குணப்படுத்தும். சிப்ரோஃப்ளாக்சசின் மற்றும் ஆஃப்ளாக்சசின் போன்றவை செஃப்ட்ரையாக்சோனை விட சிறந்தவையாக உள்ளன. இந்த காய்ச்சலுக்கான சிறந்த மருந்துத் தேர்வுகள் இவைதான்.

நினைவில் கொள்ள வேண்டியவை

  • நோய் நுண்மப் பெருக்கக் காலம் 7 முதல் 20 நாட்கள் வரை நீட்டிக்கலாம். மேலும் நோய்த் தோற்றம் திடீரென்று ஏற்படும்.
  • காய்ச்சல் படிப்படியாக ஏறி உச்சநிலையை அடையும் நோயானது இரைப்பை குடல் சார்ந்த நோய்க்குறிகளுடன் பல வாரங்களுக்கு நீடிக்கும்.
  • இரத்தம் கல்ச்சர் சோதனையில் நோய் ஆரம்பித்த முதல் மற்றும் இரண்டாவது வாரத்தில் நோயைத் தெரிவிக்கும். மலமானது இரண்டாவது வாரத்திலிருந்து நோயைத் தெரிவிக்கும்.
  • நோய் எதிர்ப்பொருள் உயர்வு ஏழாம் நாளிலிருந்து தெரியும். இதைக் கொண்டு நோயாளிகளின் சீரத்திலிருந்து எவ்வளவு நோய் எதிர்ப்பொருள் (ஆன்ட்டிபாடி) இருக்கின்றன என்பதைத் தெரிந்து கொள்ளலாம்,
  • நோய் தாக்கிய முதல் வாரத்திலேயே நோய் எதிர்ப்பொருள்கள் உருவாகும்.
  • ஆரம்ப நிலையிலேயே பயன்படுத்தப்படும் ஆன்டிபயாட்டிக்கள் எதிர்பொருட்கள் உற்பத்தியை தடுக்கும்.
  • முந்தைய நோய்த்தாக்கத்தின் எதிர்ச் செயலாக சீரத்தில் குறைந்த அளவு நோய் எதிர்ப்பொருட்கள் காணப்படும்.
  • TAB தடுப்பூசி H எதிர்ப்பொருளின் அளவை உயர்த்தும்.
  • "O" எதிர்ப்பொருளின் உயர்வு சமீபகாலமாக ஏற்பட்ட தொற்றினை குறிக்கும்.
  • "H" எதிர்ப்பொருள் குறிப்பிட்ட தொற்றுக்கிருமியை இலக்கு காட்டும் தன்மை கொண்டது.
  • 1 : 100 டைட்டர் அல்லது அதற்கு மேல் "O" அல்லது "H" எதிர்ப் பொருள் இருந்தால் அது அப்போதைய நோயைக் குறிக்கும். டைட்டர் குறைவாக இருந்தால், ஒரு வாரம் கழித்து மீண்டும் சோதனை செய்யப்பட்டு, டைட்டர் உயர்வு அறியப்படவேண்டும்.
  • நான்கு மடங்கு அதிகரிப்பு, அப்போதைய நோயைக் குறிக்கும். சொமாட்டிக் ஆன்டிஜெனின் எதிர்ப்பொருள் நோயின் பின் பகுதியில் தோன்றி மிகவும் மெதுவாகக் குறையும் ஆனால் ஃபிளாஜெல்லார் ஆன்டிஜெனின் எதிர்ப்பொருள் விரைவில் தோன்றி நீண்டகாலம் நிலைத்திருக்கும்.

ஆதாரம் : தமிழ்நாடு ஆசிரியர் கல்வியியல் ஆராய்ச்சி மையம்

Filed under:
3.0
கருத்தைச் சேர்

(மேற்கண்ட தகவலில் உங்களுக்கு ஏதாவது கருத்துக்கள்/ஆலோசனைகள் இருந்தால், இங்கே பதிவு செய்யவும்)

Enter the word
நெவிகடிஒன்
Back to top