விகாஸ்பீடியா, சமூக மேம்பாட்டிற்கான அனைத்து தகவல்களையும் ஒரே இடத்தில் மக்கள் பகிர்ந்துகொள்வதற்காக, தேசிய அளவில் செயல்படும் ஒரு பன்மொழி தளம். தொலைத்தொடர்பு மற்றும் தகவல் தொழில்நுட்பங்களை பயன்படுத்தி, சமுதாய மேம்பாட்டில் பங்கேற்றுள்ள முக்கிய அங்கத்தினரான தன்னார்வளர்கள், அரசு, அரசுசாரா தன்னார்வ தொண்டு நிறுவனங்கள் மற்றும் தனியார் அமைப்புகளை ஒருங்கிணைத்து, சமூக மேம்பாடு பற்றிய தகவல்கள் மற்றும் அனுபவங்களை மக்களுடன் பரிமாறிக்கொள்ளும் நோக்கத்துடன் இத்தளம் செயல்பட்டு வருகிறது.
விகாஸ்பீடியா, தேர்ந்தெடுத்த துறைகளில், சமுதாயத்தில் பின்தங்கிய மக்களின் மேம்பாட்டிற்கு வழிவகுக்கும், அவர்களின் வாழ்வாதாரம் சார்ந்த, ஆக்கப்பூர்வமான மற்றும் நம்பகமான தகவல்கள் மற்றும் தகவல் சார்ந்த சேவைகளை, அவர்களது சொந்த மொழிகளில் அளிக்கிறது. மேலும், இந்த தளம், பலரின் பங்கேற்பால் ஒருமித்த தகவல்களை உருவாக்கவும், கருத்துக்களை பகிர்ந்து கொள்ளவும் தேவைதான கட்டமைப்பை வழங்குகிறது.
இந்த இணையதளம், தேசிய அளவில் செயல்படுத்தப்பட்டு வரும் “இந்திய முன்னேற்ற நுழைவாயில் (இண். டி. ஜி)” திட்டத்தின் ஒரு அங்கமாகும். இது சமூக மேம்பாட்டிற்கான பயனுள்ள தகவல்களையும், சேவைகளையும் தகவல் தொடர்பு தொழில்நுட்பங்களைப் பயன்படுத்தி அளித்து வருகிறது. மத்திய மின்னணு மற்றும் தகவல் தொழில்நுட்ப அமைச்சகத்தின் இத்திட்டத்தை சி.டாக். (உன்னத கணிப்பியல் வளர்ச்சி மையம், ஐதராபாத்) செயல்படுத்தி வருகிறது.
உன்னத கணிப்பியல் வளர்ச்சி மையம் (சி. டாக்), இந்திய அரசின் மின்னணு மற்றும் தகவல் தொழில்நுட்ப அமைச்சகத்தால், 1988-ஆம் ஆண்டு தொடங்கப்பட்ட ஒர் ஆராய்ச்சி மையம் ஆகும். மின்னியல் மற்றும் மேம்பட்ட தகவல் நுண்பொறி சம்பந்தமான துறையில், உருவாக்கம், மேம்பாடு மற்றும் அதன் பயன்பாடுகள் பற்றிய ஆராய்ச்சி மற்றும் மேம்பாட்டுக் கழகமாக சி. டாக் செயல்பட்டு வருகிறது. தகவல் நுண்பொறி துறையில் இந்தியாவின் பெருமைகளில் ஒன்றான ‘பரம்’ அதிநவீன கணினிகள் சி. டாக்-ஆல் உருவாக்கப்பட்டவை.
சி.டாக்கின் ஐதராபாத் மையம், மென்பொருள்-பாதுகாப்பு, மின்வழிக்கல்வி, பண்டமாற்று மேலாண்மை, இலவச மென்பொருள்கள் மற்றும் மென்பொருள் பொருந்திய கருவிகளின் பயன்பாடுகள் பற்றிய ஆராய்ச்சிகளில் ஈடுபட்டு வருகின்றது.
கடைசியாக மாற்றப்பட்டது : 8/2/2016