অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

ஆதிதிராவிடர் மற்றும் பழங்குடியினர் நலத்துறை

ஆதிதிராவிடர் மற்றும் பழங்குடியினர் நலத்துறை

அறிமுகம்

திருநெல்வேலி மாவட்டத்தில் 2011 ஆம் ஆண்டு மக்கள் தொகை கணக்கெடுப்பின்படி 27,23,988 மக்கள் உள்ளனர். இதில் ஆதிதிராவிடர்கள் 4,81,052 பேரும், பழங்குடியினர் இனத்தைச் சார்ந்தவர்கள் 8,358 பேரும் உள்ளனர். இது தமிழகத்தில் உள்ள மொத்த மக்கள் தொகையில் 70 சதவீதம் ஆதிதிராவிடர் இனத்தை சார்ந்தவர்களும், 85 சதவீதம் பழங்குடியினர் இனத்தை சார்ந்தவர்களையும் ஒப்பிடும் போது மிகவும் குறைவானதாகும். இந்திய அளவில் தமிழகம் ஆதிதிராவிடர் மக்கள் தொகையில் நான்காவது இடத்தை வகிக்கிறது. பெரும்பாலான ஆதிதிராவிடர் மற்றும் பழங்குடியினர் இனத்தை சார்ந்தவர்கள் பொருளாதார ரீதியாக மிகவும் பின் தங்கி உள்ளனர். மேலும் கல்வி, வேலைவாய்ப்பு மற்றும் இதர வருவாய் ஈட்டும் வாய்ப்புகளிலும் பெரும்பாலான குடும்பத்தினர் பின் தங்கிய நிலையில் உள்ளனர்.

மத்திய மற்றும் மாநில அரசுகளின் உதவியுடன் சென்னை ஆதிதிராவிடர் நல இயக்குநரகம் மற்றும் பழங்குடியினர் நல இயக்குநரகம் மூலம் ஆதிதிராவிடர் மற்றும் பழங்குடியினர் இன மக்களின் நலனுக்காக பல்வேறு நலத்திட்ட உதவிகள் செயல்படுத்தப்பட்டு வருகின்றன.

ஆதி திராவிடர் மற்றும் பழங்குடியினர் நலத்திட்டங்கள்

பள்ளிகள் தொடங்குதல் மற்றும் பராமரித்தல்

ஆதிதிராவிடர் நலத்துறையின் மூலம் 18 ஆதிதிராவிடர் நலப் பள்ளிகள் மற்றும் 3 பழங்குடியினர் உண்டி உறைவிடப்பள்ளிகள் நடத்தப்பட்டு வருகிறது. பெரும்பாலும் அனைத்து பள்ளிகளும் ஆதிதிராவிடர் மற்றும் பழங்குடியின மக்கள் அதிகம் வசிக்கும் கிராமங்களைச் சுற்றியே அமைந்துள்ளன.

நற்பெயர் பெற்ற சிறந்த உண்டி உறைவிட பள்ளிகளில் மாணாக்கர்களை 6 ஆம் வகுப்பில் சேர்த்தல்

இத்திட்டத்தின் மூலம் ஆதிதிராவிடர் / பழங்குடியினர் /அரசு/அரசு உதவி பெறும் பள்ளிகளில் 5ஆம் வகுப்பு பயிலும் ஆதிதிராவிடர் / பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களை வட்டாரத்திற்கு ஒருவர் வீதம் தேர்வு நடத்தி தேர்ந்தேடுக்கப்படுவர். 19 வட்டாரத்திலிருந்து தேர்ந்தெடுக்கப்பட்ட மாணவ மாணவியர்களை நற்பெயர் பெற்ற சிறந்த உண்டி உறைவிட பள்ளியில் 6ஆம் வகுப்பில் சேர்த்து 12ஆம் வகுப்பு வரை அரசால் இலவசமாக பயிற்றுவிக்கப்படுகிறது. வருமான உச்ச வரம்பு ஏதும் இல்லை.

நற்பெயர் பெற்ற சிறந்த உண்டி உறைவிட பள்ளிகளில் மாணாக்கர்களை 11 ஆம் வகுப்பில் சேர்த்தல்

இத்திட்டத்தின் மூலம் ஆதிதிராவிடர் / பழங்குடியினர் /அரசு பள்ளிகளில் 10 ஆம் வகுப்பு பயின்று மாவட்ட அளவில் முதல் 10 மதிப்பெண்கள் பெற்ற ஆதிதிராவிடர் / பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களை நற்பெயர் பெற்ற சிறந்த உண்டி உறைவிட பள்ளியில் 11ஆம் வகுப்பில் சேர்த்து 12ஆம் வகுப்பு வரை அரசால் இலவசமாக பயிற்றுவிக்கப்படுகிறது. பெற்றோரது ஆண்டு வருமானம் ரூ.1.0 லட்சத்திற்குள் இருக்க வேண்டும்.

பெண்கல்வி ஊக்குவிப்புத் திட்டம்

இத்திட்டத்தின் மூலம் ஆதிதிராவிடர் / பழங்குடியினர் /அரசு/அரசு உதவி பெறும் பள்ளிகளில் பயிலும் அனைத்து பெண் குழந்தைகளும் பயனடைவர். 3 ஆம் வகுப்பு முதல் 5 ஆம் வகுப்பு வரை பயிலும் பெண் குழந்தைகளுக்கு ஆண்டிற்கு ரூ.500/-ம், 6 ஆம் வகுப்பு பயிலும் பெண் குழந்தைகளுக்கு ஆண்டிற்கு ரூ.1000/-ம், 7 மற்றும் 8 ஆம் வகுப்பு பயிலும் பெண் குழந்தைகளுக்கு ஆண்டிற்கு ரூ.1500/-ம் வழங்கப்படுகிறது. வருமான உச்ச வரம்பு இல்லை.

கல்வி கட்டணச் சலுகைகள்

அரசு / அரசு உதவி பெறும் கல்வி நிறுவனங்களில் பயிலும் ஆதிதிராவிடர் / பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களுக்கு மாநில அரசால் கல்விக் கட்டணம் செலுத்துவதிலிருந்து முற்றிலும் விலக்களிக்கப்படுகிறது. இதற்கு வருமான வரம்பு இல்லை.

பட்டப்படிப்பு பயிலும் மாணவ/மாணவியர்களுக்கான சலுகை

அரசு / அரசு உதவி பெறும் கல்லூரிகளில் பயிலும் ஆதிதிராவிடர் / பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களுக்கு மாநில அரசால் சிறப்புக் கட்டணம் மற்றும் தோ்வுக் கட்டணம் செலுத்துவதிலிருந்து முற்றிலும் விலக்களிக்கப்படுகிறது. இதற்கு வருமான வரம்பு இல்லை.

முதுகலை பட்டப்படிப்பு பயிலும் மாணவியர்களுக்கான சலுகை

அரசு / அரசு உதவி பெறும் கல்லூரிகளில் பயிலும் ஆதிதிராவிடர் /பழங்குடியினர் /மதம் மாறிய கிறித்துவ மதத்தைச் சார்ந்த மாணவியர்களுக்கு மாநில அரசால் சிறப்புக் கட்டணம் மற்றும் தோ்வுக் கட்டணம் செலுத்துவதிலிருந்து முற்றிலும் விலக்களிக்கப்படுகிறது. இதற்கு வருமான வரம்பு இல்லை.

சிறப்புக் கட்டணச் சலுகை

அரசு / அரசு உதவி பெறும் பள்ளிகள் மற்றும் தனியார் பள்ளிகளில் 6 முதல் 12ஆம் வகுப்பு பயிலும் ஆதிதிராவிடர் /பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களுக்கு சிறப்புக் கட்டணம் செலுத்துவதிலிருந்து முற்றிலும் விலக்களிக்கப்படுகிறது. அந்த சிறப்புக் கட்டணமானது கல்வி நிறுவனத்திற்கு அரசால் செலுத்தப்படும்.

இதர கட்டணச் சலுகைகள்

அரசு / அரசு உதவி பெறும் பள்ளிகளில் 10 மற்றும் 12 ஆம் வகுப்பு பயிலும் ஆதிதிராவிடர் /பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களுக்கு தோ்வுக் கட்டணம் செலுத்துவதிலிருந்து முற்றிலும் விலக்களிக்கப்படுகிறது. அந்த தோ்வுக் கட்டணமானது கல்வி நிறுவனத்திற்கு மாநில அரசால் செலுத்தப்படும். ஆங்கில வழியில் கல்வி பயிலும் மாணாக்கர்களின் தோ்வுக் கட்டணமானது அரசு தோ்வுகள் இயக்குநரகத்திற்கு செலுத்தப்படும். பட்டபடிப்பு, முதுகலை பட்டப்படிப்பு, தொழிற்சார் படிப்புகளுக்கு அரசு / அரசு உதவி பெறும் கல்லூரிகளில் விண்ணப்பம் செய்யும் மாணவ/மாணவியர்களுக்கு விண்ணப்பக் கட்டணம், பதிவு கட்டணம் கட்டுவதிலிருந்து விலக்களிக்கப்படுகிறது. அந்த கட்டணமானது கல்வி நிறுவனத்திற்கு அரசால் செலுத்தப்படும்.

சுகாதாரக் குறைவான தொழில் புரிவோரின் குழந்தைகளுக்கான கல்வி உதவித்தொகை திட்டம் (ப்ரிமெட்ரிக் 10 ஆம் வகுப்பு வரை)

சுகாதாரக் குறைவான தொழில் புரிவோரின் (துப்புரவுத் தொழில் செய்வோர், குப்பை பொறுக்குவோர், தோல் உரிப்பவர், தோல் பதனிடும் தொழில் புரிவோர்) குழந்தைகளுக்கு இந்த கல்வி உதவித்தொகை வழங்கப்படுகிறது. சாதி, மதம் இல்லை. வருமான வரம்பு இல்லை. இத்திட்டத்தின் கீழ் மாணவ/மாணவியருக்கு ரூ.1850/- ஒரு வருடத்திற்கு வழங்கப்படுகிறது.

ஒன்பது மற்றும் பத்தாம் வகுப்பு பயிலும் மாணவர்களுக்கான பிரிமெட்ரிக் கல்வி உதவித்தொகை திட்டம்

9 மற்றும் 10ஆம் வகுப்பு படிக்கும் ஆதிதிராவிடர் மற்றும் பழங்குடியினர் இன மாணவ / மாணவியர்களுக்கு இந்தக் கல்வி உதவித்தொகை வழங்கப்படுகிறது. இந்தக் கல்வி உதவித்தொகை பெற மாணவ / மாணவியர்களது பெற்றோர்களின் ஆண்டு வருமானம் ரூ.2.0 லட்சத்திற்கு மிகாமல் இருக்க வேண்டும். விடுதியில் தங்கிப் பயிலாதவா்களுக்கு ஒரு மாதத்திற்கு ரூ.150/- வீதம் 10 மாதங்களுக்கு ரூ.1500/- மற்றும் சிறப்பு மானியம் 750 சேர்த்து மொத்தம் ரூ.2250/- வழங்கப்படுகிறது. விடுதியில் தங்கிப் பயில்பவர்களுக்கு ஒரு மாதத்திற்கு ரூ.350/- வீதம் 10 மாதங்களுக்கு ரூ.3500/- மற்றும் சிறப்பு மானியம் 1000 சேர்த்து மொத்தம் ரூ.4500/- வழங்கப்படுகிறது.

போஸ்ட்மெட்ரிக் மைய அரசு கல்வி உதவித்தொகை திட்டம்

11ஆம் வகுப்பு மற்றும் அதற்கு மேல் படிக்கும் மாணவ / மாணவியர்களுக்கு இந்தக் கல்வி உதவித்தொகை வழங்கப்படுகிறது. இந்தக் கல்வி உதவித்தொகை பெற மாணவ / மாணவியர்களது பெற்றோர்களின் ஆண்டு வருமானம் ரூ.2.5 லட்சத்திற்கு மிகாமல் இருக்க வேண்டும். விடுதியில் தங்கிப் பயிலாதவா்களுக்கு ஒரு மாதத்திற்கு ரூ.230/- முதல் ரூ.550/- வரை வழங்கப்படும். பாடப்பிரிவைப் பொறுத்து விடுதியில் தங்கிப் பயிலும் மாணவ / மாணவியர்களுக்கு பராமரிப்புப்படி ஒரு மாதத்திற்கு ரூ.380/- முதல் ரூ.1200/- வரை மாணவ / மாணவியர்களது வங்கிக் கணக்கில் வரவு வைக்கப்படும். இதைத் தவிர அரசு/அரசு உதவிப் பெறும் கல்வி நிறுவனங்களில் பயிலும் மாணவ / மாணவியர்களுக்கான அனைத்து கட்டாய கட்டணங்களும் கல்வி நிறுவனங்களின் வங்கிக் கணக்கில் வரவு வைக்கப்படும். சுயநிதி கல்லூரிகளில் படிக்கும் மாணவ / மாணவியர்களுக்கும் கல்வி உதவித்தொகை வழங்கப்படும். மாணவ / மாணவியர்களின் கல்விக் கட்டணம் சென்னை ஆதிதிராவிடர் நல இயக்குநரகத்தால் கல்வி நிறுவனங்களின் வங்கிக் கணக்கில் அரசால் வரவு வைக்கப்படும். தொழிற்கல்வி பயிற்சி நிறுவனத்தில் பயிலும் மாணவ / மாணவியர்களுக்கும் கல்வி உதவித்தொகை வங்கி கணக்கில் வரவு வைக்கப்படும்.

மாநில அரசின் சிறப்பு உதவித்தொகை திட்டம்

11ஆம் வகுப்பு மற்றும் அதற்கு மேல் படிக்கும் கிறுத்துவ மதம் மாறிய மாணாக்கர்களுக்கு இவ்வுதவித்தொகை வழங்கப்படுகிறது. இந்தக் கல்வி உதவித்தொகை பெற மாணவ / மாணவியர்களது பெற்றோர்களின் ஆண்டு வருமானம் ரூ.2 லட்சத்திற்கு மிகாமல் இருக்க வேண்டும். விடுதியில் தங்கிப் பயிலாதவா்களுக்கு ஒரு மாதத்திற்கு ரூ.100/- முதல் ரூ.175/- வரை வழங்கப்படும். பாடப்பிரிவைப் பொறுத்து விடுதியில் தங்கிப் பயிலும் மாணவ / மாணவியர்களுக்கு பராமரிப்புப்படி ஒரு மாதத்திற்கு ரூ.175/- முதல் ரூ.350/- வரை மாணவ / மாணவியர்களது வங்கிக் கணக்கில் வரவு வைக்கப்படும். இதைத் தவிர அரசு/அரசு உதவிப் பெறும் கல்வி நிறுவனங்களில் பயிலும் மாணவ / மாணவியர்களுக்கான அனைத்து கட்டாய கட்டணங்களும் கல்வி நிறுவனங்களின் வங்கிக் கணக்கில் வரவு வைக்கப்படும். சென்னை ஆதிதிராவிடர் நல இயக்குநரகத்தால் மாணவ / மாணவியர்களின் கல்விக் கட்டணம் கல்வி நிறுவனங்களின் வங்கிக் கணக்கில் அரசால் வரவு வைக்கப்படும். பாடப்பிரிவைப் பொறுத்து சுயநிதி கல்லூரியில் பயிலும் மாணவ / மாணவியர்களுக்கு பராமரிப்புப்படி வங்கிக் கணக்கில் வரவு வைக்கப்படும்.

மாநில அரசின் உயர்கல்வி சிறப்பு கல்வி உதவித்தொகை திட்டம்

விடுதியில் தங்கி பட்டப்படிப்பு மற்றும் டிப்ளமோ பயிலும் ஆதிதிராவிடர் /பழங்குடியினர் மாணவ/மாணவியர்களுக்கு சிறப்பு கல்வி உதவித்தொகையாக ஒரு வருடத்திற்கு ரூ.7500/-ம், முதுகலை பட்டப்படிப்பு மற்றும் தொழிற்படிப்பு பயிலும் மாணவ/மாணவியர்களுக்கு சிறப்பு கல்வி உதவித்தொகையாக ஒரு வருடத்திற்கு ரூ.8000/-ம் வழங்கப்படுகிறது. பெற்றோரின் ஆண்டு வருமான் ரூ.2 லட்சத்திற்கு மிகாமல் இருக்க வேண்டும்.

இலவச மதிவண்டி வழங்கும் திட்டம்

அரசு/அரசு உதவிப் பெறும் பள்ளிகளில் 11 மற்றும் 12ஆம் வகுப்பு பயிலும் ஆதிதிராவிடர் /பழங்குடியினர் /மதம் மாறிய கிறித்துவ மதத்தைச் சார்ந்த மாணவ/மாணவியர்களுக்கு இலவச மதிவண்டிகள் வழங்கப்படும்.

கல்வி தரத்தை உயர்த்துவதற்கு எடுக்கப்பட்ட முயற்சிகள்

ஆதிதிராவிடர் / பழங்குடியினர் பள்ளி மற்றும் விடுதிகளில் 10 மற்றும் 12ஆம் வகுப்பு பயிலும் மாணவ / மாணவியர்கள் பொதுத்தோ்வில் அதிக மதிப்பெண் எடுக்க வைப்பதற்கு தனிக்கவனம் செலுத்தப்படுகிறது. சிறப்பு வழிகாட்டி மற்றும் வினாவங்கி மாணவ / மாணவியர்களுக்கு வழங்கப்படுகிறது.

சிறப்பு பயிற்சி

ஒவ்வொரு வருடமும், ஆதிதிராவிடர் / பழங்குடியினர் பள்ளி மற்றும் விடுதிகளில் பயிலும் மாணவ / மாணவியர்களுக்கு சிறப்பு வழிகாட்டி புத்தகங்கள் வழங்கப்படுகிறது. இதனை தவிர்த்து, பெற்றோர் ஆசிரியர் கழகம் மூலம் வெளியிடப்படும் வினாவங்கி புத்தகங்களும் வழங்கப்படுகின்றன.

முதலமைச்சரின் தகுதி பரிசுத் திட்டம்

பன்னிரெண்டாம் வகுப்பில் சிறந்து விளங்கும் ஆதிதிராவிடர் / பழங்குடியினர் மற்றும் மதம் மாறிய கிறித்துவ மாணாக்கர்களில் 1000 சிறந்த மாணவர்கள் மற்றும் 1000 சிறந்த மாணவிகள் மேல்படிப்புப் பயில வருடந்தோறும் பரிசுத்தொகையாக ரூ.3000/- வீதம் 5 ஆண்டுகளுக்கு வழங்கப்படுகிறது. இதற்கு வருமான வரம்பு ஏதும் இல்லை.

சட்டப்பட்டதாரிகளுக்கு ஊக்குவிப்பு தொகை

ஆதிதிராவிடர் / பழங்குடியினர் மற்றும் மதம் மாறிய கிறித்துவ சட்டப்பட்டதாரிகளுக்கு சட்ட அலுவலகம் துவங்குவதற்கு ரூ.50000/- மட்டும் நிதி உதவி வழங்கப்படுகிறது. இந்த திட்டத்தின் கீழ் நிதியுதவி பெற சட்டப்பட்டதாரிகள் தங்களது பெயரை பார் கவுன்சிலில் பதிவு செய்திருக்க வேண்டும்.

இலவச வீட்டு மனைப்பட்டா வழங்கும் திட்டம்

இத்துறையின் மூலம் வீடில்லாத ஆதிதிராவிடர் மற்றும் பழங்குடியினர் குடும்பத்திற்கு இலவச வீட்டு மனைப்பட்டா வழங்கப்படுகிறது. இதற்கு

  • ஆண்டு வருமானம் ரூ.72,000/-க்கு மிகாமல் இருக்க வேண்டும்.
  • ஆதிதிராவிடர் மற்றும் பழங்குடியினர் இனத்தவராக இருத்தல் வேண்டும்.
  • வேறு இடமோ, வீட்டுமனையோ ஏதும் சொந்தமாக இருத்தல் கூடாது.
  • அரசுப் பணியாளராக இருத்தல் கூடாது.

மயானம் மற்றும் பாதைவசதி அமைத்தல்

இத்துறையின் மூலம் ஆதிதிராவிடர் மற்றும் பழங்குடியினர் குடியிருப்புகளுக்கு மயான மேம்பாடு மற்றும் மயானத்திற்கு செல்லும் பாதை வசதிகள் ஏற்படுத்திக்கொடுக்கப்படுகிறது. ஆதிதிராவிடர் மற்றும் பழங்குடியினர் இன குடியிருப்புகளை இணைக்கும் இணைப்பு சாலைகள் அமைத்து கொடுக்கப்படுகிறது. ஊராட்சி ஒன்றியங்கள் மூலமாக செயல்படுத்தப்படும் திட்டங்களிலும், ஆதிதிராவிடர்/ பழங்குடியினர் குடியிருப்புகளுக்கு 15 சதவீதம் குடிநீா் வசதிக்காகவும், 10 சதவீதம் இணைப்பு சாலைகளுக்கும் பங்களிப்பு தொகை வழங்கப்படுகிறது.

சமுதாய கூடங்கள் அமைத்தல்

ஆதிதிராவிடர் மற்றும் பழங்குடியினர் இல்ல திருமணங்கள், சமுதாய நல விழாக்கள் நடத்திடும் பொருட்டு ஆதிதிராவிடர் மற்றும் பழங்குடியினர் குடியிருப்புகளில் சமுதாய நலக்கூடங்கள் தாட்கோ மூலம் அமைத்துக் கொடுக்கப்படுகிறது.

வன்கொடுமையால் பாதிக்கப்பட்ட ஆதிதிராவிடர் மற்றும் பழங்குடியினருக்கு தீருதவி வழங்குதல்

ஆதிதிராவிடர் மற்றும் பழங்குடியினர் வன்கொடுமைகள் தடுப்புச் சட்டம் 2015 (விதிகள் 2016)ன்படி வன்கொடுமையால் பாதிக்கப்பட்டு உயிரை இழக்கும் தனியரின் குடும்பத்திற்கு அதிகபட்சமாக ரூ.8.25 இலட்சம் வழங்கப்படுகிறது. மேலும் அக்குடும்பத்தில் ஒருவருக்கு அரசு பணி மற்றும் ஒரு வீடு, விவசாய நிலம் ஆகியவை வழங்கப்படுகின்றன மற்றும் விதவை அல்லது அவரைச் சாரந்தோருக்கு அரசு ஊழியர்களுக்கு தரப்படும் அகவிலைப்படியுடன் கூடிய அடிப்படை ஓய்வுதியம் ரூ.5000/- வழங்கப்படுகிறது.

நல்லிணக்கத்துடன் வாழும் கிராமங்களை தோ்வு செய்தல்

தீண்டாமை கடைப்பிடிக்காமல் இன நல்லிணக்கத்துடன் வாழும் கிராமம் ஒன்றினை தோ்வு செய்து ரூ.10.00 இலட்சம் பரிசு வழங்கப்படுகிறது.

இலவச தையல் இயந்திரம் மற்றும் தேய்ப்பு பெட்டி வழங்கும் திட்டம்

இத்திட்டத்தின் கீழ் ஆதிதிராவிடர் மற்றும் பழங்குடியினர் இனத்தைச் சார்ந்தவா்களுக்கு இலவச தையல் இயந்திரம் வழங்கப்படுகிறது. குடும்ப ஆண்டு வருமானம் ரூ.72,000/-க்குள் இருக்க வேண்டும். 6 மாதங்களுக்கு குறையாத அங்கீகாரம் பெற்ற பயிற்சி நிறுவனத்தில் சான்று பெற்றிருக்க வேண்டும். 18 வயதிற்கு மேற்பட்டவராக இருத்தல் வேண்டும். இலவச தேய்ப்பு பெட்டி பெறுபவா்கள் புதிரை வண்ணான் இனத்தை சார்ந்தவராக இருத்தல் வேண்டும். அதற்குரிய சாதிசான்றினை சமா்ப்பிக்க வேண்டும்.

டாக்டர் அம்பேத்கர் பவுண்டேஷன் கலப்பு திருமணம் நிதியுதவி மற்றும் சமூக பாதுகாப்புகள் திட்டம்

இத்திட்டத்தின் கீழ் பயன்பெறுவோர் கணவன் அல்லது மனைவி இருவரில் ஒருவர் ஆதிதிராவிடர் மற்றும் பழங்குடியினர் இனத்தவராக இருத்தல் வேண்டும். இந்து திருமணச் சட்டம் 1955ன்படி திருமணம் பதிவு செய்திருக்க வேண்டும். திருமணம் முடிந்து ஓராண்டிற்குள் கலப்பு திருமணம் சம்பந்தப்பட்ட அனைத்து ஆவணங்களும் மாவட்ட ஆட்சித் தலைவா் அவா்களின் பரிந்துரையுடன் புதுடில்லி டாக்டர் அம்பேத்கர் பவுண்டேஷன் நிறுவனத்திற்கு சமர்ப்பிக்கப்பட வேண்டும். இத்திட்டத்தின் கீழ் ரூ.2,50,000/- நிதியுதவி இரண்டு தவணையாக வழங்கப்படும். வருமான உச்சவரம்பு கிடையாது. மனுதாரர் மத்திய மற்றும் மாநில அரசின் கலப்பு திருமண நிதியுதவி எதுவும் பெற்றிருக்கக் கூடாது.

ஆதிதிராவிடா் மற்றும் பழங்குடியினா் பள்ளிகள் விபரம்

வ.எண்பள்ளியின் பெயா் மற்றும் முகவரிஆதிந பள்ளி/ பழங்குடியினா் உண்டி உறைவிடப் பள்ளிதொடக்க / நடுநிலை/ உயா்நிலை/ மேல்நிலைப் பள்ளி
1. டாக்டா் அம்பேத்கா் ஆண்கள் (ஆதிந) மேல்நிலைப் பள்ளி, நல்லம்மாள்புரம் ஆதிந மேல்நிலைப் பள்ளி
2. அரசு (ஆதிந) பெண்கள் மேல்நிலைப் பள்ளி, நல்லம்மாளபுரம் ஆதிந மேல்நிலைப் பள்ளி
3. அரசு (ஆதிந) மேல்நிலைப் பள்ளி, கடம்பன்குளம் ஆதிந மேல்நிலைப் பள்ளி
4. அரசு (ஆதிந) மேல்நிலைப் பள்ளி, துலுக்கா்பட்டி ஆதிந மேல்நிலைப் பள்ளி
5. அரசு (ஆதிந) உயா்நிலைப் பள்ளி, முன்னீா்பள்ளம் ஆதிந உயா்நிலைப் பள்ளி
6. அரசு (ஆதிந) உயா்நிலைப் பள்ளி, வலசை ஆதிந உயா்நிலைப் பள்ளி
7. அரசு பழங்குடியினா் உண்டி உறைவிட உயா்நிலைப் பள்ளி, மேலணை, பாபநாசம் பழங்குடியினா் உயா்நிலைப் பள்ளி
8. அரசு (ஆதிந) நடுநிலைப் பள்ளி, புதுநகா் ஆதிந நடுநிலைப் பள்ளி
9. அரசு (ஆதிந) தொடக்கப்பள்ளி, நல்லம்மாள்புரம் ஆதிந தொடக்கப்பள்ளி
10. அரசு (ஆதிந) தொடக்கப்பள்ளி, துலுக்கா்பட்டி ஆதிந தொடக்கப்பள்ளி
11. அரசு (ஆதிந) தொடக்கப்பள்ளி, வீரவநல்லூா் ஆதிந தொடக்கப்பள்ளி
12. அரசு (ஆதிந) தொடக்கப்பள்ளி, மேலஏா்மாள்புரம் ஆதிந தொடக்கப்பள்ளி
13. அரசு (ஆதிந) தொடக்கப்பள்ளி, கிருஷ்ணன்புதூா் ஆதிந தொடக்கப்பள்ளி
14. அரசு (ஆதிந) தொடக்கப்பள்ளி,களக்காடு ஆதிந தொடக்கப்பள்ளி
15. அரசு (ஆதிந) தொடக்கப்பள்ளி, கீழக்கட்டளை ஆதிந தொடக்கப்பள்ளி
16. அரசு (ஆதிந) தொடக்கப்பள்ளி, தெற்குபுலிமான்குளம் ஆதிந தொடக்கப்பள்ளி
17. அரசு (ஆதிந) தொடக்கப்பள்ளி, முன்னீா்பள்ளம் ஆதிந தொடக்கப்பள்ளி
18. அரசு பழங்குடியினா் உண்டி உறைவிட தொடக்கப்பள்ளி, தலையணை பழங்குடியினா் தொடக்கப்பள்ளி
19. அரசு (ஆதிந) தொடக்கப்பள்ளி, வலசை ஆதிந தொடக்கப்பள்ளி
20. அரசு (ஆதிந) தொடக்கப்பள்ளி, கடம்பன்குளம் ஆதிந தொடக்கப்பள்ளி
21. அரசு பழங்குடியினா் உண்டி உறைவிட தொடக்கப்பள்ளி, மேலணை, பாபநாசம் பழங்குடியினா் தொடக்கப்பள்ளி

ஆதிதிராவிடா் நல விடுதிகளின் விபரம்

வ.எவிடுதியின் பெயா்விடுதியின் விபரம் ( பள்ளி விடுதி /கல்லூரி விடுதி)முகவரிஅனுமதிக்கப் பட்ட மாணவா்கள் எண்ணிக்கைஅரசு கட்டிடம்/ வாடகை கட்டிடம்
1. அரசு மாணவா் விடுதி (ஆதிந) பாளையங்கோட்டை கல்லூரி மாணவா் புதிய பேருந்து நிலையம், பாளையங்கோட்டை 155 அரசு கட்டிடம்
2. அரசு மாணவா் விடுதி(ஆதிந) திருநெல்வேலி சந்திப்பு பள்ளி மாணவா் பூம்புகார் பின்புறம், திருநெல்வேலி சந்திப்பு 40 அரசு கட்டிடம்
3 அரசு மாணவா் விடுதி(ஆதிந) மானூா் பள்ளி மாணவா் அரசு மாணவா் விடுதி(ஆதிந) மானூா் 50 அரசு கட்டிடம்
4 அரசு மாணவா் விடுதி(ஆதிந) பேட்டை பள்ளி மாணவா் சேரன்மகாதேவி ரோடு, பேட்டை 30 அரசு கட்டிடம்
5. அரசு மாணவா் விடுதி(ஆதிந) நல்லம்மாள்புரம் பள்ளி மாணவா் நல்லம்மாள்புரம் தென்கலம் அஞ்சல் 80 அரசு கட்டிடம்
6. அரசு மாணவா் விடுதி(ஆதிந) கங்கைகொண்டான் பள்ளி மாணவா் துறையூா், கங்கைகொண்டான் 30 அரசு கட்டிடம்
7. அரசு மாணவா் விடுதி(ஆதிந) கல்லூா் பள்ளி மாணவா் சேரன்மகாதேவி ரோடு, கல்லூா் 50 அரசு கட்டிடம்
8. அரசு மாணவா் விடுதி(ஆதிந) பாளையங்கோட்டை பள்ளி மாணவா் புதிய பேருந்து நிலையம் அருகில், பாளையங்கோட்டை 97 அரசு கட்டிடம்
9. அரசு முதுகலை பட்டதாரி மாணவா் விடுதி(ஆதிந) பாளையங்கோட்டை பள்ளி மாணவா் புதிய பேருந்து நிலையம் அருகில், பாளையங்கோட்டை 50 அரசு கட்டிடம்
10. அரசு மாணவா் விடுதி(ஆதிந) பேட்டை கல்லூரி மாணவா் சேரன்மகாதேவி ரோடு, பேட்டை 54 அரசு கட்டிடம்
11. அரசு மாணவா் விடுதி(ஆதிந) ரெட்டியார்பட்டி, பாளையங்கோட்டை பள்ளி மாணவா் அரசு மேல்நிலைப் பள்ளி வளாகம், ரெட்டியார்பட்டி 65 அரசு கட்டிடம்
12. அரசு மாணவியா் விடுதி(ஆதிந), நல்லம்மாள்புரம் பள்ளி மாணவியா் நல்லம்மாள்புரம், தென்கலம் அஞ்சல் 95 அரசு கட்டிடம்
13. அரசு மாணவியா் விடுதி(ஆதிந), திருநெல்வேலி டவுண் பள்ளி மாணவியா் அகிலாண்டபுரம், தென்பத்து 70 அரசு கட்டிடம்
14. அரசு மாணவியா் விடுதி(ஆதிந), மானூா் பள்ளி மாணவியா் எட்டான்குளம் சாலை, மானூா் 62 அரசு கட்டிடம்
15. அரசு மாணவியா் விடுதி(ஆதிந), குலவணிகா்புரம் பள்ளி மாணவியா் குலவணிகா்புரம், பாளையங்கோட்டை 50 வாடகை

கட்டிடம்

16. அரசு மாணவியா் விடுதி(ஆதிந), பாளையங்கோட்டை கல்லூரி மாணவியா் லங்கா்கானா தெரு, முருகன்குறிச்சி, பாளையங்கோட்டை 63 அரசு கட்டிடம்
17. அரசு மாணவியா் விடுதி(ஆதிந), பேட்டை கல்லூரி மாணவியா் காந்திநகா், திருநெல்வேலி 65 அரசு கட்டிடம்
18. அரசு மாணவியா் விடுதி(ஆதிந), துலுக்கா்பட்டி பள்ளி மாணவியா் துலுக்கா்பட்டி, மதவகுறிச்சி 50 அரசு கட்டிடம்
19. அரசு மாணவியா் விடுதி(ஆதிந), பாளையங்கோட்டை பள்ளி மாணவியா் தெற்கு பஜார் ரோடு, நூற்றாண்டு மண்டபம் அருகில், பாளையங்கோட்டை 180 அரசு கட்டிடம்
20. அரசு மாணவா் விடுதி(ஆதிந), திருநெல்வேலி சந்திப்பு கல்லூரி மாணவா் புதிய பேருந்து நிலையம் அருகில், பாளையங்கோட்டை 50 அரசு கட்டிடம்
21. அரசு மாணவா் விடுதி(ஆதிந), சங்கரன்கோவில் -1 பள்ளி மாணவா் என்.ஜி.ஓ காலனி, சங்கரன்கோவில் 110 அரசு கட்டிடம்
22. அரசு மாணவா் விடுதி(ஆதிந), புளியங்குடி பள்ளி மாணவா் மேலப்புளியங்குடி 70 அரசு கட்டிடம்
23. அரசு மாணவா் விடுதி

 

(ஆதிந), சிவகிரி

பள்ளி மாணவா் செல்வ விநாயகா் கோவில் தெரு, சிவகிரி 40 அரசு கட்டிடம்
24. அரசு மாணவா் விடுதி(ஆதிந), கரிவலம்வந்தநல்லூா் பள்ளி மாணவா் பச்சேரி சாலை,

கரிவலம்வந்த நல்லூா்

30 அரசு கட்டிடம்
25. அரசு மாணவா் விடுதி(ஆதிந), வீரசிகாமணி பள்ளி மாணவா் அருணாச்சலபுரம் சாலை, வீரசிகாமணி 50 அரசு கட்டிடம்
26. அரசு மாணவா் விடுதி(ஆதிந), ஆலமநாயக்கா்பட்டி பள்ளி மாணவா் மங்கம்மாள் சாலை, ஆலமநாயக்கா்பட்டி 35 அரசு கட்டிடம்
27. அரசு மாணவா் விடுதி(ஆதிந), குருவிகுளம் பள்ளி மாணவா் புதூா் காலனி, குருவிகுளம் 50 அரசு கட்டிடம்
28. அரசு மாணவா் விடுதி(ஆதிந), சோலைச்சேரி பள்ளி மாணவா் ராஜபாளையம்ரோடு, சோலைச்சரி 50 அரசு கட்டிடம்
29. அரசு மாணவா் விடுதி(ஆதிந), மேலஇலந்தைகுளம் பள்ளி மாணவா் பள்ளிவாசல் தெரு, மேலஇலந்தைகுளம் 50 அரசு கட்டிடம்
30. அரசு மாணவியா் விடுதி(ஆதிந), சங்கரன்கோவில் -1 பள்ளி மாணவியா் திரு.வி.க சாலை, சங்கரன்கோவில் – 627 756 75 அரசு கட்டிடம்
31. அரசு மாணவியா் விடுதி(ஆதிந), புளியங்குடி பள்ளி மாணவியா் இந்திரா காலனி,

மேலபுளியங்குடி- 627 855

40 அரசு கட்டிடம்
32. அரசு மாணவா் விடுதி(ஆதிந), சங்கரன்கோவில் -2 பள்ளி மாணவா் என்.ஜி.ஓ காலனி, சங்கரன்கோவில் 50 அரசு கட்டிடம்
33. அரசு மாணவா் விடுதி(ஆதிந), சேர்ந்தமரம் பள்ளி மாணவா் 5-177,118 வடக்கு தெரு, சேர்ந்தமரம் - 627 857 50 அரசு கட்டிடம்
34. அரசு மாணவா் விடுதி(ஆதிந), தென்மலை பள்ளி மாணவா் 1-2-123 மெயின் ரோடு, தென்மலை, சிவகிரி 627 770 50 அரசு கட்டிடம்
35. அரசு மாணவியா் விடுதி(ஆதிந), சங்கரன்கோவில் -2 பள்ளி மாணவியா் வடக்கு ரத வீதி, சங்கரன்கோவில் - 627 756 50 அரசு கட்டிடம்
36. அரசு மாணவியா் விடுதி(ஆதிந), சோ்ந்தமரம் பள்ளி மாணவியா் வாட்டா் டேங்க் தெரு, சோ்ந்தமரம் 50 வாடகை கட்டிடம்
37. அரசு மாணவியா் விடுதி(ஆதிந), குருவிகுளம் பள்ளி மாணவியா் இராமலிங்கபுரம் சாலை, குருவிகுளம் அஞ்சல் 50 அரசு கட்டிடம்
38. அரசு மாணவியா் விடுதி(ஆதிந), கரிவலம்வந்தநல்லூா் பள்ளி மாணவியா் அரசு மேல்நிலைப் பள்ளி வளாகம், கரிவலம்வந்த

நல்லூா் - 627 753

50 அரசு கட்டிடம்
39. அரசு மாணவியா் விடுதி(ஆதிந), சோலைச்சேரி கல்லூரி மாணவியா் மகாத்மா காந்தி மகளிர் கல்லூரி அருகில், சோலைச்சேரி - 627 754 50 வாடகை கட்டிடம்
40. அரசு மாணவியா் விடுதி(ஆதிந), செங்கோட்டை பள்ளி மாணவியா் கச்சேரி காம்பவுண்ட் ரோடு, செங்கோட்டை - 627 809 45 அரசு கட்டிடம்
41. அரசு மாணவா் விடுதி(ஆதிந), தென்காசி பள்ளி மாணவா் மங்கம்மாள் சாலை, எம்.ஜி.ஆா் காலனி, தென்காசி 60 அரசு கட்டிடம்
42. அரசு மாணவியா் விடுதி(ஆதிந), கடையநல்லூா் பள்ளி மாணவியா் ரயில்வே பீடா் ரோடு, கிருஷ்ணாபுரம்,

கடையநல்லூா் - 627 759

40 அரசு கட்டிடம்
43. அரசு மாணவா் விடுதி(ஆதிந), ரெட்டியார்பட்டி, ஆலங்குளம் பள்ளி மாணவா் மேலத்தெரு, ரெட்டியார்பட்டி - 627 854 50 வாடகை கட்டிடம்
44. அரசு மாணவா் விடுதி(ஆதிந), பண்பொழி பள்ளி மாணவா் பண்பொழி 50 அரசு கட்டிடம்
45. அரசு மாணவியா் விடுதி(ஆதிந), குற்றாலம் கல்லூரி

 

மாணவியா்

மேலகரம், எழில்நகா் 627 818 51 அரசு கட்டிடம்
46. அரசு மாணவா் விடுதி(ஆதிந), வேலாயுதபுரம் பள்ளி மாணவா் அண்ணாநகா், பொய்கை - 627 756 50 அரசு கட்டிடம்
47. அரசு மாணவா் விடுதி(ஆதிந), செங்கோட்டை பள்ளி மாணவா் காலாங்கரை ரயில்வே பீடா் ரோடு, செங்கோட்டை - 627 809 70 அரசு கட்டிடம்
48. அரசு மாணவியா் விடுதி(ஆதிந), தென்காசி பள்ளி மாணவியா் தென்காசி 98 அரசு கட்டிடம்
49. அரசு மாணவா் விடுதி(ஆதிந), மங்களாபுரம் பள்ளி மாணவா் மங்களாபுரம் 50 அரசு கட்டிடம்
50. அரசு மாணவா் விடுதி(ஆதிந), அச்சன்புதூா் பள்ளி மாணவா் 60-2 சிவகாமிபுரம், நெடுவயல், அச்சன்புதூா் - 627 801 50 அரசு கட்டிடம்
51. அரசு மாணவா் விடுதி(ஆதிந), கடையநல்லூா் பள்ளி மாணவா் இந்திரா நகா், புதுகாலனி, கடையநல்லூா் - 627 751 150 அரசு கட்டிடம்
52 அரசு மாணவா் விடுதி(ஆதிந), அம்பாசமுத்திரம் பள்ளி மாணவா் தீா்த்தபதி பள்ளி வளாகம், அம்பாசமுத்திரம் 50 அரசு கட்டிடம்
53 அரசு மாணவா் விடுதி(ஆதிந), கல்லிடைக்குறிச்சி பள்ளி மாணவா் பொன்மா நகா்,

கல்லிடைக்குறிச்சி

110 அரசு கட்டிடம்
54 அரசு மாணவா் விடுதி(ஆதிந), சிவந்திபுரம் பள்ளி மாணவா் அகஸ்தியா்பட்டி, சிவந்திபுரம் - 627 416 50 அரசு கட்டிடம்
55 அரசு மாணவா் விடுதி(ஆதிந), கடையம் பள்ளி மாணவா் பள்ளிக்கூட தெரு,

கடையம்

50 அரசு கட்டிடம்
56 அரசு மாணவியா் விடுதி(ஆதிந), வீரவநல்லூா் பள்ளி மாணவியா் அம்பேத்கா் தெரு,

வீரவநல்லூா்

60 அரசு கட்டிடம்
57 அரசு மாணவியா் விடுதி(ஆதிந), அம்பாசமுத்திரம் பள்ளி மாணவியா் ஏ.வி.ஆா்.எம்.வி அரசு பெண்கள் மேல்நிலைப் பள்ளி, திலகா் நகா், அம்பாசமுத்திரம் - 627 401 95 அரசு கட்டிடம்
58 அரசு மாணவியா் விடுதி(ஆதிந), சேரன்மகாதேவி பள்ளி மாணவியா் தெற்கு ரயில்வே பீடா் ரோடு, சேரன்மகாதேவி - 627 414 45 அரசு கட்டிடம்
59 அரசு மாணவா் விடுதி(ஆதிந), வடக்கன்குளம் பள்ளி மாணவா் மிஷன் 2வது தெரு, வடக்கன்குளும் 50 அரசு கட்டிடம்
60 அரசு மாணவா் விடுதி(ஆதிந), இராதாபுரம் பள்ளி மாணவா் இராதாபுரம் -

627 111

75 அரசு கட்டிடம்
61 அரசு மாணவா் விடுதி(ஆதிந), மூலக்கரைப்பட்டி பள்ளி மாணவா் மெயின் ரோடு, நாங்குனேரி, மூலைக்கரைப்பட்டி - 627 354 50 அரசு கட்டிடம்
62 அரசு மாணவியா் விடுதி(ஆதிந), வள்ளியூா் பள்ளி மாணவியா் லூதரன் நகா், வள்ளியூா் 627 117 50 வாடகை கட்டிடம்
63 அரசு மாணவா் விடுதி(ஆதிந), வள்ளியூா் பள்ளி மாணவா் கோட்டையடி, வள்ளியூா் 627 117 35 அரசு கட்டிடம்
64 அரசு மாணவியா் விடுதி(ஆதிந), இராதாபுரம் பள்ளி மாணவியா் பெரியார் தெரு, இராதாபுரம் 50 அரசு கட்டிடம்
65 அரசு மாணவியா் விடுதி(ஆதிந), ஏா்வாடி பள்ளி மாணவியா் சேசையாபுரம், தெற்குத்தெரு, ஏா்வாடி 627 103 50 அரசு கட்டிடம்
66 அரசு மாணவியா் விடுதி(ஆதிந), களக்காடு பள்ளி மாணவியா் 1-1ஏ சரோஜினிபுரம், களக்காடு – 627 501 40 அரசு கட்டிடம்
67 அரசு மாணவியா் விடுதி(ஆதிந), வடக்கன்குளம் பள்ளி மாணவியா் அரசு மருத்துவமணை அருகில், வடக்கன்குளம் - 627 116 45 அரசு கட்டிடம்
68 அரசு மாணவியா் விடுதி(ஆதிந), இட்டமொழி பள்ளி மாணவியா் ஜோசப் மேல்நிலைப் பள்ளி வளாகம் 50 அரசு கட்டிடம்
69 அரசு மாணவா் விடுதி(ஆதிந), ஏா்வாடி பள்ளி மாணவா் டோனாவூா் ரோடு, ஏா்வாடி 627 103 30 அரசு கட்டிடம்
70 அரசு மாணவியா் விடுதி(ஆதிந), பணகுடி பள்ளி மாணவியா் பாஸ்கராபுரம், பணகுடி 627 109 35 அரசு கட்டிடம்
71 அரசு மாணவா் விடுதி(ஆதிந), விஸ்வநாதபேரி பள்ளி மாணவா் விஸ்வநாதபேரி 21 அரசு கட்டிடம்
72 அரசு மாணவா் விடுதி(ஆதிந), கடம்பன்குளம் பள்ளி மாணவா் கடம்பன்குளம் 50 அரசு கட்டிடம்

ஆதாரம் : https://tirunelveli.nic.in/



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate