Accessibility options
Accessibility options
இந்திய அரசு
பங்களிப்பாளர்கள் : Mariyappan20/07/2020
நீண்ட வாசிப்பைத் தவிர்க்கவும். விகாஸ் AI வழங்கும் சுருக்கமான சுருக்கத்திற்கு 'தகவலை சுருக்கவும்' என்பதைக் கிளிக் செய்யவும்.
மனிதனுக்கு இரண்டு சிறுநீரகங்கள் உள்ளன. உடலில் வயிற்றின் பின்புறம் அமைந்துள்ள இவை 4.5 அங்குல நீளமுடையவை. சிறுநீரகத்தின் மிக முக்கிய பணி ரத்தத்தை வடிகட்டுவதுதான். உடலின் ரத்தம் ஒரு நாளில் பலமுறை சிறுநீரகத்தினுள் சென்று வெளி வருகின்றது.
அப்போது உடலின் கழிவுப் பொருள்களை நீக்கி உடலின் திரவத் தன்மையை சமப்படுத்தி, தாது உப்புகளை ஒழுங்கு படுத்துகின்றது. ரத்தத்தை வடிகட்டி சுத்தம் செய்யும் பொழுது சிறுநீர் உற்பத்தி ஆகி சிறுநீராக பையில் சேர்கிறது. பின்னர் சிறுநீர் குழாய்களின் மூலம் வெளியேற்றப்படுகின்றது. ஒவ்வொரு சிறுநீரகமும் மில்லியன் கணக்கான நெப்ரான்களை தன்னிடம் கொண்டுள்ளது.
ஒவ்வொன்றும் மிக நுண்ணிய வடிகட்டிகளாக செயல்பட்டு ரத்தத்தை சுத்தம் செய்கின்றன. 90 சதவீத சிறுநீரகம் பாதிப்படையும் வரை கூட அறிகுறிகளும், பிரச்சினைகளும் இல்லாமல் இருப்பதற்கு வாய்ப்புகள் உண்டு. பீன்ஸ் கொட்டை வடிவம் கொண்ட சிறுநீரகம் மனிதனின் ரத்த அழுத்தம் சீராக இருப்பதற்கு மிகவும் முக்கியமானது.
உடலில் உப்பு அளவும், நீரின் அளவும் சீர் செய்யப்படுவதால் ரத்த அழுத்தம் சீராகின்றது. சிறுநீரகம் நாள் ஒன்றுக்கு 180 லிட்டர் திரவத்தை வடிகட்டுகின்றது. சுமார் 2 லிட்டர் திரவம் சிறுநீராக வெளியாகின்றது. சில பொருட்கள் ரத்தத்திலிருந்து சிறுநீரில் வெளியேற்றப்படுகின்றன. ரத்தத்தில் உள்ள அதிக சர்க்கரை அதிக உப்பு இரண்டுமே சிறுநீரில் வெளியாகும்.
மனித உடலில் நீர் சத்து குறையும் பொழுது, உடற்பயிற்சியின் பொழுது அதிக வியர்வை வெளியேறுவதால் நீர் சத்து குறையும் போதோ அல்லது உடல் நலம் இன்றி இருக்கும் பொழுதோ சிறுநீரகம் உடலுக்கு தேவையான நீரை நிறுத்தும். இது சிறு நீரகத்தில் சுரக்கும் ஹார்மோனால் சீர் செய்யப்படுகின்றது. மற்றொரு ஹார்மோன் எலும்பின் மஜ்ஜையில் இருந்து சிவப்பணுக்களின் உற்பத்தியினைத் தூண்டும்.
திடீரென ஏற்படும் சிறுநீரக காயங்கள் அல்லது நீண்ட நாள் நோய்களினால் ஏற்படும் பாதிப்பினால் சிறுநீரக செயல்பாட்டில் தடை ஏற்படுகின்றது. முழு தடை என்பது இரு சிறு நீரகங்களும் முழுமையாய் பாதிக்கப்பட்டு இருக்கும் பொழுதே ஏற்படுகின்றது. ஒருசிறுநீரகம் பாதித்து ஒரு சிறுநீரகம் நன்கு செயல்பட்டால் அதுவே போதுமானதாகின்றது.
இரு சிறுநீரகங்களும் முழுமையாய் பாதிக்கப்படும் பொழுது மாற்று சிறு நீரகம் ஒன்றே முழு தீர்வு ஆகும். * அதிக ரத்தப் போக்கினால் சிறு நீரகத்திற்கு வரும் ரத்த அளவு குறையும் பொழுது;
அதிக கிருமி தாக்குதலால் நோய் எதிர்ப்பு சக்தி இன்றி உடல் பாதிப்பிற்குள்ளாகும் பொழுது, சிறுநீரக வீக்கம் ஏற்பட்டு சிறுநீரகத்தினை செயலிழக்க செய்யும். சில மருந்துகள் சிறு நீரகத்திற்கு பாதிப்பாக இருக்கும். அவைகளாலும் சிறுநீரக செயல் இன்மை ஏற்படும். மேலும் சில உடல் பாதிப்புகள் வயிற்றில் கட்டி போன்றவையும் சிறுநீரக பாதிப்பை ஏற்படுத்தும்.
ரத்த பரிசோதனை, சிறுநீர் பரிசோதனை மேலும் சில குறிப்பிட்ட பரிசோதனைகளால் சிறுநீரக பாதிப்பு கண்டறியப்படுகின்றன. சிறுநீரக பாதிப்பு வருமுன் காப்பதே சிறந்த முறையாகும். சிறுநீரக பாதிப்பு உள்ள நிலையில் அதிக நீர், உப்பு, பொட்டாசியம் போன்றவைகளை அதனால் வெளியேற்ற முடியாது.
பாஸ்பரஸ் சத்து உடைய உணவுகள்
டயாலிஸஸ் என்பது பொது மக்கள் எளிதாய் கூறும் மருத்துவ வார்த்தை ஆகி விட்டது. டயாலிஸஸ் என்பது உடலின் கழிவுப் பொருட்களை வடிகட்டி வெளி அனுப்பும் சிறு நீரகத்தின் வேலையை மிஷின் கொண்டு செய்வது. இது சிறுநீரகம் செயலிழந்தவர்களுக்கு உயிர் காக்கும் முறை ஆகும்.
மாற்று சிறுநீரகம் பொருத்தும் முறை இன்று மருத்துவ உலகில் வெற்றிகரமான முன்னேற்றத்தை பெற்றுள்ளது.
ஆதாரம் : அரசு ஸ்டான்லி மருத்துவமனை
பாலிஸிஸ்டிக் சிறுநீரக நோய் பற்றிய தகவல்கள் இங்கு கொடுக்கப்பட்டுள்ளன.
நாள்பட்ட சிறுநீரக நோய்க்கான சிகிச்சை பற்றி இங்கு விவரிக்கப்பட்டுள்ளன.
நம்மை பாதுகாக்கும் முதலுதவிப்பெட்டியின் முக்கியத்துவத்தைப் பற்றி இங்கு கூறப்பட்டுள்ளது.
சிறுநீரகத்தை ஆரோக்கியமாக வைக்கும் உணவுகள் பற்றி இங்கே கொடுக்கப்பட்டுள்ளன.
சிறுநீரக மாற்று சிகிச்சை பற்றிய தகவல்கள் இங்கு கொடுக்கப்பட்டுள்ளன.
அழகை பாதுகாக்கும் விட்டமின்கள் பற்றிய தகவல்கள் இங்கு கொடுக்கப்பட்டுள்ளன.
Esparan mathusana
3/25/2023, 3:56:34 PM
பயனுள்ள தகவல்
மு.நாகராசன்
5/20/2022, 3:43:54 AM
உப்பு சர்க்கரை இல்லாத நிலையில் சிறுநீரக செயலிழப்பு ஏற்படுமா
கா.தங்கதுரை
10/2/2021, 7:00:40 AM
பயனுள்ள விளக்கமான தகவல்நன்றி
T.N. Subramanianc
6/30/2021, 6:29:22 AM
க்ரீயாட்டினன் குறையஉணவு பழக்கம் எப்படி இருக்கவேணடும்
முனுசாமி
6/4/2021, 4:00:05 AM
அதிகமாக சிறுநீர் கற்களால் பாதிக்கப்பட்டேன்
பங்களிப்பாளர்கள் : Mariyappan20/07/2020
நீண்ட வாசிப்பைத் தவிர்க்கவும். விகாஸ் AI வழங்கும் சுருக்கமான சுருக்கத்திற்கு 'தகவலை சுருக்கவும்' என்பதைக் கிளிக் செய்யவும்.
113
பாலிஸிஸ்டிக் சிறுநீரக நோய் பற்றிய தகவல்கள் இங்கு கொடுக்கப்பட்டுள்ளன.
நாள்பட்ட சிறுநீரக நோய்க்கான சிகிச்சை பற்றி இங்கு விவரிக்கப்பட்டுள்ளன.
நம்மை பாதுகாக்கும் முதலுதவிப்பெட்டியின் முக்கியத்துவத்தைப் பற்றி இங்கு கூறப்பட்டுள்ளது.
சிறுநீரகத்தை ஆரோக்கியமாக வைக்கும் உணவுகள் பற்றி இங்கே கொடுக்கப்பட்டுள்ளன.
சிறுநீரக மாற்று சிகிச்சை பற்றிய தகவல்கள் இங்கு கொடுக்கப்பட்டுள்ளன.
அழகை பாதுகாக்கும் விட்டமின்கள் பற்றிய தகவல்கள் இங்கு கொடுக்கப்பட்டுள்ளன.
+91-7382053730
vikaspedia[at]cdac[dot]in