தொழில் முனைவோர் தலைமை மேம்பாடு

முன்னுரை

ஒரு புதிய வியாபாரத்தை தொடங்கி அதை வழி நடத்துவது பல இடர்பாடுகளையும் கடினமான/கணிசமான முயற்சியையும் உள்ளடக்கி செய்தால்தான் ஒரு நிலையானதை எதிர்கொண்டு புதியதொன்று உருவாக்கப்படுகிறது. ஒரு புதிய வியாபாரத்தை தொடங்குவதன் ஆரம்ப கால இடர்களை தவிர்க்க முடியும். ஒரு புதிய வியாபாரத்தை உருவாக்கி அதனை வளர்ச்சியடைய செய்வதில் அந்த தொழில்முனைவோர் பல பொறுப்புகளையும், இடர்பாடுகளையும் சந்தித்து தாக்குப்பிடித்து பிழைத்தால்தான் கணிசமான இலாபத்தையும் குறிக்கோளையும் அடைய முடியும். வாடிக்கையாளர்களும், வியாபாரிகளும், அரசு ஊழியர்களும் கூட நிர்வாகத் திறமை மீது ஆர்வமாக உள்ளனர் என்பது நிதர்சனம்.

வரையறுத்தல்

தொழில் முனைவோர் என்பவர் ஒரு நிறுவனத்தை உருவாக்குபவர் என்பதும் அந்த நிறுவனத்தை உருவாக்கச் செய்யும் வழி முறைகள் தான் "நிர்வாகத் திறமை” என்பதையும் அறியலாம்.

”நிச்சயமற்ற சூழ்நிலையில் புதிய மற்றும் மேலான வழிகளின் மூலம் நல்ல முடிவு எடுக்கும் திறமையின் மூலம் செயல்படுவதையே நிர்வாகத் திறமை என்று D.C. McClelland வரையறுத்துள்ளார்.

”வடிவமைத்தல் மற்றும் செயலாக்குதலில் பொறுப்பேற்று இடர்பாடுகளை யூகித்து வியாபார யுத்திகளை கையாண்டு ஒரு வியாபாரத்தை ஆரம்பிப்பதுதான் நிர்வாகத் திறமை” என்று Encyclopedia Britannica வரையறுக்கின்றது.

"முன்னோக்கு பார்வையுடன் முதலீடு மற்றும் உற்பத்தி வாய்ப்புகள், நிறுவனத்தை ஒழுங்க செய்து புதிய தயாரிப்பு செயல்முறை, முதலீட்டை பெருக்குதல், வேலையாட்களை கூலிக்கு அமர்த்துதல், மூலப்பொருட்களை கொணர்தல் மற்றும் நிறுவனத்தின் அன்றாட வேலைகளை கவனித்து நிர்வகிக்கும் மேலாளர்களை நியமித்தல் என்பது ஒரு நிர்வாகியின் வேலை” என்று Benjamin Higgins வரையறுத்துள்ளார்.

தொழில் முனைபவர் என்பவர் யார்?

* சொந்தமாக ஒரு நிறுவனத்தை உருவாக்கி, வளர்ச்சியடைய செய்யும் நபர். .

* நிச்சயமற்ற சூழ்நிலையில் கணிசமான இடர்பாடுகளையும், ஆபத்துகளையும் மேற்கொண்டு தனது இலக்கை அடையும் நபர்.

* புதுமைகளை உருவாக்குபவர்/மேற்கொள்பவர்.

* கவனத்துடன் கூடிய விடா முயற்சியை தொடர்ந்து செய்பவர்.

• உறுதியான உந்துதலுடன் தனித்தன்மையை பிரதிபலிப்பவர்.

• நிரந்தரமாக மேலான செயல்பாடுகளை செயல்படுத்த முயல்பவர்.

* இயந்திர வாழ்க்கையையும் / மீண்டும் மீண்டும் மேற்கொள்ளும் வேலைகளையும் வெறுப்பவர்.

* கடினமான சவால்களையும் / வாழ்க்கையையும் எதிர்கொள்ள தயாராக இருப்பவர்.

தொழில்முனைவோரின் வேலைகள்

• சந்தை வாய்ப்புகளை உணர்ந்தவர்.

• குறைந்த ஆதாரங்கள் / வளங்களில் ஆதிக்கம் செலுத்தி இலாபம் அடைபவர்.

* நிறுவனத்திற்குள் பணிபுரியும் மனித உறவுகளை மேலாண்மை செய்பவர்.

* பொருட்களை சந்தைபடுத்துபவர்.

* போட்டிகளை சந்திக்க செவிசாய்த்து செயலாக்கம் கொடுப்பவர்.

* அரசு துறையினரிடம் தொடர்பு வைத்திருப்பார்.

* நிதியை நிர்வகிப்பவர்

* செயல்முறைகளை மேம்படுத்தி, பொருட்களின் தரத்தை உயர்த்துபவர்.

* வாடிக்கையாளர்கள் மற்றும் நிறுவன தயாரிப்பு பொருட்களை விற்பனை செய்யும் விற்பனையாளர்களின் உறவுகளை நிர்வகித்தல்.

• புதிய உற்பத்தி முறை மற்றும் பொருட்களை அறிமுகப்படுத்துதல்.

• இடர்பாடுகளையும் ஆபத்துக்களையும் சந்திக்கும் மனப்பாங்கு

* நிறுவனத்தை ஒழுங்கு செய்தல் மற்றும் நிர்வகித்தல்.

தனித்தன்மை வாய்ந்த தொழில் முனைவோரின் குணங்கள்

• சாதித்து காட்ட வேண்டிய அத்தியாவசியம்

* உயர்ந்த ஆற்றலுக்கான அத்தியாவச் தேவை

* தனித்தன்மை

* ஆபத்தான / இடர்பாடுகளான முடிவுகளை எடுக்கும் இயல்பான குணம்.

* தற்காலத்தைய நவீன சுயதோற்றம்.

* ஆதரவை பெரும் செயல்பாடுகள்

* வியாபார ஸ்தாபனர்

* தலைமை பொறுப்பேற்றல்

* பொறுமையுடன் கூடிய உறுதியான மனப்பாங்கு

* தலைமையின் ஞானத்தை வெளிப்படுத்தும் செயல்பாடுகள்

* போட்டி மனப்பான்மையை வெளிப்படுத்தும் மனப்பாங்கு

* செயல்பாடுகளுக்கு சுய பொறுப்பேற்றல்

• எதிர்காலத்தை நோக்கி இணைத்து பயணித்தல்

• எதிர்ப்புகளிலும் நிலையான இடத்தை தக்க வைக்கும் முனைப்பு

* ஒரு நிலைமையை வாய்ப்பாக மாற்றும் தன்மை

தொழில் முனைவோர்களின் உந்து சக்தி காரணிகள்

• கல்வியின் பிண்ணனி

* தொழில் அனுபவம்

* தனித்து செயல்படும் எண்ணம்

* உற்பத்தி துறையில் ஈடுபடும் எண்ணம்.

* குடும்ப பின்னணி

* அரசு உதவி

* நிதி நிறுவனங்களின் உதவி

* தொழிற்நுட்பம் மற்றும் மூலப்பொருட்கள் கிடைக்கும் தன்மை

* லாபத் தொகை வரையறை

• சுய பொறுப்பு ஏற்றுக் கொள்ளும் எண்ணம்.

• எதிர்கால நடைமுறை சாத்தியக்கூறுகளை எதிர்பார்த்தல்

ஒரு நல்ல தொழில் முனைவோரின் குணங்கள் McClelland கருத்திலிருந்து...

* அசாதாரண அரிய படைப்பாற்றல்

* ஆபத்தையும் இடர்பாடுகளையும் பற்றி கவலைப்படாமல் இயங்கும் இயல்பு குணம்

* சாதிக்க தேவைப்படும் உறுதி Prof. Tandon கருத்திலிருந்து...

• ஆபத்துக்களை யூகிக்கும் திறமை.

• தொழில் அறிவு மற்றும் மாற்றத்திற்கு மாறும் மனப்பாங்கு

• ஆதாரங்களையும் / வளங்களையும் சரியான முறையில் வகைபடுத்தி வழிநடத்துதல்

• ஒழுங்குபடுத்தி நிர்வகிக்கும் திறமை.

தொழில்முனைவோர்களின் வகைப்பாடுகள்

தொழில் முனைவோர் ஐந்து வகைப்படுவர்.

புதுமைகளை உருவாக்கும் தொழிற்முனைவோர்கள்

அதிரடி பரிசோதனை செயல்பாடுகளில் தீவிரமும் மற்றும் கவனிக்கத்தக்க சாத்தியங்களை நடைமுறை படுத்தும் புத்திசாலித்தனம்.

மற்றவர்களின் பாணியை தத்து எடுத்துக் கொண்டு பின்பற்றி முன் உதாரணத்தை கடைபிடிக்கும் தொழில்முனைவோர்கள்

நல்ல நடைமுறைகளை பின்பற்றுவார்கள். இவ்வகை தொழில் முனைவோர்கள் புரட்சிகர மாணவர்கள் என்று கருதப்படுவதால் அதிகம் தேவைப்படுபவர்களாகவும் இருக்கிறார்கள்.

காரிய நீட்டிப்பு /தொழில்முனைவோர்கள்

இவ்வகை தொழிற் முனைவோர்கள் அதிக கவனத்துடனும், ஆபத்தில் சிக்கிக் கொள்ளக்கூடாது என்கிற மனப்பான்மையுடன் செயல்படுவதால், நிறுவனத்தின் மாறுதல்களை தவிர்த்து செயல்படுபவராக உள்ளனர்.

தள்ளிப்போடும் மனப்பான்மையுள்ள தொழில்முனைவோர்

உற்பத்தி முறையில் மாற்றம் ஏற்படுத்துவதால் நஷ்டம் ஏற்படும்.

கட்டாயத்தின் காரணமாக தொழில்முனைவோரானவர்கள்

கால சூழ்நிலை காரணமாக கட்டாயப்படுத்தப்பட்டு தொழில்முனைவோர்கள் ஆனவர்கள்.

தொழில்முனைவோர் தலைமையின் தேவைகள்

தொடர்ச்சியான தொழில்முனைவோர் தலைமையும், பொருளாதார வளர்ச்சியும் அடித்தட்டு சமூகத்தினரையும், சமூக தொழில் முனைவோரையும் இணைத்து, மனித வள ஆற்றலை பெருக்கி அவர்களின் சமூக, பொருளாதார மற்றும் அரசியல் சூழ்நிலையில் நேர்மறை மாற்றத்தை உருவாக்கும். இவைகளை கீழ்காணும் நடைமுறையில் சாதிக்கலாம்.

* பாலின பாகுபாடுகளை போக்கி நெறிமுறைபடுத்துதல்.

• குறு தொழில் முனையம் மற்றும் தொழில் முனைவோரின் திறமைகளை வளப்படுத்துதல்

• மக்களுக்கு தொழிற்கல்வியில் பயிற்சி அளித்து மேம்படுத்துதல்

• ஏழைகளின் சுய கண்டுபிடிப்பு பொருட்களுக்கு பூலோக குறியீட்டோடு காப்புரிமை பெற பதிவு செய்து பொருதாளாரத்தை கவனித்தல்.

• பெண்களுக்கும் குழந்தைகளுக்கும் ஆரோக்கியம் மேம்படுத்துதல் - குடிநீர், சுகாதாரம் இடம்பெறும்

*இயற்கை ஆதாரங்கள் உட்பட கிராமப்புற வளங்களை நிர்வகித்தல்

*குறிப்பிட்ட வளங்களையும் ஆதாரங்களையும் கொண்ட குழுவினர்களின் திறனை அதிகரித்தல்

• தொடர் இணைப்பு அடிப்படை நடவடிக்கையின் மூலம் உலக மாற்றத்தை ஏற்படுத்துவது.

• சேவை நோக்கில் குழுமங்களுக்கு குறு நிதி அளித்தல்

தொழில்முனைவோர் தலைமையில் மூன்று நிலைபாடுகள்

*வாய்ப்புகளை பயன்படுத்திக் கொள்ள வியாபார எண்ணங்களை (பொருட்கள் /சேவைகள்) கண்டறிதல்/சந்தை வாய்ப்புகளை அங்கீகரித்தல்

*இருக்கும் வளங்களையும் / ஆதாரங்களையும் கொண்டு இடர்பாடான வாய்ப்புகளை சாதகமாக்க வழி நடத்துதல்.

*உந்தும் தன்மை கொண்ட வியாபார எண்ணங்களை செயல்படுத்தும்படி நடைமுறை வியாபாரத்தை ஒழுங்குபடுத்தும் நடவடிக்கைகளை உருவாக்குதல்.

திட்ட அடையாளம் காணுதல்

நிபந்தனையும் புள்ளி விவரங்களையும் சேகரித்து, தொகுத்து, பகுத்தாய்ந்து தொழில் தொடங்குவதற்கான பலமான வாய்ப்புகளை அடையாளம் கண்டு வாய்ப்புகளை வளர்ச்சியடைய செய்வது தான் திட்ட அடையாளம் காணுதல் எனலாம். வியாபார எண்ணத்தின் மூலம் வாய்ப்புகளை உறுதியான பொருளாகவும் அல்லது சேவையாகவும் மாற்றினால் பெரும் லாபத்தை அடையலாம். இது மதிப்பை உருவாக்கும் செயலாகும். ஒருவரின் சுய எண்ணத்தையும் பிறரது எண்ணத்தையும் வளர்த்து (அ) பெருக்கி ஒரு புதிய நல்ல எண்ணத்தை படைக்கலாம். புதுமைகளை உருவாக்குதலின் மூலமும் வியாபார எண்ணத்தின் தேடல் மூலமும் வாய்ப்புகளை அடையாளம் காண முடியும்.

புதுமைகளின் வகைகள்

1. கூட்டப்பட்ட புதுமைகள் இருக்கும் ஆதாரங்களை முழுமையாக பயன்படுத்தி விரிவாக்கம் செய்தல்.

2. நல்வரவு புதுமைகள்: புதுமைகளை புகுத்தி வியாபாரத்தின் உருவத்தை மாற்றி அறிமுகப்படுத்தும் புதுமை.

3. எதிர்பாராத மாற்றம் ஏற்படுத்தும் புதுமைகள்: வியாபாரத்தின் அடிப்படையையே மாற்றி பெரும் செல்வத்தை உருவாக்கும் புதிய தொழிற்சாலை, புது வழிகளை ஏற்படுத்தும் புதுமைகள்.

தொழில்முனைவோர் தலைமையின் நிர்வாகத்தில் திட்ட அடையாளம் கண்டறிதலின் முக்கியத்துவம்

• நெடுங்கால விளைவுகளை ஏற்படுத்தும் தன்மை கொண்டது.

* எளிதில் மாற்ற முடியாத பொறுப்புகளை கொண்டது.

* எண்ணங்களை செயல் வடிவமாக மாற்றுதல்.

* பொருளாதார வளர்ச்சிக்கு திட்டங்கள் பெரும் உந்து கோல்

* மனித சக்தி, முதலீடு மற்றும் மூலப்பொருட்கள் போன்ற ஆதாரங்களையும், வளங்களையும் சரியான வகையில் பயன்படுத்துதல்.

• மதிப்பை கூட்டும் செயலையும், நாட்டின் முதலீட்டையும் பெருக்கும் ஆற்றல் பெற்றது

* சமுதாய-கலாச்சார வளர்ச்சியை ஏற்படுத்தல்.

* அடிப்படை கட்டுமான வசதிகளையும், சுற்றுப்புற சூழ்நிலைகளையும் உருவாக்கும் திறன்.

திட்ட தொழிற்முனைவோர் தலைமை நிர்வாகத்தின் திட்டமான அளவைகள்

* முதலீட்டின் அளவு

* திட்டத்தின் இடம்

* உபயோகிக்கப்போகும் தொழில்நுட்பம்

* உபகரணங்கள்

• சந்தைபடுத்துதல்

திட்ட உருவாக்கல் / தொழில்முனைவோர் தலைமை நிர்வாகத்தின் முட்டுக்கட்டைகள்

• மாறுபட்ட சூழ்நிலையில் இயங்கக்கூடிய / சாத்திய திட்ட எண்ணங்கள் இல்லாமை.

* நிதர்சனமான / அடையக்கூடிய குறிக்கோள்கள் இல்லாமை.

* எண்ணங்களை நடைமுறையில் சாத்தியப்படுத்த முடியாத ஆதாரங்கள் (அ) வளங்கள் / அடிப்படை கட்டுமானங்கள் இல்லாமை.

• அரசின் கொள்கைகள் / சட்ட நிபந்தனைகள் அல்லது கட்டுப்பாடுகள்.

• தொழில் தொடங்க நிதி உதவிகளை பெற, நெடிய மற்றும் கடுமையான வழிமுறைகள்

திட்ட உருவாக்கம் / தொழில்முனைவோர் தலைமை நிர்வாகத்தின் நிலைகள்

*. சாத்தியக்கூறுகளை ஆராய்தல் (திட்ட உருவாக்கத்தின் முதல் நிலை)

* தொழிற்நுட்ப - பொருளாதார திறனாய்வு பொருள்களின் / சேவைகளின் தேவையை மதிப்பீடு செய்யும் எண்ணம்

* திட்ட வடிவமைப்பு மற்றம் தொடர் இணைப்பு ஆராய்தலின் மூலம் திட்ட உள்வாங்கல், தேவையான நிதி மற்றும் லாப் மதிப்பீடு பற்றிய தகவல்களை வரிசையாக அறியலாம்.

* உள்ளீடு திறனாய்வு - கட்டுமானத்தின் போதும் செயல்படுத்தும் போதும் தேவையானவைகளை ஆராயும் நிலை

* நிதிநிலை ஆராய்தல் - திட்ட மதிப்பீடு, நடைமுறைப்படுத்தும் மதிப்பீடு மற்றும் தேவையான தொகையை இந்த நிலை வெளிப்படுத்தும்.

* மதிப்பீடு - பயனாளி தரப்பு ஆராய்தல் : ஒவ்வொரு பங்களிப்பாளரின் லாபத்தையும் பங்கீட்டையும் வெளிப்படுத்தும் நிலையாகும்.

*. முன்-முதலீட்டு ஆராய்தல்: இந்த நிலை திட்ட பங்களிப்பாளர்கள் வழங்குபவர்கள், திட்ட செயலாக்குபவர்கள் மற்றும் வெளி ஆலோசனையாளர்களை ஏற்றுக்கொள்ளவும்/நிராகரிக்கவும் உதவும் நிலையாகும்.

கீழ்க்காணும் தகவல்களை வழங்கும் திட்ட அறிக்கை

• பொருளாதார நிலை : இன்றைய சந்தை நிலை, வளர்ச்சிக்கான வாய்ப்புகள், முதலீட்டை நியாயப்படுத்துதல்.

*தொழில்நுட்ப நிலை: தேவையான தொழில்நுட்பங்கள், இயந்திரங்கள், உபகரணங்கள்.

*நிதி நிலை : தேவையான மொத்த முதலீடு, தொழில் முனைவோரின் பங்களிப்பு, மூதாந்திர முதலீடு மற்றும் திரும்பப் பெரும் முதலீடு.

உற்பத்தி நிலை: பொருட்களின் விபரங்கள், அந்தப் பொருளை தேர்ந்தெடுப்பதற்கான நியாயப்படுத்தல் மற்றும் ஏற்றுமதி வாய்ப்புகளை விளக்கும் நிலை.

• நிர்வாக நிலை நிர்வாகத்தில் இருப்பவர்களுக்கு தேவையான கல்வித்தகுதி, முன் அனுபவம் பற்றி கூறும் நிலை.

திட்ட அறிக்கைகள் நிதி நிறுவனங்களுக்கு நிலம் மற்றும் இதர சலுகைகளுக்காக சமர்ப்பிக்கப்படும் ஆவணமாகும். சிறு தொழில் சேவை இன்ஸ்டிட்யூட் (Small Industries Service Institute) மற்றம் சிறு தொழில் வளர்ச்சி கழகம் (SIDO) தொழிற் முனைவோர்களுக்கு திட்ட அறிக்கைகளை தயாரிக்க உதவுகின்றது. நிதி நிறுவனங்கள் திட்ட அறிக்கைகளை ஆராய்ந்து, சமர்ப்பிக்கப்பட்ட திட்டம் போதுமான நிதியை குறித்த காலகட்டத்தில் திரும்ப செலுத்த இயலுமா என்று ஊர்ஜித்து விடுவார்கள்.

நிதி நிர்வாகம் என்பது என்ன?

ஒரு வியாபாரத்தின் / ஸ்தாபனத்தின் நிதியை சரியான முறையில் நிர்வகித்து தேவையான குறிக்கோள் /நிதி இலக்கை அடைவது தான் நிதி நிர்வாகம்.

அதன் முக்கிய குறிக்கோள்கள்:

• வியாபாரத்திற்காக முதலீடு செல்வத்தை உருவாக்குதல்.

* பணத்தை பெருக்குதல்

* இடர்பாடுகளை கருத்தில் கொண்டும் முதலீடு செய்த ஆதாரங்களை கருத்தில் கொண்டும் தேவையான, போதுமான முதலீட்டை திரும்பப் பெறுவது.

நீதி நிர்வாகத்தில் செயல்முறையின் முக்கிய மூன்று ஆக்க கூறுகள்

நிதி நிலை திட்டமிடுதல்

வியாபாரத்திற்கு தேவையான தருணத்தில் நிதிகள் இருக்கும்படி நிர்வாகிகள் உத்திரவாதம் செய்ய வேண்டும். குறைந்த கால தேவைக்கென, உபகரணங்கள், இருப்புகள், ஊழியர்களின் சம்பளம் மற்றும் கடன் கொடுக்கும் பொருட்களுக்கும் நிதி ஒதுக்கப்பட வேண்டும். மத்திம கால மற்றும் நெடுங்கால தேவைகளான உற்பத்தி திறன் விரிவாக்கம் மற்றும் சம்பாதிக்கும் திறனிற்காக ஒதுக்கப்பட வேண்டும்.

நிதி நிலை கட்டுபாடு

நிதி நிலை கட்டுப்பாட்டின் முக்கிய செயலினால் வியாபாரத்தின் குறிக்கோள்களை அடையச் செய்யலாம்.

நிதிநிலை முடிவு எடுத்தல்

வியாபாரத்தின் மூலம் பெறப்பட்ட இலாபத் தொகையை தக்க வைத்துக் கொள்ளுவதா அல்லது முதலீட்டாளர்களுக்கு இலாபப்பங்காக பிரித்துக் கொடுத்துவிடுவதா என்பதைப் பற்றி முடிவு எடுத்தலாகும். இலாபப்பங்கு மிகவும் அதிகமாக இருந்து அதை பிரித்துக் கொடுத்துவிட்டால் மீண்டும் வியாபாரத்தில் முதலீடு செய்து வருமானத்தையும் அதிக லாபத்தையும் அடைய கடினப்பட வேண்டிய அவசியம் வரும்.

பட்ஜெட்டின் பங்கு

• ஒரு நிறுவனத்தின் இலட்சிய பயணத்தின் நியாயத்தை வெளிப்படுத்தும் அஸ்திவாரத்தின் ஒரு பகுதிதான் பட்ஜெட்

* நிதிநிலை நிபந்தனையின் மூலம் ஒரு நிறுவனத்தின் இலக்கையும் குறிக்கோள்களையும் முடிவு செய்தும் அடைய வழி செய்யும் முறை.

* வருமானத்தையும் செலவுகளையும் ஒரு குறிப்பிட்ட காலத்திற்கு பொதுவாக, 1-2 வருடங்கள் கணக்கிடும் முறைதான் பட்ஜெட்.

* எதிர்பார்த்து அல்லது யூகித்து பணபுழக்கத்தை மட்டுமின்றி பணப்புழக்கத்தை கட்டுப்பாட்டில் வைக்கும் முறை

நிதிநிலை விகிதாசாரங்கள்

ஒரு ஸ்தாபனத்தின் செயல்பாட்டையும் நிதி நிலைமையையும் சுட்டிக்காட்டுதல் மூலம் நிதி விகிதாசாரங்கள் தெரிவித்து விடும். நிதிநிலை அறிக்கைகளின் தகவலின்படி இந்த விகிதாசாரங்கள் கணக்கிடப்படும் நிலவரத்தை ஆய்வு செய்து மற்ற நிறுவனங்களின் நிதிநிலையோடு ஒப்பீடு செய்து கணக்கிட நிதிநிலை விகிதாசாரம் பயன்படும். சில சமயங்களில் எதிர்கால திவால் நிலையையும் குறிப்பறிந்து தெரிய உதவிடும்.

கணக்கு வழக்கு புத்தகம்

நிதிநிலை பரிமாற்றத்தை பதிவு செய்து குறிக்கும் புத்தகமாகும், விற்பனை, வாங்குதல், வருமானம், மற்றும் கொடுக்கல் வாங்கல்களை பதிவு செய்யும் புத்தகமாகும், பொதுவாக ஒரு கணக்காளர்தான் இதை பதிவு செய்வார்.

சிறு தொழிற்சாலை தொடங்குவதற்கான படிகள்

• வியாபாரத்தின் விளக்கம்

• பொருள்/சேவை

• இயங்குமிடம்/தொழிற் தொடங்குமிடம்

• சந்தை திட்டம்

• போட்டி

• விலை நிர்ணயம் மற்றும் விற்பனை

• விளம்பரம் மற்றும் மக்கள் தொடர்பு

• நிர்வாகத் திட்டம்

• நிதிநிலை நிர்வாக திட்டம்.

வியாபாரத்தின் விளக்கம்

இது மூன்று பாகங்களை கொண்டது. பாகம் 1 வியாபாரத்தின் விளக்கத்தை சொல்லும் பாகம். பாகம் 2 தங்களது பொருள் அல்லது சேவையை வெளிப்படுத்துவது பாகம் 3, வியாபாரத்தின் இயங்குமிடத்தை தெரிவிப்பது.

பொருள்/சேவை

தங்களின் பொருட்களின் அல்லது) சேவைகளின் மூலம் வாடிக்கையாளர்களுக்கு கிடைக்கும் அனுகூலங்களை தெரிவிப்பதாகும். வாடிக்கையாளர்களின் தேவை மற்றும் வாடிக்கையாளர்களின் எதிர்பார்ப்புகளை வெற்றிகரமாக செயல்படும் வியாபாரிகளுக்கு தெரிந்திருக்கும்.

• நீங்கள் எதை விற்பனை செய்கிறீர்கள்.

• உங்களது பொருளும், சேவையும் எவ்வாறு வாடிக்கையாளர்களுக்கு அனுகூலமாக இருக்கும்?

• எந்த பொருள் (அ) சேவை அதிக தேவையில் உள்ளது? தொடர்ந்து பணவரவு இருக்குமா.

*எந்த பொருள் அல்லது சேவை எவ்வகையில் மாறுபட்டு, விரும்பத்தக்கதாக உள்ளது?

இயங்குமிடம்

ஒரு வியாபாரத்தின் வெற்றி தோல்வியை அதன் இயங்குமிடமே முடிவு செய்யும் ஆற்றல் கொண்டது. வாடிக்கையாளர்களின் அருகாமையிலும், எளிதில் அடையக்கூடிய இடத்திலும் பாதுகாப்பு எண்ணத்தை ஏற்படுத்தும் இடத்திலும் அமையப்பெற வேண்டும்.

விற்பனை திட்டம்

ஒரு வியாபாரத்தின் துணிவான பயணத்திற்கு துணை நிற்பது விற்பனை திட்டம்தான் என்றால் மிகையாகாது. இதர சீரிய யோசனைகளுடன் எவ்வாறு பொருட்களை சந்தை படுத்துகிறீர்களோ அதுதான் வெற்றி தோல்வியை நிர்ணயிக்கும் காரணியாக அமையும். வாடிக்கையாளர்கள் விருப்பு வெறுப்புகளையும், எதிர்பார்ப்புகளையும் தெரிந்து வைத்திருப்பது விற்பனை திட்டத்தின் அடிப்படையாகும்.

போட்டிகள்

போட்டிகள் என்பது வாழ்க்கை முறையாகிவிட்டது. உலக சந்தைகள், நாடுகள் போட்டி போட்டு கொண்டிருப்பது போல் தனி வியாபாரிகளும் போட்டியிடுகின்றனர். தொழில்நுட்ப முன்னேற்றம் ஒரு வெற்றிகரமாக இயங்கும் நிறுவனத்தைக் கூட இலாப் பங்கீட்டை குறைத்து அந்தர்பல்டி அடிக்கச் செய்து வீழ்த்திவிடும் ஆற்றல் கொண்டது. இதனையும் மற்ற கூறுகளையும் கணக்கில் எடுத்துக் கொண்டால், வியாபாரம் என்பது அதிக போட்டியுள்ள, நிலையற்ற அரங்கம் என்பதை முடிவு செய்யலாம். இந்த நிலையற்ற தன்மையினால் உங்களது போட்டியாளர்களை தெரிந்து கொள்வதும், அவர்களை கவனிப்பதும் அவசியமாகிறது.

விலை நிர்ணயம் & விற்பனை

போட்டியாளர்களை சமாளித்து வியாபாரத்தில் வெற்றிபெற உதவுவது விலை நிர்ணய யுக்தியாகும். உங்களது போட்டியாளர்கள் விலை நிர்ணயம் என்ற யுக்தியை கையாள்கிறார்கள் என்று அறிந்து கொள்ளுங்கள். அதன் அடிப்படையில் உங்களது விலை நிர்ணயமும் இருக்க வேண்டும். அதே போல் தொழிலின் சராசரி விகிதத்தில் உங்கள் விலை நிர்ணயம் இருக்கின்றதா என்பதையும் பார்க்க வேண்டும்.

விலை நிர்ணய யுக்திகள் .

* சில்லறை விலை மற்றும் விலை நிர்ணயம்

• போட்டியிடும் நிலை

• போட்டியாளர்களின் விலையை விட குறைவான விலை நிர்ணயம்.

• போட்டியாளர்களின் விலையை விட அதிகப்படியான விலை நிர்ணயம்.

• சராசரி விகிதாசாரத்தில் இருப்பது

* மாறுபட்ட விலை நிர்ணயம்

• தயாரிப்புக்கு தேவைக்கான பொருட்களின் விலை (சேவை வியாபாரத்திற்கு மட்டுமே)

* சேவை விலை, உதிரிப்பாகங்கள் மற்றும் இதர விலை

* ஆட்கள் கூலி

* அதிகப்படியான செலவுகள் (மறைமுகை செலவுகள்)

விளம்பரம் மற்றும் மக்கள் தொடர்பு

விளம்பரமும், உயர்தலும் வியாபாரத்தின் உயிர்நாடியாக கருதப்படுகிறது. விளம்பரத்தையும் தொடர் இணைப்புகளையும் கொண்டு, திட்டமிட்டு வியாபாரத்தை பெருக்க இயலும்.

நிர்வாகத் திட்டம்

ஒரு வியாபாரத்தை நிர்வகிக்க “எனக்கு நானே முதலாளி” என்ற எண்ணமும் ஆசையும் மட்டும் இருந்தால் போதாது. முழுமைான அர்பணிப்பு, நிரந்தரத் தன்மை, முடிவு எடுக்கும் திறமை, மற்றும் ஊழியர்களையும், நிதி நிலைமையையும் நிர்வகிக்கும் திறமையும் வேண்டும்.

பட்ஜெட்டை செயல்படுத்துதல் .

*சொந்த செலவுகள்

*காப்பீடுகள்

*வாடகை

*தேய்மானங்கள்

*கடன் அடைப்பு

*விளம்பரம் / உயர்வு அடைதல்

*சட்டம் / கணக்கு வழக்குகள்

• இதர செலவுகள்

*உவாங்கும் பொருளுக்கான செலவுகள்

*சம்பள் செலவுகள்

*கூலிச் செலவுகள்

*உபயோக செலவுகள்

• பாக்கிகள்/சந்தா/கட்டணம்

*வரிகள்

• பழுது மற்றும் பராமரிப்பு செலவுகள்

நிதிநிலை நிர்வாகத் திட்டம்

• திட்டத்திற்கு முதலீடு செய்தல்

• புது பொருட்களையும், சேவைகளையும் உருவாக்குதல்

• சில பொருட்களை பணியிலிருந்து விடுவித்தல்.

• சொத்துக்களை விற்றல், வாங்கல் மற்றும் பாதுகாத்தல்

• நிறுவனத்தை புது இடத்திற்கு மாற்றுதல்

* வரி பொறுப்புகளை ஏற்றல்.

தரக்கட்டுப்பாடு

தயாரிப்பு முறையில் இருக்கும் அனைத்து காரணிகளின் தரத்தையும் மறுபரிசீலனை செய்து மேம்படுத்துவதே தரக்கட்டுப்பாடாகும். இது மூன்று முக்கிய நிலைகளை கொண்டது.

*முக்கிய ஆக்கக்கூறுகளான கட்டுப்பாடுகள், பணிநிர்வாகம், வரையறுக்கப்பட்ட, நன்கு நிர்ணயித்த செயல்முறை நடவடிக்கை, ஒருங்கிணைப்பு மற்றும் பதிவேடுகள் கண்டறிதல்.

*போட்டி மனப்பான்மை , அதாவது அறிவு, திறமை, முன் அனுபவம் மற்றும் கல்வித் தகுதி.

*மென்மையான ஆக்கக்கூறுகளான நேர்மை, நம்பிக்கை, நிறுவன கலாச்சாரம், ஊக்குவித்தல், குழுவினரிடம் ஒத்துழைப்பு மற்றும் தரமான உறவுகள்.

திட்ட நிர்வாகத்தில் தரக்கட்டுபாட்டின் பங்கு

திட்ட மேலாளரும், திட்ட குழுவினரும் முடிக்கப்பட்ட வேலைகளில் எதிர்பார்க்கும் தரம் இருக்கின்றதா என்று பரிசீலனை செய்து அதை உகந்த தரத்திற்கு கொணரச் செய்வது திட்ட நிர்வாகத்தின் கடமை. ஆனால் நடைமுறையில் இவ்வாறு இல்லாமல், தரக்கட்டுப்பாடுக்கென்றே ஒரு பிரத்தியேக குழுமம் செயல்பட்டு தரக்கட்டுப்பாட்டை கண்காணித்து வருவது நிதர்சனம். தரக்கட்டுப்பாட்டின் மூலம் ஒரு பொருளில் திட்டத்தில் தேவையான தரத்திற்கு மாற்றப்படுவதே அடிப்படை நோக்கம் ஆகும். இதை முறைப்படுத்த முயலும் அனைத்து செயல்பாடும் தரக்கட்டுப்பாட்டுக்குள் அடங்கும்.

முடிவுரை

தொழில் முனைவோர் தொழிலை நடத்துவதற்கான அனைத்து அறிந்து வைத்திருத்தல் அவசியம். அதிகமான உற்பத்தியை ஏற்படுத்தி வியாபாரத்தை பெருக்குவதற்கான அறிவு மற்றும் திறன்களை பெருக்கி சரியான பொருட்களை வாங்குதல். பொருளாதார, வரவு செலவு கணக்கினை பதிவுசெய்தல், மற்றும் ஊழியர்களை மேலாண்மை செய்தல் பற்றி அறிந்திருத்தல் அவசியம். தொழில் முனைவர் என்ற அடையாளத்தினை வியாபார அட்டைகள் மற்றும் லெட்டர் ஹெட் கொண்ட புத்தகங்களை வைத்து விளம்பரப்படுத்தலாம். சிறிய பொட்டிக்குகள் நுகர்வோர் இருக்கும் இடங்களில் எல்லாம் அமைக்கலாம். சப்ளையர்கள் மற்றும் கஸ்டமர்களுடன் சிறுவணிகர்கள் தொடர்பு வைத்து கொள்ள இன்றைய தொழில்நுட்பம் உதவிகரமாக உள்ளது.

ஆதாரம் - தமிழ்நாடு அரசு பாடப் புத்தகங்கள்