<div id="MiddleColumn_internal"> <h3 style="text-align: justify;">முன்னுரை</h3> <ol style="text-align: justify;"> <li style="text-align: justify;">தொழிற்சாலைகளில் இருந்து அதிக அளவிலான கழிவு நீர் வெளியேற்றப்படகிறது.</li> <li style="text-align: justify;">இக்கழிவு நீரில் அதிக அளவு கன உலோகங்கள் மற்றும் நச்சுத் தன்மையுடைய வேதி வினைப் பொருட்களும் கலந்துள்ளன.</li> <li style="text-align: justify;">இக்கழிவு நீரை சரியான முறையில் அப்புறப்படுத்தாமையின் மூலம் மண் மற்றும் நீர் மாசுபாடு ஏற்படுகின்றது.</li> <li style="text-align: justify;">தற்போதுள்ள கழிவு நீர் சுத்திகரிப்பு முறைகள் மிகுந்த செலவுடையதாக உள்ளன.</li> <li style="text-align: justify;">தாவர படுக்கை சுத்திகரிப்பு முறை சுற்றுச் சூழலுக்கு உகந்ததாகவும், குறைந்த செலவினை உடையதாகவும் உள்ளது.</li> </ol> <p style="text-align: justify;"><img class="image-inline" src="https://static.vikaspedia.in/media_vikaspedia/ta/images/agriculture/ba4bb4bbfbb2bcdba8bc1b9fbcdbaab99bcdb95bb3bcd/copy_of_1.png" width="1012" height="530" /></p> <h3 style="text-align: justify;">தாவர படுக்கை முறை</h3> <p style="text-align: justify;">இம்முறையில் தாவரங்கள் மற்றும் புவியியல் பொருட்களை ஒருங்கிணைத்து கழிவு நீரிலிருந்து நச்சு பொருட்கள் நீக்கப்படுகின்றன.</p> <h3 style="text-align: justify;">கோரை புற்கள்</h3> <ul style="text-align: justify;"> <li style="text-align: justify;">கன உலோகங்கள் மற்றும் உப்புக்களை உறிஞ்சுதல் மூலம் கழிவுநீரிலிருந்து இவற்றை நீக்குகின்றன.</li> <li style="text-align: justify;">வேர் கசிவு வேதிப் பொருட்கள் மூலம் வேர் பகுதியில் உள்ள கன உலோகங்களை மண்ணில் முடக்கி விடுகின்றன.</li> </ul> <h3 style="text-align: justify;">ஆகாய தாமரை</h3> <p style="text-align: justify;">நைட்ரேட் மற்றும் பாஸ்பேட் உப்புக்களை உறிஞ்சுதல் மூலம் கழிவு நீரிலிருந்து இவற்றை நீக்குகின்றன.</p> <h3 style="text-align: justify;">வெர்மிகுலைட்</h3> <ul style="text-align: justify;"> <li style="text-align: justify;">இது அதிக அளவு நேர்மின் அயனி பரிமாற்று திறனை உடைய சிலிகேட் தாதுப் பொருளாகும்.</li> <li style="text-align: justify;">இதன் மூலம் அதிக அளவிலான உலோகங்களை ஒட்டுதல் மூலம் நீக்குகிறது.</li> </ul> <h3 style="text-align: justify;">நன்மைகள்</h3> <ul style="text-align: justify;"> <li style="text-align: justify;">கழிவு நீரிலிருந்து 90-100% கன உலோகங்களை நீக்குகிறது.</li> <li style="text-align: justify;">வேதியியல் மற்றும் உயிரியல் ஆக்ஸிஜன் தேவையை குறைக்கிறது.(70-90%).</li> <li style="text-align: justify;">கரைந்திருக்கும் திடப் பொருட்களை குறைக்கிறது (>90%)</li> <li style="text-align: justify;">கழிவு நீரிலிருந்து நைட்ரேட் மற்றும் பாஸ்பேட்டை நீக்குகிறது (80 - 98%).</li> </ul> <h3 style="text-align: justify;">பயன்பாடுகள்</h3> <p style="text-align: justify;">தோல் பதனிடும் தொழிற்சாலை, சாயத் தொழிற்சாலை மற்றும் காகித தொழிற்சாலை ஆகியவற்றின் கழிவுநீரை சுத்திகரிக்க பயன்படுத்தலாம்.</p> <p style="text-align: justify;">ஆதாரம்: <a class="external-link ext-link-icon" title="புதிய சாளரத்தில் திறக்கும் ஒரு வெளி இணையதளம்" href="https://agritech.tnau.ac.in/ta/" target="_blank" rel="noopener">தமிழ்நாடு வேளாண்மை பல்கலைக்கழகம்.</a></p> </div>