<div id="Middlecolumn_internal"> <h3 style="text-align: justify;">மடி நோய் என்றால் என்ன ?</h3> <p style="text-align: justify;">மடிநோய் என்பது பராமரிப்பு சம்பந்தப்பட்ட நோய். கிருமிகளின் தாக்குதலால் மடிவீக்க நோய் வருகிறது.</p> <p style="text-align: justify;"><strong>எப்படி பரவுகிறது ?</strong></p> <ul> <li style="text-align: justify;">சுத்தமின்மை</li> <li style="text-align: justify;">சுத்தமில்லாத கட்டுத்தரை / தொழுவம்</li> <li style="text-align: justify;">சுத்தமில்லாத கறவையாளர் கைகள்</li> <li style="text-align: justify;">சுத்தமில்லாத மடி / காம்பு</li> </ul> <h3 style="text-align: justify;">எதனால் வருகிறது ?</h3> <p style="text-align: justify;">பால் கறந்த பின் மடி காம்பின் துவாரம் ஒரு மணி நேரம் வரை திறந்து இருக்கும், அச்சமயத்தில் பசு கிழே அமர்ந்தால் கிருமிகள் காம்பு துவாரம் மூலமாக கிருமிகள் உட்புகுந்து மடி நோய் வரும்.</p> <p style="text-align: justify;"><strong>காரணிகள்</strong></p> <ul style="text-align: justify;"> <li>பலவகையான கிருமிகளால் மடிநோய் வரக்கூடும்</li> <li>பாக்டீரியா, வைரஸ், பாசி ஆகிய அனைத்து வகையான கிருமிகளால் மடிநோய் வரும்</li> </ul> <h3 style="text-align: justify;">தடுப்பு முறைகள்</h3> <p style="text-align: justify;">சுத்தமான பால் உற்பத்தியின் மூலம் மடிநோயை தவிர்க்கலாம்.</p> <p style="text-align: justify;"><strong>சுத்தமான கட்டுத்தரை / கொட்டகை</strong></p> <ul> <li style="text-align: justify;">ஒரு நாளுக்கு இருமுறை கட்டுதரையை சுத்தம் செய்யவேண்டும்</li> <li style="text-align: justify;">மாட்டின் சாணம் மற்றும் கோமியம் கட்டுதரையில் தேங்காமல் பார்த்து கொள்ள வேண்டும்</li> <li style="text-align: justify;">கட்டுதரையில் சுண்ணாம்பு மற்றும் ப்ளீசிங் பவுடர் தெளிப்பதன் மூலம் கிருமிகளின் பெருக்கத்தை கட்டுப்படுத்தலாம்</li> </ul> <p style="text-align: justify;"><strong>சுத்தமான கறவைமாடு</strong></p> <ul> <li style="text-align: justify;">கறவை மாடுகளை தினமும் சுத்தபடுத்துதல் நல்லது (அ) இரு நாட்களுக்கு ஒரு முறை சுத்தப்படுத்தலாம்</li> <li style="text-align: justify;">கறவை மாடுகளின் கால் / தொடை / மடி / காம்புகளில் சாணம் இருந்தால் பால் கறப்பதற்கு முன் சுத்தம் செய்ய வேண்டும்</li> <li style="text-align: justify;">சுத்தமான நீர் (அ) வெந்நீர் (அ) KMnO<sub>4 </sub>பயன்படுத்தலாம்</li> </ul> <p style="text-align: justify;"><strong>சுத்தமான கறவையாளர் கைகள்</strong></p> <ul style="text-align: justify;"> <li>பால் கறவையாளர் பால் கறப்பதற்கு முன்பு தன் இரு கைகளையும் சுத்தமாக கழுவிய பின்னரே பால் கறக்க வேண்டும்</li> <li>கறவை இயந்திரம் பயன்படுத்தினால் இயந்திரத்தை சுத்தமாக கழுவிய பின்னரே பால் கறக்க வேண்டும்</li> <li>KMnO<sub>4</sub> / சோப்பு பயன்படுத்தலாம்</li> </ul> <p style="text-align: justify;"><strong>சுத்தமான மடி / காம்பு</strong></p> <ul> <li style="text-align: justify;">பால் கறப்பதற்கு முன்னர் மடி / காம்புகளை சுத்தமான வெந்நீர் / KMnO<sub>4 </sub>/ SAAF KIT பயன்படுத்தி கழுவலாம்</li> <li style="text-align: justify;">பால் கறந்த பின் காம்புகளை KMnO<sub>4 </sub>/ SAAF KIT நனையும் படி செய்யவும்</li> </ul> <p style="text-align: justify;">குறிப்பு : பால் கறந்த பின்னர் ஒரு மணி நேரம் வரை கறவை மாட்டை அமராமல் பார்த்து கொள்வது அவசியம் . தீவினம் அளிப்பதன் மூலம் இதை நடைமுறைப்படுத்தலாம். மேலும் மேற்குறிய தடுப்பு முறைகளை தினம் பின்பற்றினால் மடி நோயினை 95 % கட்டுப்படுத்தலாம்</p> <h3 style="text-align: justify;">மடி நோயால் வரும் நஷ்டங்கள்</h3> <ul> <li style="text-align: justify;">மடி நோய் பால் உற்பத்தியை குறைக்கும்</li> <li style="text-align: justify;">மடி நோய் தாக்குதலால் ஒரு காம்பு முழுவதும் வீணாகும் வாய்ப்புள்ளது</li> <li style="text-align: justify;">10 லிட்டர் கறந்த பசு 7-8 லிட்டர் கறக்கும் நிலை வரலாம்</li> <li style="text-align: justify;">மடி நோயால் பாதிக்கப்பட்ட பசு தன் இயல்பான பால் உற்பத்தி நிலைக்கு திரும்ப வருவது கடினமாகிவிடும்</li> <li style="text-align: justify;">குறைந்த பட்சம் 100 மில்லி ஒரு நாளைக்கு குறைந்தால் கூட, சராசரி 30 லிட்டர் பால் (கறவை காலத்தில்) நஷ்டமாகும்</li> <li style="text-align: justify;">இதன் மூலம் விவசாயிக்கு 2000 - 3000 ரூபாய் மறைமுகமான இழப்பு ஏற்படலாம்.</li> <li style="text-align: justify;">மடி நோய் சிகிச்சை, பால் உற்பத்தி குறைவு , தீவின செலவு என பல வகைகளில் நஷ்டம் ஏற்படும் வாய்புள்ளது</li> <li style="text-align: justify;">சரியான நேரத்தில் மடி நோயை குணப்படுத்தவில்லை என்றால் பால் உற்பத்தியின் அளவு பழைய நிலைக்கு திரும்புவது கடினமாகிவிடும்</li> <li style="text-align: justify;">அதனால் இந்த மடி நோய் வராமல் தடுப்பதே சிறந்த வழியாகும்</li> </ul> <p style="text-align: justify;">ஆதாரம்: கால்நடை வளர்ப்பு மற்றும் பராமரிப்பு துறை, புதுச்சேரி</p> </div>