<div id="MiddleColumn_internal"> <h3 style="text-align: justify;">எண்ணெய் நீக்கப்பட்ட சால் விதைத்தூள்</h3> <p style="text-align: justify;">சால் விதையிலிருந்து எண்ணெய் எடுக்கும் போது கிடைக்கும் உபபொருட்களே இத்தூள்கள். இவை பார்ப்பதற்கு தானியங்களைப் போல் இருக்கும். இதில் டேனின் அதிகம் இருப்பதால் குறைந்தளவே தீவனத்தில் பயன்படுத்த வேண்டும்.</p> <h3 style="text-align: justify;">மரவள்ளித்தூள்</h3> <p style="text-align: justify;">இது மரவள்ளிக் கிழங்கிலிருந்து பெறப்படுகிறது. இதில் ஆற்றல் அதிகம். சில இரகங்களில் சைனோஜென்க் என்னும் பொருட்கள் உள்ளன. கிழங்கை சிறிது நேரம் வெயிலில் உலர்த்தி, கூடு செய்வதன் மூலம் இதைப் போக்கலாம்.</p> <h3 style="text-align: justify;">உலர்த்திய கோழிக்கழிவுகள்</h3> <p style="text-align: justify;">கலப்படமற்ற கூண்டு முறையில் வளர்க்கப்பட்ட கோழிகளின் கழிவுகளில் கால்சியம், பாஸ்பரஸ் மற்றும் 10-12 சதவிகிதம் தூய புரதம் உள்ளது. இது சரியாகச் சுத்தம் செய்யப்பட்டால் தீவனக் கலவையில் 10 சதவிகிதம் வரை சேர்த்துக் கொள்ளலாம்.</p> <h3 style="text-align: justify;">கரும்புச்சக்கை</h3> <p style="text-align: justify;">தானிய வகைகளுக்குப் பதில் இவை 45 சதவிகிதம் வரை பயன்படுத்தலாம். இதில் தாதுக்கள் அதிகம் இருப்பதால் அதிக அளவு கொடுத்தால் கழிவுகள் நீராக வெளியேற வாய்ப்புள்ளது.</p> <h3 style="text-align: justify;">சிறுதானியங்கள்</h3> <p style="text-align: justify;">சாமை, பனிவரகு போன்ற சிறுதானியங்கள் மஞ்சள் சோளத்திற்குப் பதில் 20 சதவிகிதம் வரை பயன்படுத்தலாம். ராகி, கம்பு, சோளம் போன்றவையும் தென்னிந்தியாவில் பயன்படுத்தப்படுகின்றது.</p> <p style="text-align: justify;">ஆதாரம்: இந்திய கோழிப் பண்ணை நிறுவன ஆண்டு மலர்</p> </div>