<div id="Middlecolumn_internal"> <p style="text-align: justify;">சம்பா முடிந்ததும் அவசியம் கோடை உழவு செய்யவேண்டும். தென்மேற்கு பருவக்காற்று மற்றும் வடகிழக்கு பருவக்காற்று மழைபெய்யும் மானாவாரி நிலங்களில் இருபோக பயிர்சாகுபடி நடைமுறையில் உள்ளது. முதற்பயிர் சாகுபடி ஆனி-ஆடி மாதங்களில் துவங்கி, இரண்டாவது பயிர் தை மாதத்தில் அறுவடை செய்யப்படுகிறது. இடைப்பட்ட காலமான மாசி-வைகாசி வரை நிலம் உழவின்றி பல்வேறு இழப்புகளுக்கு ஆளாகும் நிலையில் தரிசாக உள்ளது. அப்பொழுது நம் வயலை உழுது புழுதிக்கலாக செய்யவேண்டும்.</p> <h3>கோடை உழவின் அவசியம்</h3> <p style="text-align: justify;">1.தைமாத அறுவடையின் போது, சாகுபடி செய்த பயிரிலிருந்து கொட்டிய இலைச்சருகுகள் நிலத்தின் மேல் போர்வையாக இருக்கும்.</p> <p style="text-align: justify;">2.அறுவடைக்குப்பின் வேரின் அடிக்கட்டைகள் மக்குவதற்கு அதிக வாய்ப்பின்றி இருக்கும்.</p> <p style="text-align: justify;">3.மேல்மண் இறுக்கமாக காணப்படும். இதனால் மழை நீர் பூமிக்குள் இறங்காமல் மேல் மண்ணுடன் மழை நீர் வெளி ஏறும்.</p> <p style="text-align: justify;">4.நிலத்தோடு மக்க வேண்டிய பயிர்கள் சருகுகள் காற்றுவீசும் போது வேறு இடங்களுக்கு எடுத்து செல்லப்படும்.</p> <p style="text-align: justify;">5.முந்தைய பயிரின் தூர்கள் கரையானின் தாக்குதலுக்குட்பட்டு பயனின்றி விரயமாகும்.</p> <h3>கோடை உழவு செய்தல்</h3> <p style="text-align: justify;">1. பயிர் அறுவடையான உடன் உழவு செய்தல் வேண்டும்.</p> <p style="text-align: justify;">2. ஒவ்வொரு மழைக்குபின் உழவு அவசியம்</p> <p style="text-align: justify;">3. நிலச்சரிவில் குறுக்கா, மணற்பாங்கான நிலத்தில் மேலாகவும் உழவும்.</p> <p style="text-align: justify;">4. 2-3 வருடத்திற்கு ஒருமுறை சட்டிக் கலப்பை கொண்டு உழவு செய்யவேண்டும்.</p> <h3>கோடை உழவு செய்வதால் கிடைக்கும் பயன்கள்</h3> <p style="text-align: justify;">1. மண் மிருதுவாகி மழை நீரை ஈர்க்கும் திரன் அதிகமாகிறது.</p> <p style="text-align: justify;">2. மண் அரிமானம் கட்டுப்படுத்தப்பட்டு சத்துக்கள் விரையமாவது தடுக்கப்படுகிறது.</p> <p style="text-align: justify;">3. முதற்பயிரின் தூர்கள் மக்கி களைகள் கட்டுப்படுத்தப்படுகிறது.</p> <p style="text-align: justify;">4. சிகப்பு கம்பளிப்புழு அழிக்கப்படுகிறது.</p> <p style="text-align: justify;">ஆதாரம்: இன்றைய வேளாண்மை</p> </div>