<div id="MiddleColumn_internal"> <h3>தழைச் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>அடி இலைகள் பொன்மஞ்சள் நிறமாக மாறிவிடும்.</li> <li>மஞ்சள் நிறமானது இலை நுனியிலிருந்து அடிப்பாகம் நோக்கி நரம்புப் பகுதியின் இருபுறமும் தோன்றும்.</li> </ul> <p style="text-align: justify;"><strong>நிவர்த்தி</strong></p> <ul style="text-align: justify;"> <li>யூரியா ((5 கிராம்/லிட்டர்)கரைசலை 10 நாட்கள் இடைவெளியில் இருமுறை இலைவழியாகத் தெளிக்க வேண்டும்.</li> </ul> <h3>மணிச் சத்து</h3> <p style="text-align: justify;"><strong>அறிகுறிகள்</strong></p> <p style="text-align: justify;">வளர்ச்சி குன்றி காணப்படும் மற்றும் முதிர்ந்த இலைகளில் இளஞ்சிவப்பு நிறமாக்கமாக காணப்படும்</p> <p class="tit1" style="text-align: justify;"><strong>நிவர்த்தி</strong></p> <p style="text-align: justify;">டி.ஏ.பி 2% ஐ தழை தெளிப்பாக தெளிக்கவும்</p> <h3>சாம்பல் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>முதிர்ந்த இலைகளில் பற்றாக்குறை காணப்படும்</li> <li>சீரற்ற காய்ந்த வடிவமைப்புடைய இலைகள் சிவப்பு நிறமாக்கத்துடன் கலந்து காணப்படும்</li> <li>இலைகளின் நுனியில் நரம்பிடை திசுக்களின் மேல் கீற்றுகள் தோன்றும். அது படிப்படியாக நுனியில் இருந்து அடி வரை கீற்றுகள் சென்று இலைகள் காய்ந்துவிடும்</li> </ul> <p style="text-align: justify;"><strong>நிவர்த்தி</strong></p> <p style="text-align: justify;">பொட்டாசியம் க்ளோரைட் 1 % தழை தெளிப்பாக தெளிக்கவும்</p> <h3>சுண்ணாம்புச் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>இளம் இலைகளின் நுனிகள் ஒன்றுடன் ஒன்று ஒட்டி வால் போன்று காணப்படும்.</li> <li>சொறிபோன்று இலைகளின் விளிம்புகளில், இலைகள் ஒடிந்து, பழுப்பு நிறமாக, விளிம்புகளின் அருகில் ஒட்டிக் காணப்படும் . பின் பழுப்பு நிறமாக மாறிவிடும்.</li> </ul> <p style="text-align: justify;"><strong>நிவர்த்தி</strong></p> <p style="text-align: justify;">கால்சியம் சல்பேட் 2%ஐ தழை தெளிப்பாக இரண்டு முறை தெளிக்கவும்</p> <h3>மெக்னீசிய சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>இலைகளில் மஞ்சள் கலந்த வெண்ணிற வரிகள் தோன்றும்.</li> <li>நரம்பிடைப்பகுதிகள் பழுப்பு நிறமாக மாறிவிடும்.</li> </ul> <p style="text-align: justify;"><strong>நிவர்த்தி</strong></p> <ul style="text-align: justify;"> <li>மெக்னீசியம் சல்பேட் ((5கிராம் /லிட்டர்) கரைசலை பூக்கும் மற்றும் தானியம் உருவாகும் பருவங்களில் 10 நாட்கள் இடைவெளியில் இலைவழியாகத் தெளிக்க வேண்டும்.</li> </ul> <h3>கந்தகச் சத்து</h3> <p style="text-align: justify;"><strong>அறிகுறிகள்</strong></p> <p style="text-align: justify;">மேல் உள்ள இலைகளில் பற்றாக்குறை காணப்படும். வளரும் இலைகள் மங்கலான மஞ்சள் நிறமாக மாறிவிடும்</p> <p style="text-align: justify;"><strong>நிவர்த்தி</strong></p> <p style="text-align: justify;">மெக்னீசியம் சல்பேட் 1% ஐ தழை தெளிப்பாக தெளிக்கவும்</p> <h3>போரான் சத்து</h3> <p style="text-align: justify;"><strong>அறிகுறிகள்</strong></p> <p style="text-align: justify;">இலைகளின் நுனி வளர்ச்சியை தடுத்து, இலைகள் ஒடிந்து, ஒழுங்கற்ற பசுமை நிறமாகக் காணப்படும்</p> <p class="tit1" style="text-align: justify;"><strong>நிவர்த்தி</strong></p> <p style="text-align: justify;">போராக்ஸ் 0.5% ஐ இரண்டு வார கால இடைவெளியில் தழை தெளிப்பாக தெளிக்க வேண்டும்</p> <h3>இரும்புச் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>பற்றாக்குறை முதன் முதலில் புதிதாக வளரும் இலைகளில் தோன்றும்</li> <li>நரம்பிடை திசுக்கள் மங்களான மஞ்சள் மற்றும் பச்சை நிறத்தில் மாறும். அதனுடன் இலை நரம்பின் பசுமை சோகையால் இலைகள் ஒரே மாதிரி மங்சள் அல்லது வெள்ளை நிறத்தில் மாறிவிடும்.</li> <li>புதிதாக தோன்றி இலைகளில் பசுமை சோகை அறிகுறிகள் தென்படும்</li> <li>பிறகு முழு பயிர்களும் வெளிறிய தோற்றத்துடன் தோன்றும்</li> </ul> <p style="text-align: justify;"><strong>நிவர்த்தி</strong></p> <p style="text-align: justify;">ஃபெர்ரஸ் சல்பேட்டை 20-25 கிலோ வரை மண்ணில் கலந்து அளிக்கவும் அல்லது ஃபெர்ரஸ் சல்பேட் 1% ஐ ஒரு வார கால இடைவெளியில் தழை தெளிப்பாக தெளிக்கவும்.</p> <h3>தாமிரச் சத்து</h3> <p style="text-align: justify;"><strong>அறிகுறிகள்</strong></p> <p style="text-align: justify;">இளம் இலைகளின் நுனிகள் பழுப்பு நிறமாக மாறி ஒன்றுடன் ஒன்று சுருண்டு ஒடிந்து விடும்.</p> <p class="tit1" style="text-align: justify;"><strong>நிவர்த்தி</strong></p> <p style="text-align: justify;">காப்பர் சல்பேட் 0.2% தழை தெளிப்பாக தெளிக்கவும்</p> <h3>மேங்கனீஸ் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>பற்றாக்குறை முதன் முதலில் இளம் இலைகளில் தான் தோன்றும்.</li> <li>இலைகளில் கீற்றுகள் மங்களான நிறத்தில் தென்படும் மற்றும் இலைகளில் குறுகிய பெரிய சிதைவுகள் ஏற்படும்.</li> </ul> <p style="text-align: justify;"><strong>நிவர்த்தி</strong></p> <p style="text-align: justify;">மேங்கனீசியம் சல்பேட் 2% ஐ தழை தெளிப்பாக தெளிக்கவும்</p> <h3>துத்தநாகச் சத்து</h3> <p style="text-align: justify;"><strong>அறிகுறிகள்</strong></p> <ul style="text-align: justify;"> <li>புதிதாக முளைக்கும் இலைகள் மங்களான பச்சை நிறத்தில் தோன்றும்</li> <li>பசுமை சோகை முனைப்பாக அடிப்பகுதிகளில் தோன்றி நுனி வரையில் காணப்படும்</li> <li>விளிம்புகளில் சிவப்பு நிறக் கோடுகள் தெளிவாகத் தென்படும்</li> <li>வெளிறிய வெள்ளைத் திட்டுக்கள் இலையின் மேல் தோன்றும்</li> <li>முதிர்ந்த இலைகளில் மஞ்சள் நிறக் கீற்றுகள் இலையின் மேல் தோன்றும் அல்லது இலை நரம்புகளின் இடையில் பசுமை சோகை கீற்றுகள் காணப்படும்</li> </ul> <p style="text-align: justify;"><strong>நிவர்த்தி</strong></p> <p style="text-align: justify;">துத்தநாக சல்பேட் 20-25 கிலோ ஹெக் அளவு மண்ணில் கலந்து அளிக்கவும் அல்லது துத்தநாக சல்பேட் 0.5 -ஐ தழை தெளிப்பாக தெளிக்கவும்.</p> <p style="text-align: justify;"><strong>ஆதாரம்: </strong>தமிழ்நாடு வேளாண்மைப் பல்கலைக்கழகம்</p> </div>