<div id="MiddleColumn_internal"> <p style="text-align: justify;">உங்கள் ஆதார் அட்டை தொலைந்து போனால் பயம் கொள்ளாதீர்கள். அதன் பிரதியை பெற்றுக்கொள்வதற்கு மீண்டும் விண்ணப்பம் செய்ய எளிமையான வழிகள் உள்ளது.</p> <p style="text-align: justify;">இருப்பினும் ஆதார் அட்டையை பத்திரமாக வைத்துக் கொள்ள வேண்டியது அவசியமாகும். அதற்கு காரணம் அதில் உள்ள உங்கள் தகவல்களை கொண்டு உங்கள் நிதி சார்ந்த தரவுகளுக்கு ஆபத்தை ஏற்படுத்தலாம். </p> <p style="text-align: justify;">உங்களுக்கு உங்களுடைய ஆதார் எண் நினைவிருந்தால் மற்றும் / அல்லது பதிந்த போது கொடுக்கப்பட்ட ஆதார் அட்டை ஒப்புகை சீட்டு உங்களிடம் இருந்தால், ஆன்லைன் மூலம் ஆதார் அட்டையின் பிரதியை எடுத்துக் கொள்ளலாம்.</p> <p style="text-align: justify;">தொலைந்த ஆதார் அட்டை அல்லது அதன் பிரதியை ஆன்லைன் மூலம் எப்படி விண்ணப்பிக்க கீழ்கூறிய வழிமுறைகளை பின்பற்றவும்:</p> <ol> <li style="text-align: justify;"><a href="https://myaadhaar.uidai.gov.in/retrieve-eid-uid/en" target="_blank" rel="noopener">ஈ-ஆதார் ஆன்லைன் முகவாயிலுக்கு</a> செல்லவும்.</li> <li style="text-align: justify;">12 இலக்க ஆதார் எண் / 28 இலக்க பதிவு ஐடியைத் தேர்ந்தெடுக்கவும்</li> <li style="text-align: justify;">ஆதார் ஒப்புகை சீட்டில் உள்ள பதிவீடு விவரங்களை (28 இலக்க பதிவு ஐடியைத்) நிரப்ப வேண்டும்.</li> <li style="text-align: justify;">மாறாக, உங்களுக்கு உங்கள் ஆதார் அட்டை எண் தெரிந்திருந்தால், 12 இலக்க ஆதார் எண் நிரப்ப வேண்டும்</li> <li style="text-align: justify;">நீங்கள் பதிந்துள்ள கைப்பேசி எண்ணில் ஓ.டி.பி. (ஒன் டைம் பின்) கடவுச்சொல் ஒன்றை குறுந்தகவல் மூலம் பெறுவீர்கள்.</li> <li style="text-align: justify;">கடவுச்சொல்லை உள்ளீடு செய்தவுடன் ஆதார் அட்டையின் பிரதியை தரவிறக்கம் செய்யும் தேர்வை நீங்கள் காணலாம். இந்த கோப்பு பி.டி.ஃஎப். வடிவத்தில் இருக்கும். மேலும் பாதுகாப்பிற்காக அது கடவுச்சொல் மூலமாக பாதுகாக்கப்பட்டிருக்கும்.</li> <li style="text-align: justify;">இ-ஆதார் இன் கடவுச்சொல் என்பது உங்கள் பெயரின் முதல் 4 எழுத்துக்களின் CAPITAL லெட்டர் மற்றும் பிறந்த ஆண்டு (YYYY) இன் கலவையாகும்.<br>உதாரணத்திற்கு:<br> <ul> <li style="text-align: justify;">உதாரணம் 1 - பெயர் SURESH KUMAR, பிறந்த ஆண்டு : 1990 - கடவுச்சொல் SURE1990</li> <li style="text-align: justify;">உதாரணம் 2 - பெயர் SAI KUMAR, பிறந்த ஆண்டு: 1990 - கடவுச்சொல் SAIK1990</li> <li style="text-align: justify;">உதாரணம் 3 - பெயர் P. KUMAR, பிறந்த ஆண்டு: 1990 - கடவுச்சொல் P.KU1990</li> <li style="text-align: justify;">உதாரணம்4 -பெயர்: RIA, பிறந்த ஆண்டு: 1990 - கடவுச்சொல் : RIA1990</li> </ul> </li> <li style="text-align: justify;">அசலை போலவே அச்சிடப்பட்ட பிரதியும் அனைத்து இடங்களிலும் செல்லுபடியாகும்.</li> </ol> <span style="text-align: justify;"><strong>ஆதாரம் :</strong> மாநில ஆதார் மையம். தமிழ்நாடு அரசு</span></div>