<div id="MiddleColumn_internal"> <p style="text-align: justify;">மதிப்பெண் மற்றும் குடும்ப வருவாய் அடிப்படையிலான கல்வி உதவித்தொகை குறித்த கேள்விகள் மற்றும் பதில்கள் இங்கு கொடுக்கப்பட்டுள்ளன. இசுலாமிய, கிறித்துவ, சீக்கிய, புத்த மற்றும் பார்சி சமூகத்தைச் சேர்ந்த பொருளாதாரத்தில் நலிவடைந்த குடும்பங்களைச் சேர்ந்த நல் மதிப்பெண் பெற்ற மாணவ/மாணவிகளுக்கு உதவி இத்திட்டம் 2007-2008 நிதியாண்டில் துவங்கப்பட்டது.</p> <h3 style="text-align: justify;">எந்தெந்த கல்விக்கு இந்த உதவித்தொகை வழங்கப்படுகின்றது?</h3> <p style="text-align: justify;">மத்திய/மாநில அரசுகளால் அங்கீகரிக்கப்பட்ட கல்வி நிறுவனங்களில் தொழில்நுட்பம் மற்றும் தொழிற்கல்வி (Technical and Professional courses) பயிலும் மாணவ/மாணவியர்களுக்கு இந்த உதவித்தொகை வழங்கப்படுகின்றது. மத்திய அரசால் அறிவிக்கப்பட்டுள்ள (isted) 70 தொழிற்கல்வி மற்றும் தொழில்நுட்ப கல்வி நிறுவனங்களில் பயிலும் மாணவ மாணவியர்களுக்கு முன்னுரிமை வழங்கப்படும்.</p> <h3 style="text-align: justify;">மத்திய அரசால் அறிவிக்கப்பட்ட மேற்குறிப்பிட்ட கல்வி நிறுவனங்கள் தமிழ்நாட்டில் ஏதும் உள்ளதா?</h3> <p style="text-align: justify;">தமிழ்நாட்டில் உள்ள கீழ்க்கண்ட கல்வி நிறுவனங்கள் மத்திய அரசால் அறிவிக்கப்பட்ட கல்வி நிறுவனங்களாகும். <br />அ)இந்தியன் இன்ஸ்டிடியூட் ஆ/ப் டெக்னாலஜி (ஐ.ஐ.டி), சென்னை<br />ஆ)நேஷனல் இன்ஸ்டிடியூட் ஆப் டெக்னாலஜி (என்.ஐ.டி.), திருச்சி<br />இ) இந்தியன் இன்ஸ்டிடியூட் ஆ/ப் இன்/பர்மேஷன் டெக்னாலஜி, டிசைன் அண்டு மேனு/பேகச்ரிங் (I.I.I.T.D&M)இ காஞ்சிபுரம். <br />ஈ) நேஷனல் இன்ஸ்டியூட் ஆ/ப் /பேஷன் டெக்னாலஜி (என்.ஐ.எப்.டி)இ சென்னை.</p> <h3 style="text-align: justify;">யார் இந்த கல்வி உதவித்தொகை பெற விண்ணப்பிக்கலாம்?</h3> <p style="text-align: justify;">மத்திய/மாநில அரசுகளால் அங்கீகரிக்கப்பட்ட கல்வி நிறுவனங்களில் தொழில்நுட்பம்/ தொழிற்கல்வி பயிலும் இளங்கலை மற்றும் முதுகலை மாணவ / மாணவியர்கள் அங்கீகரிக்கப்பட்ட தொழிற்நுட்ப / தொழிற் கல்விகளின் விபரப்பட்டியல் என்ற இணைய முகவரியில் உள்ளது.</p> <h3 style="text-align: justify;">கல்வி உதவித்தொகையின் அளவு எவ்வளவு?</h3> <p style="text-align: justify;">மத்திய அரசால் அறிவிக்கப்பட்ட (listed) நிறுவனங்களில் பயிலும் மாணவ/ மாணவியருக்கு அவர்கள் செலுத்திய கல்விக் கட்டணம் 100 விழுக்காடும் திரும்ப வழங்கப்படும். <br />பிற நிறுவனங்களில் விடுதியில் தங்கி பயில்பவர்களுக்கு அதிகபட்சம் முப்பதாயிரம் ரூபாயும் , வீட்டிலிருந்து வந்து படிப்பவர்களுக்கு அதிகபட்சம் இருபதாயிரம் ரூபாயும் வழங்கப்படும்.</p> <h3 style="text-align: justify;">பிற மாநிலங்களில் பயிலும் தமிழ்நாட்டைச் சேர்ந்தவர்கள் பயன் பெற முடியுமா?</h3> <p style="text-align: justify;">முடியும். தமிழ்நாட்டைச் சேர்ந்த மாணவ/மாணவியர் இந்தியாவில் உள்ள எந்த மாநிலத்தில் கல்வி கற்றாலும் இத்திட்டத்தின் கீழ் பயன் பெறலாம்.</p> <h3 style="text-align: justify;">விண்ணப்பங்கள் எங்கு கிடைக்கும்?</h3> <p style="text-align: justify;">விண்ணப்ப படிவங்களை கல்வி நிறுவனங்களில் பெற்றுக் கொள்ளலாம் (அல்லது) மாவட்ட பிற்படுத்தப்பட்டோர் மற்றும் சிறுபான்மை நல அலுவலரிடம் பெற்றுக் கொள்ளலாம்.</p> <h3 style="text-align: justify;">யாரிடம் பூர்த்தி செய்யப்பட்ட விண்ணப்பங்கள் சமர்ப்பிக்கப்பட வேண்டும்?</h3> <p style="text-align: justify;">பூர்த்தி செய்யப்பட்ட விண்ணப்பங்களுடன் தேவையான ஆவணங்களை இணைத்து கல்வி நிறுவனத்தின் தலைவரிடம் சமர்ப்பிக்க வேண்டும்.</p> <h3 style="text-align: justify;">ஆன்-லைன் மூலம் விண்ணப்பிக்க இயலுமா?</h3> <p style="text-align: justify;"><a href="http://www.momascholarship.gov.in/" target="_blank" rel="noopener">http://www.momascholarship.gov.in/</a> என்ற இணைய தள முகவரியில் ஆன்-லைன் மூலமாகவும் விண்ணப்பிக்கலாம். ஏளிமையாக பூர்த்தி செய்வதற்காக கேள்விப்பட்டியல் (FAQ) மற்றும் கையேடு (manual) இத்தளத்தில் வழங்கப்பட்டுள்ளது.</p> <h3 style="text-align: justify;">விண்ணப்பப் படிவத்துடன் என்னென்ன ஆவணங்கள் இணைக்கப்பட வேண்டும் ?</h3> <p style="text-align: justify;">அ) வருமானச் சான்றிதழ் (கடந்த நிதியாண்டிற்குரியது)<br />ஆ)சாதிச்சான்றிதழ்<br />இ) மதிப்பெண் பட்டியல்<br /><br /></p> <h3 style="text-align: justify;">ஒரே குடும்பத்தை சார்ந்த எத்தனை மாணவ/மாணவியருக்கு கல்வி உதவித்தொகை வழங்கப்படும் ?</h3> <p style="text-align: justify;">ஒரு குடும்பத்தில் அதிகபட்சம் இருவருக்கு மட்டுமே கல்வி உதவித்தொகை வழங்கப்படும்.</p> </div>