கட்டணமில்லா இணையவழி கணிதப் பாடவகுப்பு புதிய கண்டுபிடிப்பு சிந்தனையை ஊக்கப்படுத்தும் நோக்கத்துடன் சென்னையில் உள்ள இந்திய தொழில்நுட்ப கல்விக்கழகம் [Indian Institute of Technology Madras (IIT Madras)] 3 மற்றும் 4-ம் நிலை கணிதப் பாட வகுப்புகளை தொடங்கவுள்ளது. சென்னை ஐஐடி ப்ரவர்த்தக் தொழில்நுட்ப அறக்கட்டளை மூலம் கட்டணமில்லாமல் இணையவழி வகுப்புகள் நடத்தப்படவுள்ளன. இறுதித் தேர்வு தெரிவு செய்யப்பட்ட நகரங்களில் உள்ள மையங்களில் நடத்தப்படும். இந்த வகுப்புகள் இந்தியாவில் உள்ளவர்களுக்கு மட்டுமின்றி வெளிநாடுகளைச் சேர்ந்தவர்களுக்கும் நடத்தப்படும். விருப்பம் உள்ளவர்கள் https://pravartak.org.in/oobtregistration_math என்ற இணையதளத்தின் மூலம் பதிவு செய்துகொள்ளவேண்டும். 3-ம் மற்றும் 4-ம் நிலைகளுக்கான பதிவுகளுக்கு 2023, மே 7-ஆம் தேதி கடைசி நாளாகும். ஆதாரம்: பத்திரிக்கை தகவல் மையம்