<div id="Middlecolumn_internal"> <h3 style="text-align: justify;">செய்யக்கூடியவை</h3> <ul style="text-align: justify;"> <li>ஐ.எஸ்.ஐ (ISI) முத்திரை பொறிக்கப்பட்ட மின்பொருட்களை, சான்றளிக்கப்பட்ட எலக்டீரிஷியன் மூலம் மட்டுமே பொருத்தவும்.</li> <li>வீட்டில் உள்ள ஒயரிங்கை, அவ்வப்பொழுது சரி பார்த்து, பழுது இருந்தால் உடனுக்குடன் சரி செய்யவும்.</li> <li>வெளியே செல்லும் பொழுது, அறுந்து கிடக்கும் மின்கம்பியினைக் கண்டால், அதனருகில் செல்லாமல், உடனே அருகிலிருக்கும் மின் அலுவலகத்திற்கு தெரிவிக்கவும்.</li> <li>குழந்தைகள் காற்றாடி கொண்டு விளையாடும் பொழுது, மேல் நிலை மின்கம்பிகள் செல்லும் இடத்திற்கருகில் செல்லாமல் கண்காணிக்கவும்.</li> <li>கோவில் தேர் திருவிழா சமயத்தில், தேரானது மின்சார கம்பிகளில் பட்டு விபத்து ஏற்படாமல் தடுக்க, பொது மக்கள் மற்றும் விழா நடத்தும் கோவில் நிர்வாகிகள் தமிழ்நாடு மின் உற்பத்தி (ம) பகிர்மான கழகத்திற்குட்பட்ட பிரிவு/உபகோட்டம்/ கோட்டம்/வட்டம் மின் அலுவலகத்தில் முன்னமே தெரிவித்தால், தேர் செல்லும் பாதையில் மின்சாரத்தை துண்டித்து விபத்து நடப்பதை தடுக்கலாம்.</li> <li>வேறு வேலைகளுக்காக பூமிக்கடியில் தோண்டும்போது மின் புதைவடங்கள் செல்வதை கவனித்து வேலை செய்யவும்.</li> <li>5 கி.வாட் மற்றும் அதற்கு மேல் மின்பளு உபயோகிப்பவர்கள் எர்த் லீகேஜ் ப்ரோடெக்‌ஷன் (Earth leakage protection device) கருவியை ஒவ்வொரு மின்சாதனத்திலும் பொருத்தவும்.</li> </ul> <h3 style="text-align: justify;">செய்யக்கூடாதன</h3> <ul style="text-align: justify;"> <li>மின்கம்பிகளில் ஈர துணிகளை உலர்த்தக்கூடாது, உலர்த்தினால் உயிரிழக்க நேரிடும்.</li> <li>மழைக்காலங்களில் மின்கம்பம், மின்கம்பங்களை நிலை நிறுத்தும் கம்பி, வேலி ஆகியவற்றின் அருகில் செல்வதையும், தொடுவதையும் தவிர்க்கவும்.</li> <li>மின்கம்பங்களை, பந்தல் போடும் மற்றும் விளம்பரம் செய்யும் துாணாக பயன்படுத்த வேண்டாம்.</li> <li>மின்கம்பங்கள் அல்லது மின்கம்பங்களை நிலை நிறுத்தும் கம்பிகளில் பண்ணை/வீட்டு விலங்கினங்களை கட்டக்கூடாது.</li> <li>மேல் நிலை மின்கம்பிகள் அருகில் வீடு கட்டக்கூடாது. வீடு கட்டுவதற்கு முன்பு அருகில் இருக்கும் மின்வாரிய அலுவலகத்தின் ஆலோசனையை பெற்று தீர்மானிக்கவும்.</li> <li>மின்மாற்றி மற்றும் துணை மின் நிலையங்களை சுற்றி அமைக்கப்பட்டுள்ள வேலிகளை அசுத்தம் செய்ய வேண்டாம்.</li> <li>லாரி போன்ற வாகனங்களை மேல் நிலை மின்கம்பிகள் செல்லும் இடங்களில் நிறுத்தவோ (ம) பொருட்களை ஏற்றவோ, இறக்கவோ செய்யக்கூடாது.</li> <li>மேல் நிலை மின்கம்பியின் மின் வில் (Arcing Distance) துாரத்தின் அருகில் ஏணி போன்ற உயரமான பொருட்களை கொண்டு செல்லும் வாகனங்களை தவிர்க்கவும்.</li> <li>மின்வேலி அமைத்தல் உயிர் பலிக்கு வித்திடும். மின்வேலி அமைப்பது சட்டப்படி தண்டனைக்குரியது.</li> <li>தகாத மின் வேலைகளை தரமற்ற மின்பொருட்களை கொண்டு செய்யக்கூடாது மற்றும் உரிய அனுமதியில்லாமல் வேறு கட்டிடங்களுக்கு மின்சாரம் கொண்டு செல்லக்கூடாது.</li> <li>உங்களுடைய வசதிக்காக, மின் நிலை நிறுத்திகளை வெட்டவோ, நாசப்படுத்தவோ கூடாது.</li> </ul> <p style="text-align: justify;">ஆதாரம்: <a class="external-link ext-link-icon" title="புதிய சாளரத்தில் திறக்கும் ஒரு வெளி வலைத்தளம்" href="http://www.tangedco.gov.in/tamilproc3.php" target="_blank" rel="noopener">தமிழ்நாடு மின் உற்பத்தி மற்றும் மின் பகிர்மான கழகம்</a></p> </div>