<div id="MiddleColumn_internal"> <h3 style="text-align: justify;">அறிமுகம்</h3> <p style="text-align: justify;">வீடுகளில் வழங்கப்படும் மின் இணைப்புகளில் ஒருமுனை மின்சாரம், மும்முனை மின்சாரம் என்று இரண்டு வகைகள் உள்ளன. இவை ஆங்கிலத்தில் ‘சிங்கிள் பேஸ்’, ‘த்ரீ பேஸ்’ என்று அழைக்கப்படுகிறது.</p> <h3>ஒருமுனை மின்சாரம்</h3> <ul> <li style="text-align: justify;">பொதுவாக வீடுகளுக்கு ஒரு முனை மின்சார இணைப்பே அளிக்கப்படுகிறது.</li> <li style="text-align: justify;">உற்பத்தி செய்யப்படும் இடத்திலிருந்து ஒரு சுற்று வழியாக வழங்கப்படும் மின்சாரம் ஒருமுனை மின்சாரம் என்று அழைக்கப்படுகிறது.</li> <li style="text-align: justify;">இதற்கு மாறுமின்சாரம் என்ற பெயரும் உண்டு. நொடிக்கு 50 தடவை நேர்முனை, 50 தடவை எதிர்முனை என்று மாறி மாறி வருவதால் ஒருமுனை மின்சாரத்திற்கு இந்த பெயர் வந்தது.</li> </ul> <h3>மும்முனை மின்சாரம்</h3> <ul> <li style="text-align: justify;">இதற்கு மாற்றாக மின்சாரம் உற்பத்தி செய்யப்படும் இடத்திலிருந்து மூன்று சுற்றுகளின் வழியாக அளிக்கப்படும் மின்சாரம் மும்முனை மின்சாரம் என அழைக்கப்படுகிறது.</li> <li style="text-align: justify;">வீடுகளில் பயன்படுத்தப்படும் மின்சாரத்தின் அளவையும் தேவையையும் பொறுத்து ஒருமுனை அல்லது மும்முனை மின்சாரத்தை தேர்ந்தெடுக்கலாம். 4000 வாட் வரையிலான மின் தேவைக்கு ஒருமுனை மின்சார இணைப்பே போதுமானது. இந்த அளவைக் காட்டிலும் கூடுதலான மின்சாரம் தேவைப்பட்டால் மும்முனை இணைப்பை பெறுவதே சரியானது.</li> </ul> <h3>தடையில்லாத மின்சாரம்</h3> <ul> <li style="text-align: justify;">வீடுகளின் மின் தேவைக்காக அளிக்கப்படும் ஒருமுனை மின்சாரத்தில் இடையிடையே மின் தடங்கல் ஏற்படுவதற்கு வாய்ப்புகள் உள்ளன.</li> <li style="text-align: justify;">தடையில்லாமல் மின்சாரத்தை பயன்படுத்த விரும்புபவர்கள் வீட்டில் மும்முனை இணைப்பை பயன்படுத்தலாம்.</li> <li style="text-align: justify;">மின்சாரம் அளிக்கப்படும் மூன்று முனைகளில் எந்த முனையில் மின்சாரம் வருகிறதோ அதை தேர்ந்தெடுத்துக்கொள்ளலாம்.</li> <li style="text-align: justify;">அதற்கான மின் இணைப்பில் தேவையான விசை அமைப்பினை பொருத்திக்கொள்ள வேண்டும்.</li> </ul> <h3>மின்னோட்ட வேறுபாடு</h3> <ul> <li style="text-align: justify;">வீடுகளில் உள்ள மின் இணைப்புகளில் ஒரே அளவில் மின்சாரம் வருவதில்லை. சில சமயங்களில் வீட்டில் உள்ள பெரும்பாலான மின்சாதனங்கள் ஒரே நேரத்தில் பயன்படுத்தப்படலாம். அப்போது மின்னோட்டத்தின் அளவு அதிகரிக்கும். அதனால் மின் சாதனங்கள் பாதிக்கப்படவும் வாய்ப்பு இருக்கிறது.</li> <li style="text-align: justify;">மின்னோட்ட மாறுபாட்டினால் மின் சாதனங்கள் பாதிக்கப்படாமல் இருப்பதற்காக மின் இணைப்போடு ‘எர்த்’ கம்பி மற்றும் ‘பியூஸ்’ ஆகியவை இணைக்கப்பட்டிருக்கும்.</li> </ul> <h3>மெயின் சுவிட்சு</h3> <ul> <li style="text-align: justify;">மின்னோட்டத்தில் அதிக அளவு மின்சாரம் வரும்போது ‘பியூஸ்’ இணைப்பில் உள்ள கம்பிகள் உருகிவிடும். இதனால் அதிக அளவு மின்சாரம் வருவது முற்றிலுமாக தடுக்கப்படுகிறது. மேலும் ஒரு விசையை இயக்கி மின்னோட்டத்தை தடுக்கும் வகையில் மெயின் சுவிட்சும் இணைக்கப்படுகிறது.</li> <li style="text-align: justify;">பியூஸ் மற்றும் மெயின் சுவிட்சு இணைப்புகளை சுவரில் மிகவும் உயரமாகவோ அல்லது மிகவும் தாழ்வாகவோ அமைக்கக்கூடாது. எளிதில் பயன்படுத்தும் வகையில் அவற்றை அமைப்பதே சிறந்தது.</li> <li style="text-align: justify;">ஒருமுனை இணைப்புக்கு ஒரு மெயின் சுவிட்ச், மும்முனை இணைப்புக்கு மூன்று மெயின் சுவிட்சுகள் அமைக்கப்படும்.</li> <li style="text-align: justify;">இந்த மெயின் சுவிட்சு அமைப்புதான் வீட்டுக்குள் வருகின்ற மின்சாரத்தை வரவேற்கும் வாசற்படியாக அமைந்துள்ளது</li> </ul> <p style="text-align: justify;">ஆதாரம்: தமிழ்நாடு மின் உற்பத்தி மற்றும் மின் பகிர்மான கழகம்</p> </div>