<div id="MiddleColumn_internal"> <h3 style="text-align: justify; ">அறிமுகம்</h3> <p style="text-align: justify; ">இது புற உள்நாக்கு சீழ்க்கட்டி எனவும் அழைக்கப்படும். உள்நாக்கிற்கும் அதை சுற்றியுள்ள பகுதிக்கும் இடையில் சீழ் கட்டுதலே இந்நோய். ஓர் உள்நாக்கிற்கும், தொண்டைச் சுவருக்கும் இடையில் சீழ்க்கட்டி உண்டாகிறது. தொற்றால் பாதிக்கப்பட்ட ஓர் உள்நாக்கில் இருந்து அருகிலுள்ள பகுதிகளுக்குத் தொற்று பரவும்.</p> <h3 style="text-align: justify; ">நோயறிகுறிகள்</h3> <p style="text-align: justify; ">தொண்டை வீக்கத்தின் அறிகுறிகளில் அடங்குவன:</p> <p style="text-align: justify; ">தொண்டைவலி அதிகரித்தல் (பொதுவாக ஒரு பக்கம்)</p> <ul> <li style="text-align: justify; "><span>100.4F மேல் காய்ச்சல்</span></li> <li style="text-align: justify; "><span>வாய் திறப்பதில் சிரமம்</span></li> <li style="text-align: justify; "><span>விழுங்கும்போது வலி</span></li> <li style="text-align: justify; "><span>குரல் மாற்றம் அல்லது பேசுவதில் சிரமம்</span></li> <li style="text-align: justify; "><span>வாய் நாற்றம்</span></li> <li style="text-align: justify; "><span>பாதிக்கப்பட்ட பாகத்தில் காது வலி</span></li> <li style="text-align: justify; "><span>தலைவலியும் சுகம் இல்லாதது போல் உணர்வும்</span></li> <li style="text-align: justify; "><span>முகத்தையும் கழுத்தையும் சுற்றி வீக்கம்</span></li> </ul> <h3 style="text-align: justify; ">காரணங்கள்</h3> <p style="text-align: justify; ">பொதுவாக, கடுமையான உள்நாக்கு அழற்சிக்குச் சிகிச்சை அளிக்காததும் அரைகுறையாக சிகிச்சை அளிப்பதுமே புறஉள்நாக்கு சீழ்க்கட்டிக்குக் காரணம். இதனால் தொற்று உள்நாக்கின் சுற்றுப் புறத்தில் பரவுகிறது. இப்பகுதியில் தளர்வான இணைப்புத் திசுக்கள் இருப்பதால் எளிதில் சீழ்க்கட்டி ஏற்படுகிறது.</p> <h3 style="text-align: justify; ">நோய்கண்டறிதல்</h3> <p style="text-align: justify; ">மருத்துவர் அறிகுறிகளைக் கேட்டறிந்தும், தொண்டையும் உள்நாக்கையும் சோதித்தும் நோயைக் கண்டறிகிறார்.</p> <h3 style="text-align: justify; ">நோய்மேலாண்மை</h3> <p style="text-align: justify; ">தொற்றைக் கட்டுப்படுத்த நுண்ணுயிர்க்கொல்லிகள் அளிக்கப்படுகின்றன. பென்சிலினுக்கு ஒவ்வாமை உள்ளவர்களுக்குப் பொதுவாகக் கிளிண்டோமைசின் அளிக்கப்படுகிறது.</p> <p style="text-align: justify; "><span>அழுத்தப்பட்ட திசுக்களினால் ஏற்படும் வலியைக் குறைக்க அறுவை மூலம் சீழ் அகற்றவும் படலாம்.</span></p> <h3 style="text-align: justify; ">சிக்கல்கள்</h3> <ul> <li style="text-align: justify; "><span>காற்றுப்பாதையில் தடை</span></li> <li style="text-align: justify; "><span>தாடை, கழுத்து, நெஞ்சில் புரையோடுதல்</span></li> <li style="text-align: justify; "><span>இதய உள்ளுறை அழற்சி (அரிதாக)</span></li> <li style="text-align: justify; "><span>நுரையீரலைச் சுற்றி பாய்மம்</span></li> <li style="text-align: justify; "><span>இதயத்தை சுற்றி அழற்சி (இதயவுரை அழற்சி)</span></li> <li style="text-align: justify; "><span>நிமோனியா</span></li> <li style="text-align: justify; "><span>இரத்தத்தில் தொற்று</span></li> </ul> <p style="text-align: justify; "><b>ஆதாரம் : </b><span>தேசிய சுகாதார இணையதளம்</span></p> </div>