<div id="MiddleColumn_internal"> <h3>பிறவிக்குறைபாடுகள் (Birth Defects)</h3> <p style="text-align: justify; ">பிறப்புக்குறைபாடுகளானவை குழந்தை பிறக்கும்போது காணப்படும் கட்டமைப்பு அல்லது தொழிற்பாட்டு குறைபாடுகள் ஆகும்.</p> <p style="text-align: justify; ">இவை பெரும்பாலும் உடலியல் அல்லது உளவியல் ரீதியில் குழந்தையைப்பாதிப்பதுடன் சிலவேளைகளில் இறப்பையும் ஏற்படுத்தலாம்.</p> <p style="text-align: justify; "><span>பல்லாயிரக்கணக்கான பிறப்புக்குறைபாடுகள் கண்டறியப்பட்ட போதிலும் இவற்றிலே சில குறைபாடுகளே நீண்டகாலப் பிரச்சினைகளை ஏற்படுத்துவதுடன் சிசுக்களின் இறப்பிலே பிரதான பங்கினை வகிக்கின்றது.</span></p> <h3 style="text-align: justify; ">பிறவிக்குறைபாடுகள் ஏற்படுவதற்கான காரணங்கள்</h3> <p style="text-align: justify; ">இவை ஏற்பட பல காரணங்கள் கண்டுபிடிக்கப்பட்டபோதிலும் பிரதான காரண்களாக அமைவன</p> <ul> <li style="text-align: justify; "><span>ஒன்று அல்லது ஒன்றுக்கு மேற்பட்ட பரம்பரை அலகு மாற்றங்களால் ஏற்படுத்தப்படும் சந்ததிகளூடு கடத்தப்படும் குறைபாடு</span></li> <li style="text-align: justify; "><span>நிறைமூர்த்தங்களின் மேலதிக சேர்வு அல்லது இழப்பு</span></li> <li><span style="text-align: justify; ">சூழலியற் காரணங்களான றுபெல்லா மற்றும் மருந்துப்பொருட்கள், அல்ககோல் ஆகியவற்றை கர்ப்பகாலத்தில் பயன்படுத்தல்</span></li> </ul> <h3><span>பிறவிக்குறைபாட்டின் வகைகள்</span></h3> <p style="text-align: justify; ">பிரதானமாக இருவகைப்படும்</p> <ul> <li><span>கட்டமைப்புக்குறைபாடு</span></li> <li><span>தொழிற்பாட்டுக்குறைபாடு</span></li> </ul> <p style="text-align: justify; ">கட்டமைப்புக்குறைபாடுகள் என்பவை</p> <ul> <li><span>உள்வளைந்த பாதம்,</span></li> <li><span>அசாதாரணமான அவயங்கள்,</span></li> <li><span style="text-align: justify; ">வால்வுகளற்ற தன்மை,</span></li> <li><span style="text-align: justify; ">இதயக்கோளாறுகள்,</span></li> <li><span style="text-align: justify; ">உதடு மற்றும் அண்ணப்பிளவு போன்ற உடல் பகுதிகளில் ஏற்படும் மாற்றங்கள் ஆகும்</span></li> </ul> <p style="text-align: justify; ">இத்துடன் நரம்புக்குழாய்க் குறைபாடுகளான இரு கூரடைந்த முள்ளந்தண்டென்பு மூளை முண்ணாண் விருத்திக்குறைவு ஆகியனவும் இவற்றுள் அடங்குகின்றன.</p> <p style="text-align: justify; "><span>தொழிற்பாட்டுக் குறைபாடுகளாவன உடல் பகுதிகள் மற்றும் ஒருமித்த உடல்தொகுதி செயற்படுகின்ற விதத்தில் கோளாறுகள் ஏற்பட்டு அவை விருத்திக் குறைபாடுகளுக்கு இட்டுச்செல்லும் நிலைமைகளாகும்.</span></p> <p style="text-align: justify; ">அவையாவன</p> <ul> <li><span>நரம்பு மற்றும் மூளைக் குறைபாடுகள்</span></li> <li><span>மனவளர்ச்சி குன்றுதல்</span></li> <li><span>புலன் நரம்புக் குறைபாடுகள்</span></li> <li><span>அனுசேபக் குறைபாடுகள்</span></li> <li><span>கல அழிவு நோய்கள் </span><span>என்பனவாகும்.</span></li> </ul> <h3><span>சிகிச்சை முறைகள்</span></h3> <p style="text-align: justify; ">நோய்கள் ஏற்படும் விதத்தைப்பொறுத்தும் அவற்றின் விளைவுகளைப்பொறுத்தும் சிகிச்சை முறைகள் வேறுபடுகின்றன. உங்களுடைய குடும்ப வைத்தியருடன் மனந்திறந்து உரையாடி இக்குறைபாடுகளுள்ள குழந்தைகளை பரிகரிப்பது பற்றிய முழுத்தகவல்களையும் பெற்றுக்கொள்ளவேண்டும்.</p> <p style="text-align: justify; "><strong>ஆதாரம் : </strong>ஆரோக்கிய தகவல் தளம்</p> </div>