<div id="MiddleColumn_internal"> <h3 style="text-align: justify; "><span style="text-align: justify; ">அம்மை நோய்</span></h3> <p style="text-align: justify; ">அம்மை நோய் என்னும் இந்நோயை வைசூரி நோய் என்று சித்த மருத்துவம் குறிப்பிடுகிறது. இந்நோய் வருவதற்குக் காரணமாக அமைவது வெப்பமாம். இதனை வெக்கை நோய் என்றும் குறிப்பிடக் காணலாம்.</p> <p style="text-align: justify; "><span>மேலும், அம்மை நோய்க்குக் குரு நோய், போடகம் என்னும் பெயர்களும் வழங்கப்படுகின்றன.</span></p> <p style="text-align: justify; "><span>அம்மைநோய், உடலில் ஏற்படுகின்ற அழலின் காரணத்தினால் உடலில் சூடு உண்டாகி, மூளை கொதிப்படைந்து, எலும்பைத் துளைத்துக் கொண்டு உண்டாகின்றது என்று மருத்துவ நூல் குறிப்பிடுகிறது.</span></p> <p style="text-align: justify; "><span>இந்திய மருத்துவ வரலாற்றில் பெரும்பாதிப்பை உருவாக்கியது பெரியம்மை என்னும் வைசூரி நோய். இந்நோய் உயிர்க்கொல்லி நோயாக இருந்தது.</span></p> <p style="text-align: justify; ">அம்மை நோயால் கண்கள் பாதிப்படையும். தோலில் பள்ளங் களைக் கொண்ட புள்ளிகளை ஏற்படுத்தும். அப்புள்ளிகள் என்றும் மாறாமல் இருப்பதுண்டு.</p> <h3 style="text-align: justify; ">வகைகள்</h3> <ol> <li style="text-align: justify; "><span>பனை முகரி</span></li> <li style="text-align: justify; "><span>பாலம்மை</span></li> <li style="text-align: justify; "><span>மிளகம்மை</span></li> <li style="text-align: justify; "><span>வரகுதரியம்மை</span></li> <li style="text-align: justify; "><span>கல்லுதரியம்மை</span></li> <li style="text-align: justify; "><span>உப்புதரியம்மை</span></li> <li style="text-align: justify; "><span>கடுகம்மை</span></li> <li style="text-align: justify; "><span>கடும்பனிச்சையம்மை</span></li> <li style="text-align: justify; "><span>வெந்தயவம்மை</span></li> <li style="text-align: justify; "><span>பாசிப்பயறம்மை</span></li> <li style="text-align: justify; "><span>கொள்ளம்மை</span></li> <li style="text-align: justify; "><span>விச்சிரிப்பு அம்மை</span></li> <li style="text-align: justify; "><span>நீர்கொள்ளுவன் அம்மை</span></li> <li style="text-align: justify; "><span>தவளை அம்மை</span></li> </ol> <p style="text-align: justify; "><span>இந்நோய்ப் பெயர்கள் அனைத்தும் அம்மைப் புள்ளிகள் தோன்றுவதைக் கொண்டும், அம்மை நோயுற்றவரின் செயலைக் கொண்டும் காரணப் பெயரால் சுட்டப்படுகின்றன. இந்நோய் பெரும்பாலும் குழந்தைகளுக்கு வரும் நோயாகவே கருதப்படும். அதுவும் கோடைக் காலமான வேனிற் காலத்திலேயே வரும்.</span></p> <p style="text-align: justify; ">ஆதாரம் : <span style="text-align: justify; ">தேசிய சுகாதார இணையதளம்</span></p> </div>