<div id="MiddleColumn_internal"> <h3 style="text-align: justify; ">தோலின் நிறம் குறையும் முக்கிய நோய் வகைகள் யாவன?</h3> <p style="text-align: justify; ">மூன்று முக்கியமான தோல் நிறம் குறையும் நோய் வகைகள் உள்ளன.</p> <ul style="text-align: justify; "> <li>விட்டில்லிகோ</li> <li>போஸ்ட் இன்பிளமேடரி ஹைபோபிக்மெண்டேஷன் ( காயத்திற்குப்பின் தோலின் நிறத்தில் ஏற்படும் நிறக்குறைவு) மற்றும்</li> <li>அல்பினிசம்</li> </ul> <p style="text-align: justify; ">விட்டில்லிகோ என்பது பாதிக்கப்பபட்ட தோலின் நிறம், மற்ற பகுதியைவிட குறைவாக/ மாறுபட்டு/ வெளிர்தது காணப்படுதலாகும். தோலில் உள்ள மெலனோசைட் குறைதலே இதற்கு காரணம்.</p> <h3 style="text-align: justify; ">விட்டில்லிகோ என்றால் என்ன?</h3> <p style="text-align: justify; ">விட்டில்லிகோ, நம் உடலில் உள்ள நிறமூட்டும் செல்களை அழிக்கும் நோய் அல்லது செல்களை செயல்பட முடியாத நிலைக்கு கொன்டுசெல்லும். இதனால் தோலின் நிறத்தை ஏற்படுத்தும் பொருளின் அளவு குறைகிறது. இதனை டிபிக்மெண்டேஷன் என்பர். இதனால் தோலில் பால் வெள்ளை நிறத்தில் புள்ளிகள் ஏற்படுகிறது.</p> <h3 style="text-align: justify; ">லியுகோடெர்மா என்றால் என்ன?</h3> <p style="text-align: justify; ">லியுகோடெர்மா என்பது விட்டில்லிகோ என்பதின் மறு பெயர் ஆகும். 'லியுகோ' என்றால் வெள்ளை நிறம் என்பது, மற்றும் 'டெர்மா' என்பது தோலினை குறிக்கும் சொல்லாகும்.</p> <p style="text-align: justify; "><strong> விட்டில்லிகோ ஏற்படக் காரணங்கள் யாவன?</strong></p> <ul style="text-align: justify; "> <li>தோலிலுள்ள மெலெனோசைடுகள் சேதமடைவதினால் அல்லது இறப்பதின் விளைவாக விட்டில்லிகோ ஏற்படுகிறது. </li> <li>நம் உடலில் உள்ள நோய் எதிர்ப்பு தன்மையானது மெலெனின் எனும் நிறத்தை கொடுக்கும் பொருளினை ஒரு வேற்றுப்பொருள் என இனம் கண்டு அழித்துவிடுவதே இதற்கு காரணமாகும். </li> <li>இயற்க்கைக்கு மாறாக செயல்படும் நரம்பு செல்கள் நச்சுப் பொருட்களை உண்டுபண்ணும். இவை மெலெனோசைட்டுகளை சேதப்படுத்தும் </li> <li>மெலேனோசைட்டுகள் தானாகவே அழித்துக்கொள்ளும் தன்மை </li> </ul> <p style="text-align: justify; "><strong>போஸ்ட் இன்பளமேட்டரி ஹைபோபிக்மெண்டேஷன் </strong> என்பது சிலவகை காயங்கள் (உதாரணம் தீக்காயம்) ஏற்பட்டு ஆறின பின்னர் அந்த பகுதியில் ஏற்படும் தோலின் நிறம் மாற்றம் ஆகும். நிறம் வெளறிய தோல் பகுதியில் தானாகவே பழைய நிறம் சில நேரங்களில் ஏற்படகூடும்.<br /> <strong></strong></p> <p style="text-align: justify; "><strong>அல்பினிசம் </strong>என்பது ஒரு அரிதான மற்றும் உடற்குரோமோசோம்கள் மூலம் சந்ததிகளுக்கு ஏற்படக்கூடிய ஒரு வகை தோல் நோய். அல்பினிசத்தில், தோலில் உள்ள மெலெனோசைட் எனப்படும் செல்கள் இருக்கும். ஆனால் அவை மெலெனின் எனப்படும் வண்ணச்சுரப்பினை சுரப்பதில்லை ( எனவே உடல் முழுவதும் சிவப்பு கலந்த பால் போன்ற வெள்ளை நிறத்தோல் காணப்படும்).<br /> மேற்கண்ட மூன்று முக்கிய தோல் வெளிர்தல் வகைகளை தவிர்த்து, இன்னும் ஒரு பொதுவான தோல் நிறம் குறையும் நோய் - பிட்டிரியாஸிஸ். இதிலும் தோலின் நிறம் வெளிர்ந்து காணப்படும்.</p> </div>