<div id="MiddleColumn_internal"> <h3 style="text-align: justify;">அறிமுகம்</h3> <p style="text-align: justify;">மூச்சுக் கிளைக் குழல்களில் உள்ள சளிச்சவ்வின் அழற்சியே மூச்சுக்குழாய் அழற்சி என அழைக்கப்படுகிறது. இது இரு வகைப் படும்:</p> <ol> <li>கடுமையானது</li> <li>நீடித்தது</li> </ol> <p style="text-align: justify;">கடும் மூச்சுக்குழாய் அழற்சி ஏற்பட்டால் சளியுடன் கூடியதும் சளி இல்லாமலும் இருமல் அல்லது தொண்டையின் பின்புற கரகரப்பு உண்டாகும். இது பரவலான நுரையீரல் தொற்று நோயாகும். எந்த வயதிலும் ஏற்படலாம்.</p> <p style="text-align: justify;">நீடித்த அடைப்பு நுரையீரல் அழற்சியில் சளியுடன் கூடிய இருமல் மூன்று மாதத்துக்கு நீடிக்கும். இவ்வகை அழற்சி இரு ஆண்டுகள் தொடர்ந்து நீடிக்கலாம்.</p> <h3 style="text-align: justify;">நோயறிகுறிகள்</h3> <p style="text-align: justify;">தொடர் இருமலுடன் கட்டி சாம்பல் மஞ்சள் சளியும் (எப்போதும் இருக்கும் என்று கூற முடியாது) வெளிப்படுவதே மூச்சுக்குழாய் அழற்சியின் முக்கிய அறிகுறியாகும். பிற அறிகுறிகளாவன:</p> <ul> <li style="text-align: justify;">நெஞ்சில் இறுக்கம்</li> <li style="text-align: justify;">மூச்சடைப்பு</li> <li style="text-align: justify;">இழுப்பு</li> <li style="text-align: justify;">தொண்டை வலி</li> <li style="text-align: justify;">சிறு காய்ச்சலும் குளிரும்</li> <li style="text-align: justify;">தலைவலி</li> <li style="text-align: justify;">மூக்கடைப்பும் மூக்குபுழை அழற்சியும்</li> <li style="text-align: justify;">உடல் வலி</li> </ul> <h3 style="text-align: justify;">காரணங்கள்</h3> <p style="text-align: justify;">காற்றுக்குழாய் அழற்சி வைரஸ் அல்லது பாக்டீரியாவால் ஏற்படலாம். எனினும் வைரல் அழற்சியே பரவலாகக் காணப்படுகிறது. பெரும்பாலான சமயம் சளிக்காய்ச்சலை உண்டாக்கும் வைரசே காற்றுக்குழாய் அழற்சியையும் ஏற்படுத்துகிறது.</p> <p style="text-align: justify;">பனிப்புகை, வீட்டு உபயோகப் பொருட்களில் இருக்கும் வேதிப்பொருட்கள், புகையிலைப் புகை போன்ற மூச்சுத் திணறல் உண்டாக்குபவற்றாலும் மூச்சுக்குழாய் அழற்சி ஏற்படலாம். இருப்பினும், புகை பிடிப்பதே நீடித்த காற்றுக்குழாய் அழற்சிக்கு முக்கிய காரணமாகும். இது புகைப்பவர்களையும் மறைமுகமாகப் புகையைச் சுவாசிப்பவர்களையும் பாதிக்கும்.</p> <h3 style="text-align: justify;">நோய்கண்டறிதல்</h3> <ul> <li style="text-align: justify;">இரண்டு வாரங்களுக்கு மேல் இருமல் நீடித்தால் மருத்துவரிடம் செல்ல வேண்டும்.</li> <li style="text-align: justify;">அழற்சியை உறுதி செய்ய நெஞ்சு எக்ஸ்-ரே எடுக்கப்படுகிறது.</li> </ul> <h3 style="text-align: justify;">நோய்மேலாண்மை</h3> <p style="text-align: justify;"><strong>கடுமையான முச்சுக்குழாய் அழற்சிக்கு:</strong></p> <ul> <li style="text-align: justify;">ஓய்வு எடுக்கவும்</li> <li style="text-align: justify;">அதிகமாக நீர் அருந்தவும்</li> <li style="text-align: justify;">வலி நிவாரணிகளான பாரசெட்டமால் அல்லது இபுபுரூபன் ஆகியவற்றின் மூலம் தலைவலி மற்றும் உடல்வலிக்கு சிகிச்சை அளிக்கலாம்.</li> <li style="text-align: justify;">புகைப்பதையும் மூச்சுத்திணறல் தரும் பொருளையும் தவிர்க்கவும்</li> </ul> <p style="text-align: justify;"><strong>நீடித்த மூச்சுக்குழாய் அழற்சிக்கு:</strong></p> <p style="text-align: justify;">நீடித்த அடைப்பு நுரையீரல் நோய்க்குத் தீர்வு இல்லை. ஆனால் மேலாண்மையின் மூலம் நோயின் தீவிரத்தைத் தடுத்து அறிகுறிகளைக் குறைக்க முடியும். புகைப்பவராய் இருந்தால் அதை நிறுத்துவதன் மூலம் நிலை மோசமாவதையும் நுரையீரல் மேலும் சேதம் அடையாமலும் தடுக்கலாம்.</p> <h3 style="text-align: justify;">தடுப்புமுறை</h3> <p style="text-align: justify;">காற்றுக்குழாய் அழற்சியைத் தடுக்கும் சிறந்த வழி:</p> <ul> <li style="text-align: justify;">புகைக்காதீர்</li> <li style="text-align: justify;">புகையை சுவாசிக்காதீர்</li> <li style="text-align: justify;">சிறந்த கைசுத்தத்தைக் கடைபிடிக்கவும்</li> <li style="text-align: justify;">குழந்தைகளுக்குத் தகுந்த, பரிந்துரைக்கப்பட்டத் தடுப்பு மருந்துகளைக் கொடுக்கவும்</li> </ul> <p style="text-align: justify;">ஆதாரம் : <a class="external-link ext-link-icon" href="https://ta.nhp.gov.in/" target="_blank" rel="noopener">தேசிய சுகாதார இணையதளம்</a></p> </div>