<div id="MiddleColumn_internal"> <h3 style="text-align: justify;">இளவயது மூட்டு அழற்சி (Juvenile Idiopathic Arthritis)</h3> <p style="text-align: justify;">இது 16 வயதிற்கு குறைந்த சிறுவர்களிடையே ஏற்படுகின்ற மூட்டு அழற்சி நோயாகும். இது 6 கிழமைகளுக்கு தொடர்ச்சியாக காணப்படவேண்டும்.</p> <h3>அறிகுறிகள்</h3> <p style="text-align: justify;">இளவயது மூட்டு அழற்சிக்குரிய அறிகுறிகளாக</p> <ol> <li>உடல் அசதி</li> <li>உடல் மந்தம்</li> <li>பசிக்குறைவு</li> </ol> <p style="text-align: justify;">என்பன ஏற்பட்டாலும் இவை இந்நோய்க்குரிய சிறப்பான இயல்புகள் அல்ல இத்துடன் குழந்தை நடக்கும்போது அவயங்கள் குறுகியது போன்று காணப்படும்.</p> <p style="text-align: justify;">முக்கியமாக முழங்கால், கணுக்கால், மணிக்கட்டு மூட்டுக்களில் வீக்கம் ஏற்பட்டு நோயளியின் அசைவில் கட்டுப்பாட்டை ஏற்படுத்துகின்றது.</p> <p style="text-align: justify;">இந்நோய் ஏற்படுவதற்கான காரணம் என்னவென்று அறியப்படாதபோதும் சூழலியல் காரணங்களே பெரிதும பங்கு வகிப்பதாக நம்பப்படுகின்றது.</p> <h3>நோய் பரிசோதனை</h3> <p style="text-align: justify;">கழியொலிப்பரிசோதனை – இதனால் மூட்டுக்களில் ஏற்படும் வீக்கம், அவை கொண்டுள்ள</p> <p style="text-align: justify;">பாயியின் தன்மை, கூறுகள் என்பன பற்றி இனம் காண முடியும்</p> <p style="text-align: justify;">காந்தப்பரிவுப் படப்பிடிப்பு – இதன் மூலம் மூட்டுக்களில் காணப்படும் மென்மையான</p> <p style="text-align: justify;">இழையங்களிலுள்ள குறைபாடுகள் பற்றி அறிய முடியும்.</p> <h3>நோயின் வகைகளும் பண்பும்</h3> <p style="text-align: justify;">ஒன்றுக்கு மேற்பட்ட மூட்டுக்கள் பாதிக்கப்படல் (ஒலிகோ) இதில் ஐந்துக்கு குறைவான மூட்டுக்களே பாதிக்கப்படுகின்றன. பெரும்பாலும் பெண்பிள்ளைகளில் ஏற்படுகின்ற இவ்வகை நோயானது ஒன்று தொடக்கம் மூன்று வயது வரையான பிள்ளைகளையே பாதிக்கும்.</p> <p style="text-align: justify;">இவ்வகை நோயுள்ளவர்கள் சிறந்த நோய்ப்போக்கினை காண்பிக்கிறார்கள் மற்றொயிட்டு காரணியற்ற பல் மூட்டு அழற்சி இதில் 4 இற்கு மேற்பட்ட மூட்டுக்கள் பாதிக்கப்படுவதுடன் பெரும்பாலும் பாலர் பாடசாலைக் குழந்தைகளிலேயே பெரும்பாலும் ஏற்படுகின்றது. இது ஆண் : பெண் = 1 : 3 என்ற விகிதத்தில் காணப்படுவதோடு நீண்ட கால நோக்கில் சிறந்த நோய்ப்போக்கினைக் காட்டுகின்றது.</p> <p style="text-align: justify;">ஆதாரம்: ஆரோக்கிய தகவல் தளம்</p> </div>