சமூக நலம்

சுய தொழில்கள்

கிரிஸ்டல் நகை தயாரிப்பு

<div id="Middlecolumn_internal">
சமீப காலமாக செயின் பறிப்பு சம்பவங்கள் அதிகரித்து வருகின்றன. இதனால், தங்க நகை அணிந்து செல்லவே பெண்கள் அஞ்சுகின்றனர். மேலும், ஜெட் வேகத்தில்&nbsp; தங்கம் விலை உயர்வதால் நடுத்தர குடும்பத்து பெண்கள் தங்க நகைகளை நினைத்துக் கூட பார்க்க முடிவதில்லை. கிரிஸ்டல் நகைகள் விலை குறைவு. அதே வேளையில் பார்ப்பதற்கு ஆடம்பரமாக காட்சியளிக்கும். பள்ளி, கல்லூரி மாணவிகள், இளம் பெண்கள்&nbsp; கிரிஸ்டல் நகைகளை அணியவே விரும்புகின்றனர். பெண்கள் வீட்டில் இருந்தபடி செய்ய ஏற்ற தொழில் கிரிஸ்டல் நகை தயாரிப்பு. இதில் நல்ல லாபமும் சம்பாதிக்கலாம்.
<h3>உற்பத்தி செலவு</h3>
ஒரு நபர் ஒரு நாளில் 8 மணி நேரத்தில் சிறிய அளவு கிரிஸ்டல் நகை 50 தயாரிக்கலாம். நடுத்தர அளவு என்றால் 15, பெரிய அளவு என்றால் 20 தயாரிக்க முடியும். சிறிய அளவு நகைக்கு ரூ. 90 முதல் ரூ. 110 வரை செலவாகும். நடுத்த அளவுக்கு ரூ. 150 முதல் ரூ. 160 வரையும், பெரிய அளவுக்கு ரூ. 200 செலவாகும்.&nbsp; சிறிய அளவிலான 50 கிரிஸ்டல் நகைகள் தயாரிக்க உற்பத்தி செலவு ரூ. 5500. நடுத்தர அளவு 15 நகை தயாரிக்க ரூ. 2600, பெரிய அளவு 20 நகை தயாரிக்க ரூ. 4000 தேவைப்படும். அனைத்து வகைகளையும் கலந்து தயாரிக்க சராசரியாக ரூ. 5 ஆயிரம் போதும்.
<h3>வருவாய் (ஒரு நாளைக்கு)</h3>
ஒரு நாள் உற்பத்தியாகும் ரூ. 5 ஆயிரம் மதிப்பிலான கிரிஸ்டல் நகைகளை குறைந்தபட்சம் 30 சதவீதம் கூடுதல் விலை வைத்து விற்க முடியும். இதன் மூலம் ஒரு நாள் வருவாய் ரூ. 6500 ஆகும். இதில் லாபம்&nbsp; ரூ. 1500 கிடைக்கும். இதை உழைப்பு கூலியாகவும் எடுத்து கொள்ளலாம். கூட்டாக சேர்ந்து தயாரித்தால் லாபம் இரு மடங்காக அதிகரிக்கும்.&nbsp; ஒரு நாள் தயாரித்ததை விற்ற பின், அதில் கிடைக்கும் வருவாயை கொண்டு அடுத்த உற்பத்தியைத் தொடங்கலாம். இது வீட்டில் இருந்தவாறு தொழில் செய்பவர்களுக்கு பொருந்தும். விற்பனை அளவுக்கேற்ப உற்பத்தியை அதிகரித்தால் வருவாய் கூடும்.
<h3>சந்தை வாய்ப்பு</h3>
சேலை மட்டுமல்லாமல் சுடிதார், சல்வார் உள்ளிட்ட நவீன ஆடைகளுக்கு ஏற்றபடி அணிய கிரிஸ்டல் நகைகள் தயாரிக்கலாம். இவற்றை இளம் பெண்கள் விரும்பி வாங்குவார்கள். குறைந்தபட்சம் ரூ. 150 முதல் அதிகபட்சம் ரூ. 300க்குள் கிடைக்கிறது. நீண்ட நாட்களுக்கு பொலிவு குன்றாமல் காட்சியளிக்கும். கலை நயத்தோடு இருப்பதால் வயதானவர்களும் விரும்பி வாங்குவார்கள். தோழிகளுக்கு பரிசளிக்கவும் பெண்கள் இவற்றை விரும்பி வாங்குகின்றனர்.&nbsp; கிரிஸ்டல்&nbsp; செயின் மட்டுமல்லாமல், கிரிஸ்டல் தோடு, கிரிஸ்டல் கொலுசு ஆகியவற்றையும் எளிதில் தயாரிக்கலாம். தனிப்பட்ட முறையில் விற்பது மட்டுமல்லாமல் பேன்சி ஸ்டோர்கள், கவரிங் கடைகளுக்கும் சப்ளை செய்யலாம்.
<h3>தயாரிப்பு முறை</h3>
கிரிஸ்டல் நகை தயாரிப்பு என்பது தங்க, வெள்ளி நகைகளை போல் உருக்கி, தட்டி செய்வதல்ல. ரெடிமேடாக உள்ள பல வண்ண கிரிஸ்டல் மற்றும் இணைப்பு பொருட்களான சக்கரியா, பால் ஆகியவற்றை சேர்த்து கோர்ப்பது தான்.&nbsp; சிறுமிகள், இளம் பெண்கள், வயதானவர்கள்&nbsp; அணிவதற்கேற்ப குறைந்த நீளம் (ஒரு அடி), நடுத்தர நீளம் (ஒன்றரை அடி), அதிக நீளம் (2 அடி) ஆகிய அளவுகளில் கிரிஸ்டல் நகைகள் தயாரிக்கப்படுகின்றன. முதலில் கிரிஸ்டல் வயர் கம்பியை கட்டரை கொண்டு தேவையான அளவுகளில் வெட்டிக் கொள்ள வேண்டும். 2 பேர் கூட்டாக செய்தால்,&nbsp; முதலில் டாலரை கோர்த்து நடுவில் தொங்க விட்டு, இரு முனைகளில் ஒரு பால், ஒரு சக்கரியா, ஒரு கிரிஸ்டல் கல் ஆகியவற்றை வரிசைப்படி கோர்க்க வேண்டும். அதே பாணியில் தொடர்ந்து கோர்த்து வர வேண்டும். இவ்வாறு இருபுறமும் கோர்த்து முடிக்கும் இடத்தில் கியர் லாக்கை கோர்த்து கட்டிங் பிளேயர் மூலம் முடிச்சு போட வேண்டும். இங்கு ஊக்கு, காந்தம் அல்லது ஸ்க்ரூ பொருத்தினால் கிரிஸ்டல் நகை ரெடி.
<h3>தேவையான பொருட்கள்</h3>
இளம் மற்றும் அடர்த்தியான பல வண்ண கிரிஸ்டல் சிறியது முதல் பெரியது வரையில் 2, 4, 6, 8, 10, 12, 14, 16, 18 ஆகிய எண்களில் கிடைக்கும்.
எண் 2 கிரிஸ்டல் 90 எண்ணிக்கையுள்ள ஒரு ரோல் ரூ. 65, எண் 4 ரூ. 75, எண் 6 ரூ. 95, எண் 8 முதல் 18 வரை ரூ. 100.
சக்கரியா 100 எண்ணிக்கையுள்ள ஒரு ரோல் ரூ. 52, கோல்டு பால் 100 எண்ணிக்கையுள்ள ஒரு ரோல் ரூ. 19.
கியர் வயர், கோல்டு மற்றும் சில்வர் வண்ணங்களில் கிடைக்கும். 100 மீட்டர் கொண்ட ஒரு ரோல் ரூ. 65. கியர் லாக் 100 எண்ணிக்கையுள்ள ஒரு பாக்கெட் ரூ. 52.
ஊக்கு ஒரு செட் ரூ. 7, காந்த ஊக்கு ஒன்று ரூ. 10, ஸ்க்ரூ செட் ரூ. 7 முதல் ரூ. 10. கட்டர், பிளேயர் ஆகியவை தலா ரூ. 100.
நகரங்களில் உள்ள பேன்சி ஸ்டோர்களில் இந்த பொருட்கள் கிடைக்கின்றன.
ஆதாரம்: தீபம் கல்வி மற்றும் பயிற்சி மையம்
</div>

/social-welfare/b9abc1baf-ba4bb4bbfbb2bcdb95bb3bcd/கிரிஸ்டல்-நகை-தயாரிப்பு