சமூக நலம்

மூத்த குடிமக்கள் நலம்

முதியோர்கள் நலம்

<div id="MiddleColumn_internal">
<h3 style="text-align: justify;">முதியோர்கள் நலம்</h3>
இந்திய நாட்டு முதிய ஆண்களில் மூன்றில் இரண்டு பங்கும், 90 முதல் 95 சதவிகிதம் வரை முதிய பெண்களும் கல்வியறிவு இல்லாதவர்களாக இருக்கிறார்கள். மேலும், பெரும்பான்மையான பெண்கள் தனித்து வாழ்கின்றனர். இதனால் அப்பெண்களின் பொருளாதார சார்பு மிக அதிகமாக உள்ளது.
பெரும்பான்மை முதியோர்கள் பார்வையற்றவர்களாக, வேலை செய்ய இயலாதவர்களாக இருப்பதால், பொருளாதார ரீதியாக அவர்கள் மற்றவர்களை சார்ந்திருப்பார்கள். குடும்பத்தினரின் ஆதரவு இல்லாத போது, அரசாங்கத்தின் உதவியை அவர்கள் எதிர் நோக்கி இருக்க வேண்டிய சூழல் உருவாகிறது.
மாநில அரசும், யூனியன் பிரதேசங்களும், ஊனமுற்றோருக்கும், ஆதரவற்றோருக்கும் பொருளாதார ரீதியாக உதவுவதற்காக ஏற்படுத்திய போதும், மாதம் ஒன்றிற்கு ஓய்வூதியத் தொகை (அ) உதவித் தொகையாக ரூ. 30 முதல் ரூ. 60 வரை மட்டுமே பெறுகிறார்கள். மேலும், போதுமான நிதியின்மையால் தகுதியானவர்களில் சிறுபான்மையினரே இத்தகைய உதவியினை பெறுகிறார்கள்.
இந்தியாவில் முதியோர்களை, பலமான குடும்ப பாசம் மிகவும் வலிமையாக கட்டி வைத்திருக்கிறது. குடும்பத்திலுள்ள முதிய உறுப்பினர்களை பேணிப் பாதுகாக்காதவர்களை சமுதாயம் மதிப்பதில்லை. ஆதலினால் குடும்பத்தின் மூத்த உறுப்பினர்களை பாதுகாத்து அவர்களது துன்பங்களை தீர்க்கும் வகையில் குடும்பத்தின் தன்மையை அமைத்துக் கொள்ளுதல் இன்றியமையாதது. முதியோர்களை மனித வளம் என்று கொள்ளல் வேண்டும்.
அவர்களது உயர்ந்த அனுபவ அறிவினையும், மிச்சமுள்ள ஆற்றலையும் நாட்டின் வளர்ச்சிக்கு ஆக்கப்பூர்வமாக உபயோகித்துக் கொள்ள வேண்டும். முதியோர்களின் ஆரோக்கியமான பயனுள்ள வாழ்விற்கு அரசாங்கம் ஆவன செய்தல் வேண்டும்.
<h3 style="text-align: justify;">தேசிய சமுதாய உதவித் திட்டம்</h3>
தேசிய சமுதாய உதவித் திட்டம் 1995 ஆம் ஆண்டு 15 ஆம் தேதி முதல் அமலுக்கு வந்தது. இத்திட்டம் அரசியல் அமைப்பின் செய்முறைக் கொள்கை ஆணை - சட்டம் 41 மற்றும் 42&nbsp; (Directive Principles in Article 41 and 42 of the Constitution) -ஐ நோக்கி, ஒரு குறிப்பிடத் தகுந்த அடியினை எடுத்து வைத்துள்ளது. முதுமை, குடும்பத் தலைவரின் மரணம் மற்றும் பேறுகாலம் போன்ற சமயங்களில், ஏழ்மை நிலையில் இருப்பவர்களுக்கு, உதவுவதற்காக ஒரு தேசிய சமுதாய நல உதவித் திட்டத்தை ஏற்படுத்தியுள்ளது.
இத்திட்டம் பின் வரும் மூன்று பிரிவுகளை உள்ளடக்கியுள்ளது:
1.&nbsp;&nbsp;&nbsp; தேசிய முதியோர் ஓய்வூதியத் திட்டம் (National Old Age Pension Scheme (NOAPS)) 2.&nbsp;&nbsp;&nbsp; தேசிய குடும்ப நலத் திட்டம் (National Family Benefit Scheme (NFBS)) 3.&nbsp;&nbsp;&nbsp; தேசிய பேறுகால நலத் திட்டம் (National Maternity Benefit Scheme (NMBS))
பல்வேறு இடங்களில் இருந்து வந்த ஆலோசனைகள் மற்றும் மாநில அரசின் கருத்துகளின் அடிப்படையில் இத்திட்டங்கள் அனைத்தும் 1998 ஆம் ஆண்டு ஓரளவு திருத்தப்பட்டது. திருத்தப்பட்ட இத்திட்டங்களின் சிறப்பு அம்சங்கள் பின்வருமாறு:
இத்திட்டத்திலுள்ள தேசிய முதியோர் உதவித் தொகை திட்டத்திற்கு மத்திய அரசின் உதவியும் உள்ளது. இவ்வுதவியினைப் பெற வேண்டிய தகுதிகள்:
<ul style="text-align: justify;">
<li>விண்ணப்பதாரரின் வயது (ஆண் அல்லது பெண்) 60 அல்லது அதற்கு மேல் இருக்க வேண்டும்.</li>
<li>விண்ணப்பதாரர், ஆதரவற்றவராகவோ, ஏழ்மையில் இருப்பவராகவோ, பொருளாதார ரீதியில் உதவ யாரும் இல்லாதவராகவோ இருத்தல் வேண்டும்.</li>
<li>முதியோர் உதவித் தொகை மாதத்திற்கு ரூ. 200 (80 வயதுக்கு மேல் உள்ளவர்களுக்கு ரூ. 500)</li>
</ul>
மூலம்: Aging in India: Its Socioeconomic and Health: By H.B. Chanana and P.P. Talwar, Implications Asia-Pacific Population Journal, Vol. 2, No. 3 37
</div>

/social-welfare/baebc2ba4bcdba4-b95bc1b9fbbfbaeb95bcdb95bb3bcd-ba8bb2baebcd-1/முதியோர்கள்-நலம்