অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

உற்பத்திக்கு ஏற்றவாறு பண்ணைக்கொட்டகையினை வடிவமைத்தல்

உற்பத்திக்கு ஏற்றவாறு பண்ணைக்கொட்டகையினை வடிவமைத்தல்

சுற்றுப்புற சூழ்நிலைகள் கட்டுப்படுத்தப்பட்ட கொட்டகை

  • கால்நடைகளின் மீது சுற்றுப்புற சூழ்நிலைகளின் கெடுதல் பலன்கள் ஏற்படுவதைத் தடுக்க சுற்றுப்புற சூழ்நிலைகள் கட்டுப்படுத்தப்பட்ட பண்ணைக் கொட்டகைகள் அமைப்பது தற்போது பிரபலாமாகி வருகிறது.
  • வெப்பமான பகுதிகளில் அமைக்கப்படும் கட்டிடங்களில், கட்டிடங்கள் கட்டப் பயன்படும் பொருட்கள், கட்டிடங்கள் அமைக்கும் முறை போன்றவை கூரை, சுவர் மற்றும் சுற்றியுள்ள நிலப்பகுதி போன்றவற்றின் மூலம் வெப்பத்தை கடத்தாவண்ணம் தேர்ந்தெடுக்கப்பட்டு பயன்படுத்தப்படுகிறது.
  • வெப்பத்தை கடத்தாப் பொருட்களைப் பயன்படுத்துவதால் வெப்பம் கடத்துவது கட்டுப்படுத்தப்படுகிறது.
  • கால்நடைகளுக்கு ஏற்ற காற்றின் வேகம், ஈரப்பதம் போன்றவை கட்டிடங்களில் பராமரிக்கப்படுகிறது.
  • மேற்கூறிய எல்லாக் காரணிகளும், கால்நடைகளின் உற்பத்தித்திறன், கருவுறும் திறன், குட்டிகளை ஈனும் திறன் போன்றவற்றில் நன்மை தரும் விளைவுகளை ஏற்படுத்துகின்றன.

பொருட்களின் தரம்

  • ஒரு குறிப்பிட்ட முறையில் வடிவமைக்கப்பட்ட கட்டிடங்களில் பராமரிக்கப்படும் மாடுகள் மற்றும் கோழிகளிலிருந்து அதிகத் தரம் வாய்ந்த பால் மற்றும் முட்டைகள் உற்பத்தி செய்யப்படுகிறது.
  • உதாரணமாக, இயந்திரம் மூலம் நகரும் தரைப்பகுதி அல்லது சாய்வான தரை அமைப்பு கொண்ட கோழிப்பண்ணையில் பராமரிக்கப்படும் கோழிகளிலிருந்து சான்றளிக்கப்பட்ட உயர் தர முட்டைகள் உற்பத்தி செய்யப்படுகின்றன.
  • பார்லர் முறையில் பால் கறக்கப்படும் கறவை மாடுகளில் இருந்து பெறப்படும் பால் குறைந்த அளவு பாக்டீரியாக்கள் கொண்ட உயர்ந்த தரம் வாய்ந்ததாக இருக்கிறது.

பண்ணையாட்களை கட்டுப்படுத்துதல்

  • கால்நடைப் பண்ணைப் பராமரிப்பில், வேலையாட்களுக்கு அளிக்கப்படும் சம்பளத்திற்கு மட்டுமே அதிகம் செலவாகிறது.
  • பண்ணைக் கட்டிடங்களை முறையாக வடிவமைப்பதால், வேலையாட்களின் வேலை செய்யும் திறன் அதிகரிக்கப்படுவதுடன், வேலையாட்களுக்கு ஆகும் செலவும் குறைகிறது. இரண்டு வரிசையில் மாடுகள் கட்டுமாறு அமைக்கப்பட்ட பண்ணைக் கட்டிடங்களில் பண்ணையாட்கள் ஒரே சமயத்தில் இரண்டு வேலைகளை செய்யலாம்.
  • தீவனம் எடுத்துச் செல்லும் வழி, பால் கொண்டு செல்லும் வழி, முட்டை எடுத்து செல்லும் வழி, மாடுகளை எடை போடுவதற்கான தனியான மேடை போன்றவற்றை வடிவமைப்பதால் பண்ணையில் வேலையாட்களுக்கான செலவைக் குறைக்கலாம்.

நோய்த்தடுப்பு

  • பண்ணையில் கால்நடைகளைத் தாக்கும் நோய்களைக் கட்டுப்படுத்துதற்கு முறையான பண்ணைக் கட்டிட வடிவமைப்பு அவசியமாகும்.
  • எளிதில் கழுவி விடும் வகையிலும், நல்ல வடிகால் வசதியுடன் அமைக்கப்பட்ட தரை, கழுவி விடும் வகையில் வடிவமைக்கப்பட்ட சுவர்கள் போன்றவை பண்ணையில் நோயினைக் கட்டுப்படுத்தும்.
  • பண்ணைக்கு ஏற்ற பொருத்தமான வடிகால் வசதி, பண்ணையிலுள்ள கால்நடைகளின் கழிவுகளை சுகாதாரமாக அப்புறப்படுத்துதற்கு தேவைப்படுவதால், கால்நடைகளைத் தாக்கும் நோய்களை தடுக்க உதவி புரிகிறது.
  • கால்நடைக் கொட்டகையின் தரையானது, ஈரத்தன்மையில்லாமல் அமைக்கப்படுவதால், பண்ணையின் உட்பகுதியில் அதிகப்படியான ஈரப்பதம் இல்லாமல் பராமரிக்கப்படுகிறது. இதனால் இளம் கால்நடைகளுக்கு சுவாச மண்டலக் கோளாறுகள் தடுக்கப்படுகின்றன.
  • பண்ணைக் கட்டிடங்களின் வரையறுக்கப்பட்ட உயரம்
  • அந்தந்தப் பகுதியில் நிலவும் தட்பவெப்பநிலைகளுக்கு ஏற்றவாறும், கூரை அமைக்கப் பயன்படுத்தப்படும் பொருட்களுக்கு ஏற்றவாறும் பண்ணைக் கட்டிடங்களின் உயரம் வடிவமைக்கப்படவேண்டும்.

பண்ணைக் கட்டிடங்களின் நீளம்

  • பண்ணைக் கட்டிடங்களின் நீளம் எப்படி வேண்டுமானாலும் அமையலாம். பண்ணையில் பராமரிக்கப்பட வேண்டிய கால்நடைகளின் எண்ணிக்கையினைப் பொருத்து கட்டிடத்தின் நீளம் வேறுபடும்.
  • பண்ணையிலுள்ள மொத்த கால்நடைகளின் எண்ணிக்கையினைப் பொருத்து பண்ணைக் கொட்டகையின் நீளம் கணக்கிடப்படுகிறது.
  • உதாரணமாக, பண்ணையில் 15-20 கறவை மாடுகள் ஒற்றை வரிசையிலும், 20-50 மாடுகள் இரட்டை வரிசையில் கட்டி பராமரிக்கப்பட வேண்டுமென்றாலும், 50 மாடுகளுக்கு மேல் பராமரிக்கப்பட வேண்டுமென்றால் தனியாக கொட்டகை அமைக்கப்படவேண்டும்.

ஆதாரம் : தமிழ்நாடு கால்நடை கல்லூரி மற்றும் ஆராய்ச்சி மையம்



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate